老厝邊

營業中

休息中

一向係炸甜不辣嘅愛好者，所以難得去荃灣午餐，就周圍搵吓有邊間台灣嘢有炸甜不辣食。openrice search完發現喺荃灣廣場斜對面有間高rating嘅台灣菜館，即管就去試一試！荃灣廣場對面嘅大壩街同享和街出面多餐廳，所以食飯時間嚟一定周圍都係人。跟住google map，果然係會行過籠！所以記得望清楚街號。餐廳有上下2層，入面有舊台灣風格嘅裝修，值得打卡。平日午市時段多一個套餐-$10嘅優惠！本來想試一試牛肉麵，但睇相俾紅糟肉吸引咗！所以最後點咗紅糟肉便當同凍峰蜜檸檬椰果，另外加咗一份炸甜不辣。凍峰蜜檸檬椰果🍋已經揀咗微糖少冰，但可能係峰蜜嘅關係，仍然係超！級！甜！飲咗一半後真係頂唔順，加咗水沖淡先ok！但整體其實味道好好，加上椰果份量都多！紅糟肉便當🍱正宗嘅台式紅糟肉會用五花腩，店內嘅紅糟肉同樣肥瘦參半。現炸所以外層非常香脆，加上可能切得細細條嘅關係，咬落完全唔似食梗肥膏。再配上帶甜嘅醬汁，感覺就似食梗炸蜜汁叉燒，食完一舊就會停唔到想食下一舊！台式便當通常會跟幾款配菜，今日有涼拌椰菜花，炒蒿筍片，炒大豆芽，跟半隻鹵蛋。配菜不過不失，有啲蔬菜食吓都係好事。炸甜不辣🍤甜不辣嘅叫法源自日

之前係大角咀總店食過 印象記得都係唔錯既一間食店🤔新分店開到黎食肆臨立既荃灣 一於去試吓佢質素仲保唔保得住😌下晝三點黎到 人山人海爆晒場 不過唔算等咗好耐就有位✌🏼食店分咗兩層 帶有少少古舊風格 環境唔算十分闊落➷食物選擇有好多 基本上台式麵食小食呢啲都應有盡有🍜經典啲既台式飲品佢都有包辦埋 款式大路 選擇眾多😂➷🔸眷村紅燒牛肉麵湯底未算係好濃郁 不過夠香 有淡淡既牛肉味😋麵都偏向爽身 唔會腍晒 口感黎講都岩岩好👍🏼牛肉係非常之厚切 又大塊🤭個種五香都幾入味肉質可以再腍少少就會再好啲😌➷🔸薯餅起司蛋餅蛋餅係出色既 見佢有薯餅蛋餅 覺得好新穎 忍唔住就試吓😂煎得好靚 餅皮唔會過厚 內餡包得夠扎實 唔會散收收👍🏼味道上都唔需要刻意再調味 因為本身薯餅既味道已經好突出再加上厚厚既芝士 基本上就已經好perfect🤤➷🔸塔香鹹酥雞🔸炸甜不辣小食份量都幾多 炸雞既鹹香味幾出 而且夠晒香脆雞肉唔會乾身🍗入面既肉汁都保留到 配上塔香味絕配😌最近真係好鍾意食甜不辣 因為佢既煙韌口感😋基本上味道各方面都無特別問題👍🏼➷🔸珍珠鐵觀音奶茶🔸超級檸檬紅茶飲品方面都唔太差😌茶味唔太重 珍珠有咬口甜度可以控制 所

是日到咗荃灣嘅老厝邊，一入到去有耳目一新嘅感覺，裝修懷舊同簡約。主食叫咗個小滷肉飯同真心滷肉便當。真心唔明點解個便當變咗好似三餸飯咁裝住😂😂無以前便當盒🍱咁靚😓。滷肉飯幾肥油份夠其實味道夠啱我呢種重口味人士，可惜嘅係便當比單叫小滷肉飯貴$16左右，但兩者滷肉飯份量差唔多。可能因為多咗配菜啦，但真心今次配菜麻麻。我不嬲中意食配菜，但今次味道好淡，唔夠味，菜本身嘅味道都唔特出。不過小食味道非常讚，叫咗炸甜不辣同起司肉鬆蛋餅，分別係$30同$38，好抵。炸甜不辣感覺新鮮整好唔耐，外面夠脆，入面仲好軟。蛋餅超正，cheese 配肉鬆好夾，加埋佢啲醬汁更加正。仲叫咗冬瓜茶正常。其實整體算唔錯嘅，因為食咗咁多都係$200左右，味道都唔錯，係個便當有啲怪🤡

[ #caloriefoodie荃灣]• 老 厝 邊 •🐿某日打算去住荃灣既朋友屋企整馬卡龍就問佢有啲咩餐廳好推介 佢一共俾咗四間我揀當我逐間openrice睇既時候 就俾啲蛋餅吸引住所以我去呢間餐廳雖然係正餐時間 但食咗唔少小食-🍳超濃芋泥蛋餅 💰$38近排迷上咗有關香芋、芋泥既所有產品見到有芋泥味蛋餅就二話不說揀咗 果然無令我失望蛋餅皮既厚度剛剛好 而且煎到某部份會脆脆地而且啲料包得好實 唔會一夾就散開 整體味道口感唔錯暫時係我係香港食過幾好食既蛋餅-🍳起司肉鬆蛋餅 💰$35有芝士既食物真係要襯熱食 凍咗就拉唔到絲啦肉鬆係呢個蛋餅既主角 多料到咬一啖會跌肉鬆出黎比較鐘意有芋泥個款 口感味道更加豐富-🍟炸甜不辣 💰$30甜不辣係一款煙韌既台式小食 煙韌控好好滿足但調味方面 覺得落得太多椒鹽粉 又鹹又辣-🍳肉鬆皮蛋豆腐 💰$38朋友話食過阿元來了同一款小食 但份量得布甸樽相比之下 呢間既肉鬆皮蛋豆腐好大方 份量好多 而且賣相擺盤都幾靚 整體好食 豆腐好滑!-🍚小滷肉飯 💰$30又話係小滷肉飯 點知我都係覺得超級大碗打算配埋啲小食一齊食 但俾蛋餅既芝士搞到滯咗滷肉偏瘦同乾 因為我鐘意食比

噚日(28-8-2021 Sat)晏晝,同老公又去送膠,送完佢又話要飲嘢=.=”,我哋行經新期新開,但未幫趁嘅呢間,於是入去坐.我哋睇完menu,決定要:4. $30.00嘅炸甜不辣其實我哋唔記得咩係甜不辣,老公記得係一條條煙煙韌韌嘅嘢,端上嚟見到,外貌似薯角,食吓先,熱騰騰,的確係煙韌嘅,而佢其實係魚肉,咁咪即係炸魚片?咁我記得我哋喺火炭食過喇(食評係2018年4月14日刊登嘅呢篇: https://www.openrice.com/zh/hongkong/review/%E4%B8%80%E9%82%8A%E6%87%B7%E8%88%8A%E4%B8%80%E9%82%8Ahea%E5%A5%BDo%E6%97%A2%E5%9C%B0%E6%96%B9-e3023217).而雖然佢叫做甜不辣,但佢唔甜,但洒咗啲粉變咗有少少辣.2.凍 $30.00嘅綿綿芋頭鮮奶啖啖芋頭粒,味道口感正常冇問題.1. $24.00熱現煮冬瓜鮮奶呢個覺得有啲甜,初初覺得味道有啲怪,但飲飲吓,覺得味道有啲熟,記起喇,有啲似我屋企自己加奶煲嘅綠豆糖水.3. $35.00嘅香炸魷魚炸得外脆,魷魚絲口感正常,老