炸理滷味

步入燈紅酒綠的砵蘭街， 目光便不由自主地被懸掛在半空中的霓虹光管和招牌吸引過去，👀👀 而其中有間食店裝修耀眼奪目， 店名完全貼合剛下班，再加上受到一連串的委屈而想發洩情緒的我， 我的話句留在嘴邊，視線留在那裏－「炸理滷味」。👻👻👻 香港地真的無奇不有，有趣店名層出不窮， 以諧音粗口吸引食客目光， 幽人一默又非辱罵， 唔通我鬧你又要話你知？🤓 雖然舖位不大，但港味十足， 整家餐廳的內外裝修都以80年代懷舊為主題， 舊式電燈膽，唐樓和冰室專屬的綠白色地磚和牆壁， 加上牆上貼滿一張張許冠傑呀，譚詠麟的唱碟， 伴着懷舊粵語流行曲，來懷下舊也不錯～🤓 餐廳可以堂食或外賣， 不過座位不多，有機會要立食啊！😏🙈 實際上，店家並非純粹想為食字而食字， 而是「炸理滷味」確實主打炸物和滷味～ 餐牌有多款小食和少量麵飯， 熱辣辣的炸雞髀、炸串 、芝士、串燒和滷味等都有， 迎合不同食客所需。😏 滷味雞髀餐（$35） 滷味雞髀可以單點，$25一大隻， 還可以$38套餐價加配青檸梳打， 有話梅、柚子或荔枝三種口味可選擇。 雞髀肉嫩滑多汁， 微微散發着瑞士汁的甜、花椒八角的五香， 不錯吃！😋 飲品我選了青檸柚子梳打， 酸甜醒胃的青檸汁，香甜的柚子果肉和刺激口腔的梳打的配搭，Refreshing得很～ 炸理芝心海龍波波（細）（3粒）（$28） 乒乓波的大小，外皮炸得酥脆金黃， 肉丸咬落彈牙，滲透出蝦的鮮味， 更有香濃芝士湧出，還可拉絲，好邪惡呀！😍 😍😍 還可蘸少許黑松露蛋黃醬一齊食，但切記要小心芝心燙口。🙊 不愧是店家的主打，還每日限量供應， 不過小編比較幸運，是當天最後一份😎，想食就要趁早去啦！🙊🙈 炸串和牛粒（$15） 炸串墨魚汁香腸（$10） 小編本來不喜歡吃炸野， 但這裏的炸物將麵包糠打成粉末狀，令脆漿更薄身，不會食到成口粉，好貼心呀！😍 墨魚汁香腸咬落去卜卜脆，和台灣香腸差不多，不錯吃！😋 滷味大全（$25） 有鴨舌、大腸和雞腎，價錢都算合理～ 店內所用的滷水膽是自家調校出來， 滷水調校得比較甜，但又不失滷水香。😳 鴨舌雖然少肉，但入味得很！👍🏻 大腸肥美，口感軟腍，但不失嚼勁 肥膏的油脂香和微甜的滷水汁混和一起，正！😋 雞腎爽而不韌，好味喎！ 除了鴨舌、大腸和雞腎外，這裏亦有滷味雞翼尖、豬手和雞全翼。 值得一提的是， 店家除懷舊裝修外，還明撐本地貨！🇭🇰 店內有近20款本地手工啤和生啤， 當中的麥子、門神、獅子山啤是香港製造的呢！ 晚上8:30後還有優惠呢！😳 啤酒配搭香口炸物，一人一串，再啤啤佢，諗起都正！😎…查看更多

日前在旺角被這間賣炸物及滷物的「炸理滷味」吸引，店名擺到明玩口術，但估到食物的水準又不俗喎。店子主力做外賣，但亦有椅子比你坐低慢慢食。裝修型仔得來企理乾淨，配埋店裏所播的八、九十年代粵語流行曲，感覺有懷舊風！這裏的食物主要分炸物、滷味及少量粉麵。不過，最吸引我的還是炸串。叫了一個$46的「炸理五串」，分別有炸串和牛粒、炸串黑豚五花腩、炸串墨魚汁香腸、炸串多春魚及炸串南瓜。除了沒提供沾汁（有提供沙律醬），基本上同我在大阪所吃的日式炸串分別不大，而且還尚算便宜呢。炸串中以豬腩肉最有咬口，炸南瓜也不俗。不過，最好味係個額外order的炸理芝心海龍波波，簡單來說便是炸芝心蝦丸。蝦丸本身夠彈牙，就咁食已甚好，加埋丸內釀入的流心芝士，雙倍和味也！滷味方面，只叫了一串鴨舌。滷得幾入味，鴨舌亦軟熟，但稍嫌size細舊了一點。看來下次再來的話，專心食炸串好了。…查看更多

約了幾個好友在朗豪坊看電影，距離開場時間不足一小時，坐下來吃晚飯覺得好趕，但若果不醫肚又覺得捱餓看電影很不自在.... ...正在苦惱在街邊吃什麼小食時，便發現燈火通明的一間小食店 - 炸你滷味! 店名有夠搞鬼吧!外面看，招牌好似舊式電影院呢!店內是立食的，沒有椅子，但只是吃小食，而且趕著看電影，不會坐下來慢慢聊天，所以也沒所謂啊! 況且，立食也別有風味呢!食物選擇好多，有炸有唔炸，唔炸的話可以吃滷味!我最喜歡吃滷水雞翼，但今晚太餓了，所以我改為食滷水雞脾，雞肉很嫩滑，啖啖肉，滷水夠晒入味，正!好友點了炸理雞脾，看著就覺得好正，我忍不住咬了一口，脆卜卜，好惹味呀作為滷水迷，當然再點一些滷水豬大腸、鴨舌等過口癮，滷水好入味好正呀!店內宣傳寫炸理芝心海龍波波是每日限量的食品，當然要一試啦!芝士好香濃，好好味呀!這是另一位好友選的滷味東坡肉飯，好懷舊呀這是邪惡的軸心，我好喜歡呀，但不敢吃太多，只吃一口，哈哈哈之後大家再開心Share炸魚柳薯條，魚柳好滑好好味呢!還有炸你十味，顧名思義有十種不同的食物，樣樣都好正呀!當中我最喜歡炸午餐肉及翠玉瓜。這裡還有手工啤酒，若不是要看戲，一定會點一支來喝呢!要留意啊，吃飽飽後記得自己收拾垃圾啊! 喜歡掃街的朋友，不妨試試這間店，尤其夏天快來，這裡站著便可以掃街，還有冷氣有凍飲呢=P…查看更多

「Li老味」係咪粗口？我就唔知！但「炸理滷味」我就知道係呢間旺角炸物滷水立食店的舖名！可能因為呢個咁有霸氣嘅名，老闆揀咗砵蘭街開鋪，相信對活躍附近嘅「居民」或者消遣嘅朋友特別有親切感。鋪頭裝修係近年流行嘅懷舊風。紙皮石彩地磚，80年代嘅唱片封套，懷舊嘅枱櫈，萬壽無疆嘅餐紙盒，仲播住懷舊粵語流行曲。招牌菜就有炸理芝心海龍波波用上蝦膠墨魚膠包住水牛芝士同車打芝士，乒乓球咁大粒，口感彈牙，嫌太寡…仲可以點埋黑松露蛋黃醬。至於必食仲有呢隻雞髀，可以揀炸或滷！滷水髀算幾大隻，肉質嫩滑好入味，唔夠皮？仲可以試埋佢嘅東坡肉，大大塊好腍身，入口即熔。…查看更多

店名「炸理滷味」一聽難忘！朋友說想去一看究竟，所以昨晚就跟朋友去試下啦！首先，店面很有香港的懷舊風味！店內播放的也是80年代的金曲～裡內是立食的因此沒有座位～感覺有點像日本的居酒屋，就是下班後跟同事吃點小食喝杯啤酒再回家的小食店！因為主要食炸物，所以先點了一杯青檸柚子梳打$18（跟雞肶餐的話只需$38），用它來配炸物感覺剛剛好，味道不太酸，食物也不會覺得太油膩！首先食的是滷味，未食聞到個汁已經覺得好香好吸引！滷味大全$25特別是滷味滷水雞肶（$25/隻）...味道一流，很惹味！超級推介除了滷水之外，仲有炸雞肶！⇡同埋，最搶手的炸理芝心海龍波波（$38）熱辣辣之餘仲有拉絲芝士～炸理珍寶魚柳薯條（$38）連薯條都好好味🙈滷味東坡肉飯（$28）最後，不得不說這個「炸理十串」$68當中有意想不到的午餐肉，除了特別之外～也很香港口味呢！當然要是想跟朋友慢慢聊天的話也許不太方便！但如果是純粹想食點小食，然後繼續行街的話就很不錯囉！既可以在繁忙的旺角有個小小的空間，食著香港人口味的小食，最重要是又不用像掃街一樣連企定定的位置都沒有！…查看更多

之前Facebook 介紹過炸理滷味，店名只看一次必定讓人牢牢記住，今晚相約幾位好友，一行四人出旺角掃街，一於去試試～店舖裝橫充滿懷舊風情，店內更播放著經典懷舊歌曲，雖然沒有座位，但站立品嚐著懷舊小食才夠風味呢！小食款式甚多，分炸物及滷水兩類，價錢貼地～還有多款手工啤酒，包裝也很精美～單點外還有套餐，另外特飲也是懷舊款式～我們2人點了青檸話梅梳打，另外2人點了青檸柚子梳打，每杯$18，但跟雞肶餐則只需$38，所以我們點了一個炸理雞肶套餐+一個滷味雞肶餐還是第一次接到滷水雞肶會如此香氣撲鼻，這裡的滷水汁不是單一咸味，還帶甜味，而且很香，雞肶非常入味，肉質嫩滑，推👍🏻再來滷味大全$25，包括雞腎、鴨舌和大腸，忍不住要再讚這個滷水汁，雞腎爽滑，大腸軟綿，全部都好入味～每日限定，也是必食的炸理芝心海龍波波$38，這個波波非常香脆可口，記得要點醬，味道有點像炸蟹鉗，個內裡加了拉絲芝士，令蟹肉味提鮮，推👍🏻炸理珍寶魚柳薯條，魚柳脆卜卜，肉質鮮嫩又啖啖肉，炸粉不會太厚，吃得出魚柳鮮味，而且薯條也炸得很好味啊，魚柳和薯條灑上淮鹽已經很夠味了，讚👍🏻滷味東坡肉飯$28，是滷味中最邪惡的，東坡肉也頗為大件，深入飯中間，如此邪惡當然交給男士去K.O，女士淺嚐好了😂輪到炸理之中最邪惡的炸脾了，雞皮香脆，肉質同樣嫩滑，但單以味道比較，我較喜歡滷肶，沒辦法，這𥚃的滷水汁太出色了😝最後來個炸理十串$68，當中包括：和牛粒、黑豚五花腩、櫻花芥末腸、午餐肉、多春魚、玉子、翠玉瓜、蓮藕、粟米仔和鮮冬菇，喜歡這店炸漿不會太厚，炸的時間恰到好處，不會令食物炸到失去水份，同時又不會因時間不足令食物(特別是蔬菜)水物過多而失去炸物的香脆，過往出旺角掃街總是邊行邊食，有時候站在街邊吃也會有點狼狽，現在在炸理滷味吃著懷舊掃街小食，三五知己圍著小圓枱邊吃邊傾，更是滋味😋…查看更多

離旺角朗豪坊不遠、地點尚算易找的炸理滷味, 從開鋪就已經引起注意, 因為店鋪名字當然是相當頂癮, 怎能不印象深刻! 最近終於去吃了, 店鋪經營兩類食物- 炸理、滷味, 由於是立食, 店鋪面積不大, 眼多很多顧客也是等外賣取走。我們到埗時剛等到靠牆的位置, 就一邊聽著店內播放的音樂, 一邊等候食物. 牆上掛有70、80年代歌星的黑膠唱片封套, 歌曲大半是那些年代的. 店內裝潢很特別, 用細格仔階磚, 很有冰室感覺. 等候時間比想像中長, 尤其於繁忙時段, 店鋪內逼得水洩不通. 先說炸理, 芝心海龍波波應該是店鋪招牌之作, 芝士爆出啦~ ~ 就這樣吃, 熱辣辣有拉絲效果, 味道不錯. 但強烈建議沾黑松露醬, 味道截然不同, 加分十倍!!波波不厚粉, 丸夠彈牙而芝士溶得十分理想. 炸理雞肶或滷味雞肶配特飲售價$38, 與連鎖店快餐雞肶加紅豆冰, 價格差不多, 特飲有青檸話梅梳打, 酸酸味味又清新, 是我喜歡的口味! 一接到炸雞肶一刻, 非常熱辣辣, 不敢立即咬下, 還是放涼一點才吃. 雞肶炸得鬆脆而肉仍然夠滑, 自己吃一隻就很難再吃其他東西. 炸串紐西蘭特大啡菇, 炸粉很薄, 咬下去仍然十分多汁而不覺油膩, 可encore.炸一口三角芝士, 芝士不是濃郁那種, 但都算軟滑. 最緊要是不覺油膩; 炸秋葵很難炸得好吃, 這條有點過軟; 炸串玉子屬普通. 雖然很想吃炸豆腐及炸露筍, 但當晚缺貨, 唯有留待下次再去啦~滷味沒有點太多, 滷味雞翼尖$18一份, 連骨也非常入味, 用來配酒更是一流! 軟腍度適中, 不會很爛.滷味豬手件件大小均稱, 豬皮的脂肪都迫了出來, 因此連皮吃也不覺肥膩, 豬手肉一點也不韌, 非常美味. 除了特飲, 也很極多手工啤酒, 名字還很有趣, 例如孫悟空琥珀啤酒、一代宗師、獅子山下等. 如想 '隊返杯!勝既!' 不要在雪櫃自取, 而是要向收銀落單啊~另外, 立食時看到這細小的紅色信箱, 很有趣. 值得一提, 牆上有提示, 顧客要自行處理吃完的食物盒, 保持地方清潔. …查看更多

炸理滷味 第一次是在Facebook 發現時，已經好想好想來，仲要開在旺角砵蘭街這個燈紅酒綠的地方，呢個名確實充滿黑色幽默。玩味的店名，點明店子售賣的食物：炸物炸串 及 鹵味，亦有幾款飽肚的鹵肉飯。店子不大並無座位可讓客人坐下慢慢吃，但邊聽住舊歌邊飲手工啤係爽的。相信而家無咩人知道黑膠唱片是什麼吧？這裡有一台真唱機，可以聽歌的。炸理芝心海龍波波 – $38／5粒一份有5粒芝心蝦丸，因為係即叫即炸的，所以食時要小心熱。蝦丸入面釀咗兩款芝士，咬開見到半溶化的芝士餡，可幸的不會油淋淋。附上自家製的黑松露沙律醬更好味。爽彈的蝦丸加埋濃郁的芝士，炸得不油不膩，難怪是店中熱賣小食。炸理五串（另有十串選擇）貌似天婦羅，但炸漿比較薄身，油膩感不重，最好食係炸蔥花腩肉，厚身啖啖肉！炸理雞肶 / 滷味鹵水雞肶 – $25／隻雞肶有炸同滷水，價錢一樣，size不如三多的大，但都有手掌咁大的，仲用兩支竹籤叉住方便進食，呢度的鹵水雞肶是即叫即做的，不是浸了很久那種，食的時候熱辣辣，肉質嫩滑，夠入味之餘亦不會太鹹。相對來講，我會比較喜歡 炸理雞肶，炸肶應有的佢都係滿分，例如外層炸粉夠脆，雞肉嫩滑，就算我地影相玩左一陣，咬開時都仲有肉汁。自己未食過三多，所以比較唔到。滷味滷肉撈丁 $28食食下見到人地個萬壽無疆的紙碗，覺得好靚好懷舊，問店員，佢話三款飯丁都會用呢個碗，咁我又要，笑！呢度的滷水膽真心不得了，夠味又唔會好咸。不過丁麵就著得太熟太濕了，撈的時候有d淋淋地，喜歡爽口感覺的就覺得有點失色。如果可以控制得好d就好啦～滷味大腸大腸肥美甘香，從鹵水顏色已經知道好入味，但醬汁食落唔會死鹹，仲會甜甜地㗎！…查看更多