阿四車仔麵

去到旺角想食個快餐，黎左呢間車仔麵試下。叫左碗牛腩，麻辣魚蛋配油麵。牛腩味道都幾濃味，只係老左少少。魚蛋幾彈口而且辣味唔算太重，怕辣嘅人都食得。麵質偏向林，要視乎自己鍾意食咩麵嘅質地。見佢小食幾吸引就叫咗炸墨魚卷，炸燒賣同菜心。炸墨魚卷就睇落比較油，但係食落去外皮脆口內裏彈牙，同埋估唔到都幾大塊，整體算唔錯，幾好食。而家唔係好多地方有炸燒賣，睇落粒粒都金黃色，幾好吸引。食落去幾脆，配埋甜酸醬好夾。健康啲可以叫返個菜心有腩汁同蠔油揀，我地擇左配蠔油，菜心都幾爽口，煮嘅時間應該正常。但野飲叫咗奶茶同菠蘿冰偏甜，覺得加得比較多水，反而麻麻地。舖頭地方都坐得幾舒服，嚟到旺角食個快餐，食車仔麵係一個好選擇，簡單又快手。…查看更多

小弟嘅職銜叫主管，實際工作範圍喺阿四，即喺乜都做，乜都話關你事，其實，呢個都喺好多香港打工仔嘅寫照。今日出到旺角睇睇波難，格吓價，見到呢間「阿四車仔麵」特別有感，幫襯吓，支持吓，反正都好似好耐無食過車仔麵。 依家啲車仔麵店已經唔哋以前嗰啲地方淺窄，坐得唔舒服嘅鋪頭仔，其實，晌門面都睇得出「阿四」都花咗啲心思晌裝修上，入到去，環境比預期大，一室暗灰，水泥牆，少少粗獷，又有啲格調。 不過，由於近門一邊都哋落地大玻璃窗，採光十足，所以，唔會幽幽暗暗。而最緊要，都喺夠乾淨企理啫！ 入得嚟，都喺食車仔麵架啦，不過，原來，點菜紙顯示仲有特色小食、大大大碗飯、特餐……等等，飲品就有跟餐優惠。剔好點菜紙，交俾店員就可以喇。 枱上放有自家製菜脯同美極，喜歡嘅就加番啲，不過，麵餐已跟一款自選醬汁，夠晒味。 河粉、咖喱汁、雞腎、芝士腸、溏心蛋 $42友人嘅口味都算傳統，佢就話對食要求唔大，最緊要飽肚，咁個河粉底佢實滿意啦，望落去啲河粉多到呢，而且，佢話幾滑溜；雞腎幾入味，帶點爽口感，芝士腸就都喺咁上下啦，溏心蛋亦唔錯，蛋黃真喺做到有點流心嘅質感，當然，香濃嘅咖喱汁亦記一功。 紅豆冰 +$16大大杯嘅紅豆冰中，紅豆嘅份量算唔少，而佢話最正喺啲紅豆夠綿，又清甜，配以椰奶，冰冰涼涼嘅口感，是夏天的「涼心」之選。 油麵、沙嗲醬、炸豆腐、豬大豬、滷水腩肉 $43油麵喺小弟嘅首選，的確，店家嘅麵底真喺特別多，一家食的飽，配沙嗲醬，香得嚟夠風味，其實，唔溝埋啲沙嗲醬，佢哋嘅湯底本身都唔失禮，一樣幾清香。 炸豆腐今日無同老婆一齊，揀餸料就絕對喺放肆，三樣都高脂、邪惡，先喺件炸豆腐，入口一啲都唔油，幾香口，又頗有豆香。 豬大豬嚟張大特寫，就知有幾肥，不過，入口又唔覺得話好肥膩，軟腍好食，而且，亮點喺洗得夠乾淨，無一陣陣燥羶味，兼滷得入味。 滷水腩肉啲腩肉滷到入晒色，肥瘦雙間清晰可見，但做得有水準，肥膏部份咬落完全唔會一口油，而瘦肉部份肉質極之鬆化，堅好食。 凍咖啡 +$12本想揀特飲，但諗諗吓都哋飲番凍啡，凍啡以外帶膠杯盛載，比茶記、咖啡店嚟得大杯，飲落啲咖啡又幾香，幾醇和。炸墨魚卷 $22食到中途，友人想追加多一客小食共享，揀咗炸墨魚卷，因為覺得幾特別。一客有4件，炸得金黃，不過，個人覺得油咗少少，但又真喺幾好食喎，裡面都填滿墨魚膠，彈牙而富墨魚味，如果有啲泰式甜酸醬襯吓就一流喇。呢個「阿四」又真喺幾有質素喎，至少我哋兩碗粉麵嘅餸料做得好食，環境又企理，地方又唔算逼，晌旺角區嚟講，性價比都算高，期望「阿四」繼續努力，有朝一日變成「四哥」！…查看更多

-咖哩南瓜薯餅飯😎（$40)有2個南瓜薯餅，好香脆🥰香濃的南瓜味🎃口感綿密，好好食～配埋咖哩汁，送飯一流🤩-招牌麵🍜（$60)辣魚蛋｜辣魷魚🦑｜豬皮｜豬大腸｜雞翼尖｜蘿蔔｜滷水蛋｜瑞士雞翼｜豬紅一次可以食9款配料！款款材料的味道都不錯☺️不算好特別正常水準😋-炸墨魚卷 （$22)墨魚卷口感結實，配埋開胃的泰式辣醬🤩幾夾，好味(*'▽'*)-炸唐揚雞塊🍗（$20) 外層炸衣幾薄，肉質嫩滑(*≧∀≦*)食落幾Juicy～-樽仔奶茶❤️（$18)個樽仔幾特意(*´◒`*)奶茶都幾香😛-樽裝維他奶😎（$10)天氣咁熱，食車仔麵要配飲品☺️‌Name🏠:阿四車仔麵Location📌: 旺角豉油街108號地下 價錢💰: 咖哩南瓜薯餅飯（$40)，招牌麵（$60)，炸墨魚卷 （$22)，炸唐揚雞塊（$20) ，樽仔奶茶（$18)，樽裝維他奶（$10)…查看更多

響旺角收工，經過見到間車仔麵坐得舒服同鬆動，於是入去食晚餐順便休息下😋🌟 炸墨魚卷 x 瑞士雞翼 （$22 & $22）墨魚卷即叫即炸，外層香脆，墨魚肉結實好香墨魚🦑既味道，加上用泰式辣醬，令墨魚卷既味道提升，而且價錢唔貴，必點😋😋瑞士雞翼調味得好好，好入味，好香鹵水既味道，肉質嫩滑😋😋🌟 炸唐揚雞塊 （$26）炸雞都係即叫即炸，雞肉大塊，咬落嫩滑多汁，唔會覺得好肥膩😋😋🌟車仔麵辣魷魚爽口，辣味夠，雞腎好入味，煮得好淋，調味唔錯😋😋腩肉唔會太肥，入口即溶😋😋魚皮份量多，爽脆，食車仔麵必點👍🏻蘿蔔無渣，好新鮮😋豬大腸好香既鹵水味，腸內唔會有好多肥膏，洗得乾淨😋😋溏心蛋好有濃既酒味，煮得格外入味，中間做到流心，煮既時間岩岩好，必點😋😋🌟紅豆冰 （跟餐$15）紅豆冰好香椰奶味，紅豆份量岩岩好，甜味適中，唔會好甜😋😋…查看更多

好耐冇食車仔麵，所以今日就同朋友去咗呢間車仔麵店~係出面望到呢間店已經覺得真係好大，入到去更加令我驚喜，因為我真係冇去過一間咁闊落咁舒服嘅車仔麵店!!😍我叫咗油麵+芋絲+雞翼尖+溏心蛋+牛栢葉+麻辣醬+凍檸茶~碗麵一嚟到就見到一羹辣椒醬擺係到，我仲驚好辣!!好彩撈埋啲湯之後個味道都唔係咁辣，而且好香👍🏼特別想講下個溏心蛋好入味，入面個白好林口感好好😋個凍檸茶係用帶得走嘅膠杯，所以飲唔曬都冇問題!另外叫咗碟蠔油菜心，蠔油都落得幾多，份量同整體味道都唔錯!👍🏼朋友點咗招牌麵配麻辣醬，有9個餸，可以一次試曬啲招牌菜🤣辣魷魚嘅辣汁無得輸，魷魚又好爽口👍豬大腸捲好一圈圈，咬落去好有口感，再提下豬皮，入味之餘，仲keep住爽口，唔會冇曬口感😋小食就叫左炸墨魚卷，望落下好似鮮竹卷，食落個皮好薄好脆👍總括嚟講，味道好，環境一流!!!👍🏼👍🏼…查看更多

今個星期日出咗黎旺角呢邊同寶寶行波鞋街，搵吓有冇上次睇中左而又無我碼嗰對波鞋🙈由於朝早食完早餐就出咗嚟，所以一點幾左右開始肚餓了😆記得前面嘅豉油街都有幾間食肆，所以就行前少少到新寶戲院呢條街覓食🤓揀左揀右之下，來咗呢間好乾淨又光猛嘅車仔麵店💕店入面乾淨整潔，座位間距幾寬闊，有利預防疫症👍🏻整體設計帶幾分懷舊風，完全唔似一間賣車仔麵嘅舖頭😆睇睇點菜單⬇️除咗車仔麵之外仲有飯食😲而且有d小食對於一間車仔麵店來講幾特別下，例如素炸春卷、炸墨魚卷、日式吉列炸蠔、南瓜薯餅......一啲你唔會諗到一間車仔麵店會有嘅小食🤓而且仲非常抵食，最貴嘅小食先$25❗️.我哋一人點左一碗車仔麵，再加幾款小食💕好似寶寶呢啲咁嘅懶人，唔想揀餸揀得咁辛苦就會直接點一個➡️招牌麵 $58招牌面一共有九種餸🤩辣魚蛋、辣魷魚、豬皮、豬大腸、瑞士雞翼、雞翼尖、蘿蔔、滷水蛋、豬紅🥢非常豐富❗️樣樣都可以試吓👍🏻寶寶揀咗最傳統嘅車仔麵 — 油麵配腩汁💕個腩汁另上，睇到個汁超濃深色🤣款款餸都唔錯，魚蛋好大粒彈牙😋滷水蛋好入味；豬腸、蘿蔔都煮得夠腍❗️瑞士雞翼好嫩腍，好似淆/炆咗好耐嘅感覺咁～.而我就揀咗一個三餸麵❗️三餸麵 $38我揀嘅三種餸分別係：溏心蛋、瑞士雞翼➕牛腩，亦都係配最傳統嘅油麵，揀咗我最鍾意嘅沙嗲醬💕當中溏心蛋最有驚喜❣️真係有鹹香味兼流心㗎😍牛腩就有少少韌+乾，可以再炆耐啲，不過整體都唔錯🥢.炸唐揚雞塊 $25新鮮即炸🤩 炸皮亦唔厚，外脆內軟❗️ 配合得好完美❣️咬落去亦唔會好乾，係有肉汁必出嚟的🤤 味道同口感都好過唔少日本餐廳🙈仲跟埋泰式辣醬，將熱辣辣嘅滋味炸雞昇華到另一個境界😍.炸墨魚卷 $20外層泛起一層油光，但睇落係吸引而唔係油膩反感🤓 外層用上腐皮卷嘅腐皮，但比酒樓嗰種腐皮卷有過知而無不及嘅豆香同埋香脆口感😍 入面香滑彈牙嘅墨魚肉亦一啲都唔似廠制貨色🤩 令我有啲懷疑其實係咪自家製😜真係高質又抵食❗️.最後加多個蠔油菜心 （$20），令本來唔太健康嘅呢一餐加番多少少營養😜樽仔奶茶 $16係一支香港製造啲港式奶茶❣️奶味同埋紅茶味好分明，兩者嘅味道都好濃烈，但又唔會感覺有太重嘅奶味或者茶味，調配得好融洽👍🏻份量控制得好好❗️呢種一樽樽嘅奶茶，好處係唔洗加冰，直接擺落雪櫃就可以，其實啲冰就係令到奶茶放得耐而唔濃唔好飲嘅主要原因～如果價錢平返幾蚊，我會選擇唔喺七仔買嘢飲行過少少嚟呢度買支高質奶茶飲😝紅豆冰 跟餐價$12紅豆煲得好茸，督兩督就爛晒🤣 非常好❗️椰汁味亦夠香濃，將兩者攪勻融合，真係一杯唔錯嘅茶記紅豆冰💕…查看更多

唔知大家有無鋪車仔麵癮？可惜好多時車仔麵檔都係細舖，坐得好逼，近排係‪旺角見到呢間麵店‬乾淨企理，枱與枱之間幾鬆動就入去一試，質素又唔錯喎，價錢都經濟實惠，仲係良心小店添。四餸麵(基本係三餸一麵，加餸每款$9)：🍽溏心蛋、滷水腩肉、油菜、蘿蔔米線(腩汁+沙嗲醬)🍽牛筋丸、溏心蛋、油菜、冬菇河粉(腩汁)由於我地想試多幾款，叫左幾個小食share所以碗麵都比較齋，抵讚嘅係每個餸都份量好足，而且款款都幾有水準，無將貨就價。煮溏心蛋時間控制得啱啱好，真係半熟狀態；蘿蔔一碗有三大舊，清甜無渣又夠淋，好少食車仔麵食到咁高質嘅蘿蔔，必叫；腩肉厚切，味道唔錯，不過嗰日有少少煮過龍；冬菇用蠔油炆過好入味，牛筋丸都算彈牙。佢地嘅湯底清清地，沙嗲醬小辣幾香花生味，醬另上呢點好貼心。小食：🍽瑞士雞翼/南瓜薯餅/炸豆腐/炸墨魚卷小食方面，瑞士雞翼甜甜地送麵一流；炸墨魚卷塊腐皮夠薄，唔會好油膩，包住彈牙爽甜嘅墨魚膠，食得岀有墨魚粒；炸豆腐就係平時食到嘅味道；南瓜薯餅就最出色，新鮮熱辣炸起，非常香脆，個餡係滿滿嘅南瓜蓉，黎到一定要試。…查看更多

餐廳主打車仔麵，配料選擇更超過3️⃣0️⃣ 款，仲提供大碗飯同十幾款特色小食。大部份食材由自家工場製作，再送到店舖確保新鮮👍🏼💗瑞士雞翼+雞翼尖+雞腎+流心蛋油麵($47)麵底揀咗油麵，淥得軟硬適中🍜湯底用咗大地魚粉同豬骨熬製，不過味道偏淡🤔所以一定要加辣菜脯，食落爽口酸辣好醒胃。配料方面，瑞士雞翼大小適中，肉質飽滿，再經低溫慢煮，食落皮滑肉嫩，香甜入味🐥；雞翼尖唔會炆到腍哂，仲有得啃下；雞腎厚切有咬口，炆得軟腍唔韌，食落冇氨味；糖水蛋滷得好入味，入口帶濃郁嘅醬油香同淡淡嘅花雕酒味，Q彈嘅蛋白包裏住軟滑甘香嘅蛋黃，可惜冇流心🥚💗辣魚蛋+蘿蔔+仿鮑片+魚皮餃+炸魚皮油麵($56)辣魚蛋用自家製咖喱汁煮，微辣惹味，口感大粒彈牙🍢；蘿蔔有半個拳頭咁大，食落清甜無渣，中心完全唔苦澀🥕；仿鮑片食落煙韌唔會難咬；魚皮餃皮彈餡香，咬落𥚃面有滿滿豬肉餡🥟；炸魚皮似係即食包裝質素，完全唔鬆化香脆💗香辣魷魚($20)玻璃魷魚食落爽口滑溜，有嚼勁得嚟唔會韌🦑以咖哩汁烹煮，可惜完全唔入味，醬汁又唔夠辛香，而且已經涷哂😟💗炸墨魚卷($20)外層香脆嘅炸腐皮包裹住紮實嘅墨魚膠，肉質鮮甜彈牙，而且仲有粒粒墨魚所以特別有口感🐙即叫即炸當然香口，面頭再淋上大量泰式甜酸醬，味道更開胃🌶💗樽仔奶茶($16)樽仔奶茶每日新鮮製造，絕無添加防腐劑同人造色素。奶茶入口冰涼外，同時濃厚香醇☕️由於冇冰溝淡，絕對原汁原味。飲落有甘香嘅茶味，奶香相對濃郁，甜度亦啱啱好🥛…查看更多

這個三角形的鋪位, 以前是晚市有小炒的茶餐廳. 那些年, 未婚之時, 自由之身, 常蒲旺角, 曾光顧這鋪位. 十多年後, 已經很多改變了!  至少平日放學時段, 新法水手裝女生已不復見.  今天帶小米到旺角購物, 然後在附近食午餐.  看到店門的餐牌, 價格超值, 所以我倆就在此午餐.      就座後, 細看餐紙, 大家各自選擇喜歡的配搭!  交單後, 小米就馬上找店內的WIFI來上網.      牛腩蟹柳炸豆腐油麵配咖哩汁   小米要食牛肉, 又要食咖哩, 又想要蟹柳.  原來大碗車仔麵的咖哩汁, 是以一匙呈上.     辣豬皮豬紅蘿蔔炸豆腐幼麵配腩汁    小時候的車仔麵配料, 都是很平凡的食物, 可以用<下欄菜>來形容.  在點餐紙多款配料之中, 都集中在小時候喜歡的下欄菜. 豬皮豬紅蘿蔔是我至愛, 如果有埋豆卜就更好了!  而自小都喜歡幼麵底配腩汁.   就正正是多年來的口味, 成為了我的<車仔麵>味蕾記憶.  所以選擇困難症遇到車仔麵, 反而不會發作的!!   自己專屬的車仔麵來了!!!  附一小匙腩汁.    豬紅   家中從來不出見的食物, 但在車仔麵系列的餐廳卻是<老是常出現>. 自己又特別喜歡這種補血的美食. 几件豬紅顏色暗紅, 表面不平滑, 咀嚼之下, 没有梘水味, 而且豬紅會出現絲絲的形態. 這個豬紅合格了!!   白蘿蔔  需要長時間炆燉才煮出軟綿綿又入味的白蘿蔔. 無奈, 自己不會浪費時間和煤氣來炆蘿蔔. 入口甘涼清甜的白蘿蔔, 雖然平凡, 但跟很多食材都很夾, 這就是中庸之道.   辣豬皮 金黃色似是咖哩的黃薑粉, 但又有辣椒, 即使把豬皮浸在腩汁湯底裡, 也没有減低其辣味.   豬皮的辣味, 早已跟腩汁湯底在一起! 湯底變成黃色的腩汁湯底了!!!  炸豆腐   豆腐口感較實在和鞋口, 似舊式硬豆腐.  不是超市即食又没有石膏成份的獨立包裝豆腐那種滑滑口感.  幼麵過往常常被聽錯為<油麵>.  現在是剔紙仔, 就不再被誤會了!  浸在充滿辣味的腩汁湯底, 也没有發脹, 來到最後一口都是彈性十足.   咖哩角   小米以為是印度的SAMOSA, 其實是HK STYLE的咖哩角! 吉列豬扒 又是小米點的..小米要食肉!!!!     炸墨魚卷  近代的車仔麵, 會把新奇的食材加在配料清單之中. 剛好自己又想試新食物, 所以來一客!!!  真身 : 腐皮包著墨魚滑再油炸. 外層脆脆, 內裡Q彈.    南瓜薯餅  其實這個應該叫做甜品.... 南瓜茸很甜哦!!!  但我喜歡,, 一人獨吞2塊.    西生菜&菜心配腩汁   嚐過多款美食,,, 當然要來一份青菜扮健康....  菜心清甜, 没有苦味. 對苦味特別敏感的小米, 也願意食菜心呢!    完成美味的午餐,  要向下一站波鞋街出發了!   下午茶在2點半開始, 會送飲品!…查看更多

因為限聚令既關係，已經好耐無出過街食飯啦，今日難得出黎旺角食左一餐非常豐富既車仔麵由細到大已經成日食車仔麵，覺得可以揀唔同自己鐘意既食物，而且價錢又唔貴，絕對係香港既代表性美食之一餐廳就係旺角既豉油街，好方便之前已經黎幫襯過，入面好闊落坐得非常舒服，而且價錢仲幾抵食，$38蚊有3個餸，如果男士們驚唔夠飽可以揀招牌麵，有齊餐廳最出色既9款食材，包括： 辣魚蛋，辣魷魚，豬皮，豬大腸，雞翼尖，蘿蔔，鹵水蛋，瑞士雞翼，豬紅。。。唸起都吸引呀車仔麵既餸菜有好多選擇，有成3拾幾款真係幾難揀架，樣樣都好吸引除左主食之外，呢到既小食都好出色，自己最鐘意既就係瑞士雞翼，整得好香好入味另外日式吉列蠔都係必食之選，炸得好香口鬆脆…查看更多

今日去開旺角買嘢噤，而且好耐冇食過車仔麵，想回味吓個感覺，一於入去坐低食餐飽先順便休息一吓食完之後再行過，店鋪內裏環境和裝修幾舒服簡約店內除左賣車仔麵外，還有小食和飯選擇，我選左個三餸麵再加多兩款餸、另外叫左幾款小食、凍咖啡少冰和叫左支樽庒奶茶試吓味，睇吓得唔得車仔麵：我加左腩汁和沙爹醬，另到個湯底更美味，讚岐烏冬索左個湯底一齊食幾惹味，牛筋丸爽囗彈牙，炸魚皮鬆化爽脆，溏心蛋嫩滑creamy，牛腩好腍唔痴牙，魚腐吸收左湯嘅精華，美味無比日式吉列蠔：熱辣辣，外脆內嫩，加左泰式酸辣醬好惹味炸唐揚雞塊：外面脆咯咯，內裏雞肉嫩滑，啖啖肉炸墨魚卷：新鮮即炸，彈牙脆囗甜酸齋：酸酸甜甜，開胃提神另外，放在檯面任食嘅菜脯，好好食，好爽少少辣，好正凍咖啡少冰：香濃嘅咖啡味樽庒奶茶：入囗奶香茶味濃價錢唔太貴，而且幾好味…查看更多

平日午餐食車仔麵，今晚選擇晚餐去食車仔麵，人來人往既旺角，晚上有間環境大，又多位，職員仲好nice既 “阿四車仔麵”店。一人一碗車仔麵，三餸一麵 $38 (加餸每款 $9)爽口米線加人滷水蛋 、刺激味蕾既辣魷魚、爽脆辣豬皮、爽口豬大腸，配上沙嗲醬跟餐 + $8 凍阿華田(少冰) 美味油麵加人爽口豬紅、大大粒龍蝦丸、香脆炸魚皮，配上沙嗲醬及辣醬(正常)跟餐 + $8 凍鴛鴦食得車仔麵就當然要叫埋招牌小食 甜酸齋 $20 - 甜酸庹適中淨油菜(腐乳) $20 - 爽口油菜配上腐乳醬日式吉列蠔 $20 - 炸到金黃色既脆口蠔炸墨魚卷 $20 - 爽脆墨魚卷…查看更多

在公司OT做完阿四，放工閒逛旺角時，看到大大個「阿四車仔麵」招牌，感覺份外親切！店舖環境簡單新淨，很適合年輕人三五知己聚會。車仔麵最平$38一碗，有30多款餸菜任揀，平平地，醫肚一流！炸唐揚雞塊（$20）一碟四塊，二人餐剛剛夠share！甜酸醬是亮點，完全掩飾了炸物的熱氣，非常惹味！炸墨魚卷（$20）很神奇，雖然是油炸，但口感完全不油膩，吃完後碗裡意想不到的乾爽呢！四餸車仔麵（$47）溏心蛋絕對是心機餸，拉麵店閒閒地要15元一個，現在9元就搞掂，抵！炸魚皮另碟送上，可見老闆非常細心，讚！…查看更多

黃店 💛 阿四車仔麵🟡 在5/8/2019罷工表態今晚我又黎食阿四車仔麵啦～ 今次已經係我今個月第三次食😆 最近間中都會黎旺角呢邊，就發現咗呢間車仔麵，佢又平又大碗，原汁原味之餘食物落單之後仲好快上枱，服務態度都一流。🍢 車仔麵 （$38/三餸一麵，加餸$9一樣）🍜 我揀咗米粉做麵底，健康啲😝 米粉份量超多，一條條煮開，軟熟度啱啱好。🥄 同食開嘅其他車仔麵唔好嘅係，腩汁係用匙羹另上嘅，一撈落去就稀釋咗落湯底入面，味道濃淡可以自行調較😋🍄 之後就揀咗我食車仔麵必叫嘅冬菇，甜甜嘅冬菇好好食😙🐮 牛腩亦都係呢度必叫嘅餸！份量又係好多，每舊都煮得好淋，肉絲唔會痴牙，讚👍🏻🐤 鍾意食甜嘢嘅我當然要叫埋瑞士雞翼，有兩隻，肉質少少滑，幾好☺️🦑 辣魷魚份量就偏少啲，不過我食其他車仔麵揀魷魚通常都要加錢，所以都ok嘅！味道都唔錯，但建議早啲食好啲，浸喺腩汁太耐會溝咗啲味🙈🍹 凍檸茶 （跟麵加$10）檸茶有驚喜！茶味濃，檸檬都好夠。冇叫少糖但都唔係好甜，啱曬怕肥嘅女仔😙🌯 炸墨魚卷 （$20）第一次食炸墨魚卷！只係$20我非常推薦大家食！！炸墨魚卷個皮好薄好脆，入面嘅墨魚又好多，好like😆…查看更多