亞萊泰 (淘大商場3期) (已結業)

很久沒有去九龍灣了，自己本身不是住那邊的，不過對那邊的商場和餐廳向來很有興趣，地方小小的住宅加工業區，卻能帶給人們親切感。難得到了這邊，就當然不會光顧連鎖店，剛巧經過一間叫「亞萊泰」的泰國餐廳，想起了自己有一段時間沒吃泰國菜了，「亞萊」在泰文的意思就是好吃的意思，希望在這間餐廳也能獲得「亞萊」的體驗啦。以泰國餐廳來說，這裡的食物種類可說是非常多，招牌名菜有18吋軍艦咖哩包、咖哩炒肉蟹、梅肉碎明爐烏頭、生菜包、大頭蝦冬蔭湯等等。這裡的海鮮看來真的很不錯，應該不會差到哪兒去吧。首先點了個串燒拼盤，分別是雞肉和豬肉，各兩串。雞肉那串真的十分好吃，雞肉嫩滑，又不失結實，肉味新鮮。牛肉也有它本身應有的口感，有點嚼勁，卻不會太硬，沙嗲醬甜甜的，只是沙嗲味不算很濃厚。明爐烏頭在這裡很像很有名，於是不禁點了一條，有大量的酸梅肉碎，但竟然不會太酸～用作調味真不錯，烏頭也算很大條，平時我也很喜歡吃魚，魚肉都滑滑的，骨也不多，沒有什麼腥味。小食拼盤在泰國菜中也是必吃的吧，有泰式春卷、蝦餅、魚餅和鳳凰丸，蝦餅是最好吃的，裡面的蝦肉非常多，蝦肉也結實。春卷則脆卜卜，是正宗的泰式春卷。一向對魚餅沒有太大的興趣，裡面的香茅味很重，看個人喜好如何。沒想到男朋友會點冬蔭雞肉炒飯，說真的，這個好像比較一般，稍微欠缺冬蔭功的味道，可以辣一點，味道便濃一點。炒飯的鑊氣還是有的，不過還是有點不夠熱，雞肉的數量充足，嫩滑。椰青也是我每次到泰國餐廳必點的，多數都賣得很昂貴，在這裡賣到三十多元，實屬合理價錢。椰青很大個呢，裡面的椰水清甜，椰肉的椰子味也很濃。…查看更多

呢間餐廳已經食過好幾次，味道唔錯的，而次次黎食都一定會點一份咖喱，係基本的，再追加一份金磚四國蒜茸包配黎食。點知今次order既時候，蒜茸包已經賣晒。誤打誤撞之下點左份印式燒餅$29食，即叫即燒，熱辣辣。配上香甜 椰香青咖哩牛腩$88，出奇地配合，牛腩又炆得好淋。另外點左一份特價餐牌菜式炭燒泰式串燒$68，配上酸酸辣辣既汁，好開胃做前菜一流，而且幾抵食。最後要介紹就係泰式海鮮濕炒河$88，之前未點過，所以試下。認真賣相一般，海鮮只有蝦，青口，魷魚和雜菜炒成，撥開d餸就會見到河粉係碟底，味道普普通通不值推介。…查看更多

難得一行六人齊齊去淘大,誤打誤撞就入咗去呢間<亞萊泰>食泰國嘢,多人聚餐嘅好處就係可以叫多幾味,人人都可以試啲,店舖地方夠大所以人咁多都唔洗等位,爽呀!一坐低就送咗籮泰式蝦片嚟,哈哈,啱哂我哋呢啲零食嘩鬼成班人有得打邊爐就最開心喇,不過有人食辣又有人唔食得辣,所以湊湊埋埋就叫咗好多嘢食,整體嚟講呢間餐廳嘅味道都唔錯,值得推介炭燒泰式串燒($56蚊)：豬肉同雞肉各佔三串,我就一向都比較鍾意食雞肉多啲,一定要點埋啲泰式沙嗲醬至好食!豬肉嘅賣相仲有少少似牛肉添!青芒沙律廣島蠔($68蚊)：用一塊大蝦片嚟裝住隻廣島蠔嘅賣相就好似小船仔咁,款式又幾新穎不過食落去就冇乜青芒嘅味道,勝在夠辣夠過癮,仲甜甜酸酸咁嘅添~隠隠約約咬到有青瓜絲嘅物體,都幾清新爽口。花膠蟹肉海鮮粉絲煲($92蚊)：估唔到班朋友咁識嘆,花膠煲都要叫咁補身我就好鍾意食呢個粉絲煲因為啲粉絲全部入哂味,另外仲有豐富嘅海鮮材料,又有魷魚又有鮮蝦同蟹肉,雖然冇米飯連埋一齊餸但就咁食都唔會過咸,抵讚!香葉咖哩海中寶($108蚊)：見到餐牌呢條法包非常咁吸引,成隻深海大潛艇咁,上面仲要有滿滿嘅雞蛋咖喱醬汁連同海鮮配料,要食嘅話大家趁早呢,因為攤耐咗啲法包就會唔脆㗎喇~椒鹽軟殼蟹($118蚊)：啱啱炸起熱辣辣又脆卜卜,係好食嘅,唯一嘅缺點就係唔多夠辣,哈哈~同埋佢嘅份量有兩隻咁多,都叫公道。冬蔭公湯底火鍋($168蚊)：嗜辣嘅人一定啱哂喇!不過五星為滿分嘅話呢個湯底都大約只有兩星半,辣嘅程度只算適中,真係冬蔭嘅香濃惹味可口,用嚟烚菜烚海鮮,等啲材料索哂啲湯汁味先夠過癮椰汁雞湯底火鍋($168蚊)：千祈唔好睇見呢個湯底白嘥嘥好似清湯底咁,原來有好香嘅椰汁味道,又濃又夠稠,食到咁上下職員都會主動加湯,服務一流呢火鍋嘅配料都好充足,有金菇呀生菜呀蝦呀冬菇呀同牛丸咁,當然肥牛就不可缺少啦話說原來而家係泰國水燈節嘅時段,所以會有一個粉紅色的驚喜活動,凡係著咗粉紅色衫嘅客人都可以免費獲贈小食一份!正呀!!!今晚係得我一個人著粉紅色咋喎哈哈哈呢碟甜品拼盤要多謝我喇^^入面除咗有普通嘅泰式椰汁糕之外仲有好特別嘅芒果椰汁糕+綠豆椰汁糕+黑珍珠大菜糕,六個人食真係啱啱好呢中間嗰件又有花生又有椰絲嘅好好味~裡面煙煙韌韌咁好似麻糬呀…查看更多

今晚朋友們約我去淘大行街，之後帶我到亞萊泰食泰菜。一坐低店員就送上脆卜卜的蝦片，今次是我第一次到這間泰國餐廳，朋友們已經食過好幾次，他們說味道唔錯的，就等我嚐嚐吧！:)一班朋友食嘢最開心就係可以叫更多的美食， 所以今次我們點了火鍋冬陰公湯底$168，椰汁雞湯底$168，花膠蟹肉海鮮粉絲煲$92，香葉咖哩海中寶$108，青芒沙律廣島蠔$68，椒鹽軟殼蟹$118，炭燒泰式串燒$56，芒果椰子特飲$34，熱龍眼水$18，泰式甜品大拼盤$88。火鍋冬陰公湯底 & 椰汁雞湯底 ~ 朋友們最鍾意就是打邊爐，今次食泰國菜都唔少得打邊爐。 我們點了兩個湯底，喜歡食辣的朋友一定要叫冬陰功湯底， 香濃的冬陰功味又辣又惹味。 我就比較喜歡椰汁雞湯底，椰香味又濃又creamy。 每一個湯底還跟一碟打邊爐的食物，有蝦，生菜，丸類，肥牛，粉絲等等，打邊爐最喜愛粉絲， 因為可以吸哂湯汁的味道，夠曬入味！花膠蟹肉海鮮粉絲煲 ~ 除花膠之外，仲有魷魚，蝦，魚塊，粉絲索曬海鮮的味道，正！香葉咖哩海中寶 ~ 有20吋長的咖哩海鮮麵包， 外皮脆卜卜，配埋咖哩一起吃，推介這一道菜。青芒沙律廣島蠔 ~ 蝦片向底層，上面放上廣島蠔和青芒沙律， 酸酸甜甜的味道， 配搭廣島蠔一起吃，如果炸廣島蠔的麵粉可以做得薄啲就更加好。椒鹽軟殼蟹 ~ 這一道菜我反而覺得味道普通沒有太大特別， 可能我本身唔係太鍾意吃軟殼蟹。炭燒泰式串燒 ~ 一碟有六條串燒， 三條豬肉&三條雞肉。 啖啖肉點埋沙爹醬吃！正！飲品方面朋友們點了幾種不同的飲品，而我最喜愛的就是芒果椰子特飲和熱龍眼水。芒果椰子特飲 ~ 有香甜的芒果味配椰汁一起， 但是味道偏淡，如果芒果可以再多啲就比較好。熱龍眼水 ~ 每次到泰國餐廳必叫的飲品。泰式甜品大拼盤 ~ 有五種甜品糕點，椰汁西米糕，芒果西米椰汁糕，綠豆糯米糍，椰汁千層糕， 還有一款好像是用椰肉造成半透明的糕點， 這個甜品拼盤都算很抵吃，各款糕點的味道亦都唔錯。整體來說亞萊泰餐廳的食物質素屬於中上水平， 店員的服務就真是要讚一讚，除了有禮貌之外亦 會為客人不停更換碟子和斟水。還有一個小插曲值得提一提的， 昨晚餐廳做一個泰國水燈節的驚喜優惠， 每逢有客人穿上粉紅色的衣服都可以享有一份免費的特色小食，優惠由即日起至12月13日。 咁啱有朋友穿著粉紅色的衫，所以我們得到一碟免費的串燒，實在驚喜又開心！…查看更多

總結:食物味道佳。可能因為星期2所以唔使點等位。座位都幾闊落。不過價錢就貴左少少。呢間野都開左一段時間，一直都想黎試下。今日終於有機會啦。白色既外皮煙煙韌韌，加埋裡面既沙律菜，感覺上好健康呢個炒飯好味串燒我揀咗半豬半雞。豬串燒軟硬適中，雞串燒我覺得“韌”左少少。…查看更多