唐宮小聚 (新城市廣場三期)

營業中

休息中

適逢父親節，妹妹安排在唐宮小聚晚飯，中菜適合父母輩，中菜之中增添一點創意，就同時能滿足較年輕的一輩。雖然已訂位，但都要等候20分鐘左右才能入座，全場滿座！節日來光顧就必須要訂位啊～～原隻鮑魚酥 ($69/2件)，size剛好一口一件，曲奇皮撻底，餡料有黑松露醬菇菌，面層是鮑魚仔。鮑魚柔軟易咬，帶淡淡松露香，撻皮鬆化。非常山竹 ($59/3件)，山竹的造型，紫色外皮是由糯米粉製成，口感脆得來又帶點煙韌，內餡是蟹肉與龍蝦汁，味道不錯，但不算特別鮮美。黑金流沙 ($59/3件)，流沙包包體飽滿，軟熟輕柔，流沙奶黃餡夠流沙，必定要趁熱食！沙田乳鴿 ($45/隻)，幾乎每枱都有點乳鴿，所以乳鴿都是熱焫焫的上桌！乳鴿又脆又嫩口，肉汁豐沛，調味恰好，不會過鹹～脆蝦多士 ($89/3件)，原隻鮮蝦連同多士一併炸得金黃，面層鋪有松露醬。蝦多士炸得香脆可口，入口又不會太油膩，松露醬增添香氣。大肚婆炒飯有蟹肉、蝦仁、豆、粟米，特別在於用上薑米，炒飯夠乾身，帶微微薑的香氣。味道算是可以，並不特別出色。冰鎮咕嚕就是將煮好的咕嚕肉放在冰面上，冰鎮送上，凍食咕嚕肉。咕嚕肉酸甜度平衡又啖啖肉，惟份量少，$119是偏貴

星期日想飲茶見到這間的點心很精緻，就吸咗入去試吓😃叫咗5款點心和一個煲仔飯黑金流沙$49/3個外觀不錯，奶黃流得好快，有少少咸蛋黃粒，但就不算太香。蟹粉麻球$89/3個外面有好多芝麻，口感好脆，內裡煙韌，用蟹粉做饀料好特別，流晒啲蟹汁，好香好好味😋蒸三色餃$48/3隻（墨魚餃、紅菜頭餃、蛋白餃）賣相不錯，食落一般，唔太特別。煎辣小籠$39/3隻用煎pan上的，小籠包皮薄饀多，有少少湯汁喺裡入，微辣好味👍🏻炒蝦腸粉$79腸粉好滑，炒得好香，蝦仁爽口的，但就不是太特別，覺得偏貴。芋頭川腸臘鴨髀煲仔飯$69飯夠乾身好香，口感一流😋反而芋頭、川腸和臘鴨髀一般，飯變咗主角😆

因為有同事將要移民袋鼠國🇦🇺，所以選擇一間新派餐廳聚餐！門面以為好細，但其實內有乾坤，很大地方😲，而且比我想像中多人（差唔多85%入坐率），在疫情下，我完全沒有想到！由於樣樣都想試吓，所以order了很多不同款式的點心、食物！細細碟，而碟碟也很精緻，每人淺嚐剛剛好！同事極力推薦食乳鴿，所以趁新鮮熱辣辣時立即食，真的特別好味！我比較喜歡焗鮑魚酥、荷花蒸飯、 炒蝦腸粉及黑方豆腐！餐廳很細心，每人提供一對即用手套、一包濕紙巾、一個信封✉️放口罩😷用！最美中不足的是沒有提供熱飲😅

剛行過沙田新城市廣場，看見新開了一間食肆，原來係唐宮小聚，在深圳也食過，食物質素幾好，今次試下香港分店如何。食物質素和賣相還可以，服務態度一般，價錢偏高，比較失望！深圳海岸城分店，服務與食物比這裡高質好多！