火車頭越南餐室 (朗豪坊)

這天晚上我約了家人去旺角吃晚飯，經過網上的推薦，我們便決定來到這間越南菜餐廳試一試，店內環境空間感十足和清潔衛生，店內座位幾乎是坐滿的，證明食物質素應該有一定嘅保證，可以選擇戶外座位用膳，餐廳位置很方便，非常鄰近地鐵站站出口火車頭招牌湯河($118)生牛肉片，肉味十分濃，質素非常高，牛腩片爽口微彈，牛筋軟彈煙韌，牛丸稔香軟彈，牛柏葉爽口微彈，牛尾香稔軟嫩，蘿蔔煮得夠淋，吸收了湯底的味道，河粉爽口和新鮮，用洋蔥，芫荽，蔥粒做襯托，湯底清甜越式明爐魚($188)爐魚非常嫩滑細密，十分大條，非常新鮮，很多香料，湯底味道酸酸甜甜，令人非常開胃馬拉盞通菜($73)通菜十分爽口微彈，非常新鮮，用馬拉盞調味，有鹹魚的香味，食物是即點即炒，食物溫度非常熱，份量十分多整體來說，食物的質素非常高，食物的份量非常多，食物的用料非常新鮮，食物的賣相非常吸引，食物和飲品的選擇非常多，價錢相對合理，而店員亦有良好的服務態度和積極，所以我認為這間餐廳是值得再去惠顧…查看更多

依排實在忙得透不過氣，攪到胃口唔太好，想食得輕盈一點，於是去了朗豪坊的火車頭越南餐室。火車頭越南餐室的樓底好高，感覺好開揚，座位與座位之間寬度合適。餐點選擇多元化，前菜、沙律、湯、海鮮、肉類、飯麵類、菜類、甜品、特式飲料等都一應俱全。龍眼冰、薄荷青檸梳打龍眼冰內有好多龍眼肉，煮過的龍眼肉煙煙韌韌，龍眼肉保持鮮甜。龍眼加上糖水煮過後再加上龍眼糖水冰，味道好清甜、好清潤。薄荷青檸梳打好清新，帶少少甜，非常解喝。火車頭招牌湯河叫了食越南菜必叫的火車頭，內有非常鮮嫩、牛味濃郁的生熟牛肉、軟滑入味富骨膠原的牛筋、爽口入味的牛栢葉、爽口彈牙的牛丸和清甜無榨的蘿蔔，還可以按自己的喜好加上香葉、生芽菜和辣椒絲。湯底是用牛骨熬製，味道好清甜、湯底入口好有層次，配上滑雪雪米香十足的河粉，非常滋味，實在是必叫之選。咖喱牛腩煲件件牛腩都是牛坑腩，啖啖肉，入口爽軟唔韌，而且好入味。薯仔爽中帶粉，同樣好入味。精華在於味道好有層次的咖喱汁，咖喱味香濃，帶少少辣，用來配白飯或蒜茸包，非常舔舔脷。燒鵪鶉鵪鶉用不同的香料醃製，再烤，烤得外脆內嫩。鵪鶉肉質爽嫩，連骨都好入味，店員說要等15分鐘才烤好也是值得。…查看更多

當日跟太太來試試新開的越南餐廳，環境舒適座位寬敞，店員亦很友善餐牌上有詳細介紹火車頭的由來，因此點了火車頭招牌湯河湯底既濃且甜，牛肉非常嫩滑、牛丸彈牙、牛柏葉不韌欖菜肉鬆炒飯炒的很香，欖菜又好味只是有點兒鹹然後是咖哩牛腩煲，同樣濃味咖哩亦很香，牛腩亦很軟滑越南三色椰子雪糕新地有兩條脆脆朱古力餅，兩球雪糕、紅豆及啫哩，甜甜的滿足慾望三合一是前者的加強版，雪糕換成香草味，其他配料一樣，再加配咖啡及酒，配合雪糕食各有另一番的層次及風味…查看更多

睇戲之前入黎朗豪坊搵野食，見依間唔洗上到咁高又唔洗等位，就入去試下啦！嗌左個火車頭招牌湯河，好大碗！依碗雖然要$98都有少少貴，但都真係好足料有牛肉、牛丸、牛筋、牛栢葉同蘿蔔！每樣配料嘅質素都幾好，尤其係個牛筋好夠林又入味，正！湯底都不錯，岩岩好唔會太鹹！食到好滿足另外仲嗌左個紙米卷食！紙米卷比想像中大份又係好足料個軟殼蟹幾脆口，不過個醬好杰身，有少少奇怪，味道又同個米卷唔太襯但整體黎講依間餐廳質素唔錯，份量好足，算做對得住個價錢，可以一試！…查看更多

火車頭在港一段時間，有人話貴，又有人話麻麻地，不過都在旺角開了分店，都算打緊出名堂啦。咁我當然要試一試，搵埋多個有食力的朋友，食餐晚餐先。因為曾經係普度大學讀過書，大學最出名就係製造蒸氣火車頭，所以對「火車頭」呢三個字特別有情意結。首先幾鍾意佢嗰個menu，有介紹火車頭小小歷史，原來係有一個小販喺火車站月台買牛肉粉香到而且賣到街知巷聞，所以就有火車頭之名。睇完歷史，當然要試下咪即係咁香咁好食啦。 今次就嗌咗一個牛油果軟殼蟹紙米凍卷、砵酒牛柳粒、馬拉盞炒菜，仲有佢哋推介火車頭招牌湯河和再加個沙律撈檬。飲品方面就嗌咗凍蘆薈柚子茶，味道唔太甜啱啱好。仲有一個河內特色蛋咖啡， 賣相獨特有趣，咖啡就香嘅，不過層蛋，即係層cream呢就比較甜啲囉，咁所以記得要攪勻啲先好飲。火車頭招牌湯河，香唔香呢？可能得一碗，又未香到全場都聞到。其實真係一個大雜燴，所有牛有關的都有晒，好食而且好多牛呀！咁亦都可以見到有好爽好爽嘅牛柏葉。 湯底清呀，唔太鹹喇，所以食完都唔會口渴。另外，馬拉盞炒菜呢就有少少辣嘅 炒得好惹味。有水準。杯酒牛柳粒啲牛柳粒絕對抵食，粒粒都好大粒，有咬口。(如果有去過台灣夜市食嗰啲火槍燒牛肉粒，大概呢呢度每粒都係台灣嘅一粒半左右啦) 而且仲配咗多色椒，感覺上呢冇咁肥膩，值得一試。軟殼蟹紙米凍卷 軟殼蟹脆脆地 個咪仔都做得薄身 再配埋啲菜係清新爽口四個字: 好味好夾！最後嗌咗一個沙律撈檬啦食咗咁多嘢都想親親地不過呢記得喎親還親一定呢要配埋佢嘅汁，酸酸地好醒胃㗎！總括而言的確一餐唔錯嘅越南餐，五百蚊左右，食到飽一飽，都值得來開飯！飲完咖啡...唯有就返去再開工啦⋯⋯…查看更多

今晚去咗朗豪坊行街買嘢， 接近六點時段 行到腳仔軟開始搵嘢食。 去到food court嗰陣見到有間火車頭食越南嘢。 諗起美味嘅火車頭粉立刻入座。 座位唔算好寬闊，店內全是open嘅area， 每張枱都有戶外傘(當然都是室內)， 配上落地玻璃同日照， 營造了戶外的氣氛， 感覺舒服又開揚。火車頭招牌湯河$98 有齊曬唔同種類材料， 個湯濃而不膩， 入口唔會劲鹹， 有牛味。 牛丸彈牙， 牛腩片香滑， 牛筋骨膠 勁重，又腍又入味， 仲有牛柏葉， 牛爽腩， 炆煮得超入味嘅白蘿蔔， 好豐富樣樣都好好食! 不得不提這個小匙羹碟， 可以方便承載辣椒魚露或其他調味料，細細隻很貼心。蒜蓉牛油雞翼(4件)$63外皮炸得很鬆脆， 滲出牛油香。雞翼很大隻， 咬開仲啖啖肉很juicy !紅酒燴牛尾$118 賣相很靚， 有很多蘿蔔和三色椒配菜。 牛尾炆煮程度非常標準， 唔會軟淋到一咬即散。 軟腍得嚟有咬口。 牛尾都有成6，7件，份量很足。 個汁充滿洋蔥嘅甜 同牛尾香， 撈埋白飯一流! 難怪成為推介菜式。三檸蜂蜜$32有齊青檸，檸檬和鹹檸的味道。 不過如果用梳打水沖比較好。鹹檸 七喜$30咸檸檬已打碎渾入七喜中，冰涼解渴潤喉，爽!椰汁綠豆冰$36有刨冰的感覺，綠豆蓉很香， 配合香濃的椰汁， 對我來說可以成為美味的甜品。越南三色椰子雪糕新地$52 椰子雪糕很香， 配以綠豆蓉紅豆蓉 和一些條狀米糕， 味道很夾，口感豐富。 但稍嫌紅豆蓉偏甜。 入夜之後開始轉播在較高樓層的live演唱 ， 加上旺角的夜空景色， 甚有氣氛!…查看更多

朗豪坊又一新食肆🤩早排成日落雨 唯有入商場行街啦竟然俾我發現朗豪坊開左一間新嘅越南餐廳叫火車頭 就試試佢啦🤨火車頭招牌湯河 $98話到明招牌 當然要試一試啦裏面呢就有生熟牛肉 牛展 牛筋同牛丸湯底呢非常香 又唔會好油👍🏻再加埋香葉 檸檬汁 芽菜 正鮮蝦蜜桃紙米凍卷 $58鮮蝦同蜜桃嘅配搭 非常清新係一道幾開胃嘅前茶😝越式蒸粉包 $63蒸粉包 每次去親越南餐廳 必叫嘅小食粉皮唔會好厚 裏面嘅餡料非常多 又香口💓紅酒燴牛尾 $118牛尾有驚喜喎紅酒汁好濃 同牛尾非常配搭👍🏻牛尾份量都唔少 又夠淋我仲叫咗法包點紅酒汁食 好味道椒鹽軟殼蟹 $108軟殼蟹揸得非常香脆 略嫌味道較咸不過不失啦🙈🍽 火車頭越南餐室 🔎 旺角亞皆老街8號朗豪坊4樓12號舖…查看更多

朗豪坊最近開左好多新餐廳，去開旺角行街又多左選擇。呢日同妹妹行到夜晚，揀左去新開嘅越南餐廳🇻🇳試下。果然朗豪坊嘅晚市人流好多，好彩甘岩有人食完，剛好有位。其實去襯食越南餐有幾款食物我地係必點嘅，今次叫左前菜，主菜各一款，然後再叫多個越南法包同甜品。牛油果軟殻蟹紙米凍卷2條（$65）Avocado & Soft Shell Crab Rice Paper Cold Roll軟殻蟹炸得夠脆🦀，入面仲有少少蟹肉，唔會油膩。米紙煙韌，中間包有生菜🥗、牛油果🥑同粉絲，整個組合新鮮唔油膩，不錯吃。火車頭招牌湯河（$98）Signature Rice Noodle Soup with Rare & Cooked Beef, Tendon, Tripe & Beef Ball去到食越南🇻🇳菜，一定要食個Pho🍜。碗Pho嘅份量都幾多，所以草根Share就夠晒啦👭。選擇呢個招牌湯河得一個原因，就是因為多餸呀😆（欲總係好多心❤️）～有生牛肉、牛腩肉、牛筋、牛丸同牛拍葉🐮。生牛肉大大塊，肉質超級柔軟，牛用腩牛筋都好好食👍🏻，而且河粉麵質有咬口，仲可嫁自己加香草🌿落去，加完會再香d。不過要改善嘅係湯底唔夠熱♨️呢點失分呢😣，而且重口味嘅草根認為湯式如果可以濃d應該會更惹味呢！越南法包（$63）Banh Mi, Vietnamese Club Sandwich with Pork, Salad, Pickles & Liver Pate越南法包好多人中意食，不過之前👩🏻👧🏻草根姐妹係另一間越南餐廳食過，留下一個比較酸比較素嘅印象👤，但係今次呢間食到嘅越南法包就吸引好多😍！法包入面有豬扒🐷、扎肉、生菜、蕃茄同醃蘿蔔絲🥕。麵包焗到脆卜卜🥖，而且入面夾左肉當然唔會Dry，重點嘅酸蘿蔔絲酸酸甜甜好解膩，真係好食嫁！越南三色椰子雪糕新地（$52）Vietnamese Tri-Colour Coconut Sundae珍多冰細細個就飲得多，呢個新地係將珍多冰演變為一道甜品🍮。底層係綠豆蓉，上面加入雪糕球，再放上紅豆同椰子啫喱。食落完全就係平日嘅珍多冰，不過加左雪糕又香又滑🍨，而且紅豆粒粒有咬口，唔會太甜。估唔到變為甜品版味道好似更加好❤️食落有滿滿嘅兒時回憶啊👶🏻晚市價錢唔算平，不過食物味道的確唔錯，而且朗豪坊露天廣場一向氣氛好好，不失為間中放工去享受下嘅好地方，今晚食得好enjoy呢~…查看更多