肉肉烏冬

營業中

休息中

佐敦貓咪主題烏冬佢哋主打日式爽口彈牙沾烏冬不適合食肉獸人士～佢哋嘅小食更好食！★（期間限定）牡蠣沾烏冬（套餐） $138有兩隻炸蠔係入面，蠔吾算大隻，不過就好鮮甜！但係得兩隻TT唔夠喉！係忌廉白汁做base，有豚肉片、菇、上面炸豆角，整體有少少海鮮味，但會有啲漏！★火炙壽喜燒牛肉沾烏冬（套餐）有4片薄牛肉，有牛味但又係肉份量太少了TT壽喜燒汁微甜，入面有菇、豆卜、大葱！幾鍾意佢之後可以加柚子湯！一定要加！味道變得清新，幾有驚喜（╹◡╹）♡好似食柚子拉麵嘅味★薯仔忌廉咖哩烏冬（套餐）$128 醬汁超級濃厚！薯仔融入左咖喱+面頭嘅cream=超級邪惡😈入面有豬、牛肉粒，日式甜咖喱微微辣，不過都好易漏～但打卡好靚套餐附送小食x1 + 飲品x1套餐小食: ★厚切吉列豚肩推介(๑>◡<๑)！炸皮薄，豚肉呈粉紅色🥹肉質一啲都吾柴，外皮超酥脆，保留肉汁，唔會有豬臊味，配甜燒烤醬食！★天婦羅盛合有炸蝦、南瓜、番薯、蘑菇食材新鮮鮮甜，炸蝦算大隻！係新鮮炸好香脆！

呢間位於佐敦嘅肉肉烏冬，店面細細間，但平日都好多人排隊🥺所以空間比較迫，周圍都有好多貓貓主題嘅小飾物～算係一間打卡able餐廳～———————————————** 火炙壽喜燒牛肉沾烏冬套餐 $138套餐有包小食同嘢飲，我今次揀咗吉列黑豚腩～黑豚腩比想像中有驚喜，佢嘅肥肉比想像中多，加上瘦肉同吉列脆皮，食落嘅口感唔錯～而且佢嘅吉列脆皮只係薄薄唔會太厚岩岩好🫶🏻 壽喜燒湯底就係一般嘅牛肉醬油湯底，牛肉份量都多～烏冬係彈牙嘅，好似沾麵咁樣食，但係湯底又未濃到可以比烏冬入味🥺而且個湯熱啲嘅話先浸到烏冬夠熱～不過烏冬係彈牙好食的❗️而且佢最後仲可以加高湯落個壽喜燒汁度飲用添～** 薯仔忌廉咖喱烏冬 $78算係呢度嘅招牌菜🫶🏻大大個貓貓手仔印喺表面～啱晒打卡😂😂烏冬撈忌廉同咖喱，食落creamy之餘都有少少辣味解膩🥺而且仲有薯粒同肉粒撈埋一齊增加層次感～唔錯好食❗️

之前喺ig睇到呢間烏冬，見到佢係貓貓主題嘅忌廉烏冬，即刻心心眼！終於喺上個禮拜六夜晚同朋友一齊去食，順便聚下舊。唔知係咪因為星期六，大家聽日普遍都唔使返工，超多人排隊！我同朋友起碼排左半個鐘，可能要就返啲時間排隊。喺出面睇間餐廳已經好日式feel，入到去都好日式feel，安靜。-雖然排隊排左都有啲耐，但野食係唔差的！我哋嗌左薯仔忌廉咖喱烏冬，火炙壽喜燒牛肉沾烏冬，厚切吉列豚腩。薯仔忌廉咖喱烏冬好好食，味道好濃郁，好正。而火炙壽喜燒牛肉沾烏冬，反而麻麻地，但牛肉好食的。之後我哋嗌左個小食（厚切吉列豚腩），一份有5舊，每一舊都好厚，好正，好滿足！-推介！

//<肉肉烏冬>小編喺佐敦亂行嘅時候發掘到嘅寶藏餐廳🤩🤩好鍾意餐廳嘅杯同埋筷子托都有肉掌嘅shape/logo🐶🐱好着重detail🤪🤪用QR code落單的📱📱免加一的🤑🤑—————————火炙壽喜燒牛肉沾烏冬（套餐）$138烏冬IG-able得嚟又好好食🤤🤤 壽喜燒沾烏冬小編都係第一次試🥰🥰 牛肉炙燒過好香，掛曬喺碗邊唔會浸到太鹹😆😆 蕎麥烏冬好煙韌🥳🥳 壽喜燒湯唔會過鹹，不過就冇平時嘅沾麵咁掛汁！套餐小食揀咗天婦羅拼盤，炸粉好薄～ 隻蝦同南瓜都幾好食🦐🦐飲品就揀咗哈密瓜梳打，呢個就麻麻哋，有啲人工味🫠🫠—————————薯仔忌廉咖哩烏冬 $78個咖喱有肉掌logo好得意😍😍呢款相對上冇咁驚喜😬😬 口感幾creamy~ 咖喱味都香，但係整體味道普通！食完呢個超級飽🤪🤪—————————評分：7.7/10地址：佐敦白加士街1-11號康寧大廈地下C號舖營業時間：星期一至日 12:00~16:15; 17:45~21:30#肉肉烏冬 #佐敦 #佐敦美食 #佐敦日本菜 #香港美食 #香港必食 #美食博客 #hkfood #hkfoodie #hkfoodblog #hkfo

呢間小店走日式簡約風格，首創沾烏冬🐈💗火炙壽喜燒牛肉沾烏冬套餐($138)烏冬用上日本多種小麥粉製成，麵質偏扁身順滑，將常溫烏冬沾落熱辣辣肉汁一齊食🍜肉汁主要有冬菇、大蔥、油揚豆腐，鮮中帶點炭燒香🍄配上火炙壽喜燒牛肉，軟嫩有油香🐮(🍤小食)天婦羅盛合：有兩件大蝦、一件南瓜、一件蕃薯、一件冬菇，炸得香酥鬆脆，炸漿亦非常薄(🍎飲品)日本木村信州蘋果汁(+$8)💗武藏野風豚汁沾烏冬套餐 ($118)武藏野風豚汁相對清淡，同樣有冬菇、大蔥、油揚豆腐，配上肥瘦相間嘅薄切豚肉片🐖(🍗小食)柿之種脆炸雞：炸雞特別沾上日本零食「柿之種」，外層特別酥脆，內裡依然嫩滑多汁(🍊飲品)日本木村富士柚子汽水(+$8)💗肉肉燒 ($26)將格仔餅做成貓咪肉球造型🐱口感鬆軟充滿蛋香，內𥚃係芝士忌廉餡，趁熱仲會有拉絲效果🧀