新麻蒲 BBQ (形點)

本身同朋友諗住近近地試下哩間韓式 BBQ，佢上爐果下幾似炑八，又有爐邊蛋，點知原來係伏。。。嗌左個牛肉套餐+部隊鍋同埋一個火山芝士泡菜炒飯。個爐黎左之後個侍應倒 d 好暗黃色既蛋汁出黎，已經覺得怪怪地，不過諗住食住其他肉同飯先，就無理到。食完個個泡菜炒飯覺得幾好，微辣，加埋炒飯上面既蛋，都可以叫好食既。牛肉套餐 d 肉尚可，都幾 juicy，但係稍微甜左 d，應該落左糖。套餐送既部隊鍋個湯有 d 鹹，不過還接受到。而 d 蝦就真係太鹹了，食左一啖就頂唔順。。。食到一半，見爐邊蛋仲未熟，就搵個男侍應過黎問咩事，佢幫我較下個火就算。（本身已經較到最大火）再隔多陣，搵個女侍應黎，直頭佢都唔知發生咩事，我問佢點算，佢無應我就行開左，本來諗住佢會搵人黎幫手，點知無返過黎。。。到我食哂埋單，都無熟過。。。埋單我俾左張卡，隔左兩分鐘，有個男侍應走埋黎問我係咪埋單，然後拎住張 receipt 俾我，連張卡都唔見埋，我連名都未簽過。。。我再問另一個女侍應，佢先話幫我睇睇。跟住再隔多 5 分鐘，有個裇衫男人拎住我卡同單黎俾得簽名。。。睇佢個樣似經理，哩個時候我同佢講話我地由食開始到依家，d 蛋都無熟過，佢問我有無時間，話幫我換過。。。跟住仲話下次想食蛋既可以叫佢地唔好用網爐，換個板爐。。。大佬，鬼知你咩爐打咩爐。。。已經嬲嬲地，起身離開既時候見到其他岩岩黎既客人都係用網爐，都已經熟左。。。哩間我諗真係可一不可再。。。太差勁了 ！！P.S. 佢 d 水，有種奇怪既味道。我個肚對哩 d 好敏感，返到屋企有種唔舒服既感覺。…查看更多

同肥仔今晚走去元朗食韓國野！餐廳係yoho一期地下，好易搵到。座位相當寬闊，餐廳面積亦好大，又唔大油煙味。因為唔想食燒肉，所以點左佢地新出既野食！先黎前菜韓式醬油腌生蟹拌飯 $178店員好細心咁俾手套我地，記得食蟹用手套！所選用的韓國秘製醬油，令到生蟹的肉好嫩，一啜就啜到ｄ肉出黎。將ｄ醬油蟹既汁拌入飯食，真係好入味！醬油鮑魚 $118有3隻，餐廳好細心咁幫你切開４小件，唔需要自己用力咬。鮑魚口感好爽口，彈牙，略微醬油太多，有d咸咸地，不過將ｄ汁點飯食，都好正。火山芝士泡菜炒飯　$78推介! 個飯黎到會由Oppa用Gas將芝士燒溶，烤蛋的蛋味濃郁，入面仲有ｄ芝士，將成個飯拌勻後，泡菜的味會有蛋香，不會膩，個人覺得芝士味唔夠！但係蛋味好足，有驚喜。藍天檸檬汽水 $28檸檬味好夠，甜甜地又酸酸地，幾開胃。覆盆子紅醋汽水 $28韓國野當然要飲下紅醋啦！酸酸味味，同想像中既味一樣，唔會似藥水，幾開胃。每人$200左右，又有海鮮，又有泡菜食，下次可以叫d燒肉再加d主食，唔駛單一食燒肉咁dry!…查看更多

今日同另一同事外出工，見到好耐冇見舊同事，相請不如偶遇就一齊去食lunch。佢介紹咗去YoHo mall呢度食。三個女人仔，但係買三送一午餐68-88@包三個飲品就都叫埋。我哋喺度揀嚟揀去睇下食咩就，上勁多前菜同湯，包括冷豆腐、無限添嘅沙律、好大碟泡菜、涼拌海帶、薯仔絲、同埋個海帶湯。叫咗個同事極力推介嘅豬烤肉，另外個同事就叫咗石頭鍋飯我就睇中左個鮑魚人蔘雞湯。因為送嗰個要係最平嘅咁就烤豬肉係送嘅，另外叫多一個火山芝士泡菜炒飯。其實食前菜已經好飽，豆腐好食有豆味但唔滑，沙律好新鮮，涼拌海帶好大碗，泡菜唔係老泡菜唔酸👍🏻薯仔絲入味，海帶湯好大碗。見到個芝士泡菜炒飯上咗有專人即刻幫我地燒😮。好多芝士好好味個泡菜飯夠辣，鐵板上出晒煙👍🏻牛肉石頭鍋飯個牛肉熟咗就普普通通啦。不過望落去啲色都幾靚嘅，排得整齊。烤豬肉個汁真係好味，同事果然冇介紹錯。下面仲有啲粉絲索晒啲辣汁好好人餸飯。最貴嘅鮑魚人蔘雞湯飯，鮑魚就腥咗啲，人蔘好細條我諗食指一節仔左右🙄湯都幾濃，雞入邊有糯米好淋。雞都幾大隻唔鞋。飲品同事叫覆盆子紅醋汽水有啲失望冇乜味既。份量夠大，下次儲齊四個人來食就好抵啦，因為埋單都係二百幾蚊，女仔可以share食添，環境又好又唔使等位又唔嘈地方夠晒大。…查看更多

元朗Yoho Mall有新麻蒲😋同朋友兩人黎到 被編排坐係窗邊位置可以見到出面既狗狗係到散步 好寫意一坐底，店員會自動送上前菜沙律同海帶是我最的兩款前菜很快便落哂我個肚我地兩個人，點了海鮮+牛/豬套餐 又海鮮又牛又豬 份量都幾多重有個火山芝士泡菜炒飯 店員會係我地面前即場用火槍噴向火山炒飯視覺效果一流！炒飯外形完全係一座火山般上面有一層芝士入面有泡菜 唔算好辣圍住旁邊既蛋好好吃套餐中有霜降牛肉同護心肉先燒霜降牛肉牛肉燒至半熟已可食用聞到陣陣牛香 肉質彈牙唯獨最後一舊比較韌但真係好好吃的肉店內主打霜降牛肉份量都幾多 兩人分享絕對適合護心肉都幾易熟非常入味 不錯不錯海鮮方面亦出色用左一個小碗入面載住超多芝士，粟米同一隻生蠔成碗放上爐上燒待芝士溶化 夾起生蠔一齊放入口正還有2隻特製黃油醬帶子帶子夠哂大粒又鮮味 是我當晚最愛的一種每人1粒唔夠喉海鮮系列還包括香辣八爪魚，蜆貝，海蚌八爪魚唔算好辣 帶點甜 幾特別輕輕燒兩燒就食得不要忘記爐邊既泡菜蛋好好吃的😋而家新增左芝士邊芝士味不濃但能夠拉到好長好長既芝士！！兩者相比 泡菜蛋味道較出色😋韓燒完不能缺小既雪花冰今次選了藍莓芝士口味既雪花冰每粒藍莓都好大粒！但食落有點酸面頭既藍莓醬一點都不吝嗇酸酸的但藏著少許的藥水味上面還有芝士蛋糕 份量都多芝士蛋糕原來都幾夾雪花冰一碗雪花冰份量適合兩人分享…查看更多