求其搵咗間川菜過下口癮，冇諗過味道咁出色🥹，份量又多，仲可以跟自己口味揀辣度，啱曬beginner即係我🥹，雖然裝修就一般酒樓風格，但好食係真就夠曬，老闆娘仲要好好人，一定會回頭😋。✏️流芒先生 $32 🍎8.5/10超足料嘅飲品，用新鮮芒果打起，味道一啲都唔假膠，雖然唔想用呢四個字，但都要講，酸酸甜甜，好飲🥹。✏️重慶酸菜魚（細）$188 🍎9.5/10好大碗真係好大碗，鋪滿辣椒泡椒酸菜🥹，唔食魚我都要大讚魚肉細嫩又新鮮，一啲骨刺都冇，而且筆極都仲有，三個人食都夠！上菜前應該淋咗熱油，所以熱辣辣好夠鑊氣，湯汁濃郁鮮美，可惜唔夠酸，不過依然好好食🥹，特別係個薯粉好索汁，諗起都想食多次！✏️辣妹涼麵 $59 🍎10/10超好食🥹，麵質彈牙，雖然係bb辣都食到我流眼水，花椒油好香，撈埋啲辣椒蒜碎超惹味。✏️潮式反沙芋 $68 🍎8.5/10估唔到粵菜都咁有水準，芋頭咬開都算棉，砂糖外衣好香脆，加咗啲香蔥做topping，甜中帶少少鹹，一樣咁出色。✏️涼拌土豆絲 $66 🍎9/10土豆絲唔會過生或過熟，夏日食特別開胃。好食就係要重覆好多次🥹，唔好期望係啲靚靚打卡餐廳，但為野食去一定唔會失望，近期最愛之一。🤲🏻😆…查看更多
