潮薈館

🪿九龍城潮州菜館林立，唯獨是呢間幾乎晚晚都爆滿，價錢合理，份量十足，值得推介！成晚食飯客人絡繹不絕，雖然都有Walk in客，建議上嚟食飯最好訂枱，咁就萬無一失啦😌🌱🍵先睇吓餐廳牆壁佈置同餐牌設計都股息故鄉，好似去咗武俠小說入邊嘅茶樓食飯咁！1️⃣汕頭蠔仔烙 $128推介指數：🌟🌟🌟🌟🌟蠔仔餅間間潮州菜都會有，但能夠做到足料之餘，厚薄同乾脆程度係恰到好處，呢間係做得非常出色香口！2️⃣滷水鵝拼盤 $188推介指數：🌟🌟🌟🌟🌟拼盤內除咗有鵝肉，仲有紅腸豆腐同埋滷水蛋，鵝肉非常入味3️⃣荔蓉香酥鴨 $138推介指數：🌟🌟🌟🌟🌟將鴨肉片連皮墊底，上面就係滿滿香糯荔芋蓉，酥脆嘅wrapping，食多舊都係淡淡好滋味！4️⃣油鹽水花甲$138 推介指數：🌟🌟🌟🌟胡椒香十足，新鮮花甲配上洋蔥絲，仲有吸收晒湯底精華嘅粉絲，海鮮迷一定不要錯過！5️⃣招牌方魚炒芥蘭 $118推介指數：🌟🌟🌟🌟看似普通嘅一個菜式，但能夠炒到本來口感就較硬嘅芥蘭軟硬適中，又唔能夠炒到啲菜太老，非常考驗師傅嘅功夫，加埋潮州地區嘅大地魚「方魚」，為呢碟素菜加添蛋白質、DHA同鹹香！…查看更多

潮薈館😘😘😘美味潮州菜九龍城除左小泰國之稱外、原來有間咁特色傳統潮汕菜、牆身以中國水香風情、配中國紅木枱掎、別有一番風味！✨滷水鵝拼盤$178潮州菜、必、必、必食之選、獅頭鵝聞名、肉厚肥美、鵝味濃、滷浸後、鵝冇羶味、仲突顯鮮香、肉質也軟嫩多汁！配菜有滷肉、滷豆腐、滷雞蛋、蒜泥醋是滷水鵝的必備蘸汁、提升味蕾口感！✨芋蓉香酥鴨$128潮州名菜 、芋泥鬆軟，外層纖細蓬鬆、像蜂巢一樣、炸至酥脆香口、不油膩、搭配滷鴨的鹹香，咬下去很有層次感、醬汁鮮香味十足 搭配起來爽極！✨豉汁蒸白鱔$168肥美的鱔、一口一口啖啖鮮魚香、質感彈口、爽脆無比、無得頂、豉汁蒸、冇得輸、配白飯一流！*午市小炒套餐*提供精美午餐潮薈館九龍城福佬村道62-64號福聯大廈地下B號舖港鐵宋王臺站B3出口、步行釣7分鐘…查看更多

潮州妹今晚又去咗九龍城搵下潮州菜食。今次試下呢間新店，試試新派潮州菜館嘅潮州菜夠唔夠地道先。餐廳裝修佈置甚具心思，採用傳統中國風格，牆身是中國山水景色，掛上舊式中國燈籠、古式深色木製餐桌餐椅，配上傳統中國菜壼及餐具等等。令人如置身古代進餐，別具風味。:)雖然是新派潮州餐館，打開餐牌一睇，除了常見潮州食品、小炒、粥麵之外，較少見嘅例如生醃瑡蚶、生醃蟹、生醃賴尿蝦都有得食。仲有炒薄殼、普寜炸豆腐等等，呢啲直頭係我兒時家庭菜式。《汕頭蠔仔洛》（$108），特別推薦大家一定要試，呢個蠔仔洛是用薯粉開，加上蛋慢煎，入口已經食出不同一般蠔餅。口感較煙靭，蠔仔肥美鮮甜，而周邊嘅蛋香脆，配上魚露提鮮，絕對一試難忘。佢嘅製作方法，令我想起兒時食到媽媽嘅煎蠔餅，製法十分近似，一是用薯粉、二是非油炸而是煎，老實說不是很多地方有。《滷水鵝拼盤》（$158），有鵝片，腩肉片，紅腸，滷豆腐，滷蛋角。滷水夠香夠入味，鵝肉甘香，亦是水準之作。最後忍不住㸃埋個《反沙芋》，雖然呢個芋頭不夠粉香，但發現師傅係糖中混有炒香芝麻粒，大大提升食物香味，功夫之作，可以一試。老闆娘十分好人，知我是潮州妹，見我又鍾意食反沙芋，所以仲請我試咗《芋泥》甜品。芋泥配上白果肉，芋泥獨特嘅香味同埋起沙口感，加上甜度適中，呢個甜品我幾喜愛。仲有好多菜式想試，今晚食住咁多先，下次要約多幾個人可以食多幾款懷念菜式。…查看更多