阿元來了 (鴻圖道)

營業中

休息中

“阿元來了”是家由台灣人經營和主理的台式餐廳，菜式以台灣小食為主，它的台灣菜在香港算是非常道地。現有三間分店是堅尼地城北街總店、香港國際機場大樓分店和觀塘鴻圖道分店。總店2015年在香港落戶，原址西環後遷到現址北街，餐廳曾於2022年再次獲得米芝蓮推介。至於觀塘分店是最新開亦是內部陳設和裝飾最有心思的一間。店內裝修以台灣老街裝潢為主題，好有復古懷舊的風格，牆上掛有舊式電影海報，有點置身於台灣夜市的感覺。店員好友善，送餐都快手，整體感覺唔錯。不過人多時候會有點逼和要排隊及搭枱。食物不算大份但勝在可以多叫不同小食，味道亦非常好，有台灣風味，價錢亦親民。食物種類好多但無套餐，推介魯肉飯、鹽酥雞和起司蛋餅。滷水拼盤、滷肉飯和台式牛腩絕對值得一試

今晚行經觀塘鴻圖道時，想起「阿元來了」的分店就在附近。雖然門外沒有客人等候，但店內已有九成客人在用餐。裝修、佈置充滿台灣味道，地方細小將氣氛濃縮，有如置身於台灣地道小店。我倆食量不算大，只能點阿元魯肉飯、QQ紫薯地瓜球、滷味拼盤及兩杯飲品百香果綠茶和胚芽珍珠奶茶。阿元魯肉飯的魯肉味濃，少少甜味又不油膩，正合心意。QQ紫薯地瓜球平平穩穩，好味但未能留下深刻印象。滷味拼盤是豆腐、豬耳和雞翼的組合。豬耳的味道與魯肉差不多，軟骨部分微脆，好味👍🏻雞翼的肉質較硬，感覺差少少。用豆腐來平衡雞翼的過韌，不錯。百香果綠茶和胚芽珍珠奶茶中規中矩。整體來說，餐廳營造台灣地道小店的感覺，使客人暫時離開香港繁盛的都市喧鬧，享受一下休閒。加上食物都是地道的，不錯👍🏻

之前食西營盤嗰間，佢搬咗之後都冇食過... 咁啱今日無啦啦飯局，就去咗觀塘間阿元食飯. 久違了的味道.7 點未夠坐低， 唔駛點等位~ 但係食食吓， 越嚟越多人， 好彩早d過嚟啫~我地兩個人食， 叫咗爆蛋雞肉飯， 香菇肉羹米粉， 滷味拼盤，豪華海鮮煎。 叫咗飯同小食， 可叫特價叫嘢飲， 我叫咗洛神紅梅， friend就飲咗蜜香綠茶加紅豆。 等咗一陣， 好快就有嘢食 個香菇肉羹米粉都幾大碗， 好多米粉， 好台灣味~ 豪華海鮮煎又好多料， 好大隻蝦蝦蝦. 成餐都好好食~ 我特別鐘意杯洛神紅梅， 酸酸甜甜咁， 好好味冇得去台灣， 食d台灣嘢， 頂住先啦~ 唔知幾時先可以去旅行呢

好耐之前已經知呢間出名食台灣野既餐廳, 見星期六番工就想去試下, 一點幾到步但都已經有好長排隊人龍, 大概排左45分鐘度, 而排緊隊既時候職員好好咁每人派左餐單俾我地先填揀食咩見到meau樣樣都好似好好食! 經過門口既時候仲有車輪餅可外帶入到舖頭覺得比我想象中靚!(о´∀`о)好有台灣地道環境! 對於好耐無去旅行既我好似番左台灣食野( ´ ▽ ` )雖然排隊需一段時間, 但上菜的速度好快, 服務都很好, 需要多set餐具時職員好快都遞上鹵肉飯@$32鹵肉飯既份量係一個人既份量度, 鹵肉既咸度適中, 不會太硬, 但比較乾身, 因為同朋友打算飯加小食share食, 所以感覺份量剛好鹵味拼盤@35很有口感的拼盤! 每款拼盤切條裝所以很好咬, 不過撈飯食先會無咁鹹; 意外地份量超多! 塩酥雞@37超香脆可口, 每一小粒放進口size就是剛好(´∀｀)一流的小吃~酥炸魷魚@39魷魚稍微覺得油了一點, 每條都很大條, 同樣份量大足總體來說, 很喜歡這餐廳! 超地道的台式餐廳(๑˃̵ᴗ˂̵)終於明白這間餐廳為何長期需要排隊等候, 因為真的高質! 價錢不算太貴但份量很足

少數真係有台灣味道嘅台灣菜🇹🇼，久唔久都會想去幫襯下阿元來了🕺。裝修好有特色⛩，模仿夜市一個個攤位，比以前西環分店闊落好多💺🍚魯肉飯（$30）必叫當然係魯肉飯啦，唔似的其他台式餐廳鍾意改一改口味👨‍🍳迎合香港人，呢間算係保留台灣原味🥰，豬肉🐷半肥瘦，好入味多汁💦，魯肉份量卑得慷慨🈵，啖啖飯都有肉送😄；阿元魯肉飯（$40）就再大份啲，同多兩件豆腐🍮，可以叫細碗可以試多啲其他小食🥓台灣香腸（$30）台灣香腸係另一心頭好，特別係連埋啲蒜片一齊食真係正，不過就略嫌烤得唔夠脆同香（另一間連鎖茶x做得好食啲🐔鹽酥雞（$37） 雖然係預想中的味道，但外面嗰層炸得好脆，入面嘅雞肉🍗仍然好嫩滑，廚師掌握得好好，但因為本人比較重口味🌚，如果可以鹹🧂🧂🧂多少少就更加好🍵茉香綠茶（+竹炭奶蓋）（$30）呢個想特別寫一寫，見佢奶蓋有好多選擇（原味、綠茶、竹炭），竹炭☕️又未試過就打算率先試伏啦，但真係唔知自己飲左啲乜，竹炭係乜我都而家都未知🤦‍♀️，非常淡冇咩味，同芝士🧀️味道唔係特別夾，反而帶出左芝士嘅騷味😕，建議大家要飲奶蓋都係叫番原味比較穩陣🙂，或者珍珠奶綠都係好選擇，奶味特別香，同天x有得揮😋無可否認高CP值

3人行見有間台灣嘢就黎試吓啦觀塘終於有間正宗啲嘅台灣風味啦～怪唔得咁多人嚟排隊食啦店內座位唔算多～仲有D迫添魯肉飯五花肉切成細細舊～加上滷得夠長時間好入味香菇肉羹麵有D似碗仔翅加面～有香菇同豬肉片～但個人唔太喜歡台南擔仔粿條湯底夠晒味～麵裏面有：蝦、蛋、豬肉丸、豬肉碎、芽菜、芫西～幾特別滷味拼盤包括：蛋、豬腸、豆腐、雞翼樣樣都滷得好入味～值得一試蚵仔煎表面係蚵仔煎蛋下層係糯米粉～可惜感覺好黏牙～表面有生蛋汁～一啲都唔夾同食開嘅有出入整體上都算幾正宗

整體黎講食物質素係唔錯既，但座位安排有啲怪，2個人同5個人都係坐一樣大既2人枱，座位都唔係太好坐，肥啲既人或屎忽大啲既人都會坐得唔舒服地方唔算大，啲位唔多，預左食完就要即走，因為外面都仲有人排隊，果陣時間都2點幾3點啲人唔知係咪諗住當食下午茶☕️

呢間餐廳星期六日都唔開，收工行過黎朝下聖先！每一碟既份量都唔算好大，所以可以叫幾樣試下⋯⋯冷盤小菜青瓜拼茄子，茄子都幾入味，而且夠凍！滷味拼盤有豆腐、蛋、豬耳同埋雞翼味道普通，無咩特別出色！新竹頁丸湯同係台灣食有D唔同，個湯比較濃味，而且好大陣炸蒜既味道，都唔錯！鹽酥雞依家出面咁多炸雞店，相比起黎呢度既鹽酥雞無咩特別，味道OK！蚵仔煎成餐比較特別既係呢一味菜，佢既做法同傳統台灣有D唔同，餅中間夾左一層好似糯米糍口感既粉團係度，食落好有口感，味道唔錯呀！魯肉飯佢既肉唔係一般台灣傳統會用既肉碎，而係用肉絲，不過唔影響個味道，一樣咁出色！百香果紅茶&黑糖牛奶珍珠兩杯都好有台灣味道，就好似係台灣街邊飲品店既出品呀！九份芋圓（溫）芋圓既口感同係九份食到既一樣，不過敗筆係個糖水，太甜了！！香港有好多食台灣野既餐廳，不過無幾多間可以食到有台灣既味道，呢間餐廳雖然有D改良左傳統台灣美食既煮法，不過依家佢既食物依家好有台灣既味道，值得一試呀！

台式料理熱潮捲土重來 阿元算係其中一間keep火紅keep住人氣既小店 由西環開到觀塘 主打台式小食 價錢大眾化  穿過小街後巷 打開道門後 唔知以為自己去左台灣戲棚 裝修方面花左唔少心思 見到張餐紙款色超多 唯有重點揀幾樣想食既魯肉飯 ＄29 古早魯汁 五花腩丁粒鋪滿成碗 魯汁調味唔錯 肉丁稔身入味 唔似平時又咸又瘦 淋上魯汁係比較肥膩 但絕對會食上癮 蚵仔煎 ＄35 份量好多 有蛋味蚵仔唔少 亦夠鑊氣 薯粉同上面層甜辣醬同係士林食既好似 下次想試蛋餅鹽酥雞 ＄35 炸得香口 外皮香脆 雞肉大粒唔乾有肉汁 調味係幾好 下次可以試下其他炸野滷味拼盤 ＄30 魯水雞翼豆腐蛋同豬耳 不過不失 豬耳爽口 落滴甜醬汁好有台灣feel綜合湯 $25 好喜歡台灣既肉丸湯 莞茜湯底好惹味 貢丸大粒彈牙 得2粒唔夠呀仲有好多款色未試 一定要再encore多次先得

台灣番黎之後就好掛住台灣既風景台灣既野食，終於係香港唔駛過海都食到寶島美食喇，阿元來了終於係九龍開分店，係觀塘都可以食到寶島夜市既好滋味喇！旁邊係阿元來了既飲品店，平時行過都可以係度買番杯台式特飲，旁邊有個門口就係入餐廳既地方。門口就有單車流動店既裝飾，好靚咁畫左新張開幕，準備入去大食台灣小吃。店面大左不過長龍依舊，夜既都排左半個鐘度先入到去食。點會少得阿元商店既招牌，櫃台有好多特別既台灣精品可以買，大家食飽都仲可以係度揀下野。裝飾好有台灣特色，好似入黎就會見到暖暖車站既站牌同模仿車站入口既樣，上面仲掛左台灣特色既天燈。仲有春風大戲院，牆上掛左好多電影既海報，好有台灣舊式戲院既感覺，去睇番場懷舊既電影喇。成間店都可以見到唔同既懷舊裝飾，黑松沙士汽水台灣人一定會識，上次去都仲飲左枝試下。仲有懷舊既電話，海報，七星汽水牌等等全部都好有台灣古式既風味。出菜地方好大個阿元來了既招牌，亦都模仿左夜市既設計，有兩個攤檔咁出魯肉飯鹽穌雞，坐低就好似去左台灣夜市咁熱鬧又食台灣風味。連筷子筒都整左阿元來了既字樣好有心思。招牌一定試魯肉飯($29)，五花腩切粒之後放哂係飯面，魯肉飯一定要肥多油脂香，呢豌完