順興茶餐廳

營業中

休息中

本身其實想食另一間餐廳，但係奈何太多人排隊而我嘅食飯時間有限，所以就嚟食依間我都bookmark咗好耐嘅茶記☺️佢最出名嘅係滑蛋系列～咁就梗係要嗌嚟試🥰🧡滑蛋菠蘿油🧡💵$28依個係大坑名物嚟～菠蘿油本身已經夠晒邪惡，佢仲要配埋滑蛋😈我覺得都係好食嘅，菠蘿包仲暖暖地，再加上熱辣辣嘅滑蛋同凍冰冰嘅牛油，係有少少冰火兩重天嘅感覺😂我諗鍾意食菠蘿油嘅人應該會幾鍾意食～但係我覺得其實都係想像到嘅味道嚟😂💜滑蛋豬扒飯💜💵$57賣相唔錯，滑蛋份量都好足夠配飯食～豬扒腍身而且已經切好一條條咁方便你食🥰味道係好食嘅，算係正常好少少嘅茶記質素，但係未去我預期中好驚艶嘅程度～💕overall💕食物味道唔錯～不過唔好特別抱太大期望😂

大坑名物！半世紀老字號 順興茶檔上次太遲黎 食唔到馳名滑蛋菠蘿包。今次醒少少趕係lunch hour之前到訪，終於食到啦！佢地嘅招牌滑蛋飯都好受歡迎 (好似11點後先供應)▪️滑蛋菠蘿油 $28一大朝早食到呢個邪惡菠蘿油 真係勁滿足！菠蘿包暖笠笠好鬆軟~ 上面嘅菠蘿皮夠脆就基本啦，連中間切面都經烘過。滑蛋嫩滑，份量十足之餘，又唔會整到個包好濕好腍。加埋凍嘅牛油，冷熱交融 好香好正！▪️滑蛋豬扒飯 $57滑蛋多到完全見唔到啲飯！生熟程度岩岩好，超滑嫩富蛋汁蛋香。飯粒分明唔會過乾，加上滑蛋、蔥花同微甜既豉油，基本上係不敗組合。不過豬扒就一般般，肉質偏硬，正常茶餐廳質素~ 但勝在份量慷慨，每一啖飯都食到蛋同豬扒，輕鬆清晒成碟。加3蚊有埋凍奶茶！

近排去咗大坑一間好出名嘅茶餐廳 平日中午去都大排長龍 唔知係咪真係咁好食呢😚👅滑蛋菠蘿油 $28呢個係佢哋嘅招牌菜 佢嘅菠蘿油真係幾好食😋菠蘿包嘅皮做得好鬆脆 入面嘅蛋幾厚 同埋食落幾滑 再配埋牛油 一齊食又甜又鹹 平衡得幾好 邪惡得嚟好好食🤤不過如果牛油再厚啲就更好啦👅滑蛋豬扒飯 $57呢個又係另外一個招牌菜 佢嘅蛋的確好滑 豬扒唔會太鞋同太靭 豬扒嘅份量都幾多🤩不過豬扒嘅炸皮會比蛋浸淋左🤭豬扒飯再加上佢嘅醬油 一齊食幾好味😛不過其實佢嘅醬油同普通豉油食物冇乜分別 👅車仔麵 $74佢唔同餸係收唔同價錢嘅 我哋叫咗咖喱魷魚 齋 香腸 煎蛋同魚皮餃 配油麵 （小辣+腩汁）女小編覺得最好食嘅係咖喱魷魚😍咖喱味幾出同埋魷魚唔靭 其他就正常 油麵就淋咗少少 同埋如果湯底再濃郁啲就更好😚👅凍奶茶 （跟餐加$3）呢個好推介大家飲‼️佢嘅奶茶味道幾濃 飲落好滑 奶味偏重 甜度啱啱好 真係幾好飲🥰總括嚟講呢間茶餐廳嘅食物水準幾高😋大家嚟到大坑不妨一試😚😋 好味：8.32/10🤑 價錢：7.34/10🤗 服務：7.21/10😝 環境：7.15/10😚 衞生：7.03/10🤩 整體：8.00/10

順興的炒滑蛋一向都好出名可惜地點有點隔涉，一直都未有機會去試。比起滑蛋叉燒飯，我對餐牌上沒有寫出來的滑蛋菠蘿油更有興趣聽講滑蛋菠蘿油的數量有限，一般在中午前都會售完。今次我在平日的中午12點來到，慶幸還吃得到。店員會主動問需不需要切，切開見到滑蛋很厚滑蛋果然出色但菠蘿包不算太脆，牛油也比想像中細塊，整體來說味道不錯，但未至於值得特意來吃，如果下次再有機會路過也會再試。奶茶正常發揮，用紙杯上方便拎走飲。另外這裡request水要另加$1 ，要留意一下。

順興大排檔的名字相信大家不陌生馳名滑蛋叉燒飯尚未試 就已經被美食達人 @168hungryki 揪來 一試他家的隱藏餐單！個人覺得這簡直要榮升大坑名物頭三位˙ᵕ˙♡̷̷̷ 滑蛋菠蘿油 $26 ☻ ☻ ☻ ☻ ☻菠蘿包的脆皮薄薄一層 脆得一碰便碎滑蛋炒得剛好，又滑還掛點蛋汁包包切開一半後有先煎脆過夾上牛油和滑蛋 咸甜、滑脆 多重口感和味道的層次太讚了邪惡但好幸福( ˘•🐽•˘ )ブ有看到別人說這一個包是770kcal大家請自己斟酌要分享著吃還是獨呑全個～～我先自行解決一個了(女漢子´∀`∩)✧ 心中大坑名物頭三位- 滑蛋菠蘿油、OMA Wuri G1 Siphon、Cookie Vision Portuguese Egg Tart Cookie PS 覺得奶茶一般 應該到對面沒冷氣的茶檔喝更好

係網上睇到就心心念念想來大坑食一次菠蘿包，今次終於試到啦😜👉 滑蛋菠蘿油隱藏菜式，超級超級推薦俾大家必食💁🏻‍♀️十年唔食一次菠蘿包(驚肥)的我都忍唔住食左半個🤤新鮮出爐黃金色菠蘿包🌕配埋成寸厚的滑溜炒蛋🍳，外脆裡軟滑，一定要試下食😆👉 招牌滑蛋叉燒飯另一個必食之選就係佢的滑蛋叉燒飯🍛，半熟叉燒滑蛋🍳配搭秘製甜豉油簡直就係香港版的「白飯小偷🦸🏻」，不知不覺就食曬🙈P.S: 菠蘿包🌕同滑蛋叉燒飯🍛都係限量供應，中午好快就賣曬，記得要早D來😉

我同男朋友專登請咗日假去放鬆下，就research咗一間港島出名嘅地道茶餐廳試試佢。叫咗好出色嘅滑蛋菠蘿油同滑蛋豬扒飯，加杯凍奶茶～上菜幾快，啲野全部新鮮滾熱辣，最驚喜嘅一定係滑蛋菠蘿油。菠蘿包外皮雖然冇話特別脆，但面包鬆軟，夾埋厚厚嘅嫩滑牛油炒蛋，我地食完第一啖係驚豔到大家隻眼都撐大咗😂另外滑蛋豬扒飯都係招牌之一，一樣，滑蛋綿滑，豬扒鬆軟，份量好足，加埋杯好甜嘅凍奶茶(個人好鐘意個甜度同口感)，我地就嚟飽到行唔到haha順帶一提，大坑呢區真係每次嚟心情都好好，希望大家好好珍惜

大坑一向多美食👅呢次嚟到好出名嘅順興🏅食佢嘅招牌滑蛋叉燒飯，果然無失望，滑蛋出色，值得一試！————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣🥚滑蛋叉燒飯 $55蛋炒得超滑溜，火候控制得啱啱好，仲好有蛋香😋叉燒半肥瘦，幾軟稔唔痴牙。🐷滑蛋豬扒飯 $55豬扒醃得入味，配埋個甜豉油撈飯認真一流👍🏻🍍滑蛋菠蘿油 $26菠蘿油相比之下就略略失色🙊滑蛋份量十足，但菠蘿包偏淋。菠蘿油推介西貢咖啡餅店，外脆內軟，去親都大排長龍，入西貢必食👅💡味道：🌕🌕🌕🌗🌑⠀⠀💡環境：🌕🌕🌕🌑🌑💡服務：🌕🌕🌕🌑🌑⁣⁣⁣⁣⁣⁣⁣💡性價比：🌕🌕🌕🌑🌑⁣

特別推薦大家✅滑蛋菠蘿油✅招牌滑蛋叉燒飯《滑蛋菠蘿油》熱辣辣🔥，菠蘿皮焗到金黃色，帶點微脆，包身軟熟，夾住好厚嘅滑蛋同半溶狀態嘅牛油，冇得輸🤤🤤💰$26《招牌滑蛋叉燒飯》蛋好滑，帶少少蛋漿🍳，叉燒份量都唔少，唔會un，不過肥d就仲好🐷，落埋佢嘅豉油，豉油有點甜，撈飯一流💰$55

 今日午餐終於可以黎到順興食啦，等左一陣先有位。我叫左魚蛋+鮮牛肉撈腸粉配凍奶茶少甜同滑蛋菠蘿油，同事叫左滑蛋叉燒飯配可樂。魚蛋+鮮牛肉撈腸粉($38)冇乜特別，普普通通，都係混醬腸粉好食啲，而且份量好少，女仔食都唔會飽。凍奶茶少甜(+$3)飲落都幾順滑，可以一試。滑蛋菠蘿油($26)唔錯，不過都幾油膩，拎起手食食到成手都係油。但係味道唔錯，甜甜地，滑蛋好厚好滿足。我試左少少同事既滑蛋叉燒飯($55)，蛋都滑既，如果蛋同飯既份量多啲會好啲，男仔食會唔夠飽。

菠蘿油一直都是真香港人的窮人發明，亦是下午茶的恩物！由幾毫子一個，發展到今時今日$30-40一個。外脆內軟的菠蘿包，加上表面溶化、內心是凍冰冰的牛油！總要加上滑蛋，口感可以話係更上一層樓，味道方面可以話接近完美！我會再係牛油磚🧈個層再加少少沙糖，會更加好味！呢個下午茶簡直係不得了。

🍍🍞🥚🐖⠀一心想去食菠蘿油同滑蛋叉燒飯⠀就搵到大坑有間茶檔可惜晏晝去到已經賣哂叉燒無叉燒 姨姨介紹話豬扒都好好食架咁我地就聽佢講叫左滑蛋豬啦所以就同個炸豬扒遇見左本身都無咩期望因為我地睇都無睇豬扒個食評上枱我地每樣野都相機食先上餐好快手 畢竟係茶檔影相影相影相到開餐我地仲可以同佢地影大合照最奇妙嘅事發生了經過一輪影相我地已經習慣平時日式果款個豬扒都會係淋左我地一食 發現個豬扒仲脆架至於菠蘿包 個皮又脆又鬆化我呢個菠蘿油fans都話佢好食仲有無影嘅熱奶茶(茶走)茶味好好好好味·⠀📸⠀滑蛋菠蘿油⠀滑蛋豬扒飯⠀粗粒花生醬厚多士⠀

係久仰大名嘅滑蛋飯呀！今日終於有機會品嚐啦位於大坑嘅順興係偏僻左啲 但老實大坑的確有唔少好野食架熱辣辣出哂汗行一敞都值得嘅 為食好西真係可以去到好盡呢！下午三點到達 聽講平時大排長龍 但去到竟然岩岩好唔洗等位！實在太滾動了！不過都有唔少人等外賣中順興都真係唔休做喲哈哈 營業時間係0700-1600 想覓食嘅朋友仔留意番啦 免得摸門釘環境係一般茶記feel 不過都算係乾淨企理嘅 見到十枱有九枱都係食滑蛋飯可能已經接近打烊 最想食嘅招牌滑蛋叉燒飯已經賣哂 最後叫左滑蛋牛肉飯！另加一個滑蛋菠蘿油滑蛋牛肉飯好快就上碟啦 Wow！！！屬愛蛋之人嘅豬小姐見到滑劣劣水潤嘅滑蛋不禁心心眼加吞口水豬先生見到我尼個為食豬樣表示非常無奈哈哈呈漂亮橙黃色嘅流心半熟炒蛋平均咁鋪係白飯面 蛋香香氣撲鼻 真的抗拒不了滑蛋做得真好！半生熟蛋液緩緩流出 口感滑溜柔軟 加上青澀蔥粒作陪襯 已經無得輸唔止有滑蛋 仲有滑牛！ 牛肉已經預先醃製過 棕色嘅牛肉入味有肉汁 口感軟腍 唔會有筋或帶韌 抵讚仲有加分位 就係放在旁邊嘅熟油豉油 油香令成件事更完美更滋味！令主角滑蛋無需調味已足夠有餘 趁熱食真心好滿足！！！ 仍在回味中……