丼道 (上水廣場)

營業中

休息中

在上水廣場購物後，看到日式餐廳「丼道」環境雅致、舒適，就决定進入享用晚餐。和風晚市定食有多個款式選擇，我較喜歡照燒雞扒迷你丼&湯烏冬味噌湯、炸餃子、雪糕甜筒、芒芒、果蒟蒻多多。照燒雞扒迷你丼~話雖迷你丼，但都是滿滿的一飯碗，配合湯烏冬，相信連大胃王也可以滿足，雞扒和香甜的照燒汁，軟綿的珍珠米飯，配合得美味無窮。炸餃子~金金黃黃的脆皮餃子，菜肉饀料鮮嫩多汁。湯烏冬~清而不淡的湯烏冬跟鳴門卷，別具風格。味噌湯~很傳統的海帶、魚乾鮮味。雪糕甜筒~牛奶與抹茶扭紋軟雪糕是最佳餐都甜品。芒果蒟蒻多多~香鮮芒果粒粒和蒟蒻粒粒，有咀嚼口感，甜甜酸酸，冰冰涼涼，十分消暑開胃，而且跟餐有半價優惠。滑蛋吉列豬扒丼~日式的滑蛋口感較濕潤，伴有洋葱絲，吃到洋葱絲的甜味，甜味也滲入珍珠米飯，非常可口，吉列豬扒外脆肉滑。炸芝士年糕~香香脆脆的芝士年糕蘸少許沙糖吃，味道更豐富。蜜味脆魷魚~很有驚喜的蜜味脆魷魚，酥脆之餘，蜜味減少了油膩，而且魷魚肉質嫩滑，我們再安哥一碟！凍oreo朱古力牛乳& 3.6牛乳軟雪糕凍咖啡~都能同時滿足凍飲和甜品的雙贏！YUAH！

🎉Happy Friday Night 👯‍♀️同一眾好姊妹去探店，品嚐美食同暢談一個晚上，今晚來到上水廣場丼道。三文魚蟹肉蟹膏茶漬飯$88頗有特色，一食兩味。可以先食原味，食到一半，可把餐廳所附的鰹魚湯淋到碗中，至三份一的位置，變成茶漬飯，頗為得意。滑蛋吉列豬扒丼$80豬扒香脆，不膩不油，保留着肉汁，份量頗大，性價比非常高。生姜醬油燒豚腩丼(並盛) $88肉片數量多，非常入味，微焦而又香脆，送飯一流。滑蛋牛肉丼（和牛）$118牛肉嫩滑，配上滑蛋，絕配。意式軟雪糕 $28每個晚餐也附上凍茶，椰菜絲沙律，整體感覺很適合姊妹們去食，健康又美味。

餐廳明亮舒適 具設計感的木系裝潢 清新雅致 算係上水廣場較高質既選擇🩷鰻魚丼 $92跟凍茶 椰菜絲沙律柚子醋 鰻魚肥美 醬汁香 飯量夠 切細絲既沙律 加上柚子醋 口感好也很開胃 有機蜂蜜凍茶甜度剛好 解膩好喝🩷滑蛋吉列豬扒丼跟凍茶 味噌湯 $78洋葱🧅滑蛋 + 豬扒就是絕配 吉列豬扒濕潤不柴口🩷蜜味脆魷魚🦑 $35除左丼飯 小食亦唔輸蝕 推介呢個魷魚 香口juicy 難得有嚼口但又唔難咬斷🩷意式軟雪糕配紅豆白玉團子 +$30扭紋（牛奶+ 抹茶）惠顧主食就可以優惠價$30加埋甜品 雖然係加配但份量十足 雪糕可以揀口味 為食既我梗係揀扭紋啦🤣 抹茶甘苦 牛奶🥛味亦夠 團子黏軟 紅豆🫘綿密 仲有時令鮮果 成件事好繽紛🥳·QR Code 下單 上菜速度合宜 服務還不錯 整體感覺滿意 可以再訪呀😎

黎到上水，小朋友想食日式咖哩，見到哩間丼道有咖哩又有丼道就入左黎環境日式木系feel，安排左卡位比我地，環境舒適用QR code落單枝豆 🌟🌟🌟正常枝豆咁，比較淋啲牛肉咖哩烏冬 🌟🌟🌟每個主菜都跟埋烏龍茶同椰菜沙律/味噌湯咖哩帶有蘋果味，少少辣吉列豬扒丼 🌟🌟🌟🌟吉列豬扒夠脆，加埋滑蛋，小朋友好鍾意食大蝦🍤蕎麥麵🌟🌟🌟🌟期間限定· 拌有柚子汁，酸酸地撈埋蕎麥麵凍食，好開胃，岩哂夏天意式軟雪糕配紅豆·白玉團子 🌟🌟🌟🌟食主菜有得加配甜品雪糕有得揀牛乳 / 抹茶 / 紐紋雪糕都好滑，配埋紅豆同煙靭既白玉團子好快就比小朋友KO

唔好講笑，上水真係好遠，但一場入黎打波做完運動，點都要食番間好味嘅！|泊上水廣場，為左要有泊車優惠，一於同朋友響番上水廣場覓下好西食，見呢間日式丼飯專門店《丼道》，已經深深比門面張浮世繒吸引住，忍唔住打左卡，又忍唔到試埋。3個人可以安排到闊落嘅卡位，點左：🌟「粒粒刺身丼」- 粒粒三文魚、油甘魚、玉子都切得好大粒，配埋青瓜粒，爽口配上魚生嘅鮮味，鍾意食日本野真係無法抗拒！🌟「滑蛋吉列豬扒丼」- 原塊吉列豬扒切成6大件，炸到幾酥脆，想讚下佢嘅自家製福神漬，好入味，配埋原塊燒蘋果，當日式咖喱遇上呢三樣食材，真係要比個讚！🌟「七味雞翼」 - 炸到外脆內嫩，唔會overcooked，雞肉食落亦冇粗榎感，忍唔住再點多份！🌟「免治雞肉串」 - 雖然食得出係原材料，不過配埋日本雞蛋，又幾有日本風味！其他小食：🌟「胡麻醬蕃茄」、「油甘魚刺身」、「三文魚刺身」總括，想讚下呢間洋日餐廳嘅丼飯，首先份量好充足，每個丼飯都會配椰菜絲沙律，柚子醋仲可以因應個人口味自己落，仲配杯蜂蜜凍茶，性價比真係幾高！

喺附近返工，見到有新店開，我呢個專試新野，緊係會試下先。啱啱開左幾日去食，可能係試業中，上菜速度有啲耐，但都勉強可以接受，埋單時問下點解，原來食物係即叫即整，唔怪得之，個侍應都不停話唔好意思唔好意思。我係太陽蛋守衛者，緊係點月見牛肉丼，嗰粒係日本蛋，蛋味濃，加埋個丼飯汁，唔錯，份量都足夠，仲有個沙律同杯茶。隔左兩個禮拜，今日同同事又再去食過，都係同之前一樣要攞飛等位，我地坐左個望街景嘅高枱，係公司成日望住部電腦，望到條街隻眼仔都開心啲。同事叫左個豬扒丼，我緊係偷食一塊，脆度適中，加埋啲蛋汁一齊食，唔會乾憎憎。我係守衛者，今次點左個漢堡煎蛋咖哩意粉，個咖哩汁份量啱啱好，味道適中，又唔辣，啱哂我。兩次食品都滿意，唯一不同，今次上食物比之前快左，可能佢地已經整頓好，仲有印花儲，我咁近一定換到😎