和氣食堂 (河畔花園)

今天到沙田圍找朋友吃飯 經介紹到這店吃晚餐 聽友人說這店很旺 幸好友人先來拿票 就不用多等店內可約坐50人 座位不算狹窄 剛好《大盛刺身丼》滿滿的海鮮刺身 十分吸睛 數數有哪種吧 赤海蝦2隻 帶子2隻 油甘魚2片 海膽及魚籽 每種都鮮美十足 肉質十分爽口彈牙 海膽亦易入口 更有配料 如玉子及青瓜 令這丼飯帶來清新感看這肥美的赤海蝦 啖啖鮮甜的蝦肉 蝦頭內的蝦膏帶有絲絲的海腥及濃烈的蝦膏味 正《明太子醬天婦羅🍤炸蝦》賣相十分觸目 4條長長的炸蝦條 外脆的炸皮一點也不帶油膩感 表面更淋上滿滿的明太子醬 甜甜的帶有粒粒的蟹籽 令炸蝦更加分 更美味 《溫泉玉子牛油果🥑凱撒沙律》比手掌更大的沙律🥗滿滿的生菜 十分解膩 更加新鮮的牛油果 味道更香甜 車厘茄及青瓜更不少得《雙重芝士鰻魚卷》一碟3件 十分高質 鰻魚肉質幼嫩 表面的鰻魚汁加上芝麻香 飯內卷有一顆芝士 一整口咬下時 芝士香溢出 完全是畫龍點睛《金蒜燒日本米茄子🍆》相信這茄子必定很長 可分切成這麼長的8件 表面滿滿的蒜蓉 十分濃郁 蒜蓉愛好者必吃 茄子肉質已煮到超軟的《電擊雞翼》一碟共6隻單骨雞翼 是冷盤來的 冷冰冰的 像剛解凍 表面浸滿了糖醬 十分滋味 一試難忘 可一人吃光最後兩人吃得十分滿足 更要外帶茄子回家 份量挺多的 二人共吃了$462 友人真的沒有介紹錯 我會再來光顧的…查看更多

今日同朋友嚟到沙田圍食晚餐，嚟到呢間和氣食堂食日本料理，到嘅時候七點半，已經滿座，外面仲有好多食客喺度等緊，可見呢間餐廳風評唔錯。白咖喱鳥冬配炸雞（$88）上層有打發起泡嘅cream，食嘅時候將佢同底下嘅咖喱烏冬撈勻，咖喱當中嘅椰汁味好突出，配埋cream做到香濃柔滑嘅口感，而讚岐烏冬，食落彈牙，同湯底非常配搭！至於炸雞，有三隻雞鎚，外皮酥脆，內裏仲保留到肉汁，雞肉嫩滑～5色海鮮丼（三文魚、鰻魚、帆立貝、拖羅、三文魚籽）（$128）除咗以上海鮮之外，仲配有玉子同青瓜。當中嘅三文魚切得非常之厚身，啖啖肉，而三文魚籽一d都唔腥，至於玉子食落去甜甜地，口感結實，非常好食～燒日本鄖島蠔2隻（蒜、燒芝士味各一）（$48）蠔最怕腥味，但呢間整嘅燒蠔一啲都唔腥，而且蠔大大隻，夠肥美😋，有兩種口味，配蔥蒜同芝士都好夾～芝士厚燒玉子（$42）食落去甜甜地，食落一啲都唔乾身，層層蛋之中仲保留到湯汁，玉子亦唔會煮得太老，好嫩口～溫泉玉子牛油果凱撒沙律（$58）第一次試溫泉蛋配沙律，估唔到溫泉蛋同沙律嘅配搭好夾，溫泉蛋可以調和蔬菜嘅草青味，配埋沙律醬、牛油果同多士粒，整體唔錯。…查看更多

係屋企附近又發掘到d新野食，就係呢間食日本嘢，平時我見到好多人排隊，所以冇留意要食什麼！溫泉玉子牛油果凱薩沙律$58本身呢個冇咩醬汁凱薩沙律上配上嫩滑的玉子，好juicy,而且份量多的牛油果，果然落重本，加上呢個價錢絕對超值！我一共點左幾款壽司：三文魚五味（有三文魚原味，牛油果，海膽，芝士，咖哩鹽）$72芒果花之戀（兩件$40）章紅魚海膽花戀（兩件$58）顏色睇上去好鮮艷，件件握得好靚同新鮮美味燒日本鄺島蠔兩隻-蒜 &芝士口味$48平時不食開蠔都覺得好味，香濃不覺腥而且啖啖肉蒜香一口和牛濃番茄湯烏冬，$85材料好豐富，有粟米，黑木耳，一口和牛,魚蛋片，睇個湯底好香濃，試左上去簡直可以當湯飲，而一口和牛燒到恰當好處，男友食完讚不絕口！黑松露鵝肝帆立貝卷$65呢個鵝肝係我最愛，不沾醬汁也一樣鮮味…查看更多

正宗日本料理大家都知非常貴, 最近朋友介紹左一間話比較平價的日本菜, 即管一試, 七點二十分到, 店內已坐滿客人, 門口亦有人等位, 大約等左十分鐘有位, 店內唔算大, 大約可容納40人左右, 厚厚的餐牌, 真係有好多選擇, 齋睇圖片已經流哂口水, 兩個人點左五樣食物, 溫泉玉子牛油果凱撒沙律, 煮蛋的時間掌握得好好, 生菜同牛油果都好新鮮, 份量亦唔少, 麵包粒同一般食到的好唔同, 入口即溶, 略嫌沙律醬少左d, 脆脆燒三文魚, 脆口又大大片, 都係$28, 抵食, 刺身盛有好多唔同的配搭, 我就揀左三文魚, 甜蝦同赤貝, 三文魚厚切大片又肥美, 甜蝦唔錯, 赤貝好鮮甜, 師傅好有心思, 將赤貝裙邊加青瓜絲用紫菜包住, 既可以食又可以裝飾, 芝士燒廣島蠔, 蠔肉大大隻, 芝士味濃, 黃金海膽炒飯, 海膽賣相已經win哂, 炒飯乾身一粒粒, 配合海膽, 真係無得輸. …查看更多

話說前日去朋友屋企傾下仍WEDDING既野,仲要上淘寶係咁幫佢淘呢樣淘個樣.....真係眼又朦頭又痛...但無法啦,鬼叫係朋友咩...所以佢都知辛苦我,就帶我落去佢樓下食飯。唔係佢同我講,我都唔知呢度原來開左間日本野我地都已經係7點幾落黎諗住未會好多人,但竟然都爆場MENU都好吸引,款式都好多溫泉玉子牛油果凱撒沙律溫泉蛋一篤落去就流到山洪爆發咁睇到都超爽,牛油果超新鮮三色花戀(芒果,海膽拖羅蝦,蟹籽)花之戀見得多,但竟然仲有咁多花款....仲要咁大舊海膽4點刺身盛A有三文魚3塊,溥切8塊,廣島蠔2隻,甜蝦3隻。全部刺身乾淨新鮮,三文魚廣島蠔超級肥美芝士厚燒玉子超夠甜,黎左10分鐘左右我地先食,入面都仲有煙...芝士味聞好香但食落只有少少味,我反而覺我咁樣BALANCE D,因為舊玉子本身已經好夠甜,再重芝士味的話就太膩了韓式泡菜豚肉豆腐鍋湯頭超夠味,應該係深色D個隻味噌,配埋泡菜味有少少辣,非常開胃,而且飲完完全唔口渴我辛辛苦苦幫我朋友搞WEDDING,呢餐當然唔使我俾啦,但原來呢度有間咁高質既日本菜,下次請媽媽黎食先…查看更多

多年未認真的在沙田閒逛了，這天跟朋友來到河畔花園附近，發覺食肆林立，跟印象中完全不同了，轉變真的很大。偶然來到一間日式料理小店，店舖不算大，座位排列整齊，裝潢佈置應該經過一番用心配搭，舒適整潔；加上店員的服務很熱情，又見到場中食客枱上的菜式賣相亦頗吸引，頓時泛起了入去一試的念頭。入座後打開厚厚的紅色餐牌，圖文並茂頗為精彩，雖是小店經營，想不到這裡的食物種類繁多，刺身、壽司、卷物、沙津、炸物、拉麵和丼飯等等都有供應，當中很多菜式都是廚師自家創作設計，有些更是將中西不同食材混合使用的Fusion菜，看來頗有驚喜。首先點了開胃前菜，溫泉玉子牛油果凱撒沙律，清爽的羅馬生菜配上牛油果，還有蕃茄和酥脆麵包粒，撈上凱撒沙律醬，加上面頭的流心滑溜的溫泉蛋，賣相吸引。將溫泉蛋弄穿讓蛋汁流進沙律內一同進食，清新中帶點蛋香，加上軟滑的牛油果，爽脆鮮甜的菜蔬，開胃好味，感覺健康。接著來點壽司，三文魚腩壽司，三文魚腩厚切大件，刀功感覺一般，但勝在肉質細嫩鮮美，入口脂香滿腔；而飯粒富米香有彈性，飯糰黏糯結實度亦剛好，師傅握壽司的功架尚算不錯。火炙海膽左口魚裙邊壽司，海膽質素一般，經火炙後鮮甜味更濃縮；而火炙後的左口魚裙邊，魚油徐徐溶化滲出，入口軟嫩油潤，魚味濃香鮮甜，兩者配合鮮甜脂香，滿有海洋氣息。北海卷，一端上來，賣相顏色鮮豔，十分吸睛，海膽，吞拿魚腩蓉，三文魚子，堆滿在紫菜包著的飯糰上，將幾款這麽鮮美的食材放在一起，入口鮮甜鹹香兼備，設計配搭很不錯。冷盤之後終於到熱食，明太子醬天婦羅炸蝦，天婦羅炸蝦是筆者最愛的日食之一，平時一向都是蘸天婦羅汁來吃，口感軟中有脆；而這店的天婦羅蝦大大隻外脆內嫩，份量十足，較特別的是以明太子醬搭配，味道酸甜中帶點點鹹香，口感有點像食炸魚沾他他醬一般，感覺頗有驚喜，唯個人還是偏好傳統食法多點。黑豚肩燒丼，薄薄的黑豚肩肉不會太肥，燒得微焦，肉質鬆軟，油潤甘香，面頭灑上大量香蔥和芝麻，配上軟糯飽滿的珍珠米，以甜甜的日式燒汁調味，濃香惹味；佐上隨丼附上的泡菜，香辣醒胃，酸辣亦中和了黑豚的油膩感，不錯。這是用心創新的一間日本菜，將不同食材融合成自家的創意料理，不甚花巧擺盤一般，味道亦不算很突出，但勝在夠貼地人情味濃，招呼貼心，以價論貨已算不俗，難怪目測除了餐廳內差不多滿座之外，前來買外賣的街坊亦為數不少，相信定是區內街坊的其中一處飯堂吧？！住在附近的朋友閒來不妨一試。…查看更多

今日喺沙田放工就上網睇下有咩嘢好食😬見到呢間日本嘢好評幾多😄就call姊妹一齊去左食野去到嗰陣就嚟滿曬人好彩我哋得兩個人所以唔使等就可以即刻入去食嘢發現餐牌都幾多選擇😊由於兩個人比較細食但係又好肚餓😂就嗌咗一個主食再加埋啲其他嘢呢度啲壽司都幾好食但刺身就有啲貴😅而且呢間仲有埋串燒最緊要嘅係呢間平有平食貴有貴食無論食幾錢都會覺得滿足😏環境都唔錯一個人食抑或同朋友聚聚舊都好好對於我嚟講回流率都頗高😉…查看更多

係我印象當中 河畔花園好多鋪頭都係打冷嘅 讀書時成日會同班同學仔尼食架已經好一段時間無尼 再尼嘅時候已經感覺大不同 而家多左好多不同類型嘅食物可以比大家選擇:)因為今晚得兩丁友 豬小姐認為打冷係要成班人一齊食下啤下癲下先夠過癮 所以今晚最後選擇係食日本菜 「和氣食堂」晚上七時入座 可能時間尚早 客人未算多 同老死坐二人卡位:)望望厚厚的menu 選擇都唔少喎 有選擇恐懼症嘅豬小姐表示今餐由老死發板開胃前菜少不免啦 溫泉玉子牛油果凱撒沙律 除左以上材料 仲有粟米粒 蕃茄仔 麵包粒 材料夠哂豐富:)算係幾清新嘅沙律 不過醬汁方面就較稀同多 濃度高啲會加分五種味嘅三文魚？有啲嘜？ 由左至右數起 牛油果 海膽 原味 咖哩鹽 芝士最令人驚喜嘅係咖哩鹽味 微辛帶咸嘅咖哩鹽同柔軟嘅三文魚都係一個創新嘅配撘 感覺新鮮 其他味相對比較普遍:)成坐山咁嘅大阪豬扒丼相當吸晴！ 山頂上鋪滿木魚及生菜絲 山腳嘅滑蛋及豬排被埋沒了份量都幾多 用嘅係珍珠米 值得讚嘅係我地唔係即時食 大概過左十至十五分鐘後先開動 豬扒丼仍然keep住熱辣辣出煙 唔通尼個富士山陣係有玄機的？！滑蛋及醬汁分佈唔夠平均 令飯粒有啲太乾有啲太濕 影響口感叫左兩串串燒 分別係鹽味燒牛舌同鹽燒開邊雞翼燒牛舌肉質過熟偏乾 未夠細嫩 但醬汁卻醒胃微酸雞翼富輕鹽感 開邊後容易進食 味道有啲似媽媽整個啲 家庭感覺出哂尼唐揚食得多 唐揚日本池魚仔真係第一次食啊味道及質感似足多春魚 如果要我形容 應該係無春細條版嘅唐揚多春魚 炸粉厚度適中 乃香口過癮小食芝士厚燒玉子四大舊 熱呼呼入口幸福 質感輕盈但芝士味未見濃郁 玉子偏甜 豬小姐覺得調味方面可以咸度提升兼減甜:)「和氣食堂」比我嘅感覺係平民日本菜食堂 離座時已接近full house 住沙田區嘅街坊朋友近近地都可以一試:)與老死和和氣氣食飽飽 又一餐~下次再見了…查看更多

呀Dee呢D成日中港兩地跑既人，係大陸有幾樣野係淆淆地，例如酸奶、好奇怪色飲品、雪糕、串燒同埋日本野。始終大陸去廁所郁Ｄ就坐無影凳，所以番到黎香港梗係食番上面個Ｄ野。去沙田來來去去都係新城市同隔黎幾個商場，今日女朋友就提議去吓沙田圍個頭，因為河畔樓下都好多野食好多野揀，好似有間都幾有名既沙田雞粥、乳豬飯等。但係女朋友話食日本野，行下行下畀佢個門口吸引左，見又唔係貴就去食下。一坐底佢本menu 堅厚，呢間野簡單黎講就係:你想食咩就有咩!好多日本野有既佢都有！人地冇既佢都有！沙津、串燒、炸物、剌身、手卷、壽司、拉面、飯(真心佢淨係魚生飯都成三頁，仲要有晒圖)，所以日本野黎講呢到真係齊同埋滿足晒每個人既需要，唔止三個願望，我諗多幾個都得。夜晚黎講都好好彩唔洗點等位就有，不過坐左陣都已經滿晒。溫泉玉子牛油果凱撒沙律　55元好想試下呢d fusion 野，西式牛油果搭埋溫泉玉子，究竟會點!我一開始就將沙津汁撈埋蛋漿，真係好入味!牛油果都唔兒戲真係有一片片架，用黎開胃真係一流。但如果腸胃唔好係始終食溫泉蛋有一定風險。三文魚海鮮沙律脆脆卷 55元呢D特色卷物我覺得係每一間店最應該食既野，除左魚生新鮮分野，就係睇創新卷物分野。依家好多都係加下芒果呀三文魚代紫菜咁。所以就嗌左個三文魚海鮮沙律脆脆卷，55蚊有3舊，我覺得唔算貴，因為真係好足料，佢上面就係三文魚、魚籽同埋天婦羅脆脆，下面就係加州卷，口感好夠好rich。我都一口食唔晒，同埋個味都夾得好好，食二件都已經好飽。三文魚五味　68元佢有五件(海膽、牛油果、三文魚、咖哩鹽同芝士)，我覺得最好食係咖哩鹽，係外面好似冇見過，佢咖哩味好重，加埋三文魚既甜，我覺得個口味好特別，下次黎我應該都淨係嗌咖哩鹽三文魚。但係我覺得都係偏貴芝士厚燒玉子　38元佢真係整得好厚，但係我覺得芝士味唔夠，但係佢足料，裏面冇飯黎塞滿佢，真係啖啖都係玉子。黑豚肩燒丼　68元如果大家都係68元，我覺得食個飯既性價比係最高。我成日都好唔明，飯就飯，叫咩丼物（就好似綠茶同抹茶分別），後黎發現原來唔係飯就叫丼，其實丼就係同蓋飯既意思好近似，原來係當地人好地道既一種快餐(最出名梗係吉野_但係佢都本土化出埋打邊爐)，原來丼:飯係底，之後配料（多數都係雞牛豬）擺係上面再淋埋汁，原來碗既大細都有講究，所以食之餘都要了解下飲食文化。講番個飯，我覺得佢個口感好特別，佢唔似豬，冇個種鞋口感，反而真係似牛口感，真係豬價錢牛口味。其實以前讀書都成日去沙田個邊食野，但係你去新城市上面個幾間真係貴價又唔飽，選擇真係唔算多，所以有時倒不如行遠Ｄ，去試下唔同餐廳，有時選擇仲多。…查看更多