溏心鹵蛋

📍紅磡《蒙麵》#黃埔性格車仔麵脆香多春魚 韮菜餃 芝士腸 河粉$𝟏𝟐+$𝟏𝟐+$𝟗+$𝟏𝟐蘿蔔 韮菜餃 溏心鹵蛋 油麵$𝟗+$𝟏𝟐+$𝟏𝟑+$𝟏𝟐招牌蜜汁叉燒串 $𝟐𝟔.「不買食評，讚好，唔賣廣告」，門口多張標語絕對睇得出係有性格既小店，作為馳名既車仔麵，蒙麵都經常會係香港車仔麵排行榜上榜。兩碗麵都係腩汁，有機會應該要試埋佢既特濃蕃茄薯仔湯，試咗幾款餸，必食叉燒好大串！塊塊叉燒都係厚切大大嚿，甜甜哋嘅燶邊又香口，咬落爽口𝐣𝐮𝐢𝐜𝐲多汁，的確幾出眾🤤 不過有一兩舊肉質較韌，但唔影響整體表現😗多春魚脆炸多春魚真係好香口 食到係外皮好脆入邊勁多春😇而韮菜餃韮菜都足料，香口，味道有𝐝似專用黎氣炸既「韮王」🥬蘿蔔無渣但未至於清甜，有些少失望，溏心蛋蛋黃軟糯，但無預期嘅蛋黃香，相對普通，而且鹵水汁仲會有少少搶左溏心蛋既味。😵‍💫 整體而言，都算係好味既車仔麵，但未至於要神化既地步🙈溫馨提示: 鋪頭座位唔多所以都要排隊先入得去食，記得預留時間先好黎食🤤味道：𝟕/𝟏𝟎性價比： 𝟕/𝟏𝟎…查看更多

紅磡有間街知巷聞嘅車仔麵店，除左出名好食外，仲出名有性格，去到門口已經見到唔少“溫馨提示”，入到去啲姐姐其實態度正常。店鋪只有十多個位，星期六兩點幾去到要等半個鐘，見人龍中不乏街坊就知佢咩料啦，雖然啲相唔靚，都想出個post介紹呢間高質良心車仔麵畀大家。🍽特濃蕃茄薯仔湯($12)+蒙麵($19)+新鮮花甲 ($30) 見個個人都推薦蕃茄薯仔湯就叫左，湯底果然非常濃郁足料，蕃茄同薯仔大大粒，多到食唔晒，蒙麵係自家製麵，粗幼度同魚蓉麵差不多，但口感就滑捋捋 ，似煙韌少少嘅烏冬。花甲一定要叫！$30蚊有20幾隻，鮮甜厚肉。花甲會跟麵上，建議跟蕃茄湯。餸方面揀左時菜($7)+韭菜餃 ($11)+溏心鹵蛋($12)溏心鹵蛋選用鴨蛋，蛋黃熟度啱啱好，蛋味比雞蛋濃郁，但個汁唔係甜甜地嘅鹵水而係豉油。韭菜餃個皮晶瑩剔透，但韭菜係味道較強勁同青嗰款，麻麻地。🍽沙爹汁+米粉($14)蠔油冬菇($11)+金錢牛肚($13)+鹵水豆腐($9)沙爹汁帶花生味小辣，冬菇厚肉入味，牛肚夠淋，鹵水豆腐都唔會好多豆渣，記得要圈埋香辣菜甫，辣辣地又爽口，配粉食一流。🍽牛腩汁+蒙麵($19)+香茅魚餅($10)+時菜($7)+鹵水大腸($12)魚餅彈牙，香茅味明顯，阿爸話大腸味道唔錯，時菜就係通菜，腩汁就正常質素。 🍽招牌蜜汁叉燒串 ($44/2串)排隊時員工已經問定要唔要， 真係即叫即燒。塗上甜甜嘅蜜汁後燒至焦脆幾好惹味，肉質就一般，比較乾身。餐牌： …查看更多

紅磡出名美食多，如果要食車仔麵就一定諗起佢，唔單止選擇多同用料豐富，仲係一間「好有性格」既車仔麵檔。點解？😂因為舖頭張貼memo，暗示各位顧客識做啲，大家互相遷就互相包容，減少不必要既磨擦餸菜種類多，選擇困難症既我又發作，最後跟咗廚師推薦既黎揀hahaha👆🏽溏心鹵蛋嚴選鴨蛋製成，金黃亮眼，果然係蛋味濃郁，而且厚實蛋香順滑。👆🏽辣味魷魚🦑⚠️怕辣嘅朋友請注意⚠️係慢慢滲啲辣出黎魷魚呈捲狀，包到好多醬汁，食落爽口彈牙。👆🏽特濃蕃茄薯仔湯底幼麵口感煙韌，而特濃蕃茄薯仔湯湯底濃郁真係用上蕃茄薯仔去熬，絕對係健康之選，食埋碗麵仲可以飲埋個湯…查看更多

老公o係2-8-2018(Thur)放工後探男友人RK,佢o地o黎o左呢間食飯,推介呢o度即叫即燒o既叉燒,佢食完後大讚好食,話一定要帶我去.點知到5-8-2018(Sun),佢已經話要再o黎.=.=”咁o黎啦,上o黎openrice睇,話11:30am開門,啊我o地搭得車去到應該o岩o岩好,去到,11:35am,未開門,老公打電話問,有人接聽,答老公12:30pm左右開.咁我o地周圍行吓先啦.行完食o左啲o野返o黎,12:30pm都未開門,12:40pm終於開喇,我o地係佢o地呢日頭兩個客人,間舖唔大,冇乜裝璜,切切實實就係一間地踎車仔麵店.坐低後,後面已有其他客人入o黎,好快就坐滿,我同老公叫o左好多o野食.$20.00o既招牌蜜汁叉燒串就一定要叫啦,重有$22.00唔辣o既蒜香燒茄子.叫o左兩碗車仔麵,我o個碗係加$10.00要特濃番茄薯仔湯o既粗麵,粗麵$17.00.餸要$6.00o既香菇貢丸,$7.00o既脆香多春魚同$9.00o既溏心鹵蛋.老公o既係加$10.00馬來喇沙湯底,內附芽菜同豆卜,要$17.00o既米粉,餸就要$6.00o既豉汁鳳爪,$8.00o既蠔仔煎蛋,同$9.00o既南乳豬手.落完單,最先o黎到o既係溏心鹵蛋,大大隻,食落口感正常冇問題,不過冇乜鹵水味,到差唔多食晒啲o野之後至睇到,原來佢o地係用鴨蛋做溏心蛋,唔怪得咁大隻.之後兩碗車仔麵到o黎,大大碗,今次大件事啦,我o地點食得晒?而我唔記得剔走蔥蒜添,攪到蔥同番茄薯仔湯唔夾,唯有將佢落埋一邊.開動喇,其實佢o既車仔餸係正常水準,粗麵爽,特濃番茄薯仔湯唔係話超濃,OK o既.而老公o個碗呢,馬來喇沙湯底對我o黎講辣o左啲,所以我好少黐佢啲o野食,尤其是索湯o既豆卜.我食o左啖蠔仔煎蛋,蠔仔真係只係蠔仔,細細隻.南乳豬手好腍但南乳味唔夠,反而食到喇沙湯味.蒜香燒茄子大大碟,食到有孜然粉,不過唔係太多,恰到好處.招牌蜜汁叉燒串終於o黎到,一串五件,有少少燒焦,要赻熱食喇.每件都好厚,肉質鬆軟又有少少彈牙同唔乾,好食.唔怪得老公係咁推介啦.我o地食唔晒,留返兩件拎3屋企俾爸爸食啦,夜晚翻熱o黎食,問佢覺得好唔好食?佢答好食.同問佢彈唔彈牙?佢答唔係好彈.嗯!正常o既,外賣係冇咁好食o架.而呢間o既金蒜炸得好香,而且蒜味停留好耐.味道係3.68分服務:冇其他食評講得咁寸,或者改善o左吧,亞姐好有禮貌o既.其他:如好多食評講,呢間食肆好寸,係寫o左好多o野,但佢o地唔單止對客係咁,連對老闆自己同員工都係,我就見到寫住”多做事少說話,專心做好食物“o既字條黐o係廚房.價錢:我o地努力食完後,叫o左一支$8.00o既汽水,呢餐一共$149.00.抵食係2.8分…查看更多

每次在紅磡肚餓，第一時間就會諗起蒙麵！由舊鋪食到新鋪，都唔記得左食過幾多次。一來係因為水準一直都好穩定，二來種類繁多梗有一款岩我當日既口味！話不多說，介紹下今次食左啲咩先！今時今日香港地，買兩隻鴨蛋都十蚊八蚊啦。哩度唔駛整唔駛洗仲要非常好食，都係$8！點可以唔叫!?鴨蛋鐵鈣質高，鹵得入味出油，個胃有位都一定要叫！首先如果食牛肉，一定要叫牛腩！一定要叫牛腩！一定要叫牛腩！非常重要所以我講三次！我每次都會叫唔同既餸，但唯獨是牛腩真係無得唔叫！哩隻牛腩唔係普通茶餐廳食到既牛腩，而應該係牛肋條。入口唔柴唔un，相當美味！而且老闆絶不孤寒，至少有5-6舊，份量十足！冬菰雖然入味，但作為配角確實有點普通，可能是因爲牛腩太搶眼的關係。當然如果唔食牛肉的話，叉燒、雞翼、豬手也是非常推薦！題外話，有人話老闆店員很串，我覺得又唔係吖。至少我走果陣唔記得拎電話，老闆非常友善咁提我。總之路過可以一試，絕對唔會失望的。…查看更多