享樂烘焙

營業中

休息中

最近都去買咗幾次，中午時段店內都有好多款口味嘅貝果提供。除咗貝果外，舖內都有麵包、蛋糕同曲奇等食物可以買。店員補貨速度好快，食物貨量充足。湯種野生藍莓乳酪貝果 $18貝果口感很煙韌，亦好足料，呢款係會不斷食到藍莓或乳酪，酸酸甜甜都幾開胃。湯種伯爵麻薯奶茶貝果 $20望落色澤似有放唔少伯爵茶粉，但食落味道係偏淡，反而麻糬味道會比較突出，甜甜哋嘅黑糖味仲會蓋過茶味。湯種芋泥貝果 $18本來對呢個貝果期望值都好高，嘗試後有少少失望。以芋泥為主打，但味道偏淡且餡料都唔多。湯種特濃抹茶麻薯貝果 $20抹茶貝果內仲有抹茶味乳酪，味道夠曬濃郁。而麻糬係牛奶口味，口感都好煙韌，一齊食可以減少抹茶嘅苦澀味。湯種朱古力紅莓貝果 $16裡面有唔少朱克力粒粒，融融哋好好食，味道都好濃郁。而紅莓分量好少，唔係好食到。貝果飽腹感好強，早餐食一個就會好滿足。但都建議大家即日食用，有試過第日焗返再食都係好韌。

🔅 #hkfoodmap九龍灣..終於試到呢間人氣店嘅𝚋𝚊𝚐𝚎𝚕～完全無令我失望🥰🥰🥰湯種特濃抹茶麻糬貝果 $𝟸𝟶超喜歡呢個！抹茶味好香濃～入面嘅麻糬好Q彈煙韌🤤食完一個仲想再食🤣🤣🤣湯種朱古力紅莓貝果 $𝟷𝟼本身唔係太好朱古力🍫但呢個朱古力貝果唔會話好甜朱古力味都幾香 加埋紅莓微酸 中和左個甜味啱啱好～

終於都試到網上人氣甚高嘅麵包店，因為平時好少會經嗰頭🤪【台灣紫薯麻糬包】入到去樣樣都想試唔知揀咩好，見呢款賣完一盤之後，店員好快就補另一盤，睇落好似最受歡迎就揀咗佢喇😁麵包質地鬆軟，薄薄嘅皮包住入面爆餡嘅紫薯，甜度適中，拎到上手仲暖暖哋架😍【湯種朱古力紅莓貝果】bagel口感扎實，每一啖都食到朱古力粒粒同紅莓🤩夠足料之餘又唔會太甜👍🏼每款麵包都好吸引，下次再經過一定要試多幾款呀😋