溏串小町 (已結業)

鐘意四圍去玩戶外活動係因為做運動可以create quota食更多之餘，又可以去平日甚少去嘅區域探索美食，今次去完新娘潭附近玩繩降，就去大埔覓食，嚟到朋友推介嘅日式居酒屋，感覺非常cozy。由於為食嘅我地係去小店途中已拜訪左區內另一名物粉果燒賣，原本唸住order少d 碳水化合物，點知最終都係太耐冇食壽司order左唔少haha。先嚟清酒煮硯，硯肉清甜冇沙，有淡淡清酒飄香，$58/客可謂份量超多超抵！再嚟一串生燒牛舌同雞腎，店主超豪邁咁送上一大塊檸檬。燒牛舌惹味爽口，雞腎有咬口，作小食非常唔錯！Order左12件嘅壽司盛盒，有油甘魚、鯛魚、三文魚、墨魚、北寄貝、芥末八爪魚，另加多客油甘魚、柚子胡椒帶子、汁燒左口魚壽司。最愛油甘魚壽司，肥美甘香。汁燒左口魚壽司則油脂滿滿，同柚子清香嘅柚子胡椒帶子壽司成強烈對比。鯛魚、三文魚都相當ok~ 吃得好飽滿載而歸~…查看更多

門面走日本風，相當易認。一坐低先送上加左醬油ge磯燒元貝小食，每人兩粒，一路食一路掃QR code用手提落單。冰鎮原隻魷魚仔除左原隻上，仲係原汁原味無預先調味，點少少豉油wasabi不錯，但唔夠牙力的話可能吃力d。加州卷蟹子爆晒出黎。我唔食三文魚，朋友話魚皮燒得幾香。生蠔大隻新鮮，味較淡。帶子好肥美。粟米好甜無渣。牛柳大大粒，燒到半熟，易咬，如果表面燒耐少少一定仲正。豬五花腩同博多雞肉都燒得剛剛好，唔會乾柴。除左醬油外，燒物仲可以配香草檸檬同麻辣海鹽，一款食物可試齊三種味道。雖然無飲酒，但都叫左幾款佐酒小食，第一次食鱈魚乾，真係好香，慢慢咬細味一下。平時食雞軟骨最怕成口油，但呢度ge雞軟骨就無呢個問題。蟹肉忌廉薯餅好香甜，三種食材相當夾。蜆鮮甜無沙，湯底酒味極濃，嗜酒者不妨大啖大啖飲。醬油湯底唔油，亦唔會太鹹，烏冬亦非平價貨色，夠彈牙。海膽一眼睇晒，真材實料，飯超多，爭d食唔晒。…查看更多

夜晚同老公兩個人去咗大埔食飯去咗試溏串小町可能由於平日嘅關係人唔算好多所以食物都好快到因為老公係食肉獸所以叫咗個豚之拼盤有慢煮豚肉x2炸黑毛豬肉餅x2豬五花腩串x2燒豬頸肉韭菜同翠玉瓜有肉仲有菜份量好夠我哋兩個人食賣相仲好唔錯添之後仲嗌左啲小食有壽司飯團仲有烏冬個醬油烏冬湯底非常好食清酒煮蜆個湯仲好好飲，我幾乎飲晒個湯整體上所有食物都不錯環境仲好寬闊服務員態度仲好好添順帶一提佢哋係用QR code落單好方便👍👍…查看更多

啱啱11月頭去完日本，已經好掛住啲日式串燒喇上網揾一揾，發覺大埔呢間黃色居酒屋，一於去罰下佢加獎勵自己個肚先！先要介紹下店面裝潢好靚，又乾淨！店員都好有禮貌。落單係用QR Code，落好單食物就好快送到喇。左邊係小華沙律，右邊係餐前小食。兩樣都係正正常常合格有餘。燒飯團，唔係太多日式料理店有，我就非常鐘意喇！ 好味指數有4/5分丫。醬油湯烏冬，熱辣辣，連湯都比我飲埋清酒煮蜆，清酒味道唔太濃，不過不失啦。呢個係重點推介，豚肉拼盤！ 有豬頸肉，五花肉，燒菠蘿，翠玉瓜。配海鹽 / 胡椒 / 甜酸醬。燒到啱啱好又唔會太熟，一啖菠蘿一啖五花肉，又唔會太肥，太開胃！…查看更多

今晚約咗朋友聚一聚食吓嘢吹吓水。朋友話有間新開嘅日本餐廳可以一試，於是就跟咗佢哋去「溏串小町」try try！🍻入到去個環境寬敞，啲位唔會泊得好埋。而且個裝修幾啱feel，俾到我喺日本居酒屋食嘢嘅感覺！🇯🇵值得一提係呢喥order嘢食係直接scan佢地個QR code嚟揀嘢食，入面會直接show埋價錢同埋check返叫咗啲咩都方便！揀好嘢食之後，店員拎咗個前菜元貝我哋食。味道鮮甜好好味！新鮮粟米 $28特盛牛柳串 $68豬五花腩 $28日本博多雞肉 $48相信呢喥串燒都會係必試之選，雖然店員有推介我哋一款串燒拼盤，但我哋俾特盛牛柳串吸引住！所以決定散叫串燒～果然串牛柳無令我失望，🐂肉夠厚但唔韌，燒到唔會過熟，咬落去仲有肉汁！另外🐓雞肉亦都好味，唔乾身，可以點少少調味料（香草檸檬/麻辣海鹽）吊吓味！日本蠔肉刺身 $68火炙三文魚皮壽司 $40帶子壽司 $48生蠔夠大隻，好有鮮味而又一啲都唔腥！值得一叫～而火炙三文魚皮壽司🍣有驚喜！原以為魚皮會好乾身，點知食落先知原來係咁肥美。仲要份量多，非常抵食！🤑鱈魚干 $68味道同雞泡魚乾差唔多，都係甜甜哋少少煙韌，連蛋黃醬一齊食會好易食唔停口！👍🏻冰鎮原隻魷魚仔 $33冰鎮效果好似令到魷魚🦑肉質更爽口！平平哋當小食咁叫嚟試吓都唔錯～加洲卷 $38醬油湯烏冬 $38清酒煮蜆 $58就咁食蜆肉時，少少清酒味，而蜆肉原身味道仲仍然係喥，都幾鮮甜。鐘意酒味嘅可以加多少少清酒嚟食～🍶最後總結一下，呢喥食物水準同環境我覺得都係中上水平！👍🏻係部分食物價錢偏高，但幾適合成班friends一齊去聚聚，叫多幾款share食～…查看更多

同老友一直夾唔到時間，終於搵到日大家都得閒，咁就一於約出黎聚一聚啦，於是就黎左呢間新開嘅居酒屋試下裡面環境都裝飾得幾有FEEL呢到冇實體MENU，職員會俾個QR CODE你，然後SCAN左就可以喺自己手機睇MENU同落單，圖文並荗，落單介面都易用，同埋會直接計埋價錢另外有手寫牌，職員介紹返有D拼盤推介，適合D唔想煩嘅朋友選擇居酒屋好處係多小食種類可以選擇，最適合朋友聚會SHARE食。睇左一輪後，決定叫 加洲卷(3件) ($38)、(限)冰鎮原隻魷魚仔(6隻) ($33)、(限)火炙三文魚皮壽司 ($40)、(限)海膽炒飯 ($78)、特盛牛柳串 ($68)、鱈魚干 ($68)、新鮮粟米 ($28)、豬五花腩 ($28)、日本博多雞肉串 ($48)、雞軟骨(份) ($38)、蟹肉忌廉薯餅(3件) ($38)、日本蠔肉刺身(3隻) ($68)、帶子壽司(2件) ($48)、清酒煮蜆 ($58)、醬油湯烏冬 ($38)落完ORDER後，職員先送上餐前小食磯燒元貝，都幾好食加洲卷(3件)：多蟹籽，食落OK先送上串燒類同壽司刺身類上串燒時附上調味粉：麻辣海鹽(左)，香草檸檬粉(右)特盛牛柳串，豬五花腩，日本博多雞肉串：上菜時賣相相當吸引特盛牛柳串係牛柳粒再配上三色椒同車厘茄，基本上D串燒都燒得唔錯，再點一點調味粉更添惹味新鮮粟米：淡香清甜粟米味，不過如果可以燒焦多少少咁就可以更加香日本蠔肉刺身(3隻)：夠大隻，又鮮甜火炙三文魚皮壽司：呢個幾抵食，一份有6件，而且佢燒得三文魚皮夠香之餘唔會乾身，食落充滿魚油香味帶子壽司(2件)：好鮮甜，無雪藏味鱈魚干：燒得好香，食落口感唔錯，配啤酒一流雞軟骨(份)：份量都幾多下，食極都好似仲有咁幾好食蟹肉忌廉薯餅(3件)：炸得唔會油膩，熱辣辣，裡面D忌廉好香濃清酒煮蜆：最緊要處理得好，食落冇沙蜆肉好鮮甜，亦都散發出清酒味，一流冰鎮原隻魷魚仔(6隻)：之前食開熟食，跟住轉食呢個冰鎮魷魚仔，口感轉換都幾醒神醬油湯烏冬：醬油湯夠香濃唔會過鹹，而烏冬唔係普通街市貨，食落彈牙有口感海膽炒飯：上菜時見到個海膽都唔少，不過由於個飯份量都好大撈完之後海膽味唔算太出，但都唔錯3個人食左咁多野，加一後埋單先$788.7，味道唔錯之餘都幾經濟實惠同埋職員都會介紹一下，加茶都幾密下，值得讚賞食完出門口先見到，原來9點後入座仲有8折優惠，咁就更加抵食…查看更多