天后站清湯腩

營業中

休息中

是日入去康城去睇戲睇黑豹二，先黎個簡單影評，沒有Chadwick Boseman演的黑豹，就好似沒有家駒的beyond咁，仿佛有一種難以言喻的失落感，但整體的女性演員都演得好出色。言歸正傳，睇完兩個半小時電影後，個肚金鼓雷鳴，即時雷射偵查覓食。今日想食D簡單而又唔heavy的食物，正好天后站清湯腩滿足了我的要求，加上曾聽朋友介紹話天后站的清湯腩值得一試。太餓的關係，我們分別點了崩沙腩飯同一碗清湯牛三寶河。崩沙腩係指牛肚皮的腩位，由於兩邊展開像蝴蝶，有些似大良小食崩沙，因此叫崩沙腩，腩肉包含薄膜和豐富的膠質，爽軟不硬，口感十分豐富。至於牛三寶係指牛腩、牛肚同牛筋，都十分足料。崩沙腩飯 ($69)。崩沙腩肉多件，啖啖豐富咬感，而蘿蔔清爽香甜沒有根碴，個清湯好好味，用來泡飯一流!!清湯牛三寶河 ($65)。牛肚、牛腩和牛筋分配平均，牛腩夠腍，牛筋嫩而不膩，牛肚爽鮮，加上河粉香滑。整體而言，朋友果然無介紹錯，呢間食清湯腩真係一流!

喺大商場想食清湯腩真係唔多選擇，原來康城依家都有！特登入嚟康城睇完戲想食麵，唔使去連鎖式米線鋪，戲院附近就已經有清湯腩，決定一試原來而家清湯腩河鋪頭既選擇有好多，我真係唔知有得得食飯坐低冇耐已經聽到牛坑腩賣晒，一於試吓其他嘢叫咗一個豬手幼麵，有兩大嚿豬手，知豬騷味道～ 相對成碗更中意個幼麵，幾彈牙，麵質唔錯另外叫咗個清湯三牛河 有牛筋牛肚同牛腩～相對個河粉底，個幼麵更加出色～個牛肚牛腩都好淋～ 成碗都好大份，女仔會好飽去親呢啲麵檔都會叫淨蘿蔔其實減緊肥嘅女仔可以叫份蘿蔔再加肉 呢間蘿蔔都好入味仲有炸雞翼 都幾驚喜，係有肉汁唔係勁乾無限翻炸既~ 但係叫咗杯熱奶茶，就覺得比較苦澀，如果茶底會淡番啲冇咁濃應該會好啲姐希望keep到個水準啦！