混亂拉麵

呢排都非常凍，又係時候食多啲好西儲存脂肪保暖，食拉麵啱曬，熱辣辣既湯麵非常保暖，又唔洗諗太多食咩好。混亂拉麵位於西九龍中心對面，對於九龍既朋友實在非常就腳，又係鴨記附近，平價美食之選。混亂拉麵屬於二郎系拉麵，用豬骨味噌湯底，非常濃厚既麻甩口味。貪心的人嗌左混亂玉子拉麵，加上三倍背脂同蒜蓉，兩倍野菜 (因為三倍真係食唔曬)，一上檯就見到堆到小山咁既拉麵，果然名乎其實既混亂拉麵，滿滿既芝士粉鋪面，底下係野菜小山丘，配上叉燒同玉子，大滿足湯底係豬骨味噌，加上三倍背脂，一個字，月巴。但係真係忍唔到口，湯底非常Rich 同creamy, 厚既程度好似飲緊忌廉湯咁，有少少漿口，而背脂就係肥膏粒，切到小小既方型，好好咬。而麵就選擇咗幼麵，比較掛湯，可以邊食麵邊吸啜啲湯入口。而野菜就係芽菜同椰菜洋蔥咁，師傅係鐵板炒過，充滿鐵板既焦香味。玉子就夠曬溏心，不過我鐘意再生少少，如果啲蛋汁會流出嚟更好。叉燒就厚薄適中，大大塊有兩件，滿足到食肉獸既胃口。…查看更多

今日難得經過深水埗，男朋友就帶左我黎食呢間拉麵舖，呢間舖下午5:30開始做晚市。佢有好幾款拉麵，餐牌唔記得要影我就揀左一碗價值85蚊嘅混亂玉子拉麵提一提，佢有得揀免費配料份量，者係有得揀野菜(者係芽菜)，大蒜同背脂先生(者係油)有得揀唔要，少，正常，一倍，兩倍同三倍另外仲有得加錢加其他配料而我就冇加錢加配料，野菜揀左一倍， 大蒜同背脂先生就揀左正常自己少食肥膩野，覺得真係好油但係味道相當好味，湯底味濃，又唔覺係多味精，因為食完冇口乾而隻蛋唔會係整到好un個d，豬肉又唔會鞋整體黎講係好食不過可能少食肥膩野嘅關係，我6點零食完，返到屋企有d瀉，建議唔食開肥膩野嘅人，背脂先生可以揀少或者唔要…查看更多

一個人去完深水埗買完野，肚餓諗起朋友介紹過的拉麵，於是就走去試一試。好彩早d行去食，7點前都應該唔洗點等位，食食下出面已經要等位。麵類選擇不多，叫左個混亂玉子拉麵。這間拉麵的特點係3倍野菜，以芽菜為主，不過唔太太肚餓只叫了1倍，另外仲可選擇麵條粗幼同肥豬油粒。先說豬骨湯底，味道濃得來又唔會太油膩，佩上芽菜食幾好。幼麵條有咬口，軟硬度度唔錯，差燒份量多，味道中規中距，玉子入味，有流心蛋黃，仲有全隻蛋，出面好多都只比半隻，而肥豬油粒就唔係個個接受到，接受到的話豬油的確可以提升整體香味。總括來說都ok唔錯幾好食，而且份量夠多。…查看更多

混亂拉麵位於西九龍中心對面，平時比較少會行到黎呢面之前聽朋友介紹呢間拉麵好多好評，一於試下啦平日晚上七點，剛好有四人坐位就立即坐低點餐拉麵只有六款可以揀，選擇唔多，但就可以揀麵條粗度野菜、大蒜同豬背脂都可以自己揀要多定少因為本身比較細食，所以就同另一位朋友叫左一碗混亂玉子拉麵再加$25加200g拉麵拉麵上枱好大碗，加麵底同本身既份量好似差唔多（唔記得影相）$25加到咁大碗麵好抵食呀今次揀左普通粗既麵條，其他配料都係正常量份量其實都幾大，身旁大食既女仔朋友食一碗都食到勁飽但拉麵唔知係咪太多蒜，味度有啲咸，食完要係咁飲水但係有蒜同豬背脂好香，都好肥…查看更多

位於深水埗西九龍中心對面的"混亂拉麵", 門口格局有點似日本橫丁入面的地道拉麵小店, 沒有什麼裝潢擺設。踏入小店先是沒有修飾的等候區, 有點像貨倉感覺, 同時是售賣自家製拉麵的銷售處。推出了三款自家製拉麵外賣裝, 在家都可以烹調到食店的拉麵。 不過覺得自己應煮不出原有的味道, 還是到食店吃才有風味!食店原來跟隠家, 俺之沾麵屬同一老闆, 味道應該不相伯仲吧?! 店內張貼了告示, 有六種情況下不宜入內進食, 有點搞笑! 因排隊的人龍不斷, 所以等候期間, 店員遞上order紙供食客先選擇款式及配料, 可以省卻時間. 麵食有六款, 選擇不算多. 還有一款新推出的"洋蔥豚肉拉麵", 不過早已售罄. 而麵條選擇有兩款: 中太麵(幼麵)和太麵(粗麵), 中太麵粗2mm, 而太麵粗5mm, 比一般拉麵店的拉麵較為粗身.店內只有二十多張吧檯位, 難免要等上點時間.食店免費添加的項目可以高達三倍之多, 份量之多要量力而為, 珍惜食物呢!混亂玉子拉麵 $85選擇: 麵條 - 中太麵, 野菜二倍, 大蒜一倍, 背脂先生(即是豬肥膏脂肪)正常.先喝一口湯底, 混濁的豬骨湯同時帶有味噌的鹹味, 加上大量蒜泥的刺激, 味道混亂而且比一般的偏油膩, 未必人人接受得到吃得一口大蒜味. 半熟蛋做得不錯, 蛋香亦夠入味, 蛋黃呈流心狀, 好食!半肥瘦叉燒煮得腍軟而且大片, 瘦肉比例較脂肪多, 啖啖肉. 中太麵雖較一般的粗身, 其實吃落跟普通的拉麵差不多, 較難分出差毫, 口感亦算是彈牙.而多添的野菜中以芽菜居多, 鮮見椰菜蹤影.混亂芝士拉麵 $85選擇: 麵條: 中太麵, 野菜二倍,大蒜一倍, 背脂先生 - 正常. 其中一款重口味的芝士拉麵, 看似是平平無奇的一碗拉麵, 隱藏於大塊叉燒下面的大量芝士粉多到有點兒嚇窒, 加上背脂, 爆肥程度簡直直迫底線! 味道混亂的豬骨湯底加入了芝士, 令膩口感亦大增. 配料麵條多, 加上大量膩口芝士粉, 非常飽肚滿足!開頭有點抗拒背脂, 既然選擇坐下, 怎也試一次吧! 每粒丁方都充斥了甘香肥油, 還帶點爽口, 簡直是邪惡之物!本以為作為一個女生能吃罷一碗添加了兩倍野菜的爆肥芝士拉麵已經是壯舉, 殊知臨結帳前發覺坐隔離的女生竟正吃著一碗野菜堆積如山的三倍野菜芝士拉麵, 頓覺原來大食不是男人的專利!…查看更多

深水埗，除了想到便宜有名的小麵店之外...上次經過後一直想試試這家位於西九龍對面的特色日式拉麵店 ：混亂拉麵對它唯一的認知應該是"大胃王"門口設有等候區門口貼上：如果是小胃口的人就不適合進內的"告示"寫出來的正是他們混亂配的拉麵材料，未見其麵都可以猜出大概用的材料了吧...每日限定雞巨人，晚上去的當然已售罄▲混亂玉子拉麵((HKD $85))價錢來說算不上很抵不過份量真的...第一眼有被嚇到Σ (ﾟДﾟ;)好高野菜，大蒜和肥膏(沒錯，這肥膏也是配菜，在下單紙叫 - 背脂先生!)都可以自由選擇份量，最多是三倍。枱上有小紙條提示：別浪費食物，應依自己喜好和能力選擇份量喜歡蔬菜的我點了三份的野菜〜(￣▽￣〜)結果吃到底還是芽菜麵身有兩款可選，粗還是加粗我要了粗的，麵條的軟硬適中不過這個混亂湯底太淡，是什麼湯底(?!)溫泉蛋亦有點太熟了，叉燒沒什麼味道還因為芽菜太多，想夾來吃的時候難以控制，飯後我的手很酸(✘﹏✘ა)材料太多太重了！XD另一碗也點了三份的野菜(．．｡)但明顯比前一碗要少，可能...隨意的(?!)▲混亂全部入拉麵((HKD $95))以為湯底都一樣的，原來有不知明的分別...但說不出來，不過這碗比較濃但始終不是令人非常回味的湯底，算比較普通呢但是份量大又免費可以任加，遇着大食的朋友也可以一試店面不算很大，但裝潢擺設都很有風味，還有可愛的碗碟出售…查看更多

聽左人講呢間拉麵好食好耐，今日同朋友食飯，就趁機會試下啦 咁我諗住第一次食就試下原味先啦，不過見隻蛋好吸引就點左佢XD我怕太多，唔敢點X3倍份量芽菜，所以就點住兩倍先。點先真係好多，但係好好食，下次會點3倍 豚肉肥瘦適中，湯低唔係好濃好濃哥隻，我自己就好鐘意，因為本身自己唔太鐘意太油太濃味。份量唔洗搶心唔夠，拉麵尼講混亂係最抵食!…查看更多

有事要去民政處做宣誓，放工喺葵芳附近，住喺彩虹附近，就決定黎深水埗了 搞掂啲無奈野，心情放鬆了，5點幾，當然又係搵食時間啦，不如去維記食麵啦，平日哩個時間應該唔駛排隊。。。但突然靈光一閃，記起附近有間冇去過嘅拉麵鋪，即刻睇下記錄先。。。西九龍中心同一條街？實在太好了，就過去啦，過兩個街口就到喇，真方便（話就話方便，其實深水埗咁多舊樓，咁多大街小巷，西九前面條路咁闊都叫做【街】，唔熟哩邊迷路一啲都唔出奇 ）門口條黃色嘅banner非常搶眼，想miss咗間鋪都難，故意油成灰色嘅牆，配上啡色嘅窗框加上同色嘅盆栽位，粗糙有個人風格得黎感覺舒服隨意，幾特別吖~ 好切合混亂嘅主題呀 門口告示話晚市5點半開始，仲有15分鐘俾我周圍望 注意力俾掛喺門口哩張告示吸引咗過去，下面嗰行細字尤其重要【早上麵條已售完，感謝】。。。咁即係仲有晚市啦，在想如果係週末嘅話，會唔會日市嘅時候就已經賣曬晚市可以賣嘅麵呢，我好懷疑。。。平日黎就可以唔駛擔心太多喇～尤其係哩個時間都未有人排隊，就更令我放心喇 又一溫馨提示，我一項項咁睇，再睇返自己。。。。。。唔係講緊我，冇事，可以繼續等喇，但自認為唔適合嘅食友們就要有自知之明喇，因為我食完得出黎嘅結論係。。。。。最好係追加200克嘅麵，芽菜蒜蓉豬背脂都要加夠3倍分量咁先食得夠過癮！！！如果唔係只會換黎一臉無奈而已 咁當然哩個只係個人提議，每個人對食嘅追求都唔同，食量亦唔一樣，性格亦唔一樣，所以只係純屬參考，俾大家多一個想象方向而已～仲有好多時間，我決定乖乖地企喺度門口等，影下相咁咪好，企咗陣之後，大概仲有5分鐘先正式營業，就有位服務員同我打招呼喇，安排我喺等候用座位坐低後，就俾咗張點菜紙我慢慢研究喇～第一次黎，就唔問今日嘅是日推介係咩喇，就玩5選1啦～雖然話係5選1，但基本上就係有冇芝士粉嘅分別，總覺得芝士味同啲豬背脂嘅味應該唔會好夾，排除咗芝士先～【全部入】都唔要，就好似食雜錦麵咁，好聽就包羅萬有，唔好聽就係連唔想食嘅都要食埋，何況咪一樣有芝士 宜家就係多肉同兩片肉嘅選擇喇。。。都未試過哩間啲叉燒好唔好食，好食嘅話，今次又食得滿意嘅話下次再講啦～宜家簡單喇，要唔要蛋？呵呵。。。。。。緊係要啦 就要【混亂玉子拉麵】啦，麵要粗嘅5mm，門口都寫得好清楚啦，唔鐘意粗麵嘅唔好入黎嘛，咁佢地一定對自己嘅粗麵好有信心架啦，幼麵係俾啲真係接受唔到粗麵嘅人食嘅姐～上次去過另外一間食拉麵，食完覺得啲湯多咗少少，啲麵唔多夠，何況有食友話哩間啲湯偏濃嘛，就俾多15蚊加100克麵啦 然後就到唔駛額外加錢嘅配料喇～ 加就一定要加架喇，但加幾多先夠呢。第一次一下子唔好加到咁盡，話唔定人地一開始已經設定好重口味呢，保守少少好啲，就兩倍吧 芽菜一樣要保守啲，如果佢地煮爛咗啲芽菜，咁啲芽菜就會出曬水，啲湯咪會淡咗囉，1倍算喇，食唔曬咪又係浪費 哩間鋪嘅裝修好特別的，你話佢地隨便咩，其實又一啲都唔隨便，相中嘅箱係裝飾品唔係貨，你睇佢擺到幾整齊就知道，上面仲要用膠紙粘塊板上去，應該係用膠紙喺後面粘的，就睇佢唔似用釘，又唔擔心俾風吹落黎就知道我應該冇估錯。故意營造出黎嘅感覺都幾舒服嘅～門口位置有賣未煮嘅麵，等有興趣買返去自己煮嘅客有多一個選擇，至於煮唔住得出同堂食一樣嘅味就各下自理喇 我當然唔會有興趣啦，拉麵哩味野堂食咪好囉，食麵食裝修食氣氛嘛～我填好份落單紙影咗幾張相之後就可以入坐喇，入面清一色係吧檯位，可以睇住廚師大大們煮麵嘅開放式設計已經可以話係傳統了，哩間咁闊落嘅店當然冇例外啦～檯面上放咗幾隻杯，對上仲有壺水添，倒杯飲下放鬆下先～筷子匙羹七味粉醋等等檯面上一樣都冇少，比較特別嘅係居然有條魚乾仔放咗喺啲隻醋入面，幾有創意吖，可惜嘅係我冇去試下加咗哩隻醋之後可以為碗麵嘅味道帶黎點嘅轉變，只因為碗麵我食得好滿意，埋頭苦幹嘅時候連哩啲調味料都完全忘記了 麵黎喇～都好大一碗啵，試下啲湯先，嗯，係偏味道偏濃帶酸嘅味噌豬骨湯，口味仲要偏向味噌鹹香的，鐘唔鐘意哩種味道真係見仁見智，有人鐘意豬骨湯，有人鐘意味噌湯，又好難話你既然用咗豬骨去熬湯，咁就理所當然咁話一定係要煮碗豬骨濃湯麵出黎嘅，碗湯同啲麵配合好食咪得囉。我食野一向憑感覺，覺得好就好，欣賞下人地想要嘅味道咪幾好～兩大塊叉燒擺喺最上面，就先試下哩件肉吧，夾件試試，嗯。。。好滑啊，煮得好入味，調味啱啱好，帶住豬肉本身嘅甜味，食落非常地滿足，但脂肪含量好高，極其邪惡嘅一件肉呢～ 不過真係好好味，哩件肥豬肉，我食得好享受 食過啲肥膩野，食一啖芽菜清清佢先，芽菜放喺湯表面，好似冇煮過咁，就係食哩種新鮮清脆嘅感覺，食啖芽菜飲啖濃湯，配合起黎感覺其實幾得的 跟住一啖湯一啖芽菜嘅節奏，終於見到啲麵了，等我避開啲芽菜，試試啲麵先～嗯，口感中等偏軟嘅粗拉麵，同啲湯一齊食，味道少少偏濃，但食落好舒服，同時間夾啲芽菜，哩個配合其實好適中的 當然唔可以唔記得嗰啲邪惡之最嘅豬背脂啦，豬背脂就係一粒粒煮到好入味好軟嘅肥油，又滑又嫩，味道帶甜，同又香又鮮嘅湯，仲有清脆嘅芽菜都非常地配合，一啖麵，一啖豬背脂，真係邪惡倒極點呀！！！ 仲有嗰啲新鮮嘅蒜蓉，混入啲湯入面，真係香到不得了呀 太邪惡喇，太興奮喇～一邊食麵嘅同時我就順手將唯一一片紫菜壓落啲湯入面，當食到片紫菜嘅時候又係另外一種風味呢 隻半熟蛋嘅造型真係幾靚，有流心嘅感覺，蛋味都幾香，同少少湯配合咁食，本身較淡嘅雞蛋即時變得好夠味了 我跟住個節奏繼續埋頭苦幹，就好似之前所講咁，我對碗麵實在滿意，令我唔覺得有抬頭望下其他野嘅需要。。。嗰啲調味料就留返下次吧 美好嘅時間過得特別快，不知不覺就已經食完了，最後望住碗底仲有少少湯剩低，咁我當然飲埋佢啦，但亦代表仲有加多啲芽菜或者麵嘅空間，下次再決定加邊樣啦，不過我知道蒜蓉同豬背脂一定要加到盡，芽菜最起碼加到兩倍嘅分量，咁就真係過癮喇 今次因為唔想啲芝士味影響我對豬背脂嘅感覺果然有先見之明，下次再試下加咗芝士碗麺嘅味道又會變成點吧，不過到時候可能又會發現又加多啲芝士粉先夠味吧。。。。埋單啱啱100蚊，有食開日式拉麵嘅食友應該知道通街都係哩個價錢架喇，雖然始終覺得一碗麵賣成舊水一碗點都係有啲貴，但食得滿意總比食完冇feel好太多了 …查看更多

好友難得係美國番黎香港，總要見見面結果三個人就去番我地圈子獨有既蒲點－－深水埗基隆街、欽州街……懂的會懂。然後朋友提起上次路過，睇到一間店名有趣既日本拉麵店上網搜搜，嗯，就係最混亂果間本人非拉麵迷，如要專業分析，這篇你可以略過對於二郎系拉麵既認識，就止於ラーメン二郎一店記得以前見過ラーメン二郎既拉麵山照片心諗，好想瘋狂食哂佢堆菜既然呢間混亂拉麵係主打二郎系，大概可以完成一日既纖維目標吧？店外既特別告示，提醒以下人士慎入：胃口細不喜粗麵、豬背脂或芽菜準備與客人開會或與女友約會咁搞笑？一於試下佢搞咩野先！:^p特別的雞肉版拉麵，不過今次就只係食番普通版「雞子供」，即是指呢款雞拉麵係適合兒童　こども既份量但朋友叫我用廣東話讀……嗯……（汗食之前第三個注目點「三倍野菜」！！！！！黎到之前已經知道混亂拉麵既基本配料都有得揀三倍份量先前一早打趣說要友人們點三倍野菜，然後俾哂我食XDDDDD不過最尾都係冇啦:^P餐牌選擇太多，心大心細雖然話剛才已經食左少少野打左個底，見到咁多款式既拉麵，都揸唔定主意店員有見及此，簡潔介紹左款式選擇語氣亦十分和善，沒有因我地遲遲未決定而催促，服務方面，印象不錯最後我地決定試哂第一行既三款：原味、玉子及芝士混亂玉子拉麵　$85拉麵到來了，感覺上沒有我想像中既震撼也許自己本身食量大，除非佢係邊爐咁大鍋我就真係會發心驚:^0咩都唔講，先試湯底入口係油架，真係好油架喎，不過同時豚骨香氣非常濃郁大概是豚骨既油脂，熬出來後反而鮮香到不行！而且油脂浮油也有保溫的作用，唔會驚食食下變冷麵見到大蒜，點可以唔加？我又唔使見客，又冇女朋友，毒拎一條，食多多都仲得！蒜粒夠細夠出味，不青不嗆口，平易近人加得蒜，又點少得豬背脂，背脂先生？怕膩怕溜就只好食配上既數塊豚肉稔香肉化之餘，仲帶有一邊脂肪，油香可口嘴饞的，輕輕叫喚一倍先生切成粒狀，晶瑩又吸湯，入口微溶，也沒有太膩既感覺玉子就是溏心蛋這樣橙黃半熟既蛋黃，看著已經夠吸引了！入口固然係蛋香稠重，黏而不膩，蛋白亦算嫩身不老韌中間既就係三倍野菜，主要係芽菜，也有點椰菜，清甜但味淡芽菜雖有吸湯，但仍留自身原味，微爽只係點左就真係最好食哂，唔好為左影相影落好澎湃而浪費食物重點係要注意佢係極多芽菜，開頭根本就只係一直食芽菜因此店外寫明唔中意芽菜慎入係有原因既自家製麵條分中粗麵及粗麵兩款我揀左5mm粗麵，彈牙富韌勁，咬落都有麵香而且吸到少少湯入味更讓人意猶未盡不過個樣就真係幾手工，有點參差，有時係直條形，有時係螺絲形朋友點既原味，同我食既只是玉子既分別佢點既野菜食唔哂，唔好嘥，有我係度，我清碗了芝士版本則是有一大堆芝士粉覆蓋拉麵嚐著，芝士粉算鹹香，香味濃度屬中上，只係感覺上同湯頭不太配係近門口位見到有家麵，姐係店方自家製麵俾客人買番去煮，聲稱可以煮得番店方水準老老實實，我就唔信會煮得到同等滋味如果要食，我寧願親身再來一趟，食番店方自製自煮既麵條，才叫安心聽到師傅佢地細細聲講話冇哂麵冇得做晚市我都唔敢肯定，心諗可能聽錯姐，會唔會係連晚市都做唔到結果離去時，在店外就出現了這個牌子。…查看更多

三個人第一次黎，中午時間，試左不同既口味。混亂拉麵同混亂玉子拉麵既唯一分別係多左玉子，混亂芝士拉麵既分別係多左好多芝士粉...整體來說份量夠，麵有D似粗麵，湯帶微酸，肉肥味。口味上唔入第一流。未試過的，可以一試，但我應該唔會再來，因為口味同我唔夾。…查看更多

如果有一派系的日本拉麵是屬於男人的浪漫的話，相信必定是一碗「二郎系」拉麵莫屬了：肥膩味濃的湯底、份量巨大、配料及叉燒堆積如山，再加上絲絲的肥豬肉，嘩嘩嘩！雖說是男人的浪漫，但其實有很多女生們都喜歡豪邁一下作挑戰！混亂拉麵是深水埗同區隱家拉麵的分店，用的拉麵、湯底同具水準，難怪同樣大受歡迎。環境來說，混亂拉麵的地方也算是寛敞舒適，明亮整潔。點拉麵時也是在點餐紙上選擇，但在這裡，客人可以選擇加倍什至達三倍的野菜、大蒜、醬油及背脂先生的份量，去創造及挑戰二郎系的巨型拉麵。噢，什麼是背脂先生？下面看圖你便知道!是次點了一碗混亂豚肉拉麵及混亂玉子拉麵。混亂豚肉拉麵明確寫明是肉食系男生的最愛，當然要慕名一試，而且要加倍地試！拉麵在面前出現時真被它的份量嚇了一跳！真想不到如果是加四倍會有多大！這裡的拉麵湯底是味噌豬骨湯，豬骨味香濃，與味噌平衡得不錯，加上生蒜的辛辣味，令湯底格外的開胃美味；湯中有背脂先生，其實是豬背的脂肪，在長時間的烹煮後為湯底加入滿滿的油脂香。拉麵與一般的圓柱型幼麵不同，這裡的是粗而扁身的麵，口感爽口，掛湯能力同樣高！叉燒有差不多五塊，煮得軟腍入味，雖然肥肉較多，但口感認真一流！野菜是炒過的芽菜，為肉食系的拉麵補回點點的食物纖維。另外的混亂玉子拉麵其實大同小異，只是肉量較少而多了糖心蛋。糖心蛋也做得不錯，流心而蛋味足。混亂拉麵被稱為本地最出色的二郎系拉麵也不為過。想一試肉食系拉麵的Couple們可以一試喔！…查看更多

經過幾位朋友的介紹，終於星期六到位於深水埗的混亂拉麵試試餐廳接近深水埗警署旁邊，所以都較易找到大約兩點左右到達，店內的長椅坐滿著等候的客人剛開始排隊，已有職員立即遞上菜單給我與友人選擇職員亦有禮貌地請客人順序向前坐剛剛等候席滿坐的時候站在旁邊感到比較悶熱，坐在等候長椅上才會有冷氣建議加設風扇設備，免得夏天的時候會更加悶熱看圖講故事，加上少少漢字亦容易令人理解 我們各自選擇了混亂玉子拉麵加倍大蒜及野菜及混亂芝士拉麵等了大約二十分鐘，終於入座一坐下就把菜單交給職員，然後等食就可以 等待其間，留意到職員會定時十五分鐘搞拌湯底及加水，值得一讚傳菜的速度雖然不是很快，但能夠看得出師傅是很用心一碗一碗用心製作只要耐心等待便可先是友人的混亂芝士拉麵，滿滿的芝士包著一份肥叉燒令我不禁想起韓式的芝士拉麵  然後是混亂玉子拉麵加倍大蒜及野菜野菜的意思即是芽菜，師傅會把芽菜炒熟才放上拉麵而正好我最愛就是芽菜配上湯麵加倍的份量亦不吝嗇，喜愛芽菜的朋友可以一試失望的是不太喜愛食粗身的拉麵以及不是流心的蛋黃，但湯底十分濃郁，一層油脂鋪在湯底上，加上加倍大蒜及肥叉燒，用重口味形容最適合不過幸好都是我們能夠完成的份量，但內疚感直線上升要付出更多的運動量才抵消今天的熱量 >:|總括來說不過不失，欣賞某些員工對食物及工作的態度…查看更多

因屋企附近新開了一間拉麵舖，故晚上放工回家前，特地前去一試味道。說實在一碗 $85 的拉麵在深水埗區來說是偏貴的，相比起銅鑼灣某幾間出名的都是差不多價錢就吃到一碗，個人先認為這間拉麵的CP值太低，但總要試一次才知是否值得的。入店後看到全都是吧檯位的坐位，並沒有2 / 4 / 6 人檯供朋友坐在一起，故不太適合一大班朋友邊食邊傾計，幸好我是自己一個來的。坐低後就開始揀拉麵，我點了一碗混亂玉子拉麵，其他的都全部正常份量。等了大約10分鐘後拉麵送到眼前，心想差別很大.....與餐牌上滿滿的配料不一樣，原來3倍份量和正常是很大分別的，不要被圖片欺騙。(這個是否違犯商品說明條例就不在此討論)味道方面，這間店的湯底不太合我的口味，不過粗身的麵質是做得不錯的，可以掛到湯汁。叉燒就覺得一般但有點凍，蛋就不過不失。食到最後用紙巾抹咀時，令我最憤怒的事發生了！負責清潔的店員竟然在沒有問詢我的情況之下，立即收走我的碗筷，心怕我會坐很長時間似的！ (當時大約7:45pm，門口只得幾個人等位)之後懷著一個憤怒的心情離開。雖然近屋企，但這間我決定以後不在去！西九7樓的隱家拉麵 (同老闆開的) 好好多。…查看更多