瘋狂小面 (佳德商業大廈)

餐廳：瘋狂小面地點：中環士丹利街樓上餐館菜式：川菜餐牌：主打小麵（即係傳統重慶小麵），餐牌基本上就係三款組合既麵餐，麵+飲品 $87麵+飲品+小吃／甜品$98麵+飲品+小吃+甜品  $109另設加一。飲品同小吃都可以加錢升級。另外可以再加料。麵可以揀乾撈麵或者湯麵，同埋麻度同辣度等。自己剔紙落單。涼拌木耳 (跟餐)小食份量都唔細，爽口木耳加有蒜蓉，伴有蒜片同辣椒，都幾辣下。番茄煎蛋牛肉麵 首先飲啖番茄湯，湯底超正，帶有天然番茄甜味，食到番茄肉。番茄配蔥花同芫荽好夾！另有5塊超薄切牛肉，非常重滷水味，配番茄湯剛好！仲有三條菜心苗。呢度用新鮮水麵，餐牌寫明非油炸或掛麵，又真係食得出，好健康。d麵都唔會話太軟身或一pat pat，分量足。我另外加左款料。煎蛋 加$9 另加一煎蛋全熟，皮脆唔乾，唔錯。烏梅汁 （跟餐） 唔洗加錢飲品有4款，烏梅汁酸酸哋，好開胃。呢度d麵都唔錯，上菜超快速，果然係中環效率，地點又方便。最欣賞呢度有私隱度既單人座位，適合我呢d速食個飯就返工人士。…查看更多

餐牌有ABCD類別 分別係乾撈麵類/湯麵類 飲品 小吃同埋甜品可以揀A+B A+B+C 或者 A+B+C+D 仲可以加料或者升級飲品或者小吃🌶️瘋狂小吃呢款涼拌木耳辣度係固定嘅調味同平時食到嘅都相差無幾 酸酸辣辣好開胃木耳口感會更加爽脆🍜湯麵類平時都鍾意食辣所以嗌咗中辣嘅瘋狂牛肉麵調味酸辣中帶啲麻香味 比平時食到嘅更有層次 濃郁得嚟唔油膩湯底有大量炸醬 有肉碎嘅軟稔又有蔥花香脆脆嘅口感薯粉圓碌碌好粗條 煙煙韌韌好好嚼牛肉係方方哋嘅粒狀 應該選用咗牛腩同埋牛腱肉質軟稔唔韌 索哂湯底麻麻辣辣嘅味道！最鍾意係佢面頭放咗大量蔥花 令整體更香更清晰🍋瘋狂飲品凍檸檬茶茶底雖然睇落好深色但濃而唔澀 就算過咗段時間啲冰融咗都唔會話淡如水👍🏻…查看更多

中環是商業區集中地，其實都可以搵到好食又抵食嘅川菜，餐廳的麵食套餐非常吸引，有前菜、主食、飲品及甜品🤭我當然要選擇A、B、C、D樣樣有齊嘅套餐啦！簡直係超級滿足💪🏻🤤美食推介：💛瘋狂大排面：湯底可選辣度，麵質軟硬適中，排骨肉嫩，非常入味👍🏻💛瘋狂擔擔面：擔擔麵配以肉醬、青瓜、香蔥花生，撈在一起很重口味👍🏻喜歡重口味朋友仔必選😆💛泡椒鳳爪：鳳爪辣得很過癮，雖然有點辣，但會令人想追住食🤭💛涼拌木耳💛熱檸檬茶💛成都老冰粉：冰粉口感像啫喱，食完辣野食一碗冰涼又甜甜的冰粉中和一下味蕾，十分完美👍🏻🫶🏻餐廳📍瘋狂小面 (佳德商業大廈) (中環)📍中環士丹利街66-72號佳德商業大廈1樓*價錢抵食👍🏻*環境中國古式風，坐位舒適。…查看更多

今日係中環食lunch，簡單去左樓上餐館瘋狂小面食返個麵。瘋狂小面走中國風，主打傳統重慶小麵，麵餐有三款組合做三個價錢：麵+飲品=$83麵+飲品+小吃/甜品=$93麵+飲品+小吃+甜品=$103另設加一。飲品同小吃都可以加錢升級。另外可以再加料。麵可以揀乾撈麵或者湯麵，仲可以揀麻度同辣度。實在係太多野揀，自己剔紙就可以。餐廳都有提供缽缽雞、四川冰粉等正宗四川菜。今日叫左兩個$93餐，分別叫左一碗瘋狂擔擔麵同番茄牛肉麵，要小吃唔要甜品。瘋狂擔擔麵我鍾意呢款中式拉麵係有咬口既，而拉麵本身係熱既。瘋狂擔擔麵我叫左走麻同BB辣，調好味既肉碎只係少少辣，味道濃，撈埋啲麵一齊食就正啦，每條麵都沾有醬汁，好夠味。配料除左肉碎，都有兩條菜心、青瓜絲、花生米同青蔥，提供唔同既口感。番茄牛肉麵我都鍾意呢度既番茄牛肉麵。番茄湯底超正，帶有天然番茄甜味，好開胃！牛肉超薄切有5塊，仲有兩條菜心，上面仲加左大量青蔥同香茜增强味道層次。因為係湯麵，所以質感較淋。涼拌木耳 （跟餐）餐牌寫住有兩隻辣椒，真係好辣。木耳份量唔少，仲伴有辣椒。鐘水餃 跟餐加$32 另加一鐘水餃一客六件，細細隻，不過塊皮好滑又夠薄，餡應該係豬肉碎，食落只係少少辣，其實帶少少甜味，好食。熱檸水，熱羅漢果冬瓜茶（跟餐）熱羅漢果冬瓜茶主要係羅漢果味，甜甜地。熱檸水有兩片檸檬。周五下午1:45左右到都有唔少客，上菜好有效率，好快就食完走人。個人鍾意撈麵多d，不過番茄麵都好食。…查看更多

超耐無黎瘋狂小面食野。呢間瘋狂小面係位於中環既一間樓上餐館。餐廳走中國風，主打傳統重慶小麵，主要做麵餐，三款組合三個價錢，分別係麵+飲品既$83，麵+飲品+小吃/甜品既$93，同麵+飲品+小吃+甜品既$103，設加一，價錢比大半年前黎略為加左價。另外可以再加料。飲品同小吃都可以加錢升級。麵可以揀乾撈麵或者湯麵，仲可以揀麻度同辣度。實在係太多野揀，自己剔紙就可以。餐廳都有提供缽缽雞、四川冰粉等正宗四川菜。今晚我地每人叫左一個麵餐。瘋狂豌雜麵我鍾意呢款中式拉麵係有咬口既。叫左走辣，味道都好好，拉麵味道調得唔錯，每條麵都沾有醬汁，夠味，而拉麵本身係熱既。配料有滑溜好似薯蓉既豌豆蓉同埋調好味既肉碎，仲有兩條菜心。上面仲加左花生米、青蔥同榨菜等，提供唔同既口感。番茄牛肉麵估唔到四川餐館都有番茄牛肉麵食。番茄湯底超正，帶有天然番茄甜味，好開胃！牛肉超薄切有5塊，都嫩既，仲有兩條菜心，上面仲加左大量青蔥同香茜增强味道層次。涼拌木耳 （跟餐）餐牌寫住有兩隻辣椒，真係好辣。木耳份量唔少，仲伴有辣椒。鐘水餃 跟餐+$32 另加一鐘水餃一客六件，細細隻，不過塊皮好滑又夠薄，餡應該係豬肉碎，食落只係少少辣，其實帶少少甜味，好食。熱羅漢果冬瓜茶，熱檸水 （跟餐）熱羅漢果冬瓜茶主要係羅漢果味，唔過甜，好健康。熱檸水有兩片檸檬，味道正常。有啲驚奇平日夜晚居然有唔少客。…查看更多

最近好多朋友都會北上食好西當中少不了食四川菜 川菜的麻辣令不少人著迷😍今次在中環搵到間食四川菜式的餐廳跟大家分享————————————————————餐廳主要的餐點分為 麵類(𝙰)、小吃(𝙲)、甜點(𝙳)和飲品(𝙱)點餐組合可選擇：𝙰 + 𝙱 |$78𝙰 + 𝙱 + 𝙲 / 𝙳 |$88𝙰 + 𝙱 + 𝙲 + 𝙳 |$98-這次我們點了兩個 𝙰 + 𝙱 + 𝙲 + 𝙳 的全餐🍴1️⃣ 瘋狂擔擔麵 (😋3.6/5)是一個乾撈的麵條 麵條份量正常 加上大量肉碎醬汁可選辣度和麻度 份量剛剛好拌勻後不會有汁醬過多在碗底但整個碗都會有一層辣油包裹著 我點了少辣和bb麻(最低是bb辣和bb麻)的確有感覺到少少，真的少少麻但絕不會麻到影響味覺和質感辣味夠香，但無預期中的辣.2️⃣ 瘋狂牛肉麵 (😋3.5/5)牛肉有大約四塊 厚度有1cm！！但吃下去都夠淋，能夠吃得岀牛味🐂麻辣度點了少辣少麻吃第一口時，吃得岀比撈麵辣得明顯麻度雖然高一級，但愈吃下去 麻辣度好像習慣了一樣不會愈吃愈麻辣🤭.3️⃣ 夫妻肺片 |+$32 (😋3.5/5)大約有10塊肉片，比別家的厚身少許辣度為一隻🌶 但吞下去後，辣味會慢慢滲岀來後勁不容忽視😛.4️⃣ 涼拌木耳 (😋3.5/5)以為有蒜香味，但吃到只有辣！菜單顯示有兩隻🌶🌶可能木耳好吸味 真的明顯辣好多食了幾塊都要喝幾口凍飲解辣👅.5️⃣ 成都老冰粉 (😋3.8/5)是個冰涼的甜點非常適合吃麻辣後作解辣之用👍🏻味道十分清甜，配料還有花生、提子乾和芝麻粒本來沒什麼味道的果凍質地 加上花生和芝麻的質感岀來不會有太單調的感覺還真的挺解辣的！推薦一下👍🏻.6️⃣ 醪糟粉子 (😋3.3/5)是一道熱的甜點碗裡有白色的一粒粒粉團 份量作飯後甜品剛好吃下去和沒餡料的湯圓一樣還有幾粒杞子在碗中 味道很清淡若然覺得這餐吃了不少重口味的食物可點選這個作餐後甜品🙈.7️⃣ 紫貝天葵檸檬 |+$10 (😋3.7/5)非常吸睛的顏色配搭😍冰涼又清甜 還有微酸的檸檬味適合吃麻辣時作餐飲.8️⃣ 冰糖雪梨汁 |+$6 (😋3.3/5)明顯地甜度較高雪梨汁有滋潤 化痰降火的作用還可以幫助消化 點一杯也不錯…查看更多

呢間餐廳好多人食，而且室內設計都好有中國特色佢有套餐價，$78、$88、$98 不同的配套我就叫左$98酸辣粉、升級飲品&小食、甜品🔶酸辣粉（一個加牛腩&煎蛋、一個加豬肚）薯粉好煙韌；牛腩細細舊有三舊、肉質好淋；豬肚切到薄薄一片、易入口；煎蛋好有蛋味）點左中辣，都幾辣下，唔食得辣唔好叫咁辣🔶涼拌木耳（不用加錢）少少辣，木耳爽脆，凍凍地，令胃口增加🔶蒸蛋（加$18）蒸蛋都好滑，好有蛋味，加上有少少肉碎咸味適中🔶醪糟粉子（熱）湯甜甜地，粉子好煙靭，值得試下🔶紅棗銀耳湯（凍）有兩粒大大粒紅棗好甜好多肉木耳爽脆，甜甜地好清涼滋潤🔶兩杯飲品各加$10，清甜易入口總括來說，好味會再返來食，不過貴左少少…查看更多

裝修很有中國特色，坐得都舒服瘋狂套餐有好多選擇同配搭有一碗麵加飲品，麵仲可以加料例如牛肉、牛舌，再加小食前菜，仲可以加甜品！酸辣粉好大碗呀，辣中帶點酸，辣得有勁友人的牛肉麵同樣係好大碗湯頭可以揀紅湯或白湯，應該即係辣同唔辣湯愛酸辣粉個湯差唔多、不過無酸味牛肉好淋，好味道木耳唔係好辣，木耳好爽仲叫左夫妻肺片，有牛展、牛舌、同埋牛肚好食成都老冰粉唔識形容、似啫喱，少少甜。呢度嘅味道幾正宗下次要試缽缽雞，響香港好少見…查看更多

好多好多人-而且很多在附近上班的內地朋友，估計味道會比較辣跟濃。瘋狂豆雜麵：點左正常辣，加麻。肉燥多，牛肉唔多，有d韌。麵嘅軟硬度ok，麵下麵好多有， 有太油。食完好口渴。涼拌木耳：正正常常，冇特別，少少酸辣鐘水餃：似紅油抄手，望落去啦食落去唔辣，甜甜地，不過餃子質素一般蒸蛋：都係冇乜特別，正常水準成都老冰粉:推介！有提子乾花生，桂花糖水調味，唔係太甜，夠凍，好解辣上菜速度：好快 - 30mins 食完消費：120 per head有D over priced ，用料唔係特別好，同埋好口渴，未必再回頭…查看更多

經報導得知中環引入了間正宗四川菜，但報導中老闆公揚目標顧客是在港工作的內地同胞而無法顧及香港人感受，相信這說法真是觸怒了不少年青港人。但今晚無辣不歡的朋友居然說要一試，結果我就抱著個陪太子讀書的心情去接觸了真正的四川口味店內古式石屋為主題，加入京劇面具元素，簡素中俱有中國色彩。餐牌選擇亦大分為湯麵和缽缽雞套餐，實行貴精不貴多。老闆一邊親力親為、滿場飛之餘還會過來為我們極速推介葷素各三十串的瘋狂缽缽雞套餐，我們一心也是選這個啦另外還多點了一份麵餐，餐牌上沒有寫價錢，經店員解說之下，原來晚市亦可選午市套餐組合，價錢相同。一碗麵價錢，無論加飲品與否，價錢都不變。店員還叫我們兩個不要叫得太多，夠食就了，（不是盲看生意額) 太貼心💕最後我們選擇組合D, 是可以多一份小吃及甜品涼拌木耳, 雖然是一小碟, 但絕不是2-3件的貨色, 木耳多酸少辣入味, 清爽健康飲品升級了一杯藍蝶花雪梨, 藍蝶花天然抗氧化, 配上雪梨水十分滋潤養顏我們share食的牛肉麵來了，店員清晰說明這碗額外要求多蔥，避免混亂。湯底可選紅或白，一場來到當然試一試紅色的辣湯，看到面層的油是有點怕但都盡量撇開油，試一試啖湯，原來被紅油騙了，雖然輕微辣味，但香味才是靈魂 ; 麵條像廣東麵(雲呑麵)，口感則似日本拉麵，麵條微曲做到掛湯效果 (最後我向老闆查明) 原來四川人偏好軟麵但又不失彈性，所以店家為做得盡量貼近麵質，不惜工本在香港找廠製麵。由於香港品質標準比內地還要高，所以經過多番改量，現在食到的第五個版本確實在背後下了不少功夫。主角是麵底，但做配角的牛肉亦非簡單。切成立體的牛肉，筋肉入口都溶為一體，肉質好腍。接下來出場的是招牌菜缽缽雞，大大個鍋、滿滿的籐椒湯、放滿一大堆串著食物的竹籤。缽缽雞本是四川街頭食物而非當地入舖餐廳能食得到的也不是大富人家的菜式。因為窮人不是經常食雞，所以每當能食的時候就不會放過任何一個部位，故此缽缽雞內有多款內臟。在四川的街頭食法是一盤湯長放枱上，客人食多少串便沾一沾，不會給每枱客人一盤湯。這文化及衛生跟香港有差異，所以店家沒法辦跟足做法。四川除了熱騰騰的麻辣火鍋也有為夏天而設的冷鍋。籐椒是四川特產，又叫野花椒，跟花椒屬同類不是麻味是慢慢滲出而非一下子爆出。每個套餐中的食材都是由師傅隨意選，除非某食材沽清，否則招牌重點食材都會在鍋裏出現。先說籐椒湯底，湯面有一層植物油及秘製芝麻，令湯底層次推高 ; 把食材浸幾分鐘已非常入味，開始食一兩串也未有感覺，我吃完第三串，那咀唇都開始發麻，慢慢痹起來，用跳舞來形容雙唇就最貼切了。店家會用十多分鐘來將雞腳筋、骨、肉分離，亦把肥腸內的脂肪完全刮走等四川原手工藝留著，真讓我佩服最後甜品來一碗成都老冰粉, 在冰凍涼快的感覺下帶走了剛剛麻痹的口感, 除了透明的冰粉外, 還有花生/葡萄乾/黑白芝麻/糯米/山楂等, 令嫩滑爽口的老冰粉帶來一份口感…查看更多