第三站

第三站位於旺角金雞廣場，呢次我第二次去食。上到25/F出𨋢會見到Station 3既招牌。入到去餐廳職員安排我地坐房，我地叫左2杯野飲先，一杯薄荷朱古力，另一杯oreo曲奇奶昔，睇賣相都吾錯， 跟餐加30幾蚊，我覺得價錢合理。跟住叫左個松露薯條，黑松露薯條夠大條，香味夠，唯一不足既係份量小左啲，2個人食可能吾夠分。跟住上埋海鮮拼盤，真係好吸引🤩，包括炸蝦，魚手指，炸蟹鉗，炸帶子同埋吉列蠔，炸物都有5種，每樣試左一件，魚手指同炸帶子最好味，其他不過不失。最後叫左個煙三文魚野菌忌廉燴寬條面，個寬條面好干，擺左好多食材，有啲杰杰地，食落要飲水方便消化。味道真係吾錯既，我飽肚都要食多幾條，我覺得可以推介俾其他食家。因為個要境吾錯，夠靜可以同朋友吹水，係幾舒服既總結： 我會再幫襯，除左食物有水準，服務態度幾好，環境夠靜，岩晒情侶過黎拍拖，價錢中位，可留意佢地既餐牌。

今日和朋友相約旺角晚餐，她帶我去金雞廣場25樓的station 3餐廳，個名都好特別，佢話直情好似英國嘅Tube車站噤嘅station3，最初諗住會唔會好鬼復古嘅設計，去到之後經過條長長嘅走廊就見到一個真係英國station標誌放喺門口，入門到口，感覺餐廳唔算大，但係真係設計得好靚，好舒服；白色嘅沙發好吸引，坐落都超舒服；仲有好多我鍾意嘅特色擺設好似三眼仔，大雷鎚等等；咁我哋好快就點咗一個黑松露帶子鮮菌燴意大利飯套餐，加錢包沙律，飲品和甜品；一個海鮮拼盤；一個蜜糖芥末單骨雞翼；一杯西班牙咖啡和一杯熱情果乳酪。首先沙律同埋飲品送到檯面，沙律啲菜都比較新鮮，不過不失；飲品方面西班牙咖啡，因有雪糕比較香濃飲落唔錯；熱情果乳酪有酸甜嘅熱情果味，飲落好醒胃；跟住海鮮拼盤就嚟到喇，其中嘅炸蠔最出色，外脆內爆汁，炸魚都好正，外脆內軟，炸蝦和炸帶子都唔錯，炸蟹鉗啲肉可以鬆軟返啲就完美了！跟住嚟個單骨雞翼，炸得外脆內軟有雞汁剛剛好，加埋蜜糖芥末醬，真係完美嘅組合，食到唔停得口；最後嚟黑松露帶子意大利飯，因為之前食咗好多炸嘢，呢個濕潤嘅意大利飯，剛好可以滋潤返個喉嚨，細細粒嘅帶子超多，食落都爽滑有咬口，意

今晚約左朋友仔撐枱腳為左坐得舒服決定搵間cafe坐下家樂坊附近嘅都成日去今次就行遠少少去金雞嗰邊網上睇到都幾高評價😊—————————————————————由於朋友仔戒緊澱粉質所以叫左個燒牛肉田園沙律薄切嘅燒牛肉保持到肉香同牛味加上用左小小黑椒圍邊一齊燒更加惹味底下有大量新鮮嘅沙律菜好啱減肥人士食中島就叫左個芝士肉醬闊條麵因為好耐無食過肉醬意粉🤣煙韌嘅麵條配上芝士肉醬幾時都係最佳拍檔咁齋又點滿足到為食嘅中島所以加多個海鮮拼盤一盤有蠔 蝦 魚 帶子 蟹鉗完全為我呢個海鮮控而設❤️樣樣都炸到好酥脆入面又軟滑 正去cafe最中意就係個drink list大量高熱量飲品平時食飯好難有得飲😂甜甜朱古力酸酸草莓醬溝埋就係一杯酸酸甜甜嘅士多啤梨朱古力啦最後諗住叫個紐約芝士蛋糕share點知店員仲送多份藍莓芝士蛋糕俾我哋😊食完玩下board game輕輕鬆鬆就過左晚—————————————————————≛ 燒牛肉配田園沙律 $92≛ 意式芝士肉醬闊條麵 $98≛ 士多啤梨朱古力 +$6≛ 海鮮拼盤 $128≛ 紐約芝士蛋糕 $36≛ 藍莓芝士蛋糕 $36

同閨蜜談心，樓上cafe永遠都係我嘅首選，沒有在地舖吃飽了就差不多要即時被驅趕的壓力😲，又可以品嚐我喜愛的甜品🍰，真正享受一個慢活嘅下午💕。今日談心地點係旺角洗衣街嘅Station 3 Café，位置旺中帶靜，地下是繁華鬧市，樓上是另一天地，環境寧靜舒適，以簡潔白色做主調，配合大玻璃窗注入自然光，更顯光猛，設有獨立vip房，包場及到會服務。今日的二人餐單如下：午餐E西班牙煙鴨胸意粉（$83）燴飯轉意粉+$5，煙鴨胸幾香口唔油膩，蒜蓉、甜紅椒絲、青椒絲配茄紅色意粉，顏色和層次都很豐富，份量足夠，午餐可配一杯$38飲品，價錢適中。午餐A燒牛肉配田園沙律$68，朋友話味道不錯，沙律比較健康，配少量牛肉，咁就又飽肚又健康🤭。特色小食- 海鮮拼盤$128，好豐富嘅拼盤🤤，包括有魚🐟手指・炸蝦🍤・蟹炸鉗🦀・炸帶子・吉列蠔🦪，雖然係炸物，但沒有油膩感，一邊傾計一邊食就最啱。飲品- 西班牙咖啡☕跟餐+$14，啡味好香濃，加埋雪糕，超喜歡🥰。水蜜桃🍑乳酪（走cream）跟餐+$10，水蜜桃味道好濃好清香，微酸，很不錯。甜品- 朱古力蛋糕$36，味道幾濃，口感鬆軟。

好少可喺餐廳都可以見到藍天白雲，仲有好溫暖嘅陽光照左入餐廳添餐廳仲有唔少PePe既佈置，為餐廳增加咗唔少點綴好啦講返嘢食先，依家加$38就有個沙律同埋一件甜品左邊係芒果乳酪，右邊係士多啤梨奶昔，以前就覺得Cafe啲嘢食麻麻地，水準一般，但今次真係令我刮目相看，兩杯味道超濃郁，而且都係好杰身，飲完都幾飽，餐廳真係落足本，而家叫午餐都會包一杯$38嘅飲品，如果超過呢個數都係需要俾返差價就可以啦，最後芒果乳酪就加咗$10，士多啤梨奶昔就加咗$14估唔到喺Cafe都可以食到啲咁精緻嘅西餐，煙三文魚捲成一朵玫瑰花，忌廉汁加闊條麵簡直無得輸而呢款蟹肉就鋪晒成個面，忌廉汁就多咗啲青椒嘅味道呢款炸物就啱晒同朋友一齊share，咁就唔會咁熱氣，有魚柳、蟹鉗、炸帶子、手指魚、炸魷魚最後跟餐甜品有朱古力蛋糕同埋藍莓蛋糕，賣相都係非常精緻㗎，一啲都唔Hea

每次想同朋友傾開計，都會來呢間cafe , 因為疫情關係， 唔太想去人多擠迫的餐廳， 呢間之前來過，坐得好闊落，食物又唔錯，店員態度都好好，唔會催，舒服過一個晚上🥰今次好餓所以兩個人都叫左好多野食🤣🤣🤣 一個套餐包一杯38蚊野飲，叫左煙三文魚野菌忌廉意粉同薄荷朱古力，意粉呢間一向做得出色，彈牙唔會過諗又有麥香味，野菌同忌廉汁好夾，醬汁唔會太多，岩岩拌均唔會太肥膩，香草香味濃郁，煙三文魚份量唔算太多，兩條長片捲成花狀，幾有心機🥰 煙三文魚煙薰味唔重，亦都唔腥，肉質當然唔似魚生刺身咁肥美，係煙薰三文魚口感，唔會霉身幾香口💓跟餐叫左杯野飲，我個杯係薄荷朱古力，一定要撈勻，如果唔係就無薄荷味架啦！上面嘅忌廉同薄荷糖漿比例岩岩好，成杯即係好creamy , 我覺得比朋友嘅焦糖朱古力好飲，因為更加清新同涼浸浸，配炸野飲幾正！小食方面加左炸物海鮮拼盤$98，應該係三人份量，因為每樣小食數量都係三件😼 有魚柳、蟹鉗、洋蔥圈、帶子，呢個價錢當然唔係原隻新鮮帶子同蟹，而係混合左面粉，味道唔錯，炸得唔會太油，皮夠薄，一邊傾吓偈一邊食幾正！最鐘意蟹鉗大啖大啖肉！特濃芝士薯角好邪惡🤣 鐘意呢間有薯角選，口感會比

今次同友人黎到station3 cafe🥰一入到去已經有哂啲聖誕裝飾，好靚靚呀坐底之後我地點左墨西哥香辣肉丸意粉、黑松露帶子燴意大利飯、月亮🌙塔羅特飲、紅莓果茶、特級海鮮拼盤同埋蒜香雞翼😋紅莓果茶我見功效可以滋潤肌膚，美顏之選，當然佢仲可以解脂🤣🤣🤣好靚呀個壺😍月亮係荔枝同菠蘿沙冰mix，好重荔枝味，正正🥰前菜黎左田園沙律，芝麻醬配蔬菜先開胃。之後黎哂小食，雞翼係驚喜之選，唔會好鹹，但好香同埋蒜味係入到。海鮮拼盤我超推薦，魚柳，炸蝦🍤，帶子，蟹鉗炸得好香，好好味🤤🤤🤤到主菜啦，之前係呢間食過嘅忌廉煙肉雜菌燴長通粉，超級大碟，但味道我覺得一般。今次簡左黑松露帶子意飯同埋香辣肉丸意粉，味道讚👍🏻夠味，意飯同啲汁mix到唔會話好淡但又唔係話好濃，而意粉辣得黎但易入口，lamlam利🤤😋😋😋食完主菜已經超飽😂😂😂然後我地緊係上甜點，佢有三款比我地簡：朱古力cake, new york cheese 🧀 同埋blueberry cheesecake ，我簡左blueberry, 藍莓醬配芝士蛋糕一直係我至愛😍好推薦station3 cafe, 係聚會好地方之選，除左食野外，佢仲有boardgam

今日同朋友去旺角買嘢買完野之後就想搵個地方坐低傾吓計路過金雞廣場見到樓下有個廣告幾吸引張poster幾有特色我諗上邊都應該係一個幾特色嘅地方咁就想去試吓啦閑日嘅下晝嚟到唔算好多人店員嘅招呼都好好一嚟到就招呼我哋坐低然後同我地介紹今日嘅食物推介同埋又有啲桌上遊戲可以玩不過我主要都係想同朋友傾吓計所以就冇玩遊戲其實我哋都唔算太肚餓今朝食咗早餐所以就叫左少少嘢食就算啦但係黎咖啡室其實杯飲品都好緊要呢度咁啱有有我鍾意嘅花茶仲好詳細咁寫每一種花茶有乜嘢功效咁我最近的確瞓得唔係幾好嘅咁我就點左一杯黎飲應該唔係一杯正確來講應該係一壺呢一壺花茶個名叫做可人兒有好重嘅薄荷味一有淡淡的清香都做到一個舒緩同埋提神嘅功效然後我就見到佢個餐牌上面有個幾特別嘅薯條就係松露薯條啦平時喺出邊都冇乜點食到有松露薯條呢樣嘢嘅好多時候薯條都係配一大Pat芝士醬松露薯條應該係一個幾特別嘅味道嚟嘅咁果然嚟到之後其實幾驚喜嘅因為個松露味好香而薯條呢到都炸得幾脆除此之外對於有選擇困難症嘅我來講呢度有一樣野都幾方便嘅就係佢有三隻拼盤唔同嘅拼盤有唔同嘅食物咁我就隨便揀咗一個海鮮拼盤入面有炸蟹鉗炸帶子炸魚炸薯條配買沙律醬同埋茄汁咁我就諗

旺角有好多cafe，尼間cafe除左有board games 玩之外，仲有好多款dinner set同小食，甜品，價錢仲要係中等，要加一。叫左墨西哥香辣肉丸意大利粉($103)，忌廉煙肉野菌長通粉($96)，跟餐加幾蚊可以叫特色既飲品，或者加$30變set，有田園沙律，甜品cheesecake，海鮮拼盤($78)。意大利粉麵身唔算硬，軟硬程度中等，食落口真係辣辣地，香口。配上手打肉丸，中和辣味，仲有菇片，層層口感。長通粉有水準，唔會好"林"，加上有芝士拉絲效果，有驚喜。而且用料多，啖啖都食到有煙肉，菇。醬汁唔膩。2款主菜都好大碟，男仔自己一碟可能都會覺得多。海鮮拼盤有5款炸物，分別有炸蟹鉗，炸帶子，炸蝦，炸魚柳，薯條，配上沙律醬and蕃茄醬。炸物脆口熱辣辣，炸粉薄，薯條粗身又長，good。芝士蛋糕每件$25。蛋糕結實，好重芝士味，食落啖啖藍莓味，餅底同cheesecake好夾。而特濃朱古力味真係好重朱古力，有層次感，上面個層係醬，中間係朱古力味cheesecake，推介叫朱古力味。飲品方面，有多種養生花茶果茶可以叫。紅莓果茶煲完傳來陣陣香，飲落先甜後酸酸地，好開胃。塔羅特飲都有好多款，