相馬日式火鍋 荔枝角 (已結業)

早幾年因為我成日都要出trip，所以冷落咗A姐同大閘蟹，嚟到今年嘅大閘蟹季節，我唔可以再錯過喇！當我搵緊去邊度食大閘蟹嘅時候，就俾呢個「任食大閘蟹」深深所吸引。今次嚟到位於荔枝角嘅相馬日式火鍋，除咗可以任食大閘蟹，仲有日式火鍋同串燒放題，唔該俾多兩個胃我。大閘蟹一人一鍋就聽得多，但呢度係一人兩鍋。一人兩鍋？係呀，一個鍋係用嚟打邊爐，而另一個鍋就係用嚟蒸大閘蟹。每個鍋可以放入2隻大閘蟹，店員提醒，每次約蒸20分鐘就得，如果你主力想食蟹，每次差唔多熟就盡快落order叫下一round喇！咁唔知你哋食大閘蟹鍾意食公定乸呢？有啲人話乸多黃啲，但有啲人就話公會甜啲，真係各有市場。其實大閘蟹乸嘅蟹黃主要係卵巢同卵細胞，吃落有一種沙沙嘅顆粒感，有啲似鹹蛋黃嘅質感同味道；而相馬日式火鍋嘅大閘蟹提供嘅就係我哋最鍾意嘅公呀！公蟹係唔會有蟹黃，只有蟹膏，而蟹膏係精囊同精液，我哋就好鍾意蟹膏嘅細膩同綿密，濃郁嘅蟹味真係非常吸引。另一重點當然係蟹肉，肉都幾扎實，好鮮甜。串燒等緊蟹嘅時候，可以叫啲串燒食住等。串燒選擇唔少，我哋只係叫咗雞翼同少少串燒，唔敢食太多，要留肚食大閘蟹呀！火鍋一人兩鍋嘅另一個鍋就係用嚟打邊爐，湯底選擇好多，我哋就分別揀咗廣島蠔土手鍋同伊勢海老湯底。伊勢海老湯底嘅湯好香蝦味，非常濃郁。任食嘅選擇好多，喺自取區有唔少蔬菜、丸同菇類。海鮮拼盤海鮮係值得大家encore嘅項目，拼盤有蜆、蠔、蝦、帶子同帆立貝，啲蜆粒粒都好大隻又鮮甜！至於蝦勁新鮮又好彈牙，鮮甜度十足。美國頂級牛小排、日本鹿兒島頂級黑豚肉類方面有牛、豬同雞嘅選擇。如果你係大食嘅朋友，就要預留位置食美國頂級牛小排喇，牛肉嘅肉味香濃，肥瘦度適中，唔錯㗎！…查看更多

昔日的荔枝角充滿工廈，今日的荔枝角則充滿工商大廈，當中當然包括不少隱世食肆，穿插在工廈內，加上平日晚上，一眾上班族都紛紛離開，為這一區帶來異常的平靜，好讓我好好享受這一頓晚餐。 價錢分兩種，我們點了最便宜的方案，另外再加了海鮮!!湯底今次想點特別一點的，我點了牛奶味，另一個店長推介辣味，所以就試一試！ 牛奶有濃濃的奶香，又可以中和一下旁邊的辣味。很多時，日式火鍋的辣總覺得不夠好，這家的比較像港式的，所以比較好吃，而且辣度剛好，又很香，真的值得推。 肉來了，我們豬、牛、雞都點了， 牛肉有驚喜，比起一般連鎖店的來得美，脂肪比例比較均勻，而且也不會太薄切，吃多兩碟就可以回本了。 海鮮拼盤有蠔、帶子、蝦、珍寶貴妃蚌、聖子等等，份量不算很多，但勝在夠新鮮，這是很難得的，所以 Lucas 覺得很值得加海鮮吃。 …查看更多

去完工厦 shopping 後，醫肚是常識吧！經過地鐵站口，見到介紹$168日式火鍋放題，又試下先鴛鴦鍋，揀左豚骨、番茄🍅湯底，有龍蝦丸、黑椒牛丸、珍珠墨魚丸......，我較喜歡食黑椒牛丸，夠爽美國牛帶少少肥膏，配上日式芝麻醬還有豚肉及雞肉也是任叫的:)向配料區可以揀選各式各樣的蔬菜、菇類、丸類還有海鮮拼盤，蜆、韓國蠔、虎蝦、聖子、帶子、手打墨魚滑，都幾新鮮各式茶類、汽水、雪糕都可以任食餐廳位置寬鬆，唔侷促…查看更多

之前係觀塘食過，已經記住左相馬！今次約Friend上黎睇睇，原來荔枝角開多左間，近收工多d就試試新鋪！一出地鐵站D1出口 就係佢門口樓梯位，上到去左轉就見到，比觀塘鋪大概大左三倍度，亦都多左選擇。襯朋友未黎齊就偷影幾張啦，當日去到先7點多d，未坐爆，過多一個鐘就人開始多和牛，海鮮水準都好好，丸類菜類選擇都幾多，不枉我再黎幫襯多次臨走再食佢兩杯雪糕，先後知後覺新出左天婦羅，之後都唔記得影相，有機會再去食過先再影…查看更多