十下火鍋

唔計任食個種，以前食天后既，自從試過呢間，我地都無再去食其他XD 阿妹叫到，當然又係呢間啦！因為佢個湯底堅好飲，佢係有信心到，開波前一人一碗，我之前帶老豆黎，好少讚既都竟然係返澳洲前要翻兜就知佢好味啦！佢個海鮮拼盤係必叫既，仲有咩? 其實佢好多野都好好食，但上次去食，佢介紹左個黃金炒飯，好老實講，我覺得唔算太出色，但其他打邊爐既係真係好鮮好好味!而今次，我地發現左個蟹肉蟹粉餃，我地呢尐食海鮮既，就唔會覺得佢腥，但唔食既，我估應該唔ok. 可想而知佢個餃有幾多蟹係入面!鴨血都要推介，因為每次食都好ok!唯一要挑剔既係時間... 因為佢尐時間好緊，要準時交枱，個種壓迫感好唔舒服，但都明白既....仲要提一提，佢既裝修，擺設同音樂都會帶你回去七八十年代XD 但因為唔夠位放相... 請睇其他朋友仔既相啦！

打邊爐其實可以係一件好麻甩既野但來到呢間十下火鍋成件事變得青春晒首先一出lift已經睇到佢有心造出懷舊的味道有d小時候的椅子入到裡面石子地板大燈箱圓桌木椅舊揮春其實我細個都無見過粤語長片的裝璜食物單點選擇唔算多但佢有二人餐同四人餐都好豐富一般食日量一定夠飽我地4個人叫左4人餐再加左個海鮮拼盤個餐就揀左花膠魚肚鮮雞湯底湯底一d都唔揸流灘材料都算豐富海鮮拼盤亦都係高質雖然唔會有好多特別菜式但勝在食材好我個人就覺得個價位fair

香港人就係一年四季都要打邊爐 今晚朋友提議去銅鑼灣一間裝修超懷舊既火鍋店打邊爐 一入餐廳已經覺得好有feel 播住學友既歌😍 除左裝修 連餐具 個爐都係超懷舊 最欣賞係枱同枱之間好闊落又冇限時 人少少/大夥兒gathering都好正 order完火鍋料極速上枱 方便黎張大合照呃like 講返重點推介先湯底有好多款揀 三心兩意一定揀鴛鴦鍋 今次揀左#蕃茄鮮魚鍋 同 #養生豆乳白鍋 一聽已經好養生😂 鮮魚鍋真係冇得頂 原條魚放左落去做湯底咁霸氣真係第一次 而且打到最尾都好夠味 碟豉油又係原封不動😂#海鮮拼盤 $348 😋：9/10.原隻龍蝦打邊爐真係第一次 仲有大大隻北海道帶子 象拔蚌 扇貝 鮑魚 螺 大沙白 重點係上枱仲識郁 超級新鮮同鮮甜#十下三寶滑 $128 😋：9/10.呢個真係超推介！三舊大大舊手打滑 分別係#鮮打咸蛋黃蝦滑 第一次見蝦滑有咸黃蛋 原來出奇地夾 蝦滑好彈牙 忍唔住食左勁多舊！#臘腸鯪魚滑 呢個又係超好食 鯪魚滑就算滾左好耐都keep到軟熟口感 加埋臘腸令魚味更加出 #辣椒馬蹄牛筋滑 呢個雖然話係辣椒 但食唔出係辣 加左馬蹄甜甜地冇咁膩 呢個三寶滑出面真係食唔到 想

十下！空間超寬！適合一大群人吵吵鬧鬧的高質打邊爐！🍲。小伙伴一上來便問我：這裡最出名是甚麼？我答道：碟靚✨小伙伴馬上一副要捧人的樣子🌝🌝🌝（美女，儀態儀態！）。這裡食物的質素其實與大部分稍為好品質的火鍋店差不多，但最令人encore的無敵優點一定是——空間感超超超大！桌與桌之間都留有空位，坐得很舒服😆😆第二，烏冬棒極了！大家都是不斷地尋找最後幾根烏冬！第三，手切牛肉、手打丸、芝士丸，一流！。海鮮就其實還好，不一定要點哈哈✨✨✨雖然擺盤看起來10分美麗🙈🙈🙈如果想拍照便另作別論手工啤酒的味道想起來也不錯，小夥伴比較喜歡伯爵茶，飲起來有點微微的苦；我比較喜歡洋甘菊，喝起來較甜。

銅鑼灣區很難搵到一間放幾架BB車唔需要收車嘅餐廳，十下位置非常寬躺，好適合一家大細，推埋BB車，慢慢消磨幾個鐘真係非常好的享受，餐廳有很多影相位，充滿懷舊的氣氛，有別於一般打邊爐的火鍋店。湯底選擇多，味精少，店員亦非常有禮，好好笑容及充滿活力，上菜速度快，不漏單，唔會食到一肚氣。混醬選擇多，而且乾淨整齊。強烈推介食海鮮，價錢唔貴及非常新鮮，筒蠔手掌般大，唔縮水；海鮮拼盤的蝦大過iphone6plus；仲有魷魚、帶子、白鱔非常新鮮。牛肉選擇多，我個人較為喜歡食安格斯，擺碟整齊，入口即溶。蜂巢豆腐，吸收了湯底的精華，非常美味；魚皮超趣，強烈推薦。鹵牛肚，超入味，沒有異味，口感淋滑，份量頗多，必食推介。整體來說，價錢不貴，份量頗多，人均消費$230，銅鑼灣區內，是一個較平的好去處，非常滿足，一定會再光顧。人客源源不絕，證明食物質素正，記得訂枱。