Sky726

營業中

休息中

原來旺角都有法國菜！餐廳仲要有落地玻璃，個景觀都算幾唔旺角😂我直情覺得個景觀同五星Cordis酒店有得比😂香草牛油焗脆殼田螺 - 田螺肉收咗係威化質地嘅田螺殼入面，所以係可以成舊 ”不" 起食！細細粒幾開胃墨西哥燒粟米係我覺得簡單但好食嘅小食，cajun seasoning即係有d紅椒、蒜同洋葱powder嘅調味，再切成細細條，粟米幾甜好好食😂海鮮意大利飯個底係番茄味，幾濃，仲有啲拉絲芝士，超多菇，海鮮都有好多魷魚圈、蝦同幾隻青口油封鴨脾嘅肉質幾淋，面頭glaze得幾靚，伴碟嘅汁有小小甜味都提升到成個dish🤩甜品係好IG able嘅檸檬意大利軟芝士泡沫伴草莓雪葩，有凍乾嘅紅桑子同士多啤梨乾，overall都幾refreshing！如果想飲特色飲品嘅人要留意啦，cocktail / mocktail要下晝一點先開始供應！叫咗Lavender Garden，紫色係嚟自於蝶豆花茶同薰衣草糖漿，層foam因爲係用蛋白shake，所以影完相都唔會消🤣好啱打卡Tropical Punch有homemade peach puree、橙汁、菠蘿汁同檸檬，酸酸甜甜諗到都流口水我覺得係個位比較窄，台拍台

果然「人」如其名，Sky726位於旺角鬧市中25樓，一入到去就被落地大玻璃吸引，可以俯瞰市區。靚景要配美食。Brunch選擇多，同bff選擇咗海鮮意大利飯，同炸雞窩夫三文治。跟餐好抵，有湯、餐包同埋飲品。餐湯有意大利菜湯，有好多蔬菜。海鮮意大利飯好濃鮮蝦味，鮮味鹹味配合得好好。意大利飯唔會煮得過淋。海鮮好足料，有魷魚、大蝦、青口，亦都有好多雜菌。口感層次十足。炸雞窩夫三文治啱啱好切咗兩件，方便share食。窩夫夾雜炸雞，仲有蕃茄同埋生菜。窩夫甜甜地，配合炸雞嘅鹹鹹地，又幾夾。口感上，窩夫比較脆身。而炸雞仍然做到嫩口，有肉汁。是日甜品係朱古力蛋糕，口感似brownie，味道濃郁。喺星期六望住靚景，享受一個靚嘅brunch，係一大樂事。

今次黎左25樓既Sky726, 一入黎就見到一大排落地玻璃，餐廳唔需要太強lighting,外面既自然光就好似一大幅city landscape 既畫，而餐廳不同角落都有walk art，都幾artistic. 相信呢度夜晚對住夜景又會係一翻氣氛。店員服務唔錯，好好禮貌，仲不時為客人加水今次我地啦每人加$48做set ，有餐包，餐湯，沙律，coffee/ tea第一點想讚既係餐包，好濃香草味，又鬆軟，上碟時仲烘到暖暖地餐湯係周打蜆湯，一𢳂起就見餐湯裡面有好多蜆肉同三色椒海鮮意大利飯 $178酸酸甜甜幾開胃，就咁睇都見有唔少海鮮同雜菌，青口，蝦，蜆肉等，都真係幾足料慢煮澳洲草飼西冷牛扒 $218店員無問到我地要幾成熟，還好慢煮令西冷牛扒肉質仲算幾嫩（再生啲會更好），但同醬汁幾match，薯角好香脆，仲有唔少蘆筍

今日誤打誤撞在openrice揾食發現了這間西餐廳。訂位有7折，而且又多好評，於是同黃兔試下。在726大廈等實在要有點耐性，雖然有3部，但都要等好耐餐廳雖然是全層，但面積不大，枱與枱之間感覺還有點迫，有窗口位景觀敞算開揚。訂位時有要求坐窗口位，可惜最後都無安排比我們原來7折優惠是要食滿$400才可享此優惠，可任叫主餐牌及飲品，但"另加''Item就沒有7折優惠，其實有都少少取巧。另要以正價加一收費!我們點了：和牛漢堡$168(末折) - 賣相不錯.薯條香口，有好香松露味面包有烘過，可惜和牛漢堡肉質略淋，口感欠奉而且略嫌牛"so"味過重味道一般般!海鮮意大利飯$178(未折) - 海鮮有青口，蝦，尤魚圈，蜆肉等，還有雜菌，食材豐富用蕃茄汁煮成的意大利飯，軟硬適中，食落又有芝士味的香味，好好食另加套餐$48(冇折) - 有沙律(新鮮度一般)，香草包(包有好香香草味，好食!)，湯(今日是甘筍湯，甘筍味香濃，口感香滑，超好飲)，及飲品。心太軟$88(未折) - 賣相吸引有雲莉拿雪糕同水果點綴。心太軟朱古力味超香濃，但又不會太甜，味道不錯Cookies n cream $88(未折) - 是

今天太陽叔叔出來了，豬仔帶左吃貨星人黎食西餐。一入到餐廳，周圍都係南瓜、蜘蛛……仲播緊音樂。staff帶左我地坐窗邊，真係好熱，一邊抹汗，一邊諗食乜。個staff話滿400蚊有七折，我嗌左個海鮮意大利飯，豬仔嗌左個香煎安格斯肉眼扒10安士。等左大約十分鐘，先上菜的是海鮮意大利飯。我隻豬竟然一個神手就不左2啖黎食，吾怪得佢叫豬。相都未影，就比豬仔食左2啖，不爽不爽，希望佢見吾到我話佢係豬。意大利飯好有咬口，吾會軟淋淋。海鮮有蝦，魷魚，蜆。但食吾到青口，到底青口去左邊？到而家仲係一個謎。蝦同魷魚都不錯，蜆有陣陣腥味。呢個飯每一口都有菇，感覺自己食左好多蔬菜，幾健康。食到個飯既最後一啖，豬既牛扒先上菜，豬等到變了長頸鹿，不爽的外星人仲要迫長頸鹿先比手機食，然後長頸鹿又變番豬。staff好貼心甘比左一把利d既刀比豬。豬就開始用生命去切牛，仲叫外星人幫佢食，因為係等既期間，豬食左好多啖飯，已經食吾落甘大塊牛。豬叫左七成熟，食完一啖，要食一啖薯蓉先得。dry dry地見到入面有4塊瓜，綠色係脆肉瓜。黃色係咩？黃色既脆肉瓜吾知啊！lunch食肉真係好飽。總之食完之後，就埋單走人。總括服務吾錯，但由於