Yadllie Plate 야들리애플래이트 (海之戀商場)

Yadllie Plat是一間新派韓式料理，將傳統與創新巧妙融合，帶來自己獨特口味。首先，是鱈魚乾海螺伴麵，麵條彈牙，不是一般韓式餐廳用公仔麵，搭配海螺與濃郁的鱈魚乾，加上蟹子，口感豐富。魚介湯鍋的湯頭鮮美，加上韓式魚糕魚蛋，讓人暖心又滿足。緊接著，芝士蟹子蛋捲以滑嫩的蛋皮包裹著香濃芝士與蟹子，口感層次豐富。炸物方面，黃金蒜香無骨雞外皮酥脆、內裡嫩滑，再加上濃郁的蒜香，讓人忍不住一塊接一塊。而海賊王的寶物（炸魷魚、炸魚與炸蝦）則是海鮮愛好者至愛，每一口都酥脆可口。而飲品海鹽焦糖沙冰，細膩的沙冰搭配微鹹焦糖，消暑得來又唔會太甜。整體而言，Yadllie Plat味道份量都對得住價錢，絕對值得一試！

今日同朋友行完荃灣Donki又肚餓就去左海之戀Yadllie Plate食晚餐。餐廳都好爆棚下，好彩夠早最後一張枱。今晚我哋點左半半炸雞（蔥蔥蔥+黃金蒜香）,八爪魚煎餅，海賊王的寶物，檸檬雞肉沙律，孩子的浪漫，益力多米酒，柚子蜜，士多啤梨雪冰。左半半炸雞（蔥蔥蔥+黃金蒜香）-真係好多蔥蔥蔥， 兩者炸雞炸得時間岩岩好，肉質好，味道都好。八爪魚煎餅-煎得香口好味道，魷魚粒加上蔥絲再點醬汁吃簡直可口。海賊王的寶物-有大大條八爪魚，仲有大大塊炸魚柳，魷魚圈，炸蝦。先放入檸檬汁再點上醬汁好味道。炸得夠香口質素高。檸檬雞肉沙律-新鮮沙律菜加上雞肉，蘋果片，蕃茄仔，腰果，雞蛋，洋蔥同芝士碎令人好清新感覺。孩子的浪漫-就係炸麻薯波波，菠蘿腸仔仲有蕃薯仔。小朋友至愛同樣也是我至愛。益力多米酒-益力多味等埋冰融化再飲岩岩好，夠凍又唔會太濃酒味。柚子蜜-甜甜地，好香柚子味道 。士多啤梨雪冰-大大球雪糕，好多士多啤梨同士多啤梨醬，再慢慢食雪冰凍入心中，好正好好食。

Yadllie Plate 🍽️火炙牛 $98一上枱 職員會拎火槍再燒一燒啲牛 啲牛肉好嫩亦都好香口👍🏻八爪魚煎餅 $138呢個好推薦!! 八爪魚嘅份量好多 絕對唔會得麵粉 而且煎得好香口👍🏻芝士蟹籽蛋捲 $135呢個都喺好推薦 入面真喺有滿滿嘅蟹籽 入口啖啖都喺蟹籽👍🏻海賊王的寶物 $248故名思義就喺海鮮拼盤 有炸魚、炸蝦、炸八爪魚、洋蔥圈 份量好多好香口 不過怕熱氣嘅朋友仔就未必啱食啦 半半炸雞 $218有原味、大邱辣醬、大蔥絲、蜜味乳酪粉同黃金蒜香可以揀 我就揀咗蜜味乳酪粉同黃金蒜香 一共有八件雞 雞肉好嫩 不過個人比較鍾意黃金蒜香嘅味道整體嚟講 每份嘢食份量都好足 上面啲嘢食夠曬三個人食 同埋好旺場 我哋7點半食飽走個陣已經全場滿座～

荃灣海之戀Yadille Plate開正喺我樓下，已經食過幾次，因為環境幾舒服，坐得幾闊落，嘢食都唔錯，分享下今次叫咗咩食魚介湯鍋 - 一鍋好足料嘅韓式魚糕鍋，有齊魚糕串、唔同口味嘅魚糕、年糕，菇等等，好啱同一大班人share食！海賊王的寶物 - 一聽就知食材都係嚟自海洋，有炸蝦、炸魚，炸八爪魚鬚、炸魷魚圈等等，更附上芥末醬同韓式辣醬比大家dip😋韓式芝士炒辣雞 - 啲雞加埋芝士泡菜一齊加熱，放入口新鮮滾熱辣，有韓國春川炒辣雞feel牛肉水冷麵 - 件牛食得出係靚牛，入口油脂咇晒出嚟！食完熱氣野再食冷麵降溫幾好😝巨峰梳打 - 充滿香甜提子味，唔會過甜，幾好飲海鹽焦糖沙冰 - 勁大杯，朋友話幾好飲

#開餐好去處 ❣️荃灣海之戀韓國人氣手工炸雞專門店Yadllie Plate❣️荃灣真係一個美食天堂😍今次連韓國超人氣手工炸雞專門店Yadllie Plate進駐海之戀🌟作為韓國菜愛好者梗係即刻去打卡啦📸餐廳裝修充滿格調！每一個角落都係打卡位😍最重要係環境乾淨企理！又夠寬敞！唔會同人地背對背咁逼迫！可以輕鬆舒適品嚐美味大餐😝💟海賊王的寶物炸魚、炸蝦、巨型炸八爪魚、同洋蔥圈😍八爪魚真係超級巨大！而且爽口彈牙💟魚介湯鍋一個湯鍋有齊哂先韓國最地道既街頭小食🇰🇷魚糕、魚片、年糕、豆腐、雞蛋、蘿蔔、蔬菜等！份量十足🙌🏻💟 蜜味乳酪粉無骨雞 Yadllie Plate 手工炸雞用上🇰🇷韓國進口嘅韓國嫩雞🐓炸粉唔會過厚！ 加埋乳酪粉係表面！鹹鹹甜甜好開胃！外鬆脆內肉質嫩juicy🤤最開心係去埋骨🦴一啖一件食得好方便💟白切五花腩韓國原條進口五花腩🇰🇷以秘製醬汁慢煮技術處理，肉質鮮嫩多汁🤤配搭埋韓國獨特醬料同新鮮生菜🥬一啖一口味蕾多重享受👅💟紫菜手抓飯滿滿的材料！紫菜、飯素、滿滿的蟹籽沙律、芝士🧀️正常食法係溝埋一齊搓成飯團！不過小俐俐鍾意成碗食😆💟百香果水果茶香濃百香果味！唔會好甜😍清新解膩💟芒果波蘿Moc

諗住食炸雞就諗到去yadllie plate🐥係yadllie plate食左一個豐富既下午茶🤤宜家荃灣海之戀都開左yadllie plate分店啊，又多個覓食好選擇！food list🍽白切五花腩 $288成個set有大盤白切五花腩同生菜配料，好大份量，兩個人食好滿足！睇menu副相咁吸引就叫左試下！五花腩肥瘦適中，油脂好香！生菜好新鮮，附上醬料同五花腩夾住一齊食，正！驚喜二重奏 $258有特級肉眼排同炸雞，兩種享受一個拼盤有齊！魚介湯鍋 $238魚糕好好味，湯底好香，要飲埋啊！海賊王的寶物 $238最仲意就係炸八爪魚，好大隻既八爪魚要剪開食，好爽！蜂蜜米酒 $78甜甜香香推薦！香蕉奶米酒 $58有奶香甜味，配酒飲，唔錯！星光清河 $58特別既酒類，酒味比較濃，食肉飲好夾！

之前喺旺角食過呢間韓國餐廳 覺得啲野食幾高質素 呢日下晝喺荃灣呢頭 就去咗佢嘅分店再食返個午餐🍴驚喜二重奏非常推介呢個驚喜二重奏 因為入面有齊晒我想食嘅嘢😂 有石板上嘅頂級肉眼牛扒 我哋可以按自己嘅喜好而用石板嘅餘溫烹調生熟程度🐮 牛肉味道香濃 側邊仲有韓式炸雞 皮薄肉嫩 入面仲有好多雞汁🍗 側邊仲有沾泡菜汁嘅沙律 絕對唔會太過肥膩🥗海賊王的寶物呢個菜式名真係好靚 其實係有四款小食嘅拼盤 有炸蝦 炸魚 洋蔥圈 同埋炸原隻八爪魚🐙 全部炸物都係熱辣辣上碟 炸蝦大隻得嚟 入面嘅蝦肉仲口感彈牙 有鮮味 大大隻嘅八爪魚真係好吸引 打完卡之後 我哋就用鉸剪剪開✂️ 八爪魚鬚好長添啊 八爪魚充滿口感 仲唔會太過韌👍🏻莫索里拉芝士排骨呢一個主食可以話係有得睇又美味 首先有一個鍋咁上 店員細心咁俾我哋打卡先再幫我地烹調🥘 開爐之後mozzarella cheese好快就溶化咗 再放上特製嘅辣排骨🧀 店員用可以拉絲嘅芝士包裹住排骨 食落口都幾惹味㗎 芝士蟹子蛋捲熱辣辣上碟嘅時候芝士仲有拉絲嘅效果 外層嘅蛋捲香滑 入面嘅蟹籽超級豐富 卜卜卜卜嘅口感 令人好開心😁 加上面頭仲有茄汁同沙律醬做調味 味道幾開胃八

想食韓國炸雞好一陣終於約到人食今次黎到荃灣海之戀既Yadllie Plate叫左個 海賊王的寶物 （$238）個炸八爪魚真係大推！炸到剛好，八爪魚彈牙得黎，一啲都唔韌！ 🤤 另外仲有炸魚，炸蝦，炸洋蔥圈，樣樣都好得，炸粉唔厚，配埋檸檬汁同醬汁食，送酒恩物！半半炸雞 （$208）叫左一半原味，一半大邱辣醬為既就係炸雞，果然無失望，佢好juicy ,特別係大邱辣醬，辣到好過癮，比起出面其他舖，係真心辣啲架！烤牛肉水冷麵 （$128）本身好struggle 我好鍾意既海螺拌麵，不過水冷麵少有啲，所以叫左。而佢真係無令我失望，凍凍地辣辣地，配埋葱絲，蘿蔔絲，口感好豐富得黎，味道都一流！ 好有韓國既味道呀！😍😍 至於個烤牛肉，好重口肉味得黎好嫩口！最後叫咗 蜜瓜雪冰 （$88）食完辣野同熱氣野比自己降溫，雪冰真係做到好雪花，十分之綿，而有淡淡蜜瓜味又唔假，仲有粒粒蜜瓜肉，十分之正！仲有條韓國蜜瓜雪條添，連朋友都大讚！成餐真係好出色！絕對值得encore !!!