新記雞粥 (鴻禧大廈)

營業中

休息中

😋我知新記雞粥係元朗嘅老字號，但對我呢個港島人嚟講真係有啲遠，知道佢系旺角開咗分店，當然要去試吓啦；可能因為當日係星期六日嘅緣故，堂食比較多人🍥香脆炸兩腸粉（$23）食粥點可以少得炸兩腸；腸粉皮厚薄適中，油炸鬼炸得香脆而不油膩🍲貴妃雞豬潤粥（$62）嚟到新記點可以唔食佢哋嘅招牌雞粥，但另一方面又好想食豬潤，所以就揀左雙拼粥；粥底煲得好綿滑；豬潤好食得嚟唔實硬，雞肉亦都好嫩滑🐔海蜇手撕雞（$55）份量比想像中多；海蜇爽口彈牙，食落好香麻油味，味道偏甜，啱哂一啲唔食辣嘅朋友🦑 酥炸魷魚鬚（$58）份量比較多；炸粉漿好薄，魷魚鬚食落好彈牙爽口又惹味，性價比高🍽️ 薑汁紅棗糕（$21）一餐飯梗係要有埋甜品先係最圓滿；紅棗糕未食就已經聞到好香嘅薑味，而且食落去甜而不膩，煙韌又唔黏牙

新記雞粥系元朗老字號 近年各區都開了分店 今次來到旺角都可以食到啦！除了出名既粥品同小食外 仲有港式粉麵飯同大排檔小炒 都好吸引選擇好多而且價錢合理CP值高🤩今次就來試多幾款！✨XO醬豬扒炒公仔麵 配飲品 $53公仔麵炒得乾身入味 而且不油膩 加上XO醬炒帶微辣好惹味🤤豬扒份量好多 肥瘦適中 肉質不會乾柴👍🏻炒得好香好有鑊氣！✨ XO醬叉燒炒蛋 $68好大碟又足料😍份量足夠三至四人分享！蛋炒得滑溜🍳加上海量半肥瘦叉燒 撈埋上面XO醬一齊食不會太鹹辣好惹味😆好想送飯食✨菠蘿紫薑炒牛肉 $68紫薑好大塊比較辣配上酸酸甜甜的菠蘿🍍牛肉都好嫩滑有口感🥓整體味道搭配豐富 絕對是開胃菜😬✨酥炸魷魚鬚 $58魷魚鬚新鮮現炸熱辣辣 炸粉較薄好鬆脆 調味剛好不會過鹹 也配上喼汁👍🏻魷魚鬚大大條爽口吾韌 口感好好😍果然系招牌菜之一！✨海蜇手撕雞 $55小食來講份量好多不吝嗇 吃得好過癮好滿足😍海蜇爽口入味又無沙 雞絲變成配角😆調味帶點甜味有麻油香 好好食👍🏻📍新記雞粥 (鴻禧大廈) (旺角)旺角花園街1號鴻禧大廈地下5號舖

🍪【#旺角】 新記雞粥 Sun Kee Chicken Congee💥元朗老字號 粥粉麵飯家常菜💥.🍪 新記雞粥喺元朗扎根超過30年，以招牌🐔貴妃雞粥聞名，近年擴張至筲箕灣、旺角、佐敦！除雞粥外，不乏粉麵飯同各式小炒，食物選擇多元🤩！~~~~~~~~~~~~~🦀 馳名海鮮粥 $77餐廳特選新鮮水產，有🦀蟹、🦐蝦、🐟魚同帶子。估唔到隻蟹都幾多蟹膏，有驚喜！粥煲得綿滑夠厚身。.🐙 酥炸魷魚鬚 $58餐廳招牌菜！熱氣食物難免較油🫢勝在外皮炸得夠酥脆，魷魚夠大條。.🐔 海蜇手撕雞 $55雞絲份量唔算多，主角係海蜇👑調味偏甜，口感有彈性。. 🍽️椒絲腐乳炒通菜 $48大大碟抵食時菜，煮得軟身又唔會老，每條菜都沾到腐乳。.🍽 熱檸蜜 $18.🍽 凍好立克 $21~~~~~~~~~~~~~📍 新記雞粥 Sun Kee Chicken Congee@sunkeechickencongee旺角花園街1號鴻禧大廈地下5號舖 (油麻地站 A2 出口)Shop 5, G/F, Hung Hay Building, 1 Fa Yuen Street, Mong Kok (Exit A2, Yau Ma Tei

行街之前到旺角花園街1號鴻禧大廈地下5號舖的新記雞粥食午餐， 食物款式很多， 粥粉麵飯任君選擇。 花多眼亂之下，揀了蜆蚧鯪魚球$52 ， 海蜇手撕雞$52， 貴妃雞豬潤粥$58， 星洲炒米$41， 七喜話梅柑桔冰$8， 凍豆漿$9。貴妃雞豬潤粥～ 每次到新記必點雞粥， 今次加埋豬潤。 粥底又綿又香，雞肉嫩口入味， 仲有爽滑的豬潤， 完美的配搭。蜆蚧鯪魚球～ 外皮金黃色的，油份不多，魚肉肉質彈牙，鮮美多汁的蜆蚧醬，很美味。海蜇手撕雞～ 天氣開始熱， 食返個凍盤爽一爽， 雞肉一絲絲的， 海蜇口感爽口好味。星洲炒米 ～ 炒得好香， 鑊氣好夠， 食落好惹味。七喜話梅柑桔冰～ 甜甜酸酸的話梅， 加上七喜真是非常解渴。凍豆漿～$9一杯都幾抵飲， 味道唔算好甜。新記雞粥價錢大眾化， 食物種類多， 記得一定要試下這裏的雞粥， 超級推介。

旺角花園街係食店雲集嘅天堂，由小食到中西日韓等你講得出都有得食到，今日就到由元朗開到旺角嘅新記食雞粥！店面細細，但係海報非常搶眼，一眼就望曬成間店有咩好食。店內環境如一般茶餐廳格局，雖然裝修未見特色，但總算乾淨企理。黎得呢度，當然要食佢嘅招牌貴妃雞粥啦！而食粥又點可以冇腸粉呢？所以兔子二人決定再配蔥花蝦米腸，另加小食海蜇手撕雞同埋蜆介鯪魚球。先來的是冷盤海蜇手撕雞，海蜇彈牙惹味，手㯕雞非常入味，肉質嫩滑，整碟冷盤好快就被掃光了！再來就是蔥花蝦米腸，腸粉香滑，蔥花和蝦米份量不少，性價比十足。之後就來到了主角貴妃雞粥，大大碗貴妃雞粥，一上枱已經聞到很香濃的味道，粥底香綿，好味！雞肉份量也很慷慨。建議二人一碗，份量剛剛好。最後上場的是蜆介鯪魚球，絕對驚為天人！剛炸好的一大碟有七粒！大大粒香噴噴，外脆內軟，咬落去充滿魚鮮味，沒有太多的味精，點上蜆介，實在是非常惹味！推介！

是日陪朋友試妝, 試親妝冇2個鐘都走唔甩, 要食飽D!當晚落住雨, 就O係試妝樓下就見到呢間餐廳,睇睇menu, 以為得雞粥?! 實際俾想像更多, 所以就試下喇!野食真係好多選擇, 前菜, 粥粉麵飯都有, 岩哂口味!海蜇手撕雞醒胃前菜, 帶有少少甜味, 好開胃~招牌貴妃雞粥+蠔仔話明招牌, 梗係要試. 當我以為雞粥通常都係比較油同都係係味精粥底, 但食落就知道唔一樣了~雞肉啖啖肉, 而且有D咸香, 碗粥亦一D都唔油!雞肉加埋D粒粒新鮮蠔仔, 成碗粥好鮮味, 正呀!炸兩食粥少不了配炸兩, 油炸鬼食落脆口, 唔會好油鮮蝦腸呢度既腸粉皮薄晶瑩剔透, 而且蝦仁大粒彈牙! 帶子肉片炒麵一上枱就聞到好香! 夠哂鑊氣!帶子肉嫩, 亦有好多肉片, 好足料!而且夾雜住D爽口芽菜, 好食!