QUE (東薈城名店倉)

一家大細行閒東薈城，見到商場介紹一間剛開業的cafe”Que”，剛到飯點梗係要去踹場試新嘢啦。該店裝修雅致，別人具日本風味感覺舒適自然。值得一讚的是入座不久就有waitress埋來細心推介講解，原本無咩嘢頭緒既我們好快就決定左order👍…查看更多

嚟得東涌只有3件事會做，一喺就行山，一喺就宅渡假，一喺就有嘢想買，行Outlet。自從上次入嚟宅渡假，有較多時間逛逛東薈城，發覺多咗個二期，開咗好多餐廳。今次所試嘅日式西餐廳「QUE」又喺晌二期呢邊，並且喺新開無耐。 晌門口已隱約感覺到餐廳嘅裝修風格，以木系為主調，裝修清新簡約，而店內更有唔少植物作點綴，尤其近門口嘅「大樹」，更喺當中重點打卡位。再加上地方闊落，樓底又高，予人感覺寬敞，讓整體氣氛更閒適，讓人有多一份寧靜。 我哋被安排最入面嘅卡位，細心留意嘅話，猶如和風古居嘅風格，餐枱都喺實木所做，敲落去喺沉實嘅木聲。 此外，要留意嘅喺店內有好多特色小擺設，如甚具日本古雅風嘅盆栽，仲有好多好可愛嘅「貓貓」，像真度非常高，霎眼望埋去，幾可亂真呀！主餐牌製作精美，翻一翻，選擇都非常之多，作為西日餐廳，菜式真喺頗為特別，類別分為小食、壽司塔可、沙律、全日早餐及三文治、主菜、意粉及意大利飯、日式丼飯，剛好晌門口拎咗張單張，兩頁紙就印晒所有食物。 不過，甜品及飲品就要睇番主餐牌，選擇極多，尤其特色咖啡及各類特飲。雖然餐牌無列出嚟，但見鋪面嘅餅櫃仲有啲烘焙產品，如牛角包、招牌蘋果批。 不過，計落都喺「晚市二人套餐」抵食啲，整個套餐包咗小食（2選1）、沙律（2選1）、主食（6選1）、甜品（3選2），定價就視乎所揀嘅主食，$468-$558；另可追加招牌嘅壽司塔可，包基本啡茶，亦可以額外加錢升級其他特別飲品。 石榴泡泡綠茶 +$38賣相有啲似雞尾酒嘅做法，非常之靚，杯面除咗插有一件蕃石榴之後，更加上一束花串作點綴。入口感覺好清爽，源於啲梳打，而味道先有一陣陣石榴清香，再啜落喺幽香嘅綠茶味，呢個配搭有啲驚喜。 粉紅椰子水 +$38另一杯椰子水，真喺粉紅色，但入口猶如平常所飲嘅椰青水，好清甜，但有啲好奇，點解會粉紅色？侍應解釋並無加任何色素，而喺一啲光合作用做成。上網摷摷，原來唔喺咩稀世特別嘢，只喺少見多怪，哈哈，粉紅色喺椰子水裡面嘅多酚與空氣和光接觸後出現嘅反應而已，真喺長知識。 日式咖喱味炸魷魚配紫蘇香蒜蛋黃醬據聞籌備緊「魷魚遊戲」第二季，雖然未知幾時有，先嚟個炸魷魚祭祭旗，哈哈。啲炸魷魚傳出陣陣咖喱香味，入口外層香脆不膩，而且，裡面柔韌有咬口，最精彩喺隻紫蘇香蒜蛋黃醬，點咗之後絕對有畫龍點睛之效，令食味更具層次。 QUE鮮雜果沙律配芒果汁以店名命名應該睇高一線，以沙律菜為基礎，再加上士多啤梨、藍莓、車厘茄，食材食得出夠新鮮，而亮點相信喺放有大量紅石榴，稱為水果界嘅紅寶石，其賣點喺具有超強抗氧化力，且更有好多營養要素，唔喺浪得虛名，再淋上芒果汁豐富番個味道，整道沙律夠晒天然健康。吉列鹿兒島豚肉配火箭菜、木魚絲及自家製豚肉汁 主食就揀吉到豚肉，平常食日本定食，都不時揀吉到豚肉，可以睇到師傅嘅炸功。作為主食，件豚肉都幾大件，並配有好多火箭菜，而豚肉炸得金黃，色澤均勻，一口咬落咔嚓應聲裂開，外層甘香鬆脆到不得了，卻喺唔油膩，口感軟腍富肉汁，不愧鹿兒島貨色。而自家製嘅豚肉汁亦記一功，帶微酸嘅醬汁，令豚肉食起嚟更加滋味。由於套餐只得一份主食，個人覺得加多兩份澱粉類伴菜俾客墊墊肚好啲，真喺怕有啲客會食唔飽。 靜岡縣紅茶甜筒套餐所包嘅甜品都喺甜筒類，如果可以有其他選項就更好，例如Q-ube蛋糕。言歸正傳，呢個靜岡縣紅茶甜筒表面就平平無奇，但都有好多細節位，好似筒內有啲餅乾碎、白朱古力粒，仲附有一小盅紅茶汁，而講到紅茶就偏向日式嗰種，淡味啲，少少偏甜。宇治抹茶甜筒另一款宇治抹茶口味就較為突出啲，除脆口嘅窩夫筒、宇治抹茶雪糕外，仲配搭埋抹茶餅乾、白朱古力、柚子白朱古力粉、抹茶汁，抹茶嘅味道好清幽，茶香有回甘。 海膽汁蟹肉蟹籽壽司塔可 $78事前見唔少人大讚店家嘅壽司塔可，所以，都追加一款我哋想試嘅口味。塔可（Taco）喺墨西哥嘢食嚟，當喺一種夾餅，依家加咗好多日式元素轉化為「壽司」。唔喺講笑，好多蟹肉同蟹籽，仲夾有蟹膏、牛油果、青瓜絲，唧上海膽做嘅醬汁，口感非常豐富。個人覺得驚喜位喺外層嘅紫菜，喺以天婦羅手法炸過，酥脆好食。 店內嘅環境確喺好舒服，招呼亦唔錯，食物嘅配搭、做法都有驚喜，而定價就有少少高，二人餐嘅組合個人覺得都需要作出少少微調，尤其份量方面。…查看更多

先講講未入門口就已經比佢外圍既日式風格吸引住,門口接待亦都相當有禮上餐速度亦都算正常無話要等好耐先有得食,始終岩岩shopping完都有少少肚餓飲品方面點左杯"草苺香桃沙冰"冰涼透心既沙冰加上香味濃厚既桃香帶出酸酸甜甜既草莓味,真係好好飲呀叫主食之前就點左份"海膽汁蟹肉蟹籽壽司塔可",蟹肉有微微鮮甜,最驚喜既係紫菜,相比市面上一般手卷都會因為壽司飯既水份令到紫菜變成軟身影入口既感覺,反而佢地將紫菜微微炸過一黎可以保持紫菜脆身二來亦都唔怕打完卡之後就變成軟身,尼個做法真係好岩相機食先既朋友,主食我就點左"日式麵豉烤比目魚配芥末薯蓉"不得不讚烤比目魚真係烤得恰到好處淡淡魚油香之餘,魚肉嫩滑魚皮帶有微微香口,配上芥未薯蓉相當開胃,亦唔會搶走魚香&麵豉既味道,最後就當然係甜品啦"靜岡縣紅茶芭菲"賣相亦都相當特別一小杯熱既紅茶汁慢慢倒入杯口個半圓形白朱古力,令兩者溶為一體,好玩之餘,茶香之餘甜度亦都十分配合,都唔會覺得太甜,真係好好食呀尼餐晚飯真係相當驚喜…查看更多

難得2父女去拍下拖！去東薈城行下街，又順便可以買下禮物俾媽媽🥰途經一間新開既餐廳，見到門口玻璃櫃上面有隻貓，阿女見到好開心，點知原來係假既，像真度十足阿女話想試下，於是我地就去呢間餐廳試新野，餐廳裝修得好靚，門口有棵樹，令我諗起龍貓😌餐廳入面周圍有d 綠色植物點綴，好舒服！一坐低，店員就派左貼紙俾阿女，係好可愛既貓貓圖案！打開個餐牌，好吸引，叫左個海膽汁蟹肉蟹籽壽司塔可，一個月見燒牛肉飯，一個兒童餐，最後梗係要叫阿女最愛既雪糕甜品！下次要帶埋媽媽再來食，因為個餐牌上仲有好多野想食，有個蟹飯都好想試！…查看更多