滿屋日本料理 (已結業)

銅鑼灣廣場上面原來有好多自助餐類似荃灣大鴻輝 旺角兆萬中心 今次試呢間滿屋都係大滿屋啲朋友 其實香港有好多間之前諗住搞上市但係唔成功 第一次中午幫襯喺十二點鐘開始有得入去 入面座位都幾大 頭盤壽司很快就到 帶子比較大 三文魚刺身比較新鮮 壽司質素比荃灣好 這裏有很多基本上一般放題有嘅佢都有 一般放題冇嘅佢有 例如花膠 鳳爪 牛腩 芝士壽司 左口魚 芝士葡撻  水果甜品呢度有西瓜同哈蜜瓜 有芝士蛋糕 雪糕有得揀haagen-dazs或者係dreyer's 有百福豆腐花 嘢飲方面一般汽水都有大部分有台式嘅飲品 亦都有啤酒 想飲熱茶有茶包可以自助 有熱嘅維他奶 有沙律吧 有鴨血 有炸春捲炸水餃 飲品有烏龍茶韓國嘅忌廉汽水 卷物有手捲海膽手捲 他之戀 三文魚 燕窩海鮮竹雪花牛肉鍋不過天婦羅一般 吉列炸蠔可以 推介榴槤炸彈食咗六個 呢度有花膠雞煲 瑤柱蟹肉翅鮑汁花膠 熱窩燉蛋 有豉椒炒魷 避風塘炒魷魚 牛柳粒 蠔油豬耳炒象拔蚌 亦都有鰻魚比目魚燒羊架黃金焗蠔燒雞翼鹽燒海蝦等等 侍應手腳反應好快 基本上你一有食淨嘅嘢佢哋即刻幫你清理 上菜亦都比較快亦都比較少漏單 基本上呢個價錢喺銅鑼灣定講性價比幾高 自費消費不是贊助 埋單每人200蚊加一午市 任食兩個鐘 不過冇飲到酒…查看更多

好耐未試過阿囡正日生日一齊食飯慶祝，先祝囡囡生日快樂，身體健康，事事順心幸福快樂，呢二日話天氣好差同打風，訂咗枱同阿囡食生日飯，昨晚細妹打嚟問明天是否照舊會打成嗎？我話應該唔會掛明天再聯絡，真係好好彩全程都好天無落雨還有太陽，大家都好開心，滿屋都喺同之前一樣，多咗啲新食物，出面都有些熱食同沙律，因為出去攞嘢要帶口罩，所以我就無出去，細妹就幫我攞嘢飲，我就點食物，去過幾間放題此中覺得呢間最好食，所以今次都喺嚟呢度，食物種類多又新鮮，而家午餐都有清酒飲，老公見到有清酒但又寫明午餐無提供，見人斟他又學人斟，回來試飲話一次就夠，味道好似我浸的糯米酒一樣，但加咗水好淡唔好飲，其它食物都好好味，價錢都喺無加，一個人連加一都喺210左右，邊食邊傾太開心好快又三個鐘，最後食埋每人都有個特別雪糕後就離去每樣小小可以再試其它，魚生都多款，但我哋都喺食呢幾樣，如果好喜歡魚生喺度…查看更多

今晚同朋友兩個講起好耐冇食過刺身啦，就即興走上去銅鑼灣廣場嘅一間日式放題，又咁啱有位可以食到～兩個人都安排到一張四人枱，夠晒闊落，叫多啲野食都放得到。坐低咗之後先望一望點餐紙，叫咗一輪刺身同壽司🍣先。刺身推薦大赤蝦同帶子啊！！！非常厚肉同大大隻，encore咗兩次！其他刺身都係不過不失嘅水準啦！因為我哋兩個女仔怕食太多飯會飽肚就冇叫太多壽司同手卷，不過都好推薦火炙芝士蟹棒壽司，仲有海膽手卷（係見到隔離枱叫個飯好細個所以先敢點haha）然後走出去熟食區兜個圈，都有好多選擇喎！除咗日式前菜小食之外，仲有自助沙律、中式小食、甜品水果區、驚喜嘅係竟然有焦糖爆谷同芝士撻！返去叫埋熟食先。熟食水準都唔錯，比較推薦嘅有羊架🐏、燒菠蘿🍍、天婦羅蝦🍤⋯⋯最後我哋仲叫咗人哋食放題唔會叫嘅肥牛鍋🤣，但竟然係幾好味！最後每人可以自選一款雪糕，真係食到「反晒艇」，好滿足啊！…查看更多

滿屋放題一向都是人妻🐷的放題熱點之一📍，這晚剛好在銅鑼灣🚉，當然二話不說就上去了😎。晚市時段的價錢也尚算合理呀👌🏽~店內有廂位提供😌，增加了食客的私隱度👍🏽。自助區域分為冷盤區🦐、熟食區🍢、炸物區🔥及甜品區🍨等，另外更有爆谷機喔🍿~🔹前菜🥗這個取於自助區🥢，老公🍋將最愛的螺肉🐚、蟹柳🦀及蟹子🧡加在一起，單是前菜已令他相當興奮🤩。🔹刺身🔪刺身選項超過10款🤩，極力推介大赤蝦刺身🦐，口感爽脆彈牙😋，滿口鮮甜的蝦肉😲，滋味十足💝！🔹壽司🍣火灸香蔥左口魚邊壽司是人妻🐷的必點🌟，另除了一般的款式外📜，餐單上更有多款自家創作的款式✨，選擇超過了30款😳，真的讓人眼花撩亂🤪！最突出的一定是蟹膏皇帝蟹腳壽司🦀，用上了真蟹肉😍，放題來說算是蠻驚喜的🎉。🔹手卷🙌🏽海膽手卷不能不點吧😏~ 一口一件的，很方便呀👍🏽~ 🔹黃金燒帆立貝🔥香濃的醬汁配上了爽口的帆立貝🐚，不錯的😌。🔹鹽燒牛舌👅先灑上一點的檸檬汁💦，那軟脆又帶彈性的口感😍，咀嚼起來實在令人回味無窮💖。🔹燒紐西蘭羊架🐑嫰滑多汁的獨特味道和口感😋，配上了香草🌱，一入口便令人難以抗拒😊。🔹紫貝天葵白桃梳打🍹除了雪櫃內的飲品🥤，店內更提供了幾款特飲🍸，好奇的人妻🐷點了一杯來試試😝，甜度不算太高👌🏽，加了芒果肉在其中🥭，味道還不錯的🥰。💭總結食材的新鮮度真的不錯🧐，選擇也非常多元化😳，這個就是人妻🐷一再回來的原因呀😁~…查看更多

當日Happy Friday，梗係要食嘅令自己happy既野啦！我哋就黎左銅鑼灣既滿屋食個靚放題啦一上到餐廳，嚇親——成排櫈都係人！就算book左位都冇得早放，要乖乖地等夠鐘先入得。好彩唔係等左好耐就入得嚕～～一入，見到成場都爆晒！唔怪之得出面咁多人仲排緊隊啦就等我試一試佢係咪真係咁值得食先！刺身新鮮，款式多，有我最鍾意食既帶子！大推蟹膏蟹棒壽司！對蟹膏控既我黎講實在係極品最欣賞係左上角舊壽司，吞拿魚蓉加帶子呢個組合好新鮮，再加上紫菜有少少鹹香帶出兩者既鮮甜，好食！成晚最好食既野就係呢舊海膽手卷！！估佢唔到咁新鮮，一嘅苦味都冇，得海膽既香同甜味，我都encore左三個啊！炸蠔都係我好鍾意食既野，呢間啲炸粉唔係好厚，唔油膩又脆口，裡面既蠔仲好juicy添！不知不覺都食左好多野，飽飽地見到好似有Mövenpick雪糕，問下店員邊到有得拎，點知得返Häagen Dazs呢款糯米糍雪糕。上面係滿滿既紅豆，底下係一個雪米糍，好食！食完呢餐令我有個飽飽既Friday，可以返屋企訓個好覺！…查看更多

幾年無黎的滿屋，換然一新，仍然質數無變，服務好好，估唔到都係幾年前的價錢，真超值現在部份冷盤，飲品，甜品全自助唔洗入單，隨時攞隨時食，喜歡食魚生就唔好錯過長腳蟹，我覺得羊架最好味食完可再食，芒果壽司值得一試，刺身拼盤好新鮮，甜品藍莓蛋糕一定要試，鴨舌好特別，鮑魚冬陰功食得辣的就唔好錯過，辣酒煮花螺就一般，只係每樣試少少都唔得掂，種類都好多，食完晚餐都可以慳番唔食，遲啲一定要同老公，囡囡再食一次…查看更多

耳機播著HOCC首「全憑手中的偷拍照…」，XO仔就喺銅鑼灣街頭全憑手中的傳單，得悉「滿屋日本料理」晚市放題可任點魚生，及任飲麒麟啤。睇到有啤酒任飲，價錢仲包埋食，絕對抵過區內o既歡樂時光優惠，第一時間就諗起人稱「啤王」o既老五！為求明目張膽地去飲餐飽、拆餐勁，二人就相約好週二晚準五點半食歡樂放題，嘆足三個鐘。兩口子被安排入座房內o既半梳化式散座，比起想像中闊落舒適。桌上擺放著兩本厚厚o既彩圖點菜紙，簡單易明，菜式即點即上，感覺衛生，食得放心。雖說食客如七點半前離座可享八五折優惠，但面對著勁飲得同吹得o既老五，條數計落，俾佢主攻麒麟啤，飲多一個鐘係絕對抵過全單八五折，結果三個鐘飲咗二十罐，嘩哈哈，超抵！唔好隊啤o既朋友唔洗擔心，自助茶水部有多款凍熱飲品提供，汽水、茶、特飲等等，真係好多野揀。點完頭輪食物，老五就先喺自助冷盤區砌咗碟惹味o既小食拼盤黎送酒，醒神又醒胃，果然係飲家！食日式放題，相信大家主力都會係攻刺身，我地都唔例外，前後點咗兩大盆，上枱已覺震撼！刺身中，個人首選爽潤脆滑o既大赤貝。鮮甜肥美o既油甘魚亦屬必吃之列！帶子刺身幼嫩滑溜。北海道角螺刺身則爽脆彈牙。三款蝦刺身中，個人偏愛晶瑩剔透o既天使蝦，爽滑甜脆，呀！小肥因血糖高要避免進食太多澱粉質，結果都只係食咗一件壽司同一客手卷。黑松露牡丹蝦壽司芳香鮮美，爽口嫩滑。海膽手卷甜潤幼滑，個人只係略嫌海膽份量少咗啲啲，如果可以多返少少效果應更佳。除咗魚生之外，兩口子仲點咗啲香口熱食。新鮮熱辣辣o既鹽燒牛舌爽脆惹味，送酒佳品也。意外地，老五推介o既香草紐西蘭羊鞍極其鬆軟多汁，美味非常！金黃色o既天婦羅蝦皮層乾脆，蝦隻超爽，可能有麒麟啤送啦，一人食半打都唔覺得溜滯。炸雞翼皮脆肉嫩，一樣咁掂！老五並無偏食習慣，食o既野好自然地亦比XO仔多。雖然店內有爆谷、朱古力噴泉、棉花糖、蛋糕、雪糕等多款甜品，但兩學兄弟最終都係揀飲啤酒吹水，而棄選甜點，飲足三小時！「滿屋日本料理」晚市放題可享三小時任飲任食日本料理，菜式大多即點即煮，週二晚成人每位$228，另收加一服務費。太陽未落山，小肥與「啤王」老五已於放題店盡攻魚生及啤酒，這個「歡樂放題」比酒吧o既歡樂時光優惠更抵玩，實在令人情緒高漲！…查看更多

去完動漫節就緊係要補充體力啦!! 諗左陣好快就揀左食滿屋日本料理佢係分時段, 未夠鐘唔可以上去, 要係樓下街邊排隊等上!一坐低緊係不停點野啦! 話咁快就點好, 亦話咁快就有野食!! 例牌就緊係食個刺身先啦, 其實有漏單既情況出現, 不過應該只係執漏, 唔係突登既北海道角螺刺身, 北寄貝刺身, 好味, 勁爽甜蝦刺身夠大隻!　三文魚刺身, 厚切其他都唔錯! 海鰻壽司, 海膽黃金蝦壽司, 海鰻冇咩特別, 但唔多醬, 海膽黃金蝦壽司好味, 食到少少既海膽香黑松露中拖羅壽司, 黑松露生蝦壽司, 兩款我都冇試, 因為我唔鍾意黑松露, 聞落好大陣既可油氣味, 朋友就話根好味三文魚腩壽司, 好味! 腩位算肥, 食落香口鐵板雪花牛柳粒, 我覺得食落味道OK既, 但唔食冇壞吉列蠔, 芝麻雞翼, 吉列蠔我覺得麻麻地, 芝麻雞翼就冇試冇錯, 忍唔住黎多ROUND既刺身! 今次咩都有叫! 我想講其實真係樣樣都幾好食! 放題黎講叫好好架喇!!! 清酒煮大蜆, 冇味, 好淡接住係花之戀, 海鰻壽司, 兩款都唔突出, 花之戀唔夠沙律醬, 海鰻壽司唔夠鰻魚汁泰式生蝦壽司, 黑松露中拖羅壽司, 醬燒蟹腳壽司, 和風牛肉壽司:泰式生蝦壽司, 好唔夾既配搭, 個生蝦汁唔得醬燒蟹腳壽司,和風牛肉壽司, 冇試, 佢地話冇咩特別鐵板帆立貝, 唔夠香, 食落冇咩帶子味, 個汁略甜海膽手卷, 海膽唔算多/ 新鮮, 低勝在有得食下味噌煮牛舌, 汁既味道唔濃, 牛舌可以炆耐D入味少少汁燒墨魚嘴, 墨魚嘴好爽口, 好味! 盬燒雞軟骨, 唔錯, 如果可以有D調味料係上面會惹味D我最愛既焗廣島蠔, 雖然唔夠大喜屋好味, 但放題既焗廣島蠔黎講算好唔錯, 好鍾意佢好多沙律醬龍蝦海鮮粥, 好怪, 個粥既味好似腐竹雞蛋糖水既味, 不過係咸既VERSION香草羊鞍, 燒得好香, 羶味唔太重, 岩唔食得太羶既人食, 我自己覺想佢羶D天婦羅, 其實已經食到尾聲, 有D野我都冇試, 天婦羅我只係試左蕃薯, 食落冇咩味芝士年糕, 我冇試, 但見唔到有好多芝士塩燒牛舌, 燒得唔錯, 好香, 但略薄一口雙色腸, 我試左一啖, 覺得好膠下面兩款我已經冇試, 因為太飽川辣牛肉泰式鳳爪可能你會覺得睇我講完都係麻麻, 不過我認為一班人食的確唔錯, 食放題有兩個樣野要考慮, 多唔多野食, 同平均好唔好食, 野食我真係覺得佢算多, 平均黎講野食既質素係唔錯, 係銅鑼灣好食既放題真係唔多, 所以覺得呢間係去得過 …查看更多

食過好多日式放題 ($250一位咁上下o個d)，通常你落完order，都要等一段時間先會有野食到! 而且多數都係你寫十件，佢就係咁易黎幾件就算~ 終於第一次食過唔會係咁o既放題啦!今日係我生日，同老公兩個去o左銅鑼灣搵食~ 由於太餓所以就揀o左食放題。我地冇訂枱，但可能係平日，加上又比較早(6點3左右)，所以都即刻有位。呢度d款式都好多，起碼甜品同飲品都係任點~刺身款式都唔少，望落都有成十樣。三文魚，甜蝦，帶子，螺肉，象拔蚌，油甘魚.......花多眼亂，所以咩都要d試下 剌身盤 - 好味! 我唔敢話好新鮮，但真係唔錯! 推介甜蝦，帶子，螺肉，象拔蚌!芝麻雞翼 - 之前食過燒雞翼，呢個應該係新出，好香好脆，好食好多!花之戀 - 細細件，可以一試蟹子沙律 - 好似食麵咁，略嫌硬o左少少燒牛舌 - 燒得唔錯，但咸o左d~天婦羅 - 推介! 炸蝦最好味~蟹棒同南瓜都ok~雞軟骨 - 好味!!我一個人食o左5串，好有口感~芥辣八爪魚 - 麻麻地，冇咩辣味，但好咸! :( 枝豆 - 我唔鐘意食呢d野，但老公話好好味，一個人食晒~燒菠蘿 - 正!好甜好香，仲熱辣辣添~燒羊脾 - 平時好少食呢d咁飽肚o既野，但味道唔錯! :) 芝士焗蠔 - 好迷你o既蠔，剩係食到好多配料~但好香口!海膽手卷 - 手卷唔太大，所以食一兩個都ok，但紫菜林晒，咬極都咬唔開!奇脆鵝肝卷 - 新野~幾特別!不過奇異果加鵝肝有d怪~我分開黎食仲好味 飲品 - 款式好多，一罐罐一盒盒咁好方便~有烏龍茶，綠茶汽水~可以試下忌廉鮮奶，味道唔錯!甜品 - 本身有個櫻花糕想試，點知話未有~於是食o左雪糕，豆腐花，芒果慕絲~芒果慕絲麻麻地，好似蛋糕咁~豆腐花係百福，雪糕係牛奶公司~食完好滿足! 總體唔錯，大食o既人最o岩!…查看更多

哈哈又食好野成個2月總共要食9餐飯我都服了自已啦今晚1行5人同細佬慶B day哩間整體黎說好味雖然上菜次序有點亂但醒在味道都唔錯不過坐位同網評一樣較迫同分時段食飯比較難就但2百幾元有咁多野食同味道唔錯其他缺點改善嘛直情一流生日又有蛋糕送…查看更多