泰金鍋

營業中

休息中

終於嚟咗想食好耐嘅泰金鍋🤭之前喺網上見到佢除咗有得打邊爐，仲有勁多泰國小食同甜品，已經覺得好吸引，今晚終於搵到人陪我👍🏻原來佢出咗個新嘅任食潮汕牛套餐，當然唔執輸要試吓！潮牛餐有4款特別食材，分別係吊龍、匙仁、黑柏葉同埋匙胸口朥，本人最推介匙胸口朥，入口係超級爽脆滿滿油脂🤤其次吊龍肉味濃郁有咬口，滿足晒同行牛魔王朋友！湯底誠意推介青檸椰奶雞湯，超濃郁嘅椰奶用嚟打邊爐竟然出奇地好食！不得不提出面嘅自助區，大旺小食包括海南雞、大蝦粉絲、泰式沙律等，鍾意食活蝦嘅仲有個大水缸可以自己撈🦐最吸引我嘅係泰國必食嘅椰汁西米布甸，我食咗3個真係勁滿足😍

泰金鍋，位於旺角創興，主打泰式火鍋放題，環境舒服，都幾泰🇹🇭 有泰式熟食同泰式奶茶任飲，仲有流水蝦自助任夾，望落都覺得鮮🤩超多特色湯底好似泰金冬蔭功鍋、馬來娘惹叻沙鍋、青檸椰奶雞湯鍋等等🫶🏻好肚餓拎左啲即食既先😌成隻海南雞任夾，肉嫩滑醬好味👍🏻仲有咖哩牛腩、海鮮冬陰功湯等，足料，味道相當唔錯😘泰式沙律同炒粉絲都okay，仲有其他泰菜可以叫，炸雞寶、蝦餅都幾有風味，串燒豬肉同雞肉都非常惹味，火鍋放題黎講相當高質既熟食🤞🏻滾呀滾🍲澳洲極選肩胛牛小排，打邊爐必選牛小排，油脂夠肉質又嫩又好味，配埋個青檸椰奶湯底一流😘特級牛胸腹都幾有牛味，唔錯，牛胸爽就口感正，爽身，美國下肩胛眼肉啖啖肉都唔錯，丹麥皇冠豚梅肉配葱蒜幾惹味😉牛舌夠薄，快熟重牛味，貢丸爆芯高質要食下，盲糟少見，味道okay，流水蝦就當然正，⼀食就知鮮，任夾成碗食就係爽！🩵非常高質既泰式火鍋，當食泰菜又得、火鍋放題又得，亦都算幾抵食⼀個價錢兩種享受🤞🏻值得去試既特色火鍋放題🤗

呢間餐廳主打泰式火鍋放題，由泰藉廚師主理，主打多款泰國特色湯底🇹🇭逾80款泰式熟食、火鍋配料、榴槤小食，最特別梗係流水蝦啦🦐💗澳洲產極選肩胛牛小排 ($268/位)🥥青檸椰奶雞湯鍋泰式椰汁雞湯有淡淡椰香同香茅味，充滿泰式風情🦴藥膳豬骨白湯鍋藥膳豬骨白湯比較清淡，突顯食材鮮味🥩肉類特別要Encore 澳洲穀飼肩胛牛小排、特級牛胸爽、極上牛舌🍤小食私心推介蟹籽墨魚滑打邊爐真係好好食，仲有泰式榴槤炸彈、泰式蝦片、沙嗲串燒🦐流水蝦有兩個大型海鮮池，放滿每日新鮮運到嘅本地養殖海蝦， 隻隻都新鮮生猛，可以任夾任食，肉質好爽口鮮甜🥙丸類、菜類、雜菌呢到嘅丸類、菜類、雜菌款式好多🥗前菜有青木瓜沙律、酸辣鳯爪沙律、各種新鮮生果🥘熟食有多款泰式經典料理，包括有菠蘿海鮮炒飯、泰式香辣肉碎、泰式蝦仁炒粉絲、黃咖哩炒蝦，最出色有海南雞，雞肉嫩滑可口🥥甜品有泰式糕點、椰汁珍多冰、小蛋糕，個人最鐘意食椰汁西米糕同斑斕糕🍹飲品最特別係有泰式綠奶茶、泰式奶茶、清熱香茅水

同朋友諗住打邊爐，見到呢一間有泰國特色嘅邊爐湯底，咁梗係去試吓啦。我都唔算好遲嚟到，大約6:30到咗，拎咗張飛，因為打唔到電話book位，我哋只係兩個人，大約要等個半鐘先至有位。因為我太想試嘅關係所以先至冇離開到我哋揀咗泰式喇沙湯底，嘢食係任食嘅，而我哋揀嘅套餐係B餐，即係中等價錢，大概加埋一每個人$300左右。自助夾嘢食嘅位置，有好多唔同嘅丸同菜，我最鍾意食嘅熟食就有海南雞，最特別嘅係仲有買泰式奶茶可以俾你揀你飲，點解舖頭有人特別嘅就係所有嘢都係自助形式，就算你要加湯都係自助既。嘢食嚟講總括都算係新鮮同埋好食。