海南雞

無過嚟一排，原來南洋家又多咗出品，一百蚊三盒餸仲多咗選擇添，包裝亦都進步咗，店長姐姐仍然好友善！呢餐三百蚊有找，算幾抵食！印象中，之前係有串燒，依家轉咗滷水，仲有我鍾意但好少食嘅滷水生腸丶雞腎，港式街頭小食都有之前已經試過佢哋嘅班蘭雞，嫩滑重雞味，相信佢哋整嘅雞都唔會差，所以買咗兩盒海南雞，果然無失望，都做到肉嫩重雞味，配埋黑醬油更惹味滷水牛展呢盒有三塊，比較平時食到嘅算厚切，滷得夠味，好味！花雕豬手粒入味！估唔到算淋香濃咖喱牛腩BB辣，食到有少少椰香味，啱哂送飯芒果班蘭飯 都係$100三盒，自己加熱先食，班蘭飯比普通糯米飯香，芒果夠甜，正！班蘭蛋糕 之前未試過，蛋糕有大細件可以揀，我揀咗大件$25，班蘭味香，仲好軟熟班蘭千層糕 & 三色千層糕 一盒三件$25，三色分別係芒果丶黑芝麻丶班蘭，記得佢哋有出過薑汁味，都好好味！…查看更多

與閨蜜在銅鑼灣相聚，雞啄唔斷傾到忘形。到了晚飯時間，正煩惱緊回家煮什麼？忽然發現轉角有間小店，勁多街坊在此排隊買外賣，想不到有意外的驚喜。店鋪門口掛着大大包泰國蝦片，感覺非常正宗。原來他們提供多元化的東南亞特色餸菜包（甜品糖水及餸菜包），而且任揀任配搭，二盒$70，三盒$100，非常經濟實惠。泰式無骨滷水豬手 $45 （爆推🌟🌟🌟🌟🌟) 豬手有六至七件，滷水味非常香濃。一口下去啖啖肉，不但入味，而且非常惹味，必推👍🏻。海南雞$48 （爆推🌟🌟🌟🌟🌟) 份量好多，仲要係雞髀肉，性價比真的很高。雞肉嫩滑，配埋濃濃的海南雞豉油，送飯一流。花雕雞中翼 $40店家很細心，以塑膠器皿裝着花雕酒，入邊有四隻大大隻雞中翼，醃得非常入味😋。除了主菜，當然要試試他們的甜品。椰汁西米糕$40 椰汁味濃，甜味適中，一口一件，口感軟糯，超正。斑斕千層糕$25 （爆推🌟🌟🌟🌟🌟) 見到不少街坊爭住買，我們也買埋一份。我選了三色款式，朋友就選了單色系列，甜度適中，煙煙韌韌，非常好食。雪芳蛋糕 $25 （爆推🌟🌟🌟🌟🌟) 尺寸大件，口感鬆軟，帶點濕潤，不會太乾。斑蘭味重，非常香口，作為早餐或者下午茶，一流。雪耳桃膠糖水（少甜）$40因為是透明膠樽，看得到都有幾多雪以及桃膠，非常足料。的確做到少甜，不會太甜，飲起上來幾方便，養顏又健康。他們從菜包、飲品到甜品也一一俱備，不但美味，且價錢非常相宜，難怪獲得大量街坊支持。的確是加餸好幫手，誠意推介大家。…查看更多

南洋家位於灣景樓地下、地點非常方便。喺中央圖書館附近行1分鐘就搵到。🚶雖然係外賣店、但係應有盡有、唔同種類嘅東南亞小食都有。例如芒果糯米飯、唔同類型嘅飲品。👍👍我同朋友叫咗是日推介，＄100任選三盒。分別揀咗海南雞、炭燒豬頸肉同埋芒果糯米飯。甜品方面，我地各自叫一份斑蘭蛋糕。店員非常細心❤️ ，臨走前提醒我哋芒果糯米飯記得拎走個芒果，然後叮熱啲飯先好食。唔係啲飯就會硬晒同黐埋一舊。海南雞個皮好脆，肉好爽口。點埋嗰醬食甜甜哋、好惹味。🥰炭燒豬頸肉加個醬一齊食好有泰國風味🇹🇭、但係會有啲辣。🌶️芒果糯米飯，係夏天食好爽，芒果冰涼涼配埋椰汁撈飯食。再加多一件飯後甜品班蘭蛋糕，好有幸福嘅感覺。估唔到可以一次過試晒唔同嘅東南亞美食、超正。…查看更多

呢日在銅鑼灣睇完戲之後，去南洋家買嘢食返屋企食點左唔同嘅主食、小食及甜品海南雞好嫩滑，有水準泰式滷水豬腳仔入味滷水的味道能直接浸入豬腳仔😊豬皮嘅豐富膠質令口感更好泰式滷水金錢肚帶點小辣，好鍾意佢嘅口感有彈性泰式香葉肉碎炒得好入味，少少辣味啖啖肉嘅泰式燒豬頸肉燒得好香,點埋醬汁，酸酸地鹹鹹地好好味另外，我哋都叫咗好幾款甜品！包括：芒果布丁薑汁千層糕芒果西米露南瓜西米露斑蘭蛋糕芒果糯米飯呢個班蘭蛋糕真係好好味！超鬆軟，好有空氣咁！有班蘭葉嘅清香、有椰子香、少少甜。薑汁千層糕熱食嘅時候都好好味！煙靭，薑味係好香，清甜。芒果糯米飯嘅芒果香甜，糯米飯有椰子香味，加上椰漿更好味——-總括而言，這間店嘅食物賣相及味道都唔錯。約幾個朋友在家食飯又唔想整咁多野，呢間外賣店都係一個唔錯嘅選擇。外賣後用微波爐或者用蒸爐整熱，各項菜式仍然是好好味。我哋喺屋企煲咗煲簡單嘅米粉，加埋呢個外賣，好豐富嘅一餐！…查看更多