Grill ขุนทอง (和安里)

營業中

休息中

Grill係銅鑼灣同中環都有分店，之前路過銅鑼灣都無試，今次就試左中環呢間鋪仔細細，但係位置十足冷氣有dd大型不過可能係食串燒既關係，感覺又ok泰式串燒雞肉配炒飯Grill有唔同既飯同串燒，就先叫左個兩個飯做主食，其中一個就係串燒雞肉炒飯炒飯底味道好特別，香辣味獨特，有少少似泰式肉鬆炒飯又有d唔同，值得一試雞肉串一共三串，每串都厚肉大份，配上濃味既咖哩汁，非常好食海南雞飯另一個隻就叫左海南雞飯，主要係好耐無食啦，但係我估唔到佢咁好食呢個海南雞飯既雞全部都晶瑩剔透，冰凍嫩滑飯底只有油飯，都好，咁先正宗串燒叫左魷魚鬚，豬頸肉，雞皮，燒汁酸酸甜甜，加左辣味就更加夾青咖哩大魚蛋想試下佢個青咖哩，本身想叫青咖哩牛腩飯，但無理由叫三個飯就揀左呢個青咖哩魚蛋大大粒大魚蛋令我諗起長洲既大魚蛋青咖哩非常香濃，仲有斑斕同椰汁味冬陰公湯材料豐富，價錢抵。味道香濃而且有草菇同大蝦。兩隻大蝦仲已經剝左殼，非常好Lime soda清爽既Lime Soda係食串燒既好拍擋呀龍眼冰非常多龍眼肉!甜味重，食完d酸酸辣辣嘅串燒，非常適合飲呢個龍眼冰

真心要讚下邊間餐廳，無論雞肉串燒、豬肉串燒都咁好味！除左燒得好香，肉類都醃得好入味，仲有五款醬汁任君選擇，包括沙嗲醬、泰式海鮮汁、辣汁等等，總有一款醬汁啱你口味！😍海南雞飯跟餐仲有杯嘢飲：我就叫咗凍奶茶，雪碧仲係樽裝，唔知有無人同我一樣覺得樽裝好飲過罐裝呢😝海南雞飯：大大力推薦！！雞肉嫩滑，油飯又香，真心高質，中環區食海南雞飯都係$66，仲咁高質素，值回票價，最欣賞佢下面仲有椰菜同蘿蔔，食得比較均衡。海南雞飯都有兩個醬可以點，一款泰式辣汁，一款醬油，我自己就好鍾意辣汁！無論同飯定係雞都好夾呢度仲有海鮮類串燒例如魷魚，白鱔～食物，醬汁選擇都好多

朋友係中環返工，話見到呢間串燒好似好好食所以要我陪佢去食。雖然係平日晚，呢間餐廳都幾多人，好彩我早到十分鐘。如果唔係都冇位啊。望一望餐牌，唔怪得啦，原來價錢非常抵，最平十幾蚊就有一串串燒，而飯都系六十幾蚊，最最最抵既係，位於蘭桂坊既餐廳啤酒竟然先25蚊樽！而且咁抵既餐廳竟然仲有位坐...我地叫左幾串串燒，外加一個海南雞飯同豬頸肉沙律。全部菜都非常正！！串燒非常juicy，而且每款肉都配唔同既醬汁，唔會好似其他串燒店咁食黎食去都係果款味。我最推薦既係牛仔骨同雞翼，好好好好食！！而燒菠蘿都好正，爆甜爆多汁。呢個海南雞飯都唔錯，油飯油香味十足，雞肉係去骨既，就算雞胸都唔會老。配上惹味既辣醬同甜醬油，比起我係泰國食既更出色！豬頸肉沙律有成十塊厚切豬頸肉，非常足料，加上大量既洋蔥、芹菜、蔥等等真係好好食。或者係個醬汁出色，所以平時唔食呢類香菜既我都食唔停口。不過呢間餐廳都幾辣，平時算食得辣既我就算只叫小辣都覺得個口有d頂唔順，好過癮哈哈

以前公司係蘭桂坊附近，所以經常都係蘭桂坊一帶覓食。呢間食lunch就食得多，食晚餐都係第一次。去骨海南雞飯去骨海南雞真係好岩我呢d懶人，所以我係成日都叫呢個飯。雞肉同雞皮都滑嫩，一d都唔輸出面專門食海南雞既餐廳。而家出街食飯想整條菜都難，但呢個飯既蔬菜都幾多，可以係中環呢個鬧市有個均衡既飲食都幾難得。柚子海鮮沙律海鮮方面，蝦同魷魚各自都有好幾舊，都幾大隻，而且都幾新鮮。加埋柚子成件事好清新。串燒方面，我地叫左魷魚鬚、泰式魚餅、雞皮。基本上係燒得好惹味，香料落得好足。即使叫左小辣，我依然都覺得好辣。雖然話呢度食串燒為主，但其實d主食都唔錯。而且個menu同lunch係一樣既，所以以晚餐價黎講可以話係好抵。

星期六天氣咁好，難得有人約唔駛做宅女一於換件靚衫，化過靚妝💄，做番個Lady💃🏻去中環Happy Hour 🌟經過依間串燒店，聞到好香🤤天生為食冇辦法，一於食番幾串，過下口癮先🙆🏻‍♀️-款款都想食 點算呢好彩條裙夠鬆身，一於豁出去食食食🙆🏻‍♀️三個小女人三個大胃 叫黎share 食😋-嘩！超大隻大花蝦🦐雖然係最貴既一款（$70），但果然Jumbo😳蝦膏又多又甜；蝦肉爽脆鮮甜，咬落去好多汁仲唔小心彈到對面位tim🤭原汁原味去燒，好回味呀😋好想食多隻🙈-除左蝦係大愛，白鱔都好正。早前同朋友BBQ,知道燒鱔係一樣幾高難度既事，不能太大火，否則很易燶，燶左唔好睇又唔好食，要慢慢燒，比燒雞翼仲難。所以最後全軍覆沒🙆🏻‍♀️。 見到餐廳有燒白鱔，當然要食🤤燒得剛剛好👍🏼白鱔爽口彈牙，唔會燒到好乾-燒雞翼，自細鍾意食雞翼肥美夠滿足皮香脆，醃得夠風味我地揀左少少辣剛剛燒好，熱辣辣，香噴噴一口咬落去,好juicy -仲有最靚既豬腩肉肉質綿密、爽口嫩滑多汁-見到隔離台個男人食海南雞飯，食得好滋味抵受唔住誘惑叫左一份黎試下先雞又滑又新鮮，飯帶點薑味，好香呢兩個自認係淑女既朋友🤷🏻‍♀️，唔肯食雞翼，話怕麻煩咁

今日塔塔子同姊妹黎中環shopping行到餓餓地，一般酒吧嘅happy hour滿足唔到我地，就比老蘭呢間串燒店嘅熊熊烈火🔥吸引左～店外有企位，方便快靚正嘅蒲友吧塔塔子行到腳仔攰，當然揀入去坐住嘆啦中環當然寸金尺土，的確係坐得逼左D，不過裝修好特別佢除左招牌串燒，原來仲有海南雞飯！上檯見到漲卜卜嘅雞翼真係好興奮雞肉鮮嫰又入味，邪惡嘅雞皮都好爽油飯勁香而且軟硬適中，份量100分喺中環$6X蚊就食到仲連餐飲真係好抵呀！塔塔子覺得海南雞係頭盤，串燒先係main course落單見到串燒可以配好多唔同醬汁，有選擇困難症...於是直接同店員適我食得辣，一於辣嘅汁都樣樣試下先黎蔬菜篇：露荀烤到好香，但爽口中依然鮮甜！粟米仔好脆口，傳說中嘅粟一燒？最令塔塔子surprised嘅係菠蘿呀！一咬就爆汁，加上少少辣汁，同菠蘿嘅鮮甜好match肉+海鮮篇：首先白鱔係塔塔子最期待嘅！因為好少串燒店見到魚皮夠脆，肉質仲係好軟熟燒雞翼唔洗講都知好食～加上夠哂香口嘅泰式辣汁，惹味到想encore雞肉&豬肉都不容忽視，火喉掌握得剛剛好，絕對唔會乾爭爭呀！餐飲叫左熱檸茶解解辣，茶香味濃，好有港式風味，抵讚姊妹話黎到老蘭

今晚帶幾個frd 一齊喺中環食飯最先諗起係哩間勁吸引ge 燒物店佢同隔離店ge Thainan Chicken 係姊妹店，上次係Thainan Chicken 食哥陣叫左d 串燒，正正係隔離 的食物呢！味道同價錢絕對令我食過返尋味So... I m back!Basic 燒肉（豬牛雞）只係15$ per grill 而且係勁大串根據上次經驗我好快就叫左一大堆串燒可以揀辣Or 唔辣值得一提係...呢到ge 辣係會根據唔同ge 燒物，配塔各種ge 辣醬去燒！ 有青咖哩、黃咖哩、紅咖哩等等嗜辣之人ge 高級享受呀可能我地真係叫得比較多，而Grill 係只有企位，店員邀請我地去隔離坐住食，so sweet!十萬個紙袋响後面為左方便食我地麻煩店員比左幾個碟我地串燒一如既往ge 高質呢最最鐘意係燒大蝦同Eel.出面絕對食唔到咁大條ge 虎蝦用牙齒mi 蝦殻哥陣已經係一種享受蝦頭一食d 膏就知幾新鮮，蝦身彈牙+ 啖啖肉Eel 又係燒物店比較少見的item泥到Grill 絕對要點呢2樣燒雞翼外皮微焦肉多汁燒魷魚配ge (不知名）辣汁好夾呢，好想嗌杯beer!當然要有d veggie refresh 下

原來中環鬧市開左間泰式串燒 門口望住佢喺度燒，都幾吸引下。仲好多人幫襯，幾好生意，見肚仔餓，就揀左呢度食個lunch，呢度冇座位，所以選擇外賣返公司食會比較方便。 串燒有平有貴，最平嗰款$15已經有交易，肉類款式亦都較多。 原來5點前有飯食，見大部分OL都係外賣飯盒，所以我都揀左個海南雞飯餐 $60 海南雞份量都唔少，入面仲有蔬菜，醬汁有泰式辣汁同海南雞飯豉油，雞肉好嫩滑冇骨，點埋辣醬好惹味，而飯係黃油飯，都好香好好味。 個餐仲附有冷熱飲，我揀左凍檸茶。見串燒咁香，另外仲叫左幾款試下牛仔骨 $40 牛仔骨唔會韌，燒得好香口，牛肉味濃，食落多脂肪一點，不過好多肉汁好juicy 魷魚鬚 $20魷魚鬚被切開細細條，方便進食，魷魚爽口彈牙，微微焦香味，點上泰式辣醬更惹味。 泰國魚餅 $25香茅味加上辣味，啖啖魚香味滲出，絕無鯹味，仲要3件大大舊，食完1串已經令人好飽。 菠蘿 $20菠蘿燒得啱啱好，唔會太過火。咬落肉汁滲出好甜，外脆內軟。 白豬肉腸 $25呢個普通一d..不過不失啦，啖啖肉都不錯。點串燒時店員會每樣都問你辣

星期日既中環好多餐廳都唔開，平日諗食咩諗到頭都暈，咁岩知道呢間串燒開同有d飯類，可以lunch都食下。店面呢個火屏幕已經好吸引目光，再加上店內串燒同香味，足夠引起食慾。店員態度好好，又有禮貌，值得一提。最後點左海南雞飯，串燒牛仔骨、豬頸肉、魷魚鬚，由於餐廳只得企位，所以立即拎返公司開餐。海南雞飯：油飯香得來唔會食到成口油，雖然雞肉唔算最嫩滑，但勝在唔會有很多脂肪，另外有齊3種醬料，少甜的黑豉油、酸甜的泰式紅雞醬和酸辣的海南雞醬，份量也很多，非常滿足。左邊既係豬頸肉，表面烤到有少少焦脆，但內部肉質保持到濕度，咬落外層少少脆，內層柔軟，認真唔錯。鱿魚鬚就帶有很香胡椒味，雖然外層脆既部位唔多，但夠爽口彈牙，都唔錯。而右邊既牛仔骨肉汁味道濃郁，而且汁既量很多，肉質嫩滑，適量香料令肉更香而又唔會蓋過本身牛肉味，值得推薦。海南雞飯跟餐有飲品，雖然泰式串燒配酒應該好好，但因為lunch time關係都係揀檸檬茶。

約左男朋友上山頂拍下拖，出發前係中環食飽飽先，上到山頂先食就破產拉串燒食咁多肉好似好唔健康，所以就叫左蔬菜黎中和下菠蘿激讚充足水份、JUICY，又甜灑上小小鹽，帶出更甜味不得不吃有機玉米就麻麻地因為我唔鍾意玉米有小小生既味道統屬個人喜好有機蘆筍因為佢無咩味，又無蔬菜鮮甜味幫佢加返調味應該會好好多檸檬荼無叫小甜，都有小甜效果呢點很好茶味類近錫蘭紅茶、有少許回甘白豬肉腸估唔到咬落去竟然有肉汁雖然唔算多，不過有驚喜口味唔會過咸係一條有水準既豬肉腸泰式魚餅同出面食既其實差唔多不過勝在個醬汁優勝過人甜酸味平均，加上新鮮熱辣味道就更特出見到魷魚咁un既size係有啲失望好彩味道搭救，質地彈牙不過食得一串真係唔夠喉又係必食之選只係食串燒，怕唔夠飽所以叫左個海南雞飯雞肉係海南雞應有既味，又滑同嫩有兩款醬汁—黑甜醬汁 和 香辣蒜汁 (個名係我試出黎既味道)黑甜醬汁同普通甜醬汁差唔多蒜汁有濃蒜味，內裡既辣味係辣椒醬果種辣 GOOD