海南雞飯

K11嘅餐廳普遍偏貴，如果要價錢相宜嘅，其實都唔係好多選擇。今次食呢間海南雞主打嘅餐廳，試過其他分店今次試吓呢一間。餐廳環境寬敞幾舒適，裝修幾唔錯，兩面入口，平日晚上嚟到啱啱有位。餐廳款式種類都幾多，除咗有主菜之外，仲有小食，沙律，蔬菜，甜品，飲品等等。海南雞飯 (⭐️⭐️⭐️⭐️⭐️)呢度就真係要點海南雞飯啦，賣相都唔錯，油飯可以改白飯。海南雞都幾滑幾鮮，煙靭適中，份量都唔少，仲有三款醬料，可謂正宗海南雞飯味道。海鮮炒貴刁 (⭐️⭐️⭐️⭐️⭐️)另一星馬菜就係海鮮炒貴刁，份量都幾多，唔算好鹹，好入味，有濃濃嘅醬油味。海鮮用料充足，有好多隻大蝦，有帶子等等，見到唔少人都點呢味菜。蒜香青菜(⭐️⭐️⭐️⭐️💢)希望食得健康啲，所以點左蔬菜。佢有青菜，蒜香青菜同埋蠔油青菜嘅選擇，我哋點咗蒜香青菜。份量都幾多，啲菜好大，如果切細啲更方便，但整體味道都唔錯。埋單人均唔使$200，都幾抵食，算係咁啦如果喺K11 Musea嘅水平嚟講，而且係飽肚嘅，下次有機會食埋個甜品就滿足啦。~~~~~~~ Chatterbox Café (K11 Musea) 尖沙咀梳士巴利道18號維港文化匯K11 Musea B1樓B110號舖👍星馬風味👍地點方便👍環境舒適…查看更多

這家是新加坡文華酒店旗下的咖啡店，菜式選擇多，令人一試難忘。首先最著名的海南雞飯，雞肉肉質好嫩好多汁，雞皮無敵滑嫩。沾上靈魂醬汁，黑醬油加姜茸，再搭配上一口雞油飯粒粒分明真的好正。咸蛋雞翼，外酥里嫩。成隻都鋪滿了咸蛋黄，令人垂涎欲滴的咸香。招牌大蝦喇沙，沒想到喇沙都十分之出色。喇沙的椰香，鮮蝦的甜味同辣椒的辛辣味，讓人食指大動停不下來。湯底真的很濃郁，米線很彈牙。裡面有大蝦，魚餅，雞蛋及豆腐泡吸收晒喇沙湯的精華。…查看更多

平日晚上到訪，餐廳滿坐，只可在門外排隊，不設取票，等候約10分鐘可入座，用餐限時90分鐘。餐廳環境舒適，枱與枱之間有一定距離，適合朋友聚餐。海南雞飯🔸以招牌菜來說未見突出，但雞肉鮮嫩，油飯太硬，中規中矩咖哩豬肋骨配白飯及脆薄餅🔸第一次食豬肋骨覺得自己食緊煲湯瘦肉，過熟無肉味，真心難食，脆薄餅似薯片，如果係印度薄餅就更吸引炒豆角🔸豆角新鮮，香辣爽脆，開胃菜之選！班蘭蛋糕配椰子雪糕🔸班蘭蛋糕好香而且口感鬆軟，食落又唔太甜，椰子雪糕好驚喜，啖啖椰子肉，推薦～…查看更多

提起Cafe，有部份人都係諗起文青，呢度就走休閑chill嘅路線，但食星馬野，環境都好舒服，多卡位，仲有bar位！招牌海南雞飯無得輸，入味，嫩滑，可以加$10換髀，我呢set係普通，但都唔弱，真係啖啖肉，滑得黎唔會成口油，平日忍口唔食皮都破例食左豆腐湯好清，唔會太鹹朋友之後到，點左豬肋骨咖喱飯配薄餅，咖喱質感好濃厚，少少辣，椰漿味唔重，香料味較搶，而且配菜係茄子同秋葵，好健康呢！份量都多架，2個女仔食呢2set係食唔哂，多個人仲可以加碗飯都夠食非常足料好大件，一煲有5-6件，肉厚飯後甜品：椰子新地，大推！呢個味道較少見，椰子味清新唔太甜，食過太濃太假嘅椰子雪糕真係好膩，呢個唔會，配上脆脆花生，爆珠，白色嘅應該係椰肉，口感豐富-脆，滑，creamy！特別留意，如果想食甜品早d order 剔餐後送上，我地晏左叫，好多都無哂，唯有下次先食🥲 原來甜品咁受歡迎仲有其他招牌菜用app落單好方便，店員都好主動幫手，見到有老人家慢慢督機會過去問要唔要直接幫手，好好呢！呢個商場呢個價錢，抵食！…查看更多

整體嚟講偏貴，不過服務態度唔錯👍🏻唔洗等位直接入得。野食整體都幾好食，份量都好足⋯⋯海南雞飯嚟講：油飯入味、雞皮有啲多，但雞肉嫩口。湯方面就偏咸，但個人幾鍾意佢加左豆腐。另外叫左個咖哩雞飯同咸蛋黃雞翼：咸蛋黃雞翼值得一讚！👍🏻唔會好膩，咸蛋黃都好均勻，香口好食！😋而咖哩雞既雞肉同樣嫩口，但覺得雞肉唔夠入味。如果分開去睇個咖喱都夠香夠辣，個餅都脆口。好可惜嘅係想飲啲特色飲品全部冇曬，呢方面好失望！🤧…查看更多

雖然平日午市未夠12點都要等位，但係的確有佢要等位嘅道理。限時90分鐘用膳時間，所以都唔會話要等得好耐，10至15分鐘可以接受。海南雞飯，雞髀要另外加錢，冇加到食咗其他部位都滑，個飯好夠味，乾身又唔會好硬👍🏻 黑豉油炒蘿蔔糕👍🏻👍🏻成碟我自己都食得晒，蘿蔔糕有彈性仲有好多真蘿蔔喺入面好有咬口，味道有啲甜，但係我好鍾意黃金雞翼，鹹蛋味都夠，就咁睇隻雞翼都勁厚粉，只係炸得唔夠脆，可以一試美祿恐龍👍🏻 濃味，多脆脆…查看更多

K11 Musea入面既Chatterbox係我成日都會幫襯既，佢既海南雞飯真係好食今晴同媽媽同妹妹黎食，總共三個人，叫左三個主食加一個小食，總共$552.20，以係Musea入面既餐廳黎講，其實真係唔貴海南雞飯（$118+$10轉脾）👍🏻👍🏻👍🏻推介脾位嫩滑，呢$10真係好值得比雞既份量真係好充足大蝦喇沙 （$158）👍🏻👍🏻👍🏻推介有三份大蝦，一上菜已經聞到濃濃既蝦味，食完最後我連個湯都清埋海鮮福建炒麵 （$158）👍🏻👍🏻👍🏻推介有蝦同魷魚，呢個炒麵都有驚喜，屬濕炒麵類小食-炸豆腐（$58）炸豆腐就普通少少，上面既配菜係完全冇味…查看更多

唸起新加坡嘅美食辣椒炒蟹、喇沙、肉骨茶…令人垂涎三尺。疫情期間去唔到新加坡唸住可以系香港解下渴。招牌海南雞飯（雞油飯一碗，醬料三小碟辣椒、薑蓉、醬油，菜湯一碗）➕10蚊轉雞俾肉雞肉算嫩滑多汁，但無鮮甜味。可以將冰鮮雞整成新鮮雞咁，師傅廚藝了得，但係廚藝幾好都掩蓋唔到食物本身嘅質素。招牌大蝦喇沙新加坡喇沙出名好味，湯底咖喱味濃郁，還有濃郁嘅椰奶香氣。平嘅三十幾蚊就有一碗。好味到連湯都可以飲完。點菜時都唸好唔好叫大蝦，果然中招。大蝦有少少腥味，肉算爽口，應該有少少唔新鮮。哩個招牌喇沙湯底無椰香，連咖喱味都唔特出。面頭浮住好厚層油，連d麵線都變油膩。以後學乖d，唔係食海鮮嘅餐廳，唔好叫海鮮，次次都賴嘢。特色鹹蛋雞翼炸雞翼出面包鹹蛋粉。幾野味，但稍鹹。鹹蛋粉同我之前新加坡超級市場買嘅包裝鹹蛋粉一模一樣。斑斕咖啡就係普通冰咖啡一杯，喝唔出斑斕味…..最後，唯一要讚下嘅係短頭髮收銀機隔離嘅果位女職員，服務5🌟好醒目好nice，筷子跌落地，唔曬講即刻拿新嘅來，菜一上，唔曬叫，細碗即刻來，甜品上前，餐具又主動set好……笑容甜美🧡🧡🧡🧡🧡…查看更多

一般要我等超過 30分鐘既食肆, 我都唔會去等, 只係因為太多人都話佢地既野整得好好食, 所以就破例等下, 最後係等左成 55分鐘先入座, 講真 staff 既態度真係一 D 都唔友善, 唔知係因為太忙太多人而影響, 還是本身就係咁, 反正都入左來坐低左, 主要既都係食物, 服務都係其次, 只要唔好再差都可以忍受到本來打算叫傳聞好好食既喇沙, 竟然話太好賣沽清, 即刻有 D 失望囉, 唯有海南雞飯, 白胡椒肉骨茶, 另加一個椒鹽豆腐, 飲品就係一杯檸檬薏米水, 涼粉豆漿, 埋單 $383- 海南雞飯, 入面有齊雞胸雞脾肉, 肉質都算幾嫩滑, 但個油飯就普通左少少, 而且唔夠香唔夠油- 白胡椒肉骨茶, 平衡可能食慣藥材底既肉骨茶, 感覺呢個有 D 似胡椒豬肚湯既味道, 肉排都算淋, 但湯味就唔夠濃, 胡     椒味稍弱, 普普通通- 椒鹽豆腐, 一份簡單既椒鹽豆腐反而係三樣食物中最好食, 熱騰騰, 豆腐好滑好香, 而且味道岩岩好- 檸檬薏米水,  涼粉豆漿兩個飲品就當然唔會有咩驚喜, 不過不失總括來講, 並唔係其他人所講既咁好食, 更加唔值得等成個鐘, 來到 K11 呢度其實可以考慮其他美食…查看更多

去 K11 經過見到第一次試, 最深刻就係一嗌完個海南雞飯同埋喇沙之後，1分鐘內兩道菜已經上咗，兩樣嘢仲要都係熱嘅，令我覺得好神奇。味道都唔錯，屬於中上水平，不會中伏，可以一試。海南雞飯係半胸半脾無骨，雞飯一啲都唔油，但好重雞味，推介！帶子喇沙有三舊，有魚腐同埋豆卜，味道係偏重口味，唔辣，所以覺得好好食。唯一缺點就係份量偏細同埋有時候要搵侍應先有服務。環境9/10食物9/10服務 6/10人均 $150會否再次探訪？ 會…查看更多

成日經過K11 Musea都會見到長長嘅人龍，喺度排緊馳名嘅海南雞飯，聞說佢係最好食嘅新加坡文華東方海南雞，令我都好想去試一下。留意返係非繁忙時間黎就最好！🙂點都要試下招牌海南雞飯套餐，佢有好滑嘅海南雞同埋三款醬油，仲有一個湯同埋油飯，的確係好食嘅！另外見到佢個喇沙都好似好正，所以都點左，我揀咗雞肉叻喇沙，佢都係用海南雞嘅雞肉所以一樣咁滑、咁好食😋😋😋成碗清晒！整體係好食嘅，但價錢略嫌有啲貴！…查看更多

嘩！去到門口勁多人排緊隊，不過要一嚐新加坡文華海南雞飯，排下隊都冇所謂啦～很喜歡綠化的裝橫，很多綠色植物，感覺很舒適，果然是來自新加坡這個綠化度很高的城市。來這裏吃飯，基本上都是慕名而來的，所以必點他的文華海南雞飯（$118）,加$10可以轉雞髀，要不然便是半胸半髀，我沒有另外加錢，感覺其實沒有特別需要加錢，因為無論是雞胸或是雞髀，雞肉肉質都很滑，沒有多餘脂肪，雞肉和雞皮之間有一層透明啫喱狀的膠原蛋白，完全沒有骨或者碎骨，是正宗的靚海南雞飯。油飯和雞湯都很香，好吃。雞，今晚全部食雞，也點了咖哩雞煲配白飯（$118），這個抵吃，很大的一煲咖哩雞，很多咖哩，很多雞，很多蔬菜，咖哩是馬來西亞咖哩，中辣，香料味重，香濃而又易入口。要特別讚賞那兩大片蝦片，雖然是配角，但又薄身又香脆，蝦味濃。椰子雪糕($98)是餐廳的招牌甜品，標榜自家製椰子雪糕，椰子味非常香濃，有很重的椰奶味，還配上紅毛丹和核桃，椰子內有一層厚厚的椰子肉可吃。餐廳也有一些比較特別的飲料，最後還是點了親民養生的熱檸檬薏米水，薏米水很濃，檸檬味卻比較淡。…查看更多

和朋友在尖沙咀K11 Musea行街，行到攰左，又肚餓，而且餐廳堂食不能在6:00pm之後，所以我們要趕在餐廳不能堂食之前搵一間餐廳進餐，其實之前也想去試試這一間餐廳，但每次經過都是一條長長的人龍，今日竟然有人排隊，可能是疫情的關係。我們進入餐廳之後，侍應便遞上餐牌，我們看過餐牌之後，便點了這間餐廳的signature，大蝦喇沙和海南雞飯，如果你需要雞髀，需要加$10 ，其實看看周圍餐廳的食客，他們大部份都是點這兩個食物的。…查看更多

因為疫情嘅關係 終於唔洗排長龍就可以試到新加坡🇸🇬過江龍文華海南雞飯(雖然我係好想一切回復正常😢) 三個女仔都係食文華海南雞飯 飲錫蘭奶茶🥤 (lunch $128) 賣相吸引 全部都係雞胸😍啱晒唔鍾意食骨🦴 嘅我哋 雖然啖啖肉 啲肉都滑 但係我哋一致認為啲雞唔係好夠味 最好味都係啲香茅飯 唔會太鹹 味道恰到好處 雞湯淡淡地都唔錯 試過一次就夠😝不過值得讚嘅係店員好有禮貌同埋好有耐心推介食物俾我哋 而且裝修好靚🙆🏻‍♀️👍🏻…查看更多

人氣新加坡海南雞飯🐓，初到港時日日大排長龍，就算去到門口，見到條人龍都放棄。最近熱潮過去，難得平日放假就去朝聖下。下午三點，只有三幾枱客。有午餐供應，其實即係正價叫海南雞飯送普通飲品。如果要特別啲嘅野飲就要加錢。入正題，海南雞飯，先講雞，我冇特別加錢要脾，碟雞有唔同部位，脾真係好滑，胸就幾嚡，雞味唔重但都算唔錯。醬汁我覺得甜豉油早好食，好夾。再講個飯，好香葱蒜味，唔油，好食。仲有個湯，清清地有件豆腐。所有野夾埋一齊係值得食，但如果要排隊食，我就覺得唔值喇…查看更多