Bugis@叻沙・海南雞飯

是日又出去食lunch~ Happy Friday梗係要食好啲啦！我點半先放飯，去到差唔多兩點咁滯，個場依然好爆！要等一陣位。個個同事都叫海南雞飯，咁我又叫個試下，睇下係咪真係咁好食啦！佢成個set present得好靚！個湯估唔到佢咁好飲，好清甜，唔同一般嘅例湯。海南雞飯最重要梗係雞啦！啲雞好嫩滑，就算係雞胸位都唔鞋，而個雞皮都好薄，有中間個層薄薄嘅骨膠原🤤海南雞飯另一重點就係個油飯喇！佢煮得粒粒分明，仲好香雞油味，真係不得鳥！整體成個飯都好正，都只係五十幾蚊，係D2 Place入面算係一間幾抵食嘅餐廳。唯一唔好嘅係坐位方面，係有少少逼嘅，但係都可以接受，無奈真係太多人食。我覺得呢間餐廳的確可以一試，下次一定再嚟！…查看更多

今日LUNCH同同事去左D2 PLACE搵野食, 一直想試下呢間, 平時12點鬆D去到已經勁多人排隊頭先難得去到有吉檯, 當然即刻衝過去啦! 😁😁裡面FULL晒之後聽到經理問其他客人坐唔坐露台, 原來會有8折😂 今日想食飯, 所以叫左個海南雞飯, 但佢無得加錢走胸/轉脾呢個OPTION不過黎到見到賣相不錯, 跟冬瓜湯又跟飲品, 雞份量唔少, 有一半幾滑一半係有點"鞋", 唔算肥, 有三款醬料而個雞油飯都香既, 又唔會太油, 唔錯的👍🏻同事叫左個麻辣海南雞就跟得一款麻辣醬同一個同事叫左燒雞脾配烏冬就係咁讚話好好食😅下次無咩人排隊時可以再試😁…查看更多

荔枝角d2 place除了fine dining餐廳，都有幾間平價之選。差不多8點來到，餐廳入座率都有一半，算是同層最旺的一間，一於試下。<海南雞飯>例湯可以忽略雞件多，皮不算薄但肉厚身，油飯幾香，是肥妹仔今晚試過最出色菜式。<肉骨茶豬踭飯> 肉骨茶味不算濃，但豬踭夠諗滑，幾舊豆腐卜可以吸埋汁食，送飯唔錯。配菜油炸鬼可以忽略，凍冰冰冇味的兩個飯都係套餐，每份$92配一樣自選小食。肥妹仔和友人分別選了<新加坡魚餅>及<南乳炸雞翼>。<新加坡魚餅>其實說穿了就係鯪魚球，不過變成煎餅的模樣罷了，但係十級油！食了一塊已放棄<南乳炸雞翼>倒是不錯，相比魚餅冇咁油，且好香南乳味，又唔會過燶同乾爭爭，好食…查看更多

夜晚嘅荔枝角冇咩野食 得番D2比較多選擇 叫左個一人套餐 原隻棒棒脆蝦 +新加坡海南雞飯 HKD 88套餐包一份小食、主食同飲品 脆蝦都新鮮炸 有蝦味 算唔錯！海南雞飯啲雞就差少少 唔夠滑 但份量都多 但如果以哩個價錢黎講 有啲偏貴肉骨茶 HKD10最滿意係肉骨茶 多料 味道好夠！…查看更多