Ann Mamma Thai kitchen by 張秀玲

營業中

休息中

第二次係哩間餐廳食lunch，長期午餐爆人，餐廳分為2層坐位大約每層20人左右，環境一般地方偏窄。如果只係食飯質素都係幾好，而且份量足夠偏多，午餐可減5蚊，而且包凍熱餐飲。烤雞沙律飯，烤雞配上特製醬汁好開胃，而且一啲都吾乾，沙律係泰式辣醬配夢卜絲，芫茜等都可以配飯食。基本上男生食完都會好飽，性價比非常好。海南雞飯油飯偏濕，而海南雞係食到鮮味，吾似一啲餐廳用冰鮮雞一d味道都冇。 飲品，凍青檸茶建議吾好走甜會偏酸，甜味可以中和酸味。凍奶茶係泰式奶茶所以茶味偏濃，相比起港式奶茶會偏甜，茶香味較淡。

因為諗住去荃灣遊下車河，順路經過見到依間鋪，一直都想試下😍 鋪頭入面嘅裝修好靚好有氣氛，不過同行朋友無打針所以就去咗買外賣🤧雖然外賣，但不得不讚間鋪入面裝潢真係好有風味❣️❣️餐廳入面超多選擇，真係好似去咗泰國咁🤤我地兩個人各點咗豬頸肉飯同海南雞飯～ 仲加咗兩串沙嗲串燒，另外點咗杯泰式奶茶同青檸梳打～ 豬頸肉飯好豐富🤤 唔好睇個盒好似細細個，但其實份量勁多！豬頸肉肉汁好多🫣 而且肥瘦分佈好平均～😋食海南雞飯當然要點雞油飯🤪佢個飯唔會令你覺得好油膩，而係油份充足但肥而不膩👍🏻雞肉肉質非常嫩滑，真係好高質！😋😋沙嗲醬勁好味，我仲撈咗啲一齊送飯食添，兩串串燒嘅肉質都好好味🥰 而且唔會太燶，點埋沙嗲醬真係一流～🥰兩杯飲品都好開胃🍹最近就嚟夏天，望住個靚景食泰國野真係好似去咗泰國咁～ 🏝每人90蚊有找十分掋食🙆🏻‍♂️地址：荃灣曹公坊11號地舖

我一向都幾鍾意食海南雞飯🐔🍚，所以對雞肉嘅嫩滑程度同埋油飯嘅口感都算有啲要求～ 呢間餐廳嘅海南雞飯我覺得做得幾不錯，雞肉唔嚡口，皮脂比例理想，醬汁調較得啱啱好，酸酸地好開胃，比起出面其他泰國餐廳整得好食得多（當然唔係同有啲專整海南雞飯嘅專門店比較啦，有機會都想試多啲比較下😝）。不過蔬菜淨係得兩片青瓜🥒同半粒車厘茄😅，個人覺得如果有多啲會好啲，顏色都可以鮮豔啲⋯⋯ 飲品嗌咗泰式奶茶🥛☕️，比我想像大杯好多，差啲飲唔曬😂 飲落口覺得甜度都適中，因為我好怕啲超甜/淨係死甜（即係落勁多糖水）嘅凍奶茶，但係呢杯都飲到少少茶味🍵，不錯不錯～-順帶一提，雖然間餐廳好近街市，但呢度啲裝修真係幾靚，次次行過我都會不禁望多幾眼😍😍😍 日頭嚟會有自然光透射入餐廳，好似去咗熱帶森林咁🌴 都幾適合三五知己聚會或者情侶撐枱腳🍀 不過大家記得book定枱先，因為個場都幾full吓，多人嘅時候都可能要排隊等位😂-Ann Mamma📍荃灣曹公坊11號地下

話說一直都好想試呢間泰國菜 因為每次都比佢嘅門面吸引到今次終於有位 就去食lunch 同屋企人帶住個小朋友 小朋友話想食粉枱面上得一個lunch set menu 我就問店員會唔會有其他menu點知佢用非常不屑嘅表情同語氣答我：係得呢個咁我地就照叫海南雞飯同黃咖喱牛腩飯兩樣份量都好多 賣相都吸引海南雞好滑 油飯好香 好彩小朋友肯食黃咖喱唔辣 椰香重 牛腩都好淋到叫飲品嘅時候 小朋友想飲沙冰店員話冇沙冰 我望住隔離枱有杯 我問佢咁點解隔離位有？佢淨係答我冇沙冰 我再問第二個 今日有啲咩係冇 佢就答我西柚又冇話沙冰冇 最後嬲嬲地叫lime soda算有時開餐廳嘅老闆真係要了解下員工態度幾好食都好 體驗差就係差

香車街街市出名多好野食、但係唔洗只意坐得舒服。但係呢間新開嘅泰國餐廳超特出，門面靚唔洗講，入面都做到好似置身喺泰國cafe咁，真心不錯！ 一於試試佢。叫左個海南雞飯同埋泰式炒金邊粉，海南雞飯嘅雞，好新鮮！ 有啲似走地雞咁，好滑，又唔會韌，配埋海南雞醬一流！不過個油飯就稍有失色，個飯爛左啲，唔夠一粒粒，但味道唔錯。熱屎辣辣配埋杯西柚梳打，又加返分！另外個泰式蝦金邊粉，有啲普通，唔係好夠鍋氣（扮下野先），食得出陣番茄醬味...同埋價錢偏貴，不推薦！ 下次試試其他野食～