開頭以為呢到淨係食東南亞菜，估唔到港式、日式同西式都有，夠晒多元化～ 小編見港式成日都食，所以就試返星馬泰菜🇹🇭，感覺都唔錯～ 呢到環境闊落，亦都有唔少卡位，坐得幾舒服～(5 😍 係滿分，🤩係半分） 馬來海鮮喇沙金邊粉 🦐🍜 - $70 (好味指數：😍😍😍🤩)喇沙湯底🥣味道濃郁惹味，滲出淡淡既椰香同咖喱香，面頭有啲辣油🌶️，辣辣地幾開胃～ 金邊粉既份量超多，索晒啲湯🥣既精華幾好～ 另外有幾多料，裡面有煙韌既魷魚仔🦑、爽口既蝦仁🦐、鮮甜既青口、索汁既豆腐卜、軟腍既鳴門卷🍥、清爽既芽菜同埋半隻蛋🥚，感覺都唔錯，如果海鮮既鮮味可以出啲就更加好～海南雞飯 🐥🍚 - $65 (好味指數：😍😍😍🤩)份量適中，侍應話係根據傳統做法所以係有骨既🦴，食落雞味🐥幾濃郁，如果肉質可以再嫩滑啲就更加好～ 雞皮薄得黎帶少少爽脆，同埋唔多脂肪所以食完都唔會覺得好邪惡😈，配埋香口帶有啲香茅同南薑清香既油飯🍚，旁邊仲有濃厚既甜豉油、惹味既薑蓉同埋酸辣開胃既泰式辣醬🌶️，可以任君選擇～羅宋湯🥣 (好味指數：😍😍😍😍)羅宋湯🥣係跟左海南雞飯🐥🍚既餐既～ 個湯🥣帶有少少微辣🌶️，酸酸甜甜咁幾開胃～ 有幾多既雜菜，包括番茄🍅、椰菜🥗、紅蘿蔔🥕、 西芹等等，全部都好腍甜入晒味，感覺唔錯～炸蝦餅 🦐🫓 - $60 (好味指數：😍😍😍😍)另外叫左個小食，蝦餅🦐🫓有4件，每件都好厚身，炸到金黃香脆，口感彈牙，食落幾香口鮮甜有蝦味，唔會有雪味❄️，配埋旁邊酸酸甜甜既醬就可以解一解炸野🍤既油膩～好味指數：😍😍😍🤩推介指數：😍😍😍 …查看更多
