泰王海南雞

打電話叫外賣 間餐廳叫我個20分鐘後去，去到點知佢原來整都未整，佢叫我等陣，點知一等要等成35分鐘 ， 前後用左成個鐘！！！大佬咁我打電話黎落單做咩？ 跟住都算啦 拎走 食既時間 打開一睇，哇，呢個係咩份量？雞少都算啦，再睇下飯..得果幾啖， 究竟係咪我食量大呢？ 中曬伏 食完好似無食過咁 味道又唔ok ，諗住隨便係openrice揀間海南雞食下姐，見到有d好評諗住試下 點知………我都想知道間野既好評係點樣得黎架😂😂😂😂😂誇張到 真係不可一不可再 ，要試既自己諗啦…查看更多

呢間泰國餐廳最出名就係佢嘅海南雞飯🤤雞肉新鮮嫩滑，而且全部都會起晒骨，啱哂我呢D懶人🤣個人超級建議加$8轉埋雞髀，啖啖肉，真係好正🥹個飯入面仲會有幾條勁好味既豆，唔知點解配菜咁好食😂本身討厭食菜既朋友都覺得好食，各位不妨一試。-同個飯最夾既仲有油飯同佢個汁，個汁簡直就係個飯既靈魂😳除左一個一般都會有嘅薑蓉，仲有個少少酸酸地嘅汁，超級開胃，餸飯都好正。Overall黎講，個飯入面所有既野都配撘得好好，頹餐得黎一D都吾劣食🤣而且就算加$8轉埋雞髀，個飯都只不過係$54，仲包埋野飲(豆腐/龍眼水)同湯/糖水(二選一)，真心性價比極高！…查看更多

一間十分之唔起眼嘅小店，係一個比較靜嘅舊區。往往就係會有驚喜係後巷，可能你行過都唔知原來入面有間小店食海南雞飯其實我對大集團嘅海南雞飯評價都唔低，已經滿足我嘅要求，但依間小店可以講係好過哂佢地。唔講價錢同份量，佢嘅味道食得出全部都係自己整，唔係係第二d 工場購入海南雞，一定係食個汁。依間講到明係泰王，所以會同出面嘅有小小唔同個汁係泰式嘅汁，唔太辣但有別一番嘅風味同有大部分香港人最愛嘅薑蓉飲品黎黎去去到係果d,所以我試下依個特別小小嘅龍眼特飲。唔太甜，有好多龍頭肉係底。夏天整番杯真係爽主菜，海南雞飯份量十足全部自家制，雞味唔太重但滑。可能預你點汁，所以醃雞冇咁重手。飯係油飯再加左香料，唔油膩，好開胃。減肥人士最怕最後，食個碗綠豆沙為依餐飯做個美好嘅完結食得出係自己煲完再雪凍，足料，唔太甜，好夠凍夏天必叫…查看更多

今日路過紅磡廣場既後巷，見到有間泰菜餐廳，雖則算係室外，不過見有帆布頂，天氣又涼涼地，就坐低試下。泰王店面雖小，只有幾張接枱，不過食物出乎意料。我叫左個午餐海南雞飯，加錢轉左要雞髀。飯上枱既時候已經聞到陣陣油飯香味，再加上好大份既雞髀肉，而且冇骨既，真係可以大啖大啖咁食。雞好嬾好滑，皮薄脂肪唔算厚，唔會咬落去成口油，作為舖頭既主打菜式，絕對不為過，而且海南雞飯配菜有豆角，增強左個口感，配埋兩個送既醬汁，一個帶酸另一個係薑蓉，完美突顯海南雞飯既優點。飲品方面我叫左龍眼冰，應該似係預先調配好再放入雪櫃，所以唔會有冰整淡飲品，龍眼大大粒，飲落又唔甜，解膩一流。最後老婆娘重送上糖水，誠意度已經滿分！…查看更多