正品小館

星期日食唔到，今日再出動鋪頭細細，食物種類唔算多，但味道唔錯！海南雞飯都幾正，油飯夠香，雞夠凍同爽，醬料調味都好好！牛腩味道咸d, 唔係爽腩，所以鞋鞋地，但有菜墊底，不過不失～ 小食都好想叫，因為唔貴都係三四十蚊好吸引，有凍蟹炸墨魚咀花膠湯同螺個d.....不過自己唔大食，所以等下次可以叫哂～ …查看更多

住家飯 mix 大排檔，好多款式嘅地道小炒，好適合做飯堂! 樣樣嘢都超抵食，岩哂啲無時間煮嘢嘅人海南雞飯 📍$38呢個價錢，你一定俾得起! 勁抵食，雞肉唔係得一兩舊架，係真係好似一個套餐咁架，肉質仲幾嫩滑牛腩飯 📍$38好淋好入味，肥瘦適中，仲要呢個價錢，自己煮都唔得 🙈 個人覺得呢個最好食 白灼東風螺 $38好耐無食啦…就咁白灼已經夠鮮味，點埋個海鮮醬就岩岩好豉椒炒蜆 $48辣辣地，好惹味嘅一道菜 😋 蜆肉份量都幾多，同粒粒都好飽滿蒜蓉炒菜心苗📍$48啲菜都幾鮮甜，又夠蒜蓉味，再少啲油就更好啦…查看更多

今日放工約左男朋友係佐敦等因為佢聽朋友介紹有間食中菜餐廳CP值好高雖然我鍾意西餐多d 但佢鍾意食～咁就陪佢試下啦去到有少少意想唔到咁乾淨企理因為我對食中菜嘅小店印象係麻麻但正品小館成間都好橘緻呢同地下完全唔覺油 有潔癖嘅我表示讚好👍🏻睇睇menu 選擇唔算好多再望一望佢嘅牆上原來仲有好多海鮮菜式揀不過男友對海鮮敏感所以留番下次同朋友黎食啦我地叫左一個海南雞飯、一個肉餅飯、一碗杏汁花膠湯、同埋一個椒鹽雞軟骨再加一杯凍奶茶海南雞飯個雞只係$38仲要有埋湯喎出邊閒閒地都要$50一個海南雞飯唔怪得朋友話抵食而佢d雞真係超級嫩滑真係意想唔到一間中菜館會整得出咁高水準嘅海南雞不過個油飯嘅油香唔太夠但以呢個價錢黎講絕對係超水準嘅海南雞肉餅飯都係$38 一樣包碗湯肉餅份量唔算多但食得出真材實料 唔係x記個種示旦嘅肉餅而係食得出佢放左唔同材料而製成好惹味好好送飯個杏汁花膠湯$48雖然我本身麻麻杏汁但都照試試佢 因為有花膠養顏而結果意想唔到杏仁味唔算重又幾好味喎 而且真係啖啖花膠最後講埋個椒鹽雞軟骨 $38咸味適中同串燒個種比 佢係更加乾身同脆卜卜鍾意香口野嘅朋友一定要試試佢最黎埋單$180兩個人朋友冇介紹錯CP值真係好高平得黎食物絕不馬虎好高汁呢！…查看更多

除咗啲家族做節飯，感覺好似好一段時間無食過粵菜或中餐，早陣子有食友話佐敦有家小店，啲小炒幾得，重點喺平吖嘛，真喺做到平靚正，初時，都喺聽完就算，無記晌心，最近就約咗親友食飯，忽然想返起呢家小店「正品小館」，結果就成了呢晚嘅小店飯局。雖然叫小店，但裝修簡潔，又幾骨子，最緊要喺咩呀？咪企理乾淨囉，見啲店員不時幫客人收碗收碟，又抹乾淨啲枱。此外，兩邊牆都掛上大電話，播緊足球比賽，啱我喎。擺放晌枱面有一個主餐牌，內頁印咗好多菜式或招牌菜，然而，分類就較簡單，都喺主食、粉麵、推介幾大類。背頁就仲有啲香港仔風情嘅菜式及飲品。店長同我哋講，叫留意吓牆上大黑板，因為有唔少時令、特價嘅小炒或海鮮菜式。此外，仲有每日特價飯餐，包湯、包飯，可加錢配嘢飲，都喺賣$38、$48，抵過去快餐店啦。就好似貼晌門口玻璃門嘅「招牌海南雞飯」套餐，連湯、連雞油飯，都喺賣$38，震撼價實至名歸啦。凍食龍蝦 $138店長推介我哋試吓個龍蝦凍食，咁我哋本身都打算試少少海鮮嘢嘅，順利成章就試吓個龍蝦喺點。基本上凍龍蝦就好似有時食自助餐嗰啲咁，灼熟再冰凍番，最好就喺斬成一件件方便大家食。雖然蝦膏唔算好多，但質感豐腴，而啲肉質好得，非常爽口彈牙，沾少少豉油同日本芥末，令蝦鮮味更為突出。杏汁花膠湯 $48杏汁白肺湯同杏汁花膠湯都喺店家嘅招牌湯水，因為打算叫海南雞飯，會附送例湯，由我搞掂，而親友就想試試個杏汁花膠湯，因花膠具滋潤美顏之效，女士恩物嘛。個湯嘅份量都夠兩個人飲喎，而杏味非常之濃郁，花膠亦落得唔少，可謂真材實料。豉椒炒蜆 $58本來好想食吓蟶子，但已經無晒貨，極受歡迎，故退二求其次，試吓豉椒炒蜆。60蚊都唔使，就炒成一大碟，而且，唔會得個殼，蜆肉都肥大肉厚，亦無乜沙，配豉椒炒，帶點辣勁，十分惹味，真喺無得點輸。海南雞飯 $38呢個真心抵食，只賣$38，連埋湯、雞油飯，仲配三色醬，海南雞亦唔會得少少，絕無欺場。由於啲雞起晒骨，入口都喺啖啖肉，皮下脂肪少，而且層皮食落幾爽口，最鍾意喺沾薑蓉同甜醬油，伴埋少少酸爽嘅醃蘿蔔，非常貼心；而個飯都唔錯，雖然唔叫得好有雞油香，但飯粒幾爽，又軟熟。腐乳通菜 $48肉肉肉，唔可以無個菜到肚嘅，腐乳通菜喺典型嘅蔬菜小炒，跟個炒蜆一樣，抵食夾大件，碟菜份量好足，而腐乳嘅香氣亦好夠，啲菜又唔會好老，夠嫩口。睇到啲價錢，定價真喺好抵，無茶芥之類收費，又唔收加一，真喺比起上酒樓抵得多，而相對大牌檔或熟食中心，環境又光猛企理喎，怪唔之得咁多街坊嚟幫襯啦！…查看更多

佐敦站附近想食小菜，但又唔想去廟街做遊客，上OpenRice搵到這間小店，雖然不是豪華靚裝，簡單木枱木椅，其實都好有feel，餐牌以外，牆上黑板寫咗好多小菜同海鮮。海南雞飯套餐上菜時大大份，雞油飯好香，雞皮好薄，雞脾肉好滑，只係$43豉椒炒蜆蜆肉炒得剛剛好，夠鍋氣，青椒洋蔥吸收了蜆肉精華，特別惹味菜心炒牛肉牛肉比一般小菜店多好多，而且炒得好好，不會太硬，菜心都好嫩凍瀨尿蝦雖然唔係大隻，$44，街市都未必買到咁平，肉夠實夠甜，仲好飽滿，廚師好細心，把瀨尿蝦切開一件件，好容易入口凍蟹咪以為佢細隻，好多肉好多膏好鮮味，$68超值杏汁花膠湯，杏汁白肺湯花膠好諗，豬肺爽口，杏汁湯非常足料，絕對係生磨、冇用香精仲要一讚係店員服務態度，蟹、蜆、尿蝦都好多殼，雖然係小店，她們經常幫手清理枱面。三百幾食到咁多高質素食物，我多口問老闆如何經營，他簡單一句，靠口碑、薄利多銷，抵讚…查看更多

呢日同老婆阿仔黎食小菜。呢間小館幾特別，平日出街食小菜都係大大碟，要搵齊人先夠食。而呢度D小炒多數係一人或二人份量，細細碟咁，即管叫多幾款試下，唔怕食唔晒。除了點餐紙外，牆上還列中多款小炒，選擇都頗多。..今次來到就叫個午巿套餐，非常便宜，份量又飽足。我叫左豉椒鵝腸，鵝腸不帶肥膏，但我個人較喜歡肥厚多膏的鵝腸。配菜加上不少青椒，汁料亦不鹹膩。附上的湯亦無味精，整份都是健康的餸菜。..白灼白爪魚，切成一口大小，煙煙靭靭，配上刺激的芥末醬，非常好味，不自覺一口接一口地吃完。..阿仔食佢最愛的油麵。配料是自選的，沒有選擇困難症的他，果斷地叫了丸類，包括牛丸及豬肉丸。我各樣都試了幾口，覺得很適合他吃，首先麵條帶點彈牙，而且沒有鹼水味。雙丸亦彈牙可口。湯底是清淡的，像菜肉清湯之類的味道，應該沒有添加增味劑之類的調味料，吃著覺得幾放心。..太太選了海南雞飯轉髀。在場好多人叫海南雞飯，幾受歡迎。我試了幾口，覺得雞肉很滑（因為轉了脾吧），油飯的味道偏向健宜，未必滿足到愛重口味、喜歡強烈香茅味及油蒜味的食客。配菜好吃，那些酸蘿蔔絲，吃著好開胃。..老婆叫左呢碗杏汁白肺湯。我試了，覺得口感有點怪，裡面是杏仁糊來的，像甜品店吃的杏仁糊，與我預期的湯狀有好大分別。底部有幾塊白肺。…查看更多

昨天陪姨姨去佐敦買床上用品，無意間及掘到正品小館這街坊小菜店，它的小菜價廉物美，而且不少小菜看似簡單，卻考廚房師傅手藝，我們吃完讚嘆不已，太好吃了，我們亦強烈推薦這誠意小菜店。正品小館中午除有飯餐，麵食供應，亦有小炒和小食可選，我們就是被小炒與小食吸引過來。難得這裡有小菜可吃，很多時餐廳下午只有「碟頭飯」吃，太單調了。白灼爽脆八爪魚超迅速上場，只是簡單的白灼，吃起來就超棒，就是一個「鮮」字，一咬下去，嘴中充滿大海的味道，如同遨遊海中。八爪魚挺爽脆，肉質完全不老，姨姨說足見師傅拿捏白灼時間恰如其分。熱騰騰的豉椒鵝腸亦來到我們眼前，豉椒香味充斥著鼻腔中，鵝腸十分肥美，嚼來爽彈極致，豉椒醬汁滲透鵝腸內，好不入味，說得上色香味俱全。豉油皇茄子也是水準之作，姨姨說炸茄子要不油膩是毫不容易，這豉油皇茄子外脆來嫩，外層炸粉薄薄的適當掛在茄子上，豉油鹹度剛好，鑊氣十足。黃金大蝦色澤奪目，討人喜愛，大蝦裹滿鹹香的鹹蛋黃酥炸，蝦殼香脆可口，彈肉鮮甜彈牙，實在難以招架，我們大快朵頤，大蝦連蝦殼吃得乾乾淨淨才罷休。海南雞飯絕對是抵食之選，38元就能吃到海南雞，油飯和湯，連鎖快餐店也吃不到這便宜高質的海南雞飯呢。姨姨挺欣賞海南雞旁的酸蘿蔔，盡管酸蘿蔔是配角，但它的酸香使吃者開胃，也有小小的功勞。海南雞把雞骨全去掉，吃得方便，雞肉雖不是雞腿部份，不過它卻皮薄得很，肉嫩多汁，嫩得不可思議，滑溜溜的雞肉，吃時格外清爽。油飯與海南雞互相呼應，飯粒粒分明之餘，亦飽含雞油香氣，我們愈嚼愈香，回味無窮。吃完海南雞飯再喝碗無味精的冬瓜湯，不滿足的話都是騙人，哈哈。最後我們來了一碗杏汁白肺湯和杏汁花膠湯，滋養一番。杏汁全是正品小館自家磨製，絕對新鮮，且嚐到杏仁碎屑沙沙的口感，足見這湯真材實料，不是使用現成的杏仁粉末煮湯。雪白的杏汁湯帶杏香，白肺乾淨，柔嫩鮮美，杏汁令白肺多添一層稠厚感，潤肺潤腸。至於我的白汁花膠湯亦不相伯仲，花膠給得不手軟，挺有彈性，補充骨膠原的同時，也順道美顏。…查看更多

性價比高中式小店收工同同事拎完代購，經過見到新開左呢間小店，正品小館，見到個餐牌都吾貴，入面都坐左7成人，應該食得過。餐廳係中式小店裝潢，有d舊時港畫掛係牆，17，8張枱，吾會太迫，幾舒服。叫左海南雞飯、瑤柱牛腩走飯、白灼鵝腸、炸雞軟骨、椒鹽豆腐、餐飲凍檸茶，熱檸水。海南雞飯冇骨雞肉滑，肉吾老，吾淋、配雞油飯，送埋湯！$38抵食又吾難食！瑤柱牛腩煮得好入味，肉唔會太過硬同淋，岩岩好，底配3條菜心。白灼鵝腸最喜歡呢個，鵝腸白灼完用淡鼓油浸住，底有一堆芽菜。鵝腸彈牙，有小小脂膏，入落爽脆不韌，好食。炸雞軟骨 食得出啲油唔係萬年油，即炸即上菜，好食，同朋友吹水送啤酒一流。椒鹽豆腐豆腐外面炸得好脆但入面食落仲滑，外面小小椒鹽咸，入面豆腐香，又係送油一流。+4凍檸茶+2熱檸水飽晒，埋單都係$166佐敦區，咁既價錢，食物質素又吾差，附近返工值得做飯堂。…查看更多

本身去Toast box 飲咖啡，行過附近見到有新店開張。Toast box 海南雞飯set $66, 見到正品小館海南雞飯 set $38.. 見到咁抵，就入去試下啦~海南雞好食, 飯好香非常好食。三種雞醬料好惹味，特别喜歡辣酱。湯味道ok, 有少少咸。$38 非常超值！我地還點了鵝油飯，依個正！飲品，點了啤酒，$8! 好抵~order 了墨魚咀送啤酒，好吃~店鋪乾淨，下次會再來~~~…查看更多