泰海鮮

星期六到郊外走走所以選了去屯門行山。行完山後體力耗盡，友人提議不如到屯門三聖吃海鮮，便選了這間泰國風味的海鮮餐廳。首先要喝湯暖下胃，這個海鮮湯充滿媽媽嘅味道。用了好多海鮮包括賴尿蝦，峴，魚，蕃茄同薯仔煲的，非常甜和香濃。之後就來個小食—泰皇芝心蝦丸。新鮮熱辣香脆，切開仲有流心的芝士，麵包糠炸得香脆，放了一會也不會很淋🥰之後終於到到期待的上湯焗龍蝦🦞，龍蝦的肉彈牙可口，每一啖都吸收上湯的精華，每一啖都入味🙂侍應推介了油鹽水煮蝴蝶蚌-的確蚌的外殼很像蝴蝶🦋，油鹽水煮法保留了蚌的原味，本人最喜歡這種煮法。再來是油鹽焗奄仔蟹，蟹膏多得不得了（尖叫）!!!做法把蟹的原味道都帶了出來，不用點任何醬汁亦都非常鮮味，吃到海鮮的新鮮。這個是我最期待的菜色-砵酒焗桶蠔。這是這一餐我最欣賞的食物，做法比較複雜，桶蠔有輕微煎過，完全吸收了砵洒的味道。請看看，桶蠔有多大隻🤗最後來一個總結-白酒忌廉煮花甲烏冬底。這絕對是一個值得加分的fusion菜，白酒味撲鼻，烏冬吸收了白酒忌廉的味道，花甲煮得剛好，為這餐畫上完美句號。…查看更多

三聖邨是吃海鮮的好地方，既新鮮又好吃，所以間唔中會跟家人來吃大餐。今天到附近探望親友，親友推薦這餐廳，於是便相約一同到來這裡飯聚。位置在商場外面的一個獨立小屋。店員親切，還向我們推介當天新鮮的海鮮。油鹽水煮蝴蝶蚌形如其名，看起來跟蝴蝶🦋一樣。蚌用上鹽水煮，不用其他調味料，更能突顯蚌的鮮味。白酒忌廉煮花甲烏冬底，食物一到來便聞到很香的酒香，吃下去有很香很香的忌廉和很重的酒味甜味， 配搭起來十分香甜好吃。油鹽焗奄仔蟹老人家較喜歡鹽焗奄仔蟹，因為此煮法最能保留它的鮮味。奄仔蟹味道鮮甜，滿滿的蟹膏，肉實膏香😍啱晒蟹膏痴嘅我。砵酒焗桶蠔超大的桶蠔，肉質肥美，一來到各人都嘩一聲😍！外層焗到香脆，味道甜甜的帶著酒香又惹味，令人食到停不了口。上湯焗龍蝦🦞煮得剛剛好，味道鮮甜，口感有彈性泰皇芝心蝦丸，招牌菜之一，形狀超大。蝦丸用上一粒粒麵包皮包着，切開來滿滿的芝士醬流出來。吃下去有多種層次和驚喜，不但外面炸得香脆，裏面的蝦丸十分彈牙，還有有香濃芝士醬海鮮湯十分足料，而且魚味重。每一道菜份量十足又新鮮價錢合理可以encore…查看更多

距離上次去三聖吃新鮮海鮮已經是好幾年前了！一連3天的假期，第一天就跟朋友去屯門三聖食海鮮🦞點解話泰式風味！？因為他們的冬蔭公湯煮花甲好好味，不比泰國差喔材料豐富，味道又不會太辣，很適合香港人口味呢薑蔥鮑魚煲鮑魚煮得剛剛好，所以食落好彈牙，醬汁也很適合配飯呢！接下來2道菜是給芝士控的推介喔青山灣焗龍蝦在龍蝦🦞表面釀了厚厚一層的芝士雖然我不太好芝士，但芝士跟龍蝦一拼食的口味又幾得意喎！泰皇芝心蝦丸表層是麵包糠，食落很鬆脆可口咬一口蝦丸就會有香濃流心的芝士流出來芝士控一定喜歡💕豉椒蟶子皇米粉底這可以說是經典小炒吧！將米粉餅搭配蟶子和豉椒汁一拼食米粉底雖然偏硬，但卻吸收了豉椒汁的蟶子的鮮味而且蟶子超大隻呢～另外，用米粉做餅底感覺蠻新鮮的辣羔炒肉蟹我覺得味道帶有一點點的冬蔭公味，但不會很辣啦最後又點少得酥炸桶蠔呢這可以說是我們食海鮮都必點的食物除了香脆可口之外，今次的桶蠔仲好大隻好肥美「泰海鮮」對屯門區的朋友來說交通很方便在屯門西鐵站坐505號輕鐵去兆康總站落車徒步約5分鐘就會見到，有興趣的朋友不仿試下…查看更多

身為屯門友，平時去三聖食海鮮都係去冬菇亭果兩間食，今次跟朋友去咗呢道食，感覺好ydhmlm鮮。首先我成日以為泰海鮮係以泰菜為主，原來佢地都有我抦供傳統中式做法，但亦可選擇一啲新派做法。第一味上枱嘅係白酒忌廉煮花甲配烏冬底。做法好新鮮，味道出奇地夾，而且忌廉味超級看濃，花甲又煮得剛剛好，一試難忘。跟住下一味就係豉椒聖子皇，佢配埋個好似煎麵咁既米粉底，啲米粉剛好吸哂聖子既鮮味同埋豉椒嘅香味，好快又清碟。呢味係青山灣焗龍蝦，喺龍蝦表面沾咗啲趣粉同饟咗啲芝子，又趣又香。我地勝在夠人多，叫咗兩個食法，呢個係上湯焗龍蝦，熟嘅程度剛剛好，因為香港好多餐廳整龍蝦都會熟過籠，佢就整到剛剛好，值得一讚。再黎就係香芧瀨尿蝦，好惹味，有香芧嘅香味但無蓋過啲蝦本身嘅鮮味呢樣係店員推介的泰皇芝心蝦丸。佢並唔係平時去飲果啲質素，首先，啲肉明顯係鮮蝦肉，唔係又豬肉又麵粉撈埋一粒就話係蝦丸。仲有，佢個心真係有香濃嘅芝士。同埋最特別既係佢外面啲趣趣係蝦多士果種趣趣，所以非常鬆趣，又唔滯口。咖喱炒蟹，隱陣之作薑蒽鮑魚煲，鮑魚煮到啱啱好，無過火，因為好多中餐廳都一定會煮到啲鮑魚過哂火好似食橡膠咁，呢道做得相當好最後真係要提提個湯，佢好濃同好creamy, 湯好味就固之然啦，但仲有個重點係湯渣嘅薯仔，有我哂海鮮嘅鮮味，係超超超級好味。總括黎講，呢道做法比平時食開嘅突出，同埋最重要佢咁多樣海鮮都煮到啱啱好熟到最好嘅程度。因為好多時中式煮法都會偏向煮到過熟，但呢道係控制得好好。下次去三聖要一定再黎了。…查看更多

19-4-2019 生日飯謝謝好友陪我一起山長水遠去三聖村食海鮮🐟🦀🦐想試好耐之前睇過飲食男女同網紅介紹見海鮮煮法幾特別就成日想去試下不過一黎遠 二黎好多朋友對海鮮敏感終於去左試 睇之前既食評介紹已經諗好左要食乜首先要去隔離海鮮街買海鮮再拎去店比佢地加工煮既！#鹽焗黃油奄仔蟹 好好食😋睇相就知 d蟹黃幾正！我係蟹痴 呢個真係正！當中有人唔食黃油，所以買左2隻黃油+一隻膏蟹！#白酒忌廉花甲烏冬 花甲自己買左d細花甲去餐廳應該係招牌黎既 但冇想像之中咁好食 而同行既友人直頭覺得唔好食添 個酒味唔知點解係未完全揮發既 隻味冇報導所講點帶出鮮甜味囉#必食豬扒面頭有炸白飯魚乾 不過唔係即炸既豬扒鬆軟 朋友話係最好食既一碟 #海鮮湯 原來呢個都係要自己去隔離執湯包煮$50有魚有瀨尿蝦同白沙蜆再用蕃茄薯仔滾湯海鮮味係有既 不過同行友人話好腥 我自己就接受到 瀨尿蝦味係超重#泰皇芝心蝦丸太大粒，面層有粒粒麵包 但蝦丸未至於好特色 因為我食過更好 芝士亦唔濃郁 多謝朋友和我慶祝😊由我揀餐廳同揀食乜餐廳室內冇位要坐出面 焗到死 風扇都冇 訂左枱都係咁買海鮮用左$200（3隻蟹）、$50海鮮湯、$60花甲埋單再加$792 除返每人唔洗$300…查看更多

今日同朋友們一起入屯門三聖食海鮮今日有房坐,可以慢慢食住債下計了.之後點食品了海鮮湯,泰皇芝心蝦丸,青山灣焗龍蝦,上湯焗龍蝦,白酒忌廉煮花甲烏冬底,香茅瀨尿蝦,咖哩炒蟹,豉椒蟶子皇米粉底.,薑蔥鮑魚煲海鮮湯-材料十足,大量海鮮,鮮味十足泰皇芝心蝦丸-蝦味好濃配合麵包脆,真係美味青山灣焗龍蝦-香口好味,不但香脆而且帶有鮮味上湯焗龍蝦-新鮮原味龍蝦,口口清香可口白酒忌廉煮花甲烏冬底-烏冬吸收晒日月精華,花甲鮮味加白酒清香香茅瀨尿蝦-新鮮瀨尿蝦走一走油真係香口加鮮味,在口中溶合鮮味咖哩炒蟹-蟹肉大隻新鮮好味道,咖哩辣辣地唔似有太多椰油,真係好正.豉椒蟶子皇米粉底-鮮味蟶子配合埋米餅底去食,更加好食薑蔥鮑魚煲-新鮮鮑魚味道,加上薑蔥更加帶出鮑魚鮮味…查看更多

今天同三五之己一起入三聖泰海鮮食好野好快就有位,大家一人點一樣野食海鮮湯,泰皇芝心蝦丸,青山灣焗龍蝦,上湯焗龍蝦,白酒忌廉煮花甲烏冬底,香茅瀨尿蝦,咖哩炒蟹,豉椒蟶子皇米粉底.,薑蔥鮑魚煲海鮮湯-好多料,有瀨尿蝦,蜆,魚仔,薯仔令到個湯好鮮甜好味泰皇芝心蝦丸-外脆內暖,蝦味十足青山灣焗龍蝦-焗完龍蝦香口再加埋鮮味上湯焗龍蝦-新鮮好味道,龍蝦味正白酒忌廉煮花甲烏冬底-好香白酒味道花甲冇沙好味,烏冬吸收埋味香茅瀨尿蝦-鮮味十足,香口好味咖哩炒蟹-咖哩汁辣辣地,非常可口,而蟹肉實肉好味豉椒蟶子皇米粉底-蟶子好鮮甜味道薑蔥鮑魚煲-薑蔥的香味完全令到鮑魚味更好味,爽口彈牙…查看更多

同朋友去吹水＋食海鮮，為左傾得開心D，BOOK左房，都唔貴！值得再去！泰皇芝心蝦丸特愛芝士，所以試下，食落之後，最愛唔係芝士，亦唔係蝦，而係佢炸得超好既外皮，唔過火，熱辣辣食，係幸福滿足既感覺。(如果平D會更好)白酒忌廉煮花甲配烏冬未食已經聞到超香既酒味，見到就知道落足料！濃郁既忌廉加酒香，連埋烏東已經一流，加埋花甲既鮮，ＣＰ值超高既一道菜。必食豬扒超超超好味既豬扒，呢個名無改錯呢！洋蔥、汁、魚仔既配搭，最正係豬扒既柔軟係其他地方係揾唔到，無誇大其詞，真係必食之選。(配飯一流)蒜蓉粉絲大元貝嘩！比想像中大隻好多，配合原汁原味既食法，鮮味好突出，食海鮮必食，因為食呢個實知新唔新鮮。…查看更多

平時嚟三聖村，通常都係食晚飯，lunch time嚟食海鮮都係第一次！今次難得可以約到成班人嚟食，梗係試多啲款式。一嚟先上一斤白灼九節蝦，印象中應該係第一次食呢隻九節蝦，望落比平時見嘅細隻啲，但係肉質好彈牙，仲好鮮甜，唔覺唔覺就食咗差唔多十隻！另外，仲食咗薑蔥鮑魚煲同泰皇芝心蝦丸，個鮑魚煲啲薑蔥爆得好香，鮑魚都好腍！～ 而泰皇芝心蝦丸啲芝士勁流心，再加上炸得十分乾爽嘅蝦丸，味道同咬口都無咩可以挑剔嘅地方，值得推介！同場加映必食豬扒，估唔到除咗海鮮外，豬扒都又腍又惹味，有驚喜！…查看更多

有同事生日, 一班人一起去三聖食海鮮,我都係第一次去三聖食.因為有同事住係屯門,順道食完去佢屋企玩.我地係「關財記」買左d海鮮,之後拎d海鮮黎依度加工.蒜蓉粉絲蒸元貝D元貝好大隻,肉好厚,都未見過咁大隻元貝。平時係屋企自己整都冇咁大隻. 時間蒸得剛剛好,食落去有鮮味,十分推介海鮮湯依個海鮮湯就不得了, 勁多料,有魚,蝦,蜆,番茄同薯仔,飲落去好鮮甜, 飲完唔會覺得口乾,d番茄同薯仔煲到淋哂,番茄味融入海鮮湯的鮮味,好好飲泰皇芝心蝦丸如果你係芝士迷就一定要食,外脆內軟, 裏面依然有流心芝士,但記得要攤一下先好食, 如果唔係會燙口。豉椒蟶子皇配煎米粉底d豉椒味好香, 蟶子好肥美肉嫩, 火候控制得啱啱好,不會乾硬。豉椒醬汁剛好，不會太咸。第一次食米粉底，脆卜卜，很有咬口，再配合帶有蟶子鮮味的豉椒汁，正！…查看更多

由於，端午節那天早上，媽咪跟朋友們，到屯門碼頭睇龍舟競渡！ 她見屯門碼頭一帶環境不錯！便打算下一個星期日，帶我行吓！在兩星期前的星期日，恰巧！當天約了一班朋友到屯門三聖商場 <泰海鮮> 來一頓豐富海鮮午餐！ 早上跟媽咪行屯門碼頭及海濱花園，來屯門半天遊！<泰海鮮> 附近是海鮮街，雖然當天烈日當空，但是食飽飽尚有充裕時間可到訪！如果有時間，可以行吓青山灣海濱長廊，當時又熱又曬！我到此一遊(前段)影相！聽聞可以行到屯門黃金海岸！海鮮街外的海邊有好多魚船停泊，這裏是一個避風塘！當日，由朋友先到海鮮檔「關財記」選購生猛海鮮，拿去價格實惠的 <泰海鮮> 加工煮，真是麻煩了他！並由他發辦點菜！*另外，加工費方面，房間價每兩+$1)泰皇芝心蝦丸 $78/3粒 (每加一粒 $28)炸至金黃色香脆的外層，輕輕咬開彈牙的蝦膠，香濃的流心芝士隨即流下來！ 口感層次豐富！豉椒蟶子皇 $108 以豉椒洋蔥爆香烹調蟶子皇，惹味的醬汁把本身鮮味的蟶子皇，有效提升其鮮甜味！火喉恰到好處，保持帶嚼勁的口感，教人回味！海鮮湯 (每位 $20, 兩位起)以雜魚、蝦、沙白蜆煲蕃茄薯仔湯，相當足料！散發鮮香的海鮮湯，滿載鮮味！而且少油！令人安心喝！砵酒焗桶蠔 $124以砵酒焗桶蠔，表面被醬汁包圍，變成深褐色，桶蠔的賣相完全面目全非！ 大大隻的桶蠔已熟，外層略帶酒香微脆濃味，正好鎖住水份，依然保持鮮味嫩滑！薑蔥鮑魚煲 $100 以薑蔥煮鮑魚，香氣十足！兩者口味好夾！鮑魚大隻又厚身，彈牙又鮮味！用上煲盛載，就算我是最後一個夾，仍是熱辣辣的！芝士焗龍蝦配炒飯底 $283轉用炒飯底，代替伊麵底；炒飯本身炒香之餘，還吸收了芝士醬汁及龍蝦鮮美的精華！ 加上伊麵是油炸，炒飯炒得乾身而粒粒分明！感覺上，比前者少了一份油膩感及膩滯感！與鮮爽彈牙的龍蝦同食，簡直滋味到一個點呀！ 不容錯過！…查看更多

雖然米芝蓮係飲食指南，不過佢哋鬼佬嘛，講到香港菜，真係識條鐵咩。生抽皇黃秋生就唔同，雖則佢都係半個鬼佬，但最少係香港土生土長，佢話好食嘅，我信嫁。早排見到佢去屯門食海鮮食得咁開心，梗係跟，做唔成影帝都可以食影帝餐嘅﹗餐廳就酒樓格局，無咩特別，最多就係坐房同坐大廳有唔同收費。平時食飯就頭痕揀咩食，今次簡單，黃秋生食咩我食咩，唔夠飽就搵伙記推介，完全係思想殘廢餐。唯一要揀嘅，咪汽水定啤酒囉，畀我見到佢哋係玻璃樽版本，一定係飲汽水，啲氣「鋸」好多～影帝餐第一道係白酒忌廉煮花甲烏冬，花甲係啲肉係飽滿到貼邊而唔係空殼公司，抵食吖，同埋就算有忌廉汁係度都食得出隻花甲嘅清甜。作為好酒之人我當然希望白酒味再濃啲，不過食得出白酒嘅香味已經好夠。而忌廉就比平時食西餐嘅白酒忌廉黃身同多幾份甜味，量多但唔係水汪汪，就算攤凍咗入口都唔會好膩。烏冬本來無太大期望，又估唔到佢食落夠滑溜，口感唔會過鬆散或太結實，唔係我買開十蚊幾包果種純醫肚Cheap貨。泰皇芝心蝦丸就係成粒手榴彈咁嘅炸芝士蝦丸，香脆嘅麵包粒食落去無油膉味，裡頭包住嘅蝦丸亦彈牙唔係一口麵粉，而且仲有個一咬就爆嘅芝心，除咗要小心啲芝士係口裡面爆出嚟，仲要注意唔好畀滾熱辣嘅芝士顏射哦～雖然佢係一碗蕃茄薯仔海鮮湯，但並唔係橙紅色，呢碗湯都應該係我人生中最貴嘅蕃茄薯仔湯喇，佢係用咗瀨尿蝦同沙白去煮，真係一聽就知佢鮮味。飲落就好老實，蕃茄味唔重，海鮮嘅鹹鮮味比較明顯，咁嚟得呢頭食飯海鮮先係主角嘛。飲完湯梗要食埋湯渣，可以見到十隻八隻瀨尿蝦隊落去煲，真材實料嫁﹗薑蔥鮑魚煲聽個名好似晒咗隻鮑魚，不過佢地係用鮮鮑魚而唔係乾鮑，而鮮鮑味道其實幾淡，配薑蔥簡簡單單就相當好。呢個薑蔥鮑魚，爆香咗大量薑蔥蒜，再加埋強勁嘅鑊氣，淡味都升級成惹味。而且鮑魚夠大隻又夠嚼頭，真係唔會比乾鮑輸蝕。蒜茸粉絲蒸元貝雖然屋企有時都會整，不過屋村街市仔要又大又靚嘅元貝唔容易，既然呢度有大隻元貝，梗係唔可以錯過。個元貝殼大過我隻手，肉就有掌心咁大，咁大粒元貝真係可以話係肚滿腸肥，食落啖啖肉又唔會黐殼，加埋蒜香粉絲真係無敵組合。呢度嘅招牌菜焗芝士龍蝦呢個無理由唔食啦，我要了解吓咩叫做有芝士香無芝士臭嘅芝士。睇報導話用咗三種芝士，小弟不才唔會食唔到係邊三隻，不過有芝士無拉絲，應該都無水牛芝士。首先由個頭開始食，啲芝士味確實香濃，同埋食落去面頭微脆裡面就似蛋糕咁軟熟，幾有趣而且我鍾意。焗過嘅龍蝦肉並無焗過龍，口感唔韌而且有肉汁，扯起成舊龍蝦肉然後好似雞髀咁一啖咬落去，真係好爽。食完終於明咩叫有香無臭嘅芝士，應該係指佢無芝士果種奶膻味－－雖則本人係連羊奶羶都唔怕。雖然食咗好多海鮮，但係見秋生哥食過鹽油焗奄仔蟹，一場嚟到唔嗌又好似可惜咗啲。望住啲蟹黃漏出嚟咁款，梗係一啖啜落去阿黃度。阿黃同大閘蟹黃其實幾相似，味道一樣都係鹹中帶甜。呢隻奄仔蟹嘅蟹肉明顯比大閘蟹肉厚紥實，唔似大閘蟹食完個黃就無肉食，同埋唔使等咩九圓十尖一年一造咁悽涼，幾時都有得食。食海鮮，最緊要食得夠鮮，有咩鮮得過係海邊食先？再加埋有影帝加持，個朵夠響嘢食夠鮮，值得食啦。…查看更多

就快過年，又係時候約食團年飯兼聚舊喇！朋友們住新界西多，今次就揀咗屯門三聖村大排檔～～ 泰海鮮食團年飯。呢次係我第二次嚟呢度食，雖然佢叫泰海鮮，但我哋並無叫泰菜，反而都係以海鮮宴為主。你可以喺餐廳直接叫，又或者去附近海鮮檔 （今次部份海鮮喺關財記買），揀生猛海鮮帶入餐廳比師傅加工，無論係白灼／清蒸／豉椒炒／炆／蒜蓉蒸等等，總之你想點煮都得，明碼實價列晒加工費幾多。嚟呢度必點海鮮湯，用雜魚、瀨尿蝦、沙白蜆、番茄薯仔去煲，用料豐富，味道勁鮮甜！不過記得要趁熱飲先好飲呀！我對「泰皇芝心蝦丸」念念不忘，以麵包粒包住去炸，入面蝦膠勁彈牙，再咬落去啲芝士流心咇出嚟，口感豐富，小心熱呀！（一碟3粒，我哋再加錢)鳳梨鮮排骨，酸甜惹味，送飯一流！呢碟係最快清晒，可想而知幾受歡迎？青山灣焗芝士龍蝦(3隻開邊)，每隻都好大隻，焗到金黃色，賣相吸引！你睇我用筷子篤入去，啲芝士幾厚？咬落脆脆哋，肉質嫰滑，啖啖芝士鹹香，食龍蝦都飽飽哋 @@砵酒焗桶蠔，呢個係我哋買入嚟加工，師傅提議用砵酒焗嘅煮法 (加工費每細桶$62)，少少脆，肉質肥美，少少甜又有少少酒香，真係唔錯喎！呢次團年海鮮飯頗滿足呢！…查看更多

係週末既晚上, 朋友們即興來個海鮮飯聚~~一致決定入屯門三聖村!!!今次係我第一次黎呢度食海鮮丫, 平時都係會去西貢食；問左住屯門既朋友 佢地介紹我地去 "關財記" 買海鮮, 再拎黎"泰海鮮" 處理同加工"*首先叫左個小食：泰皇芝心蝦丸 (HK$78/3粒)呢度菜係呢度出名既小食, 個個都必點之選;見到每粒都好大粒, 仲炸到好脆且冇乜油膩感~~外層係麵面粒包住芝心蝦丸去炸~~熱辣辣咁上台, 食個時記得要分開一半先食；因為D 芝士流出黎個陣會辣到口架!!!!香口既炸蝦丸又唔油膩, 蝦丸又彈牙, 唔怪之得個個都點~~用黎佐酒都唔錯"*喜歡食蝦既我, 很可惜累天沒有九節蝦;所以就買左花竹蝦黎白灼~~新鮮既蝦白灼完就咁食都好鮮甜, 唔駛蘸豉油都冇問題!!!花竹蝦都幾大隻, 啖啖肉, 正丫"*.另外仲點左小菜比小朋友食~~酸甜既鳳梨鮮排骨就最合佢地口胃啦!!排骨炸得剛好, 內裡鬆化, 加埋酸酸甜甜既醬汁及菠蘿;真係令人好開胃, 送飯一流丫~~每次食飯都會點個湯黎飲, 今次就叫左海鮮湯~~其實係番茄薯仔湯再加入不同海鮮, 包括雜魚、瀨尿蝦、沙白蜆等等....飲落好清甜, 就似魚湯般, 完全唔油膩, 真係可以飲多幾碗!! 另一味又係我喜歡既油鹽水貴妃蚌"*呢度一斤多既貴妃蚌, 用油鹽水整法就可以突出佢既鮮味!!!雖然唔算好大食, 但係挺肥美的, 絕對係鮮味取勝~~最後我地仲買左鮑魚~~今次唔用陳皮黎蒸, 係以薑蔥黎整鮑魚煲!!!熱辣辣既沙煲可以keep 住鮑魚既熱度;鮑魚好腍好入味, 邊位仲帶點脆脆的, 十分惹味"*泰海鮮既加工費用都唔貴, 而且仲有好多款式可以揀~~難怪咁多人都黎呢間食, 朋友真係冇介紹錯!!…查看更多

一行9人屯門三聖食海鮮慶祝朋友生日，朋友推薦大排檔的 <泰海鮮>！貪其附近有條海鮮街，這間可以做到買海鮮來貨加工！聽聞已開業 5年，海鮮調味不俗！當日 Book 了一間房間，自成一角！大家食得更輕鬆自在！ 另設有室外冷氣堂食！加工收費：只限白灼及清蒸類星期一至五 $48/斤起！星期六日$56/斤起！(房間享用每兩加 $1) 皇牌推介星期一至日 $64/斤起！(房間享用每兩加 $1)有朋友食過海鮮街隔離間 <海天> 差不多$160/斤，勁貴！以進食次序：白灼九節蝦 $90九節蝦的 size 算大隻，色澤鮮明！蝦殼比較海蝦硬脆，肉質鮮甜爽彈！蘸上店方秘製辣椒豉油，鮮味倍增！泰皇芝心蝦丸 $78 (3 粒) X 3: $234 或 $28/ 粒即叫即炸趁熱食！表面舖滿炸至金黃色的麵包粒，香脆可口！其實內有乾坤！ 蘸上酸辣醬增添風味！ 鮮爽彈牙的蝦球，內裡有芝士流心，整體外脆內軟而不膩！驚喜水準之作！象拔蚌 (湯底+$30) : $186可直至食刺身，亦可灼一灼，我個人受不到生吃，灼一灼過的象拔蚌，鮮甜爽口！飯局攪手連象拔蚌膽也食刺身，由於難消化，他建議灼一灼會比較好！白酒忌廉煮花甲配烏冬 +$60: $268恐怕飽溜， 我臨到尾聲才食；花甲份量豐足！ 芝士汁甜美，烏冬均勻掛汁，花甲鮮味有嚼勁！海鮮湯 $162加入新鮮賴尿蝦、花甲、海魚仔…熬製，十分足料！濃郁鮮甜，令人回味無窮！茶位 $8設加一服務費如果有朋友問我這位屯門友推介到屯門三聖哪裡食海鮮？！現在我有 Idea 嘞！…查看更多