亞萊泰 (淘大商場3期)

🥢🇹🇭🥣價格親民，滋味泰菜▫️晚市飲品買一送一▫️免加一🆗 明爐冬蔭鮮魚片鍋 - $108明爐就係有個火係下面熱住，吾會變凍。鍋好足料，有吾少魚片，好滑而且冇骨。另外仲有大量椰菜同秀珍菇，配搭冬陰功湯底，個湯仲可以飲，但略嫌唔夠濃味，而魚片、椰菜同菇全部都唔入味，好似臨上菜先撈埋一齊甘。☑️ 金不換豬頸肉炒茄子 - $88呢個好香口，但比較油膩，見到好多油。豬頸肉有5大塊，煎得好香但吾夠脆口，而茄子用油泡過，與金不換一齊煮很有泰式風味，微辣惹味。☑️ 椰香青咖喱牛腩 - $88除左牛腩，這款可以選要魚柳或雞肉。呢個一大碗上，超多汁，撈幾碗飯都得，而且個青咖喱汁真係好味，椰香十足，又吾會好辣，牛腩都算多，仲有紅蘿蔔條、翠玉瓜同金不換，全部都煮淋左同夠入味。☑️泰式小食拼盤（小）-$88拼盤有4款菜式，分別是泰式春卷，蝦餅，魚餅，鳳凰丸，每樣都係一件切開二件，其實每樣都係得一件，有少少貴，但真係好味嘅。全部都新鮮炸起，熱辣辣但又吾會好油，彈牙得黎本身調味都已經好好，配上泰式辣醬，更香口更添風味。☑️泰式鮮蝦金邊粉 - $88金邊粉有花生碎、青檸提供，面頭有幾隻蝦仁，都幾新鮮爽口，而金邊粉亦炒得十分均勻，有蛋同豆乾，味道ok。☑️ 椰汁冰🥥 / 椰汁紅豆冰 🫘- $32飲品買一送一，分別要了以上兩杯，椰汁味好濃，好味，就算d冰融左都吾會好淡。…Read More

今日收工去左九龍灣搵男朋友食飯，突然想食泰國野就去左呢間亞萊泰。呢間泰菜位於淘大商場地舖，好方便。呢間店內裝修企理，位置都幾闊落。<泰式生蝦，$68>特價生蝦$68，一共有六隻。雖然無冰舖底，但都係好冰凍，而且蝦肉爽口，配上泰式辣醬，好惹味。< 炭燒泰式串燒（雞肉／豬肉）（4串），$60>好食，燒得唔會乾身，本身個雞肉同豬肉都有用醬汁去燒，略嫌鹹左少少。不過個沙嗲醬好香好好食。<馬拉盞炒通菜，$70>通菜超級大碟，馬拉盞味道香濃，有濃郁嘅蝦膏蝦醬味，如果再辣多少少就更惹味。<泰式鮮蝦金邊粉，$85>呢個金邊粉好大碟，炒出黎唔算好濕亦唔會太乾。我都係覺得如果再辣啲會更好食。總括而言，價格親民，味道亦唔錯，下次係附近都會再黎食。…Read More

爸爸媽咪好心情☀️，話請我同阿妹食妹食好野喎～好野！爸爸話去食泰菜，以為去九龍城，原來黎淘大喎。呢間係新開嘅泰國餐廳，裝潢優雅舒適，座位闊落，泰菜款式比平時d餐廳多好多選擇呀😍！我地order左4人餐，有：🔆金柚子沙律 - 柚子新鮮無苦澀味，果肉鮮甜多汁，好多香料同花生，酸酸地嘅泰式沙律汁令到水果嘅新鮮味道多一種滿足嘅層次，清新得黎又惹味😋🔆大頭蝦🦐冬蔭公湯 - 有幾隻大頭蝦同冬蔭公香料，酸辣度剛好，媽咪霸氣飲左4碗，猛話好襯熱飲😂～🔆泰式酸子肉碎明爐烏頭 - 條魚肥大肉厚，酸梅嘅特有味道碗烏頭真係好夾。底盤有明爐加熱，香味不斷，沾一沾特製用黎點烏頭嘅醬，又有另一番美味😋～🔆泰式海南雞🐥1隻 - 爸爸話好少可以整得咁滑，我就覺得好難得咁有雞味，全隻上無偷工減料。有3種醬汁任君選擇，好有水準。🔆馬拉盞炒芥蘭🥬 - 我最鍾意食馬拉盞，炒咩菜都好食。呢個菜炒得有鑊氣又惹味，而且仲保留到芥蘭獨有嘅脆身口感，正！🔆泰式鮮蝦🦐金邊粉 - 到金邊粉出場時其實我已經好飽，但我個人喜好酸甜味道，而且this is my favorite。呢個粉用料多鮮蝦爽，味道又夠哂酸甜，所以最後都係比我地清哂。🔆泰式甜品 - 以為已經完？錯啦，唔記得仲有甜品😂。套餐嘅甜品一d都唔馬虎，椰汁西米糕、綠豆糯米糕、椰汁糕、茫果糯米飯，樣樣都好食，甜度適中，尤其是椰汁西米糕，椰香軟滑，好味！🔆最後仲好為食咁另外再叫左龍眼冰、阿麻子椰汁涼粉冰、珍珠奶茶，3杯飲品🍹🍹🍹價錢本身已經幾平，而家仲有買2送1，實屬超抵，而且飲品水準都幾高。但爆大冷，我地一致認為珍珠奶茶係最好飲😆，因為個奶茶做到港式奶茶味道，茶香奶滑，好正！♥️呢度嘅服務都幾好，喺咁忙嘅晚市都好快回應到我地嘅要求，抵讚👍🏻！而且平日4人餐嘅價錢$700唔洗就食到咁豐富，要叫阿爸阿媽請多次呀😆！…Read More

位置幾方便就腳，就響淘大花園的餐廳群裡的中間位置。幾乎全部諗到的泰菜都有，價錢都好合理。都幾多唔同的魚選擇，啱曬禾。海鹽炭燒盲鰽 $148好好味，外皮燒到卜卜脆，但魚肉又好嫰好滑。用左大量的鹽，醃到條魚好香。配上特製辣汁，好辣好滋味。魚肉真的燒到緊緊熟咋。咸魚炒芥蘭 $78夠鑊氣，咸魚炒得好香，而且大碟抵食的。泰式鮮蝦金邊粉 $85多料，蝦很大隻的，頗為彈牙的。炒粉幾乾身，很多豆乾和芽菜。味道亦調教得不錯的，有泰國當地食到的風味。炭燒泰式原隻魷魚辣汁 $78燒魷魚配上泰式辣汁可説是天下無敵的，Yummy! …Read More