BTS美食站

今餐係新年第??個飯聚, 唔記得! 只知道係食好野仲要我最鐘意嘅泰菜, li區越黎越多人黎食野呀, 醒目fd梗係book好枱直入.🥢冬蔭公湯今日咁凍毫無考慮地嗌左冬蔭公湯, 味道勁豐富有成3大隻虎蝦, 開邊一揻離殼. 原鍋熱住飲到最尾都一樣鮮味好味. 🥢泰式鮮蝦炒金邊粉大粒鮮蝦, 帶點甜味嘅炒金邊粉, 櫻花蝦, 炒碎蛋, 芽菜等等足料炒得又匀循, 正宗泰式風味, 幾乎每次都order架!🥢泰式醃粉絲海鮮沙律原來係暖暖地嘅即撈辣海鮮粉絲, 超多辣椒令到佢超辣!! 好彩我地嗌左枝Singha救火🔥, 沙律仲有蟹柳, 魷魚, 鮮蝦好多料👍🏻.…查看更多

一直都知道九龍城出名食泰菜，但喺宋皇臺站未開通前，九龍城對我黎講一直都喺一個好遠既地方😂最近終於有機會路過可以試吓買外賣返去食<泰式炸芝士蝦丸> $118蝦丸好大粒🦐!!!蝦肉彈牙有咬口，芝士則帶有鹹甜，配上泰式甜酸醬一啖食落肚好滿足。<泰式鮮蝦炒金邊粉> $108金邊粉係我其中一個食泰菜必點既菜式🔥味道正宗，蝦好鬼大隻🤣配料有些炸過既葱蒜同埋花生粒，再擠些青檸汁撈勻，就喺泰菜獨有甜酸味道。<小曼谷原隻芒果糯米飯> $88最後當然要嗌返個甜品先為之完美嘅一餐😆芒果香甜，熟度啱啱好✨而糯米軟糯，煙韌中帶微微甜，唔會話一大舊好難咬。總括黎講以呢個價錢食到呢個質素同味道既泰菜，覺得幾滿意。…查看更多

難得閒日可以同個囡出外午膳， 不過天氣唔係咁穩定， 選擇近近地去九龍城呢間泰國嘢，因為午餐好抵食，而且一出地鐵站就見到， 好方便。叫咗兩個午餐（如圖）， 跟湯及飲品，兩個都好味，份量都好足， 我地最後更叫多兩串串燒添🤤後來先知呢間BTS, 同隔離嘅小曼谷係同一間店， 而小曼谷我地都幫襯過好幾次了。…查看更多

宋皇臺站開左之後去九龍城變得好方便於是收工就黎試下泰國菜😋原來店名BTS唔關韓團事 而係泰國地鐵嘅名🤣店入面都有一大面泰國地鐵路綫圖 長知識了💡而睇到散叫餐牌 就發現其實係同隔離小曼谷一樣嘅不過如果想食輕便啲 呢間就多啲船河選擇～見到有個海鮮孖寶$219都幾抵 於是就叫黎試下～可以係A同B兩邊四揀一 最後我地揀左蟶子同鮑魚😋蟶子有三隻 每隻都幾大而且肉質厚實 牛油蒜蓉好香😋仲有魚乾係面一齊燒 幾有層次感😂而鮑魚有兩隻 一樣都有魚乾係面亦有蒜香 咬落鮑魚好爽口 推薦🤩呢度啲海鮮都幾鮮 真係可以一試👍🏻咖喱幾香但椰奶味同香料味都唔重而且係唔辣嘅 怕辣嘅朋友可以試下～😛而軟殼蟹有6-7件 而且每件份量都唔少岩岩炸起上好脆 蟹味都好香🤤而法包內餡鬆軟 外層又唔會太硬好適合夾埋咖喱一齊食！包同咖喱比例亦啱啱好👍🏻食泰國菜我一定會嗌Pad Thai😋金邊粉炒得不錯 唔會太濕蝦有三隻 都幾大隻同幾鮮味👍🏻————————————————————————總結整體味道都不錯 價錢都幾合理👍🏻個人覺得係融合左香港煮法嘅泰菜 所以香料味唔會好重 值得一提係啲海鮮真係幾鮮味！要試下😋…查看更多