小曼谷泰國美食站

營業中

休息中

成日心思思想去泰國 又未去得旅行唯有食住泰菜止痕小曼谷就係我的首選環境舒適 坐得舒服 裝修方面亦有落足心機烤雞扒: 帶有香茅的香氣 時間烤得剛剛好 肉汁亦鎖在雞扒裡 十分鮮嫩泰式豬頸肉炒飯: 驟眼望去顏色未夠豐富 但食落口 米飯粒粒分明 而且味道亦夠 豬頸肉的份量亦多 絕對抵食泰式鐵板蠔餅: 超級好食 蠔仔份量勁多 炸得非常香口 食落去沒有油膩感泰式馬拉盞炒椰菜苗: 呢個係我每次必叫的菜式 佢亦冇令我失望 馬拉盞份量岩岩好 唔會過咸 椰菜苗食落去無渣 青檸沙冰: 味道酸酸甜甜 簡直是消去暑氣的一大良品

今日約咗朋友嚟銅鑼灣食飯，喺Tower 575 地庫有好多野食，呢間有個特色火車頭嘅泰國菜餐廳好吸晴，裝修風格以型格黑色配上黃色鎢絲燈膽為主調，座位舒適。餐牌款式多元化，有泰式串燒、海鮮BBQ 、咖喱、沙律、小食炸物等等。每位都會附送一碗泰式酸辣湯，酸酸辣辣好開胃。泰式串燒：牛舌（4片）泰式串燒牛舌味道與口感同日式牛舌截然不同，質感軟熟，食落有鹹香，有啲似鹹牛肉嘅感覺，加咗黑椒更惹味。珍寶帶子沙嗲串燒：帶子鮮味，爽口彈牙，可以有兩種食法，第一種配埋車厘茄同沙嗲醬一齊食幾惹味；第二種就咁食，原汁原味可以食到帶子嘅鮮味。豬肉碎生菜包🥬辣度可自由選擇，呢個係小辣版本，豬肉碎嘅份量都幾多，吵到好香帶少少辣好惹味，用清甜爽脆嘅生菜包住食減少油膩感又開胃。泰式馬拉盞炒椰菜苗落單時可自行調節口味，可以少咸及少油更健康👍🏻 椰菜苗炒得好翠綠，味道甘甜爽脆，以馬拉盞方式炒非常惹味，好有鑊氣。椰青波波 🥥 其實係椰青起咗肉，好白好滑好cute，椰汁清甜，清新解膩。整體而言，食物質素不錯，份量充足；地點方面，環境舒適；服務態度良好。

喺銅鑼灣Tower 535地庫，原來開左呢間泰國餐廳，唔上網睇都唔知！喺市區嚟講，價錢適中，坐位都尚算舒服，服務唔錯，值得一試。 🍴 泰式鮮蝦炒金邊粉 ($98) ⭐️⭐️⭐️⭐️💫 泰國餐廳必食！份量比得非常慷慨，麵有好多，用左蝦、豆腐、蛋同芽菜等等。如果鐘意可以加埋花生碎同青檸汁，味度更加香！ 🍴 香葉辣椒豬肉碎燴飯 (配荷包蛋) ($88) ⭐️⭐️⭐️⭐️ 我比較少食肉碎飯，估唔到原來係幾香口，辣辣地鹹鹹地好香，撈飯一流。荷包蛋成功做到流心效果，正。 🍴 風味燒豬頸肉 ($118) ⭐️⭐️⭐️⭐️💫 CP值好高，超大份，燒得唔會好乾，豬頸肉做到唔會韌，加埋特制泰式醬汁，好味！ 🍴 泰式馬拉盞炒椰菜苗 ($92) ⭐️⭐️⭐️⭐️ 份量唔係好多，但勝在鹹香鹹香幾惹味！ 🍴 泰式冰咖啡 ($33) + 泰式冰鎮奶茶 ($33) ⭐️⭐️⭐️⭐️ 算幾大杯，好地道嘅泰式咖啡同奶茶，比台式嘅較甜，唔錯！ .............................. 小曼谷泰國美食站 地址📍: 銅鑼灣謝斐道535號Tower 535地庫B02舖 總評分: 8.2/10 ............................

一到夏天完全就係食泰國嘢嘅季節～🤣🤣 一入去就發現有個火車頭既裝飾 入到去都見到好多火車既飾品 幾特別～1002 牛肉沙嗲串燒 $24牛肉幾易咬開 唔錯1004 雞腎沙嗲串燒 $24雞翼好爽脆1005 雞軟骨沙嗲串燒 $24雞軟骨水準普通，好似平時串燒店食個隻 有小小軟骨亦有小小肥膏1006 雞脾菇沙嗲串燒 $24雞脾菇好多汁亦好爽口。好味！2902 泰式馬拉盞炒椰菜苗 $92佢嘅馬拉盞汁落得比較多，所以食得辣嘅你會覺得好惹味唔食得辣嘅朋友可能要注意下。 3014 泰式豬手飯 $88豬手好淋，佢有配泰式辣汁，令到豬手食落無咁肥膩🥰。我都有用泰式辣汁點串燒都好夾。4005 榴槤沙冰 $50真係好大陣榴槤味 好香😌而且仲要有小小榴槤肉。4017 泰式龍眼冰 $33有啲冬瓜茶既味道，都幾好味 有好多龍眼肉！

「小曼谷泰國美食站」以前大家都會去九龍城幫襯，現在剛剛在銅鑼灣開了分店，而且餐廳裝修設計以火車為主題，真係好似搭緊火車到站去泰國小曼谷享受泰國菜。來到必點串燒，美味推介豬肉沙爹串燒及牛肉沙爹串燒，燒的肉汁還保持，味道夠香口。再來一個必食的雞全翼沙嗲串燒，雞全翼size剛剛好，不會太大又不會太細隻，雞肉好入味。至於前菜就點了泰式鐵板蠔餅同泰式柚子蝦沙律，蠔餅份量十分大，不算太油膩，而且仲有大量芽菜墊底，芽菜的水份剛好保持蠔餅不會在鐵板上煎乾及 煎燶。柚子蝦沙律，有粒粒炒香的花生，以及甜香脆口的焦糖，配上清新抽子，三重口感，爽甜清香。泰式馬拉盞炒椰菜苗十分惹味，愈食愈滋味，一口就停不下來。還有一份牛油蒜蓉燒大蜆，即叫即蒸，入口滿口牛油蒜蓉香，大蜆鮮甜，佈滿炸乾的香魚仔，相信可口。最後食飽就嘆一杯泰式冰奶茶，茶味及奶味恰到好處， 值得食飽來嘆一杯。