小曼谷泰國美食 (教育路) (已結業)

呢日去左元朗朋友仔屋企聚會幾個朋友去搵餐廳食晚飯 我地揀左呢間人氣泰國餐廳食晚餐餐廳廚房部係泰國人主理 裝修碗碟以黃色為主/🔸 冬蔭公湯 （$138）（2-3人份量）冬蔭公湯份量十足 一煲可以分到大約6碗湯湯料有兩隻原隻大虎蝦 超足料 蝦肉肉質彈牙我哋揀咗少辣 湯嘅香茅味好出飲落有輕微酸辣度 好醒胃😋/🔸 泰式燒羊架（兩件）（$128）羊架入口好juicy又惹味 燒得焦香又脆邊的確有係泰國街頭食串燒既感覺/🔸 泰式鐵板蠔餅 （$128）嘩 用鐵板盛載 熱辣辣炸炸聲咁送上枱 蠔餅超大碟 又勁香 夾有粒粒蠔仔餅底炸到勁酥脆 一夾落去係咯咯聲架蛋味很香濃 入面有蔥花及紅椒粒沾上泰式甜辣醬食 更惹味啊🤤/🔸 風味燒豬頸肉（$118）豬頸肉份量好多 有十塊大塊厚切片 燒得剛剛熟透 唔會太韌或太乾沾上醬汁酸酸甜甜的 食落有點香蒜味 /🔸 小曼谷炒米粉（$108）配料有蝦 雞蛋 菜等 炒米粉好大碟食落有濃濃咖喱香味 米粉炒得乾身又有鑊氣 /🍸 菠蘿沙冰（$42）🍸 芒果沙冰（$42）兩杯飲品都有新鮮水果味 唔會太甜 好味…查看更多

呢間位於元朗大馬路附近的泰國菜，以平民價泰國菜為招徠，裝修陳設都比較地道親民。🐮極上燒安格斯西冷牛小排配白飯雖然賣相平平無奇，不過入口有驚喜😆，安格斯西冷牛小排加咗黑椒燒香好惹味，越咬越有牛香味，除咗頭尾根位有少少難咬，其餘部份肉質嫩滑。🥗泰式酸辣鳳爪（細）午市套餐加$30，無骨鳳爪爽口入味，配埋洋蔥絲同木瓜絲清爽解暑，酸酸辣辣十分開胃。🌶冬陰功湯 （細）細份本身for 1至2人, 不過份量好大碗🤩，四個人分嚟食都綽綽有餘，有大虎蝦兩隻🦐同大量香菇，虎蝦大大隻，爽口彈牙又鮮味；湯底十分正宗，酸酸辣辣嘅冬陰功湯底好開胃，辣得好惹味，會越食越辣，後勁強勁🌶🌶🌶🥬鐵板豬頸肉啫通菜（馬拉盞）上碟嘅時候出晒煙，通菜爽脆，以馬拉盞方式炒非常惹味，好有鑊氣；加咗爆炒豬頸肉更惹味，食多啖啖豬油香，好邪惡，送白飯一流😋🦪泰式鐵板蠔餅超級大份，4-6人share剛剛好，蠔仔份量好多，最少有10幾隻，每隻都大隻飽滿又鮮味，外面加咗麵粉同蛋炸到好酥脆，又係一邪惡之作😝整體來講，菜式地道，價錢合理，分量充足；服務親民，有濃厚人情味；唯一缺點係張枱太細，要食快啲先有位放😂…查看更多

冬蔭公湯（細） $99 連酒精爐上，熱辣辣好正。我覺得辣度剛剛好，都幾多料，有幾隻大蝦。泰式鐵板蠔餅 $116一上蠔餅，我心裡嘩左一聲，好大碟🤣裡面有滿滿的蠔仔🦪，食完好滿足。鐵板豬頸肉椰菜苗（馬拉盞）$94可以簡少油或少咸，跟番而家健康既潮流，我地簡少油。炒得好有鑊氣，配埋鐵板上，保持熱度，正。泰式酸辣鳳爪 $79鳳爪爽口，酸酸地辣辣地，好食😋。汁再多d既話，會更正。仲叫左椰青飲，食完辣野，飲啖椰青，即刻冰涼番😁整體佢d餸上碟都仲keep住熱辣辣，而且泰菜水準唔錯🙂…查看更多

喺元朗發現呢間泰國嘢，接近下午茶時間依然好爆場，非常受歡迎，份量全部都係oversized，我食到超飽。𖦹 泰式咖喱法包軟殼蟹 $121咖喱creamy，椰奶味突出，唔辣，配上脆卜卜嘅軟殼蟹以及印度酥餅，滿足～𖦹 泰式鐵板蠔餅 $116 真係用鐵板上㗎，啖啖都食到蠔，很足料，點埋酸辣汁就更開胃了。𖦹 冬蔭公湯 $99 叫咗小辣所以湯嘅酸味比較突出，鹹咗少少，但充滿香茅同檸檬葉味，而且有兩隻大虎蝦同大量秀珍菇，唔錯。𖦹 椰青 $40 好耐無飲過椰青，清甜又解渴。𖦹 木瓜沙律 +$29 清爽嘅木瓜絲配上酸酸甜甜嘅醬汁，食泰國嘢必叫。…查看更多

📌 小曼谷泰國美食 (教育路)📍 元朗教育路50號兆明樓地下A號舖☎️ 27167800*☼*―――*☼*―――*☼*―――*☼*―――*☼*近排同元朗好有緣，上星期先去完踩單車，呢日同朋友入嚟元朗搵食，聽聞教育路好多嘢食，搵搵下就撞咗入黎食泰菜🇹🇭。入座後即刻奉上兩碗冬瓜湯，湯底都幾清甜，依家氣溫開始回升☀️☀️，正好俾我降吓火。Lunch set 都幾抵食，平平地五十幾蚊有個餐連飲品，晏少少三點食仲可以嗌下午餐，只係四十幾蚊添！💫泰皇咖哩軟殼蟹配白飯/薄餅/蒜蓉包（$1️⃣2️⃣1️⃣）食豪啲叫咗個星級午餐有蟹食😋軟殼蟹新鮮，炸到勁酥脆唔油，黃咖哩椰味好重好香，甜而不辣， 質地creamy 撈飯一流！💫泰式鮮蝦炒金邊粉（$5️⃣3️⃣）賣相好靚。金邊粉炒得乾身爽口夠火喉，食落味道酸甜，鮮蝦夠彈牙，一碟有3-4 隻，成碟分量都幾大好抵食。💫豬及雞串燒（午餐+$2️⃣9️⃣）$29蚊有兩串串燒，醃得入味，肉質實淨唔乾，點埋沙爹醬，又甜又有焦香！💫泰式鐵板蠔餅（$1️⃣1️⃣6️⃣）成個鐵板咁上，阿姐溫馨提示我地個鐵板好熱，上枱果陣出晒煙，蠔仔粒粒都好肥好飽滿，味道好鮮唔腥，食落勁香口。💫芒果糯米飯（$7️⃣6️⃣）呢間泰菜館所有嘢都係熱辣辣即上枱，連糯米飯上枱都係噴晒煙，非常打咭-able。另外椰汁好濃好厚咁淋上飯度，勁香椰味。整體好食指數：🌕🌕🌕🌕🌕🌕🌕🌕🌑🌑（8/10)*☼*―――*☼*―――*☼*―――*☼*―――*☼*…查看更多

平時好少去元朗，今日難得去開就決定去食呢區都出名嘅泰菜。叫左個椰青$39同椰皇沙冰$32欣賞佢嘅沙冰有得揀甜度同奶嘅份量，可以自己揀適合自己嘅口味。椰青大大個，清甜厚肉。沙冰就似椰汁西米露，冰好棉滑，飲落順吼。泰式馬拉盞炒通菜 $81同樣有得揀鹹同油度。菜都嫩同爽口，正常發揮。泰式鐵板蠔餅 $111鐵板上，賣相吸引，仲保持蠔餅溫度。 蠔餅炸得酥脆，蠔仔份量都多，蛋漿厚。黃咖哩雞肉 $90咖哩唔辣，椰汁味出，適合唔食辣嘅朋友。裡面有紅椒青椒洋蔥薯仔同雞肉。佢嘅薯仔同蔬菜索曬咖哩汁，正。椰汁雞湯 $82好大鍋，裡面有菇、雞肉同洋蔥。 湯係偏酸個隻，椰汁味比雞味濃。整體用餐氣氛良好，服務員有禮貌，又唔會話坐到好逼，都係一間唔錯嘅泰菜餐廳。…查看更多

食過總店，又食過銅鑼灣火車特式店😋每次想食泰國野就會諗起小曼谷😋好彩依家屋企附近開咗間分店😄$111 泰式鐵板蠔餅🦪好大份😍😍超多蠔仔🤤🤤食落唔會好油👍🏻$158 泰皇咖喱法包軟殼蟹🦀一上枱真係好驚訝😦法包好大個😱軟殼蟹份量都好多😋咖哩香濃易入口，唔會好辣🤤$80 鮮菠蘿海鮮炒飯🍍海裡面超多蝦🦐仲有超甜菠蘿🤤🤤🤤帶子、提子乾🤤$17 雞腎沙嗲串燒🐣雞腎燒得夠乾身，但咬落又唔會柴😋依然爽口$30 牛舌👅有四塊之多😋夠哂厚切👍🏻好有牛香😚總括而言，依舊咁抵食😋仲發現元朗分店個價比起其他分店平😍大家識揀啦！…查看更多

相信小曼谷大家都唔會陌生，今次就嚟到元朗分店一試究竟，就算落大雨，都要嚟食。餐牌嘢食種類唔少，用QR code落單。風味燒豬頸肉 $95 呢個份量作為頭盤，真係超額完成。配上一個酸汁食，非常開胃。如果豬頸肉可以再脆啲就好啦。泰式鐵板蠔餅 $111 名副其實嘅鐵板上，就算無「渣渣」聲，但蠔餅好足料，啲蠔都好大隻，而且唔似其他街邊嘅蠔餅咁油，所以大家唔洗驚，再配上酸辣汁，一流。冬蔭雞湯 $82 好大煲，真係物有所值，細食嘅朋友仔可能飲完湯都飽。我哋落單嗰陣揀咗小辣，而我哋本身又食得辣，相對上就覺得辣度唔夠喉，至於酸味就比較突出，雞件份量就適中，煮到好入味。泰式原味烤酥餅 $32 烤得比較燶少少，可惜無嗌咖喱，如果唔係 嘅話，配咖喱食就啱哂。…查看更多

👲🏼小曼谷算係老子號喇，但元朗分店依舊好味，係香港要搵到價錢、味道、地道三個元素都夠哂happy嘅泰菜唔多，而小曼谷真係一直都balance到🌟每次都大口吃，又會捧住肚出番去，水準不變先留到客人！😋🔸泰式生蝦刺身🦐（$108）💎可以選擇辣味程度嘅泰式生蝦真係少之有少😆😆好開心！！選左小辣，有六隻大大嘅生蝦刺身，再蘸埋酸酸地嘅泰式醬汁，個樣係食到咁➡️(⁎⁍̴̛ᴗ⁍̴̛⁎)蝦厚肉、夠冰凍又爽口👍🏼👍🏼👍🏼主要係蝦夠新鮮所以就好彈牙，完全合格以上，肚仔未滿😋😋出色嘅頭盤✔️🔸青咖喱海鮮（$90）💎超惹味唔係講笑，叫左小辣😍😍選左青咖喱真係無選錯，椰香味好出之餘咖喱香甜而清新👅直頭飲左啖😂。如果你係食得辣嘅話可以再叫辣啲又得👍🏼唔好睇佢細煲野，海鮮都非常足料，有齊哂彈牙嘅蝦、帶子、爽魷魚、青口，仲有d豆呀泰式茄子仔，全部都好入味，真係好中意呢個汁💛配飯應該係一流！！用鐵鍋承載令熱力都會last long一點，咁就唔驚咖喱好快凍。🔸泰式蒜蓉包（4塊）（$32）💎承上題，配左呢個驚天地嘅蒜蓉包，先襯得起我中意嘅青咖喱㗎嘛😆鮮有食到脆、香、濃嘅蒜蓉包！！主要因為蒜蓉包有啲炸新鮮蒜粒又有少少炸蔥，真材實料令到蒜味好出位，香脆多士浸落熱嘅青咖喱煲，好難唔令人上癮😍，呢個包好值得叫👍🏼👍🏼唔呃你，呢個亦係佢哋嘅推介之選。🔸凍椰青（$39）💎唔洗諗，食泰菜一定要整番個大椰青😎凍椰青配惹味泰菜一流，最主要椰青非常清甜又無麥酸味，亦無椰皇咁熱氣，爽。🔸牛舌4片（$30）呢到嘅串燒都係10幾蚊起，最中意叫到成檯野🥰厚燒牛舌即叫即燒，外皮燒到有少少脆，口感軟而不至太淋身，配埋泰式沙嗲醬很ok!🔸泰式鐵板蠔餅（$111）震撼上檯，勁大份😂😂呢個鐵板蠔餅充滿住中size嘅蠔仔，不停出煙都幾架勢。必須要用佢嘅辣椒醬，香口而且應該係好好嘅送酒菜，而且泰式嘅做法人食落蠔餅冇咁油膩，就算食到最後飽飽地都食得落🤣…查看更多

一家四口來到小曼谷，食拆禮物日餐。1. 泰式蒜蓉包 : 又暖又脆，充滿蒜蓉香，好食。2. 泰式炸芝士蝦丸 : 我們點了大份，有五粒，蝦丸略嫌不夠彈牙，不過有流心芝士，都幾好食。3. 泰式鐵板蠔餅 : 以蠔混合炸漿，用楜椒粉調味，好好食。4. 泰皇咖喱法包軟殼蟹 : 法包內裝滿咖喱雜蔬，軟殼蟹放在碟的一旁，不會變淋，咖喱香口，不太辣，用來點法包一流。5. 燒安格斯西冷牛小排 : 全晚最失望的一碟，牛肉有點韌。6. 蜜糖燒菠蘿 : 一片厚身菠蘿，已經預先切好一粒粒，十分方便，菠蘿微酸，但多汁，吃了那麼多肉，再吃菠蘿感覺清新。7. 燒脆皮白膳 : 一碟兩串，每碟$103，我們叫了兩碟，每人一串，白膳肥美，但有少少骨。8. 泰式冰咖啡 : 弟弟點的，他說咖啡味偏淡，麻麻地。9. 兩罐可樂 : 每罐$16 。整體來說屬高質泰菜，不過地方淺窄，坐得不太舒服。…查看更多

以前去吃小曼谷泰國美食都要山長水遠去九龍城，現在方便多了，終於衝出九龍城，在元朗開設分店，超近我們家，如果想吃小曼谷的泰國菜，去元朗店就可以。著重吃菜的媽媽一定要最少點一碟泰式馬拉盞炒通菜，沒想到這惹味鮮香，爽脆無比的炒通菜竟然打動到不愛吃菜的弟弟，他一口接一口的吃著。我驚訝說簡直是奇蹟，他說這泰式馬拉盞炒通菜鹹香得宜，令他吃上癮。泰式鐵板蠔餅也是另一亮點，蠔餅用筷子敲會發出脆脆的聲響，太酥脆吧，而且亳不油膩。蠔仔更是每顆肥碩飽滿，當咀嚼時，蛋香與蠔鮮在唇齒間竄出，讓我們非常滿足。鮮菠蘿雞肉炒飯沒有加入太多調味，主要靠食香炒提味，味道恰到好處，雞肉滑嫩，用料扎實，飯粒粒粒分明且吸飽了鮮菠蘿的甜美，吃到炒飯的原味，弟弟則最愛把蓬鬆的肉鬆混在一起吃。蟹肉雞絲魚肚羹上桌一剎那，豐富的湯羹迎面而來，我們都大讚它名符其實，用料極大方，每一口都嚐到蟹肉，雞絲，魚肚，令全家食指大動其鮮甜，我們更是第一次不用拌醋調味已覺得好吃的湯羹。蟹肉，雞絲，魚肚燉煮交錯出來的滋味，回味無窮。火紅色澤的辣椒膏炒海鮮，我預備好我的胃了，哈哈。海鮮醬汁惹味香辣，足以讓味蕾開懷，胃口大增，媽媽就是喜歡它辣中帶甜的緩衝。海鮮種類甚多，魷魚，蜆肉，青口及大蝦，幾乎你所想的都有。海鮮爽口彈牙，醬汁賦予它們活力，於口中大活躍。我們當然沒有浪費一分一亳如此風味的醬汁，另外加配泰式原味烤酥餅。這烤酥餅太讚了，正當我把它撕開的時候，乾脆的聲音從烤酥餅傳出，其酥皮層數以百計，牛油味濃重，難怪這麼鬆脆，沾醬吃一絕。青芒絲伴筍殼魚吃起來香酥又帶點微微濕潤的口感，最重要是事前已把魚刺去除得七七八八才酥炸，免除我們啃骨的煩惱。筍殼魚裡頭的肉質鮮嫩香甜，伴上微酸微甜的青芒絲品嚐，別有一番滋味。吃泰國菜當然要喝冰涼的飲品，我很愛酸甜清爽的青檸菠蘿沙冰，舌尖輕嚐沙冰，細緻且入口即化，每一口都充滿著濃郁順口的青檸，菠蘿清香。媽媽那白雪無瑕的椰皇沙冰喝起來香濃可口，沙冰口感綿密極緻，甜絲絲的椰汁滋潤喉嚨之餘，也輕鬆地解除熾熱的辣味。弟弟與他的女朋友則選喝傳統的泰色飲品珍多冰。…查看更多