新泰東南亞餐廳

今晚同友人路經灣仔區，晚餐想揾個靜靜地既地方, 食番個舒服飯傾下計，就係地鐵站附近，見到間幾靚既秦國餐廳，見價錢吾貴，就入去試下!~香芒軟殼蟹米紙卷 ($88)一上枱，米紙卷賣相非常精緻吸引，而且份量不少，一口咬落去，味道感覺非常清新，脆脆既軟殼蟹，配埋清甜芒果肉，同埋自家製酸甜汁，食完覺得好開胃，做前菜係不二之選!!~泰式串燒豬肉/牛肉/雞肉 ($88)整份泰式串燒總共有6件，豬牛雞每樣各兩串，可以滿足曬三隻味都想試既我。串燒隻隻味都烤得非常香口惹味，配埋泰式花生醬汁一齊食，係必食之選!!~日本南瓜焗海鮮飯 ($108)南瓜焗海鮮飯一上枱香噴噴，熱辣辣，飯質焗得好creamy, 充滿南瓜味同帶點微微泰式香料味道。南瓜飯用料非常新鮮同豐富，有魷魚，大蝦，青口等海鮮，海鮮用料上盛，大蝦大大隻，而且爽口彈牙，配合埋焗飯一齊食，非常好味!!~泰式蝦炒金邊粉 ($98)金邊粉即叫即炒，上面有蛋網包住，賣相非常吸引，金邊粉份量好多，而且食得出有鑊氣，大蝦份量同樣好多，而且隻隻都又大，又彈牙，又爽口，配埋付上既青檸汁，甜味同酸味都襯托得恰到好處，絕對值得一試!!~呢間餐廳除左d野食水準高，價錢亦不貴，而且有泰國人既餐廳員工，感覺更加有秦國feel, 服務亦有質素，成晚都食得開心又舒服!!~…查看更多

今日一行六日， 來到灣仔搵搵食。 新泰東南亞餐廳位於盧押道， 這邊餐廳比較多，朋友選左這間泰式餐廳。 餐廳裝修都唔錯， 坐位都比較闊， 唔會好迫。 蒜茸越南牛油雞翼 （Fried chicken wings with Garlic and Butter) $68雞翼炸到外皮好脆，再配有牛油香和蒜香，香味一流。泰式炸蝦餅 (Deep Fried Prawn Cake) $78蝦餅大大舊，又熱辣辣，又夠彈牙！一定要沾個醬，個醬酸酸辣辣，好開胃，必食推薦泰式明爐魚 烏頭 (Steamed Fish on stove Tray w/Lemongrass) $188有2種魚可選擇，問職員邊個無咁多骨，佢答烏頭， 所以選左烏頭。 魚夠滑加埋泰式的汁同清湯，好香。蒜蓉炒貴苗 (Stir-fried Thai Baby Cabbage)$82新鮮的荳苗食落夠爽！泰式蝦炒金邊粉 (pad Thai, fried thin noodle with Shrimp) $98尼個金邊粉賣相已經好靚，d蝦又夠大隻同彈牙，入面仲好其他配一齊炒，好足料。泰式菠蘿炒飯 (fresh pineapple fried rice w/ chicken, cashew nuts and fine dried shredded pork) $108菠蘿炒飯一上台已經好香，除左有好多粒菠蘿仲有雞肉粒同果仁等等，飯炒到一粒粒，唔會一pat pat,好香口。泰式甜品大拼盤 （dessert platter) $148最後一定要叫甜品作總結， 咁多人，更係叫泰式拼盤，樣樣有d 岩哂各人口味…查看更多

同gym友係附近做完yoga， 就係附近搵食。 咁岩見到有間泰國🇹🇭菜老字號「新泰東南亞餐廳」嘅分店， 就入去補充返體力啦！😂 想一次過試晒所有小食，最好就叫拼盤（$198）啦！ 有蝦餅、魚餅、春卷、肉碎生菜包， 款式和份量都算多～ 炸蝦餅新鮮熱辣炸好，脆炸彈牙， 蘸上泰式辣醬，簡直無懈可擊嘅組合！😍 魚餅魚香味重， 春卷外皮炸得香脆可口，蔬菜餡有點dry， 如果多d肉碎會惹味d～🙊 生菜包相對地做得比較出色， 肉碎微辣惹味，加埋爽脆生菜，正！😋 串燒（$88）有雞、牛、豬， 全部肉質都唔會太乾身，嫩滑多汁， 蘸上秘製沙嗲醬，幾惹味！ 泰式蝦炒金邊粉（$98） 用蛋網包着整個金邊粉，賣相誘人～ 金邊粉炒得乾身， 質感帶點彈牙，甜中帶酸， 加上多種配料如香菜和鮮蝦等一起炒，口感豐富！😋 馬拉盞通菜（$72） 新鮮通菜口感爽脆， 馬拉盞夠晒惹味！ 最後，梗係要食返個泰式甜品啦！ 我地要左泰式甜品大拼盤（$148）， 可以一次過滿足晒所有人嘅願望～😂 比較出色嘅係芒果糯米飯， 暖笠笠嘅糯米飯上蓋滿椰漿， 白糯米軟糯，黑糯米有咬口，加上香甜芒果， 食落幾有層次感～ 千層糕望落層次分明，食落有淡淡椰香， 但口感則略為遜色， 太腍啦，無左個煙煙韌靭嘅口感。 其他嘅糕點味道和口感都有點古怪，唔係小編杯茶。🙊 可能散叫芒果糯米飯會更好～🙊😏 …查看更多

食泰國菜唔一定要去九龍城食既有日同朋友聚會，黎左依間位於灣仔既東南亞菜館，覺得質素真係唔錯首先，黎得食泰國嘢實叫番碟串燒依碟串燒有六串，包括雞、牛同埋豬，即燒熱辣辣唔再講，重點係佢碟沙嗲醬真係做得唔錯，好入味然後就叫咗碟泰式蝦炒金邊粉賣相相當唔錯，以蛋皮網包住，入面啲蝦又大大隻金邊粉即炒熱辣辣，醬汁亦好入味，淋上青檸檬汁令味道帶出層次感配埋花生粒一齊食令口感更豐富，整體黎講係好好食之後就食我最鐘意食既咖哩薄餅不過依度叫咖哩同薄餅係分開叫，但我都照要我地揀左馬沙文咖哩配羊肉依隻咖哩係餐牌上無辣椒logo ，但始終都係咖喱，所以都有微量嘅辣味，我覺得唔食得辣既人都食得入面有薯仔同埋羊肉粒，味道香濃雖然係羊肉但都唔會太有蘇味個咖哩配另外叫既印度薄餅一齊食，簡直一流個薄餅形狀同出面食開既有唔同，佢似係扇形，方便夾住啲餸，而個薄餅亦口感好好，必點食左咁多濃味嘢，當然要叫番碟菜，要知道泰式炒菜都好好食我哋就叫咗蒜蓉炒貴妃苗好惹味蒜蓉味唔會太重，保留返蔬菜應有嘅鮮味，而且份量夠多，都係好食既餐廳其實仲有好多其他菜式，真係有齊晒各種東南亞菜款，好值得一試…查看更多

這間餐廳位於盧押道，離灣仔地鐵站不遠，一共有兩層。餐廳的環境，服務質素及食物質量較同區相近類型的餐廳優勝。 餐廳內的食物已調整至適合香港人的口味。建議大家如果於一至五午膳時段前往，最好於12:30前到或訂位先，因為午膳時段經常客滿。 Near to Wan Chai MTR Station. Compared to other South-East Asian Restaurant in the same district, this restaurant is much better. If you go there at lunchtime Mondays to Friday, you may make a reservation or before 12:30pm. It is because there is full of people and waiting time is long. …查看更多

是日晚上一早約好左同 中同慶祝生日，指明要食泰菜，以前中同聚會食泰菜 我地都必定會去九龍城，今次我地決定試下其他區有名的泰菜餐館，呢間新泰距離灣仔地鐵站唔算遠，步行大約5分鍾左右，沿途會經過幾間酒吧。到達餐館地址後，入到去有兩層，當時門面無人，我地就直接上二樓了。由於我地一早book左枱，服務員帶我地去到一張已預留既枱，可能平日既關係，餐館當時並無太多的客人，環境不錯，有一間小獨立的空間，接待我地的人係真‧泰國人，我地四個當時都好肚餓，所以快手就點好食物了。首先送到的是三款不同口味的泰式特飲，我地分別點了芒果冰沙、菠蘿冰沙和椰青冰沙，芒果冰沙我和朋友們都一致認為不過不失；菠蘿冰沙還好，菠蘿味香，有果蓉，入口感覺非常fresh；最後椰青冰沙係本人極推介，雖然價錢並不算便宜($55)，但即使我個人本身不太喜歡椰青味，我都愛上呢個椰青冰沙，喜歡椰青的人必定要試，質感同味道似牛奶椰青沙冰，有雪糕的口感，非常特別！先來的是被列為沙拉的肉碎生菜包豬，個人認為呢個生菜包非常岩自己口味，我本身對辣麻麻地，平時食生菜包我都是一塊起兩塊止，但今次豬肉非常香口，香料的辣非常刺激，會令你想繼續食，非常特別。之後來的是炭燒豬頸肉，基本上每次食泰國菜，豬頸肉都是必點的，豬頸肉唔肥唔瘦，入口超香，超好味既係佢既醬料，唔算辣，但非常好味必食推介之一。之後仲有一個卷，香芒牛油果軟殼蟹卷，我本身非常喜歡食米卷，呢個卷材料係吸引，芒果、軟殼蟹，米紙薄其實唔錯，但整體味道一般，普普通通。是日我地覺得呢個係麻麻地，我地幾個本身對貴妃苗有期望，呢個貴妃苗清淡，如果喜歡清淡泰菜的人應該會喜歡呢個，但我地比較喜歡口味刺激小小，下次應該會叫返馬拉盞炒通菜，應該岩啲我地口味。最後就係我地個泰式蝦炒金邊粉，上面有一層薄薄既格仔蛋，蝦夠爽，味道酸酸甜甜，岩岩好，唔會太酸唔會太甜，值得一試，反而如果下次再黎我地想試金邊粉炒海鮮。食左5個餸我地覺得未夠喉，決定叫多個芒果糯米飯，呢個芒果糯米飯好好味，佢有齊黑白糯米，超香，芒果唔算好甜，好彩有糯米同個汁搭救，真係好好味，我地4個人share1個岩岩好。整體而言，呢間泰菜係真‧泰國人經營，泰菜味道算正宗，食物質素真係有泰國正宗味道，價錢唔算太貴，灣仔區呢個價格算可以。個人極推介肉碎生菜包豬同椰子沙冰，真係好好味！…查看更多

朋友生日想食泰菜，但要等齊飯腳開飯就要係港島，但對於九龍人黎講，港島泰菜真係無咩頭緒，於是就靠Openrice搵有咩餐廳，最後朋友揀左呢間當然我地都未食過專登揀灣仔呢間，因為怕人多要等位，果真唔洗等位！朋友未放工咁就先叫左小食同餐飲先椰青炸蝦餅椰青沙冰～要預15-20分鐘馬拉盞通菜～唔會好咸香茅味太重泰式炒金邊粉～一般般青咖喱豬肉～唔辣仲有淡淡椰香有咖喱點少得印度薄餅～好鬆化用來配咖喱一流整體黎講：份量適中、味道唔錯、環境清靜，值得分享…查看更多

提到泰國菜，一般人所想起的定必是九龍城的餐廳。但問到港島區出色的泰國菜餐廳，卻的確想不起有哪幾間。而為了打破這框架，這次覓食之旅我們就來到了openrice上排名極高的新泰東南亞餐廳的新店。 「新泰」的分店位於灣仔內街處的盧押道，附近有不少特色餐廳。然而，因為這間餐廳有著富麗堂皇的大門，於漆黑之中仍顯得十分突出。 餐廳的入口處有著不少別具風味的裝飾，除了一般的泰式擺設外，右手邊還有一個帶點科幻又富時代感的標誌，看得我十份入神。 餐廳位於二樓的位置，上去之前須先爬一層樓梯。而樓梯下面有頗大的空間，原來那裡有一張多人的長桌！雖然這張長桌位於地下的樓層，但中間的木牆把空間適當地與門口隔開，空間相對地顯得更加獨立。 餐廳內部的裝潢以木和竹藤為主要的元素，而牆身依然有不少雕塑裝飾，整體感覺很高貴典雅。而且因為餐廳分店剛開業，傢俱裝潢等一副新簇簇的感覺特別乾淨！ 餐廳大部份的桌椅都是長形設計，但靠近水吧的位置亦放有一張大圓桌，適合人多熱鬧的食客。是次用餐的時候，餐廳的客人不多，而我們則有幸被安排坐在其中一個角落的卡位，很有私人空間。座椅是墊了軟墊的木製梳化椅，而且上面放有不同款式的咕臣，十分舒適！ 餐具一應俱全地擺放在桌上，而下面更墊有一張繡有精緻花紋的竹蓆，既可保持桌面潔淨，又可作裝飾之用。 餐牌封面以鮮明的白色和紫色設計，而且更有隱隱約約的暗花，配以厚實的外套，充滿低調的貴氣！ 【椰青】作為女友的至愛，椰青是近乎不可不點的選擇。餐廳的椰青十分清甜，而且裡面的椰肉很腍，十分方便以匙羹刮下來吃，整體感覺很新鮮！ 【椒鹽軟殼蟹】椒鹽軟殼蟹炸得剛剛好，外面包著一層薄薄的炸漿，十分香脆。椒鹽的味道不太濃烈，相比之下香蒜的味道更為突出，其咸香的味道與炸軟殼蟹十分匹配，極為惹味。 每件蟹肉都很大隻，有脆卜卜的外殼又有美味的蟹肉，而且還有洋蔥、辣椒、青椒等的材料可供享用，吃起上來又刺激又滋味！【冬蔭公(小)】冬蔭公呈深橙紅色，裡面有大量的香料調味，所以味道很香濃，但同時亦十分辣！煮湯的鮮蝦挺大隻，而蝦肉亦頗為彈牙，不錯！唯一美中不足的是蘑菇雖然新鮮爽口，但尚未完全吸收湯的味道，不太入味。 小冬蔭公的份量其實也不少，而且湯的味道和配料都算豐富，足夠我們兩個人飲用！【咖哩蝦】咖哩蝦所選用的咖哩是椰汁黃咖哩，所以味道偏甜而不辣，而且有很香很濃郁的椰香味。咖哩的質感比較creamy，很適合配搭其他配菜來吃。配料方面，主角鮮蝦的份量絕不兒戲，而且每隻都有一定的大小。蝦肉十分彈牙，但可惜未嚐到原有的鮮味！相反，青紅黃椒顯得更為新鮮，全部都十分爽口多汁，值得一讚！ 【蒜蓉包】咖哩的最佳拍檔非蒜蓉包莫屬，那當然少不了它的出現！餐廳的蒜蓉包比較厚身，但也是十分爽脆的。蒜蓉的份量剛剛好，能有香濃的蒜蓉味，但又不會太多而變得過份。【泰式蝦炒金邊粉】餐廳的炒金邊粉可算是我見過最美觀的其中一個！四周除了色彩繽紛的配料外，還有一朵鮮花作陪襯，而且廚師更在金邊粉上鋪了一塊薄薄的蛋膜，令整體生色不少。 炒金邊粉的配料未算太豐富，但當中的鮮蝦仍然很彈牙！金邊粉炒得乾身，但更重要的是炒得相當入味！甜度適中而帶有明顯的辣味，是泰國菜應有的刺激，味道十分出色！ 【芒果糯米飯】最後點的甜點也是女友的至愛之一－芒果糯米飯。芒果的味道很甜，一點都不會酸！而椰汁糯米飯則是暖暖的，更容易入口。糯米的質感十分煙韌，比平常所吃到的更有咬口，算是另一飽腹之選！ 雖然同樣是泰菜國餐廳，但新泰予人截然不同的感覺。整體環境優雅，而且空間十足，座位亦相當闊落，十分舒適。值得一提的，還有店員殷勤的服務，除了有禮之外，店員還於整頓晚餐其間貼心地為我們不停添加暖水。而最重要的食物質素，餐廳也做得十分出色，是水平之上的佳作！整體而言，是一間價錢合理而有質素的高級泰國菜餐廳！ …查看更多

一向都很喜歡吃泰國菜，從在灣仔工作的朋友口中得知一間在灣仔的有名泰國菜開了一間分店，當然很有興趣去嘗一嘗。.餐廳的門口悉心的佈置過。.而短短的一條樓梯的位置亦用心裝潢，讓人感到很有feel的去吃飯~.餐廳挺大，分了不同的區域，有二人座位，看景的吧枱，圓枱，卡位等等。.桌上的餐具也擺放得很好，連牙簽盒也很別緻。.先來一個小食椒鹽軟殻蟹，香噴噴的送上來。軟殻蟹炸得又香又脆，而炸粉亦一點也不厚，蒜香味重，是喜歡蒜香的朋友不可以放過的小食！除了蒜粒，還有很多青椒、紅椒、黃椒及蔥粒，絕對可以送飯！.然後再點了咖哩蝦，是配以黃咖哩，因為加了一點椰奶，所以吃下去甜甜地，很開胃。蝦的份量也算是多，共有八隻，每隻都入哂味很彈牙，雖然咖哩把蝦的鮮甜味道蓋了，但對於泰國菜這種較濃味的菜式來說也是正常的，不過咖哩很好吃。看著這樣一大碗黃咖哩，當然要點蒜蓉包，蒜蓉包很大個，而且每個都烘得很脆，又有很香的蒜味，蘸著黃咖哩來吃簡直是一流，如果不是想要吃更多其他食物，我會點更多蒜蓉包來吃！.另一道主菜選了泰式蝦炒金邊粉，以蛋網包著送上，不但美觀，還可以把金邊粉的溫度留在蛋網裏，打開蛋網，還能看到蒸氣霧起。金邊粉是比較硬身有口感，味道酸酸甜甜，帶點微辣，而伴碟的辣粉都比較辣，所以要注意份量來伴著吃。金邊粉的蝦亦同樣彈牙，而且還有魚蛋、芽菜、蛋等其他配料，整體不錯唷。.吃到一半覺得口渴，點了一個椰青，椰青絕對與泰國菜是perfect match。這個椰青十分新鮮好吃，椰青水清甜可口，輕輕用匙一"不"已經食到椰青肉，大愛！必點必喝！很正的一個椰青！.最後當然少不了甜品，但很可惜的，因為南瓜布甸是每日限做，一日只有四個，當天的南瓜布甸已全部售罄，沒機會品嚐。 雖然沒有那個特別的甜品，但還有仍有芒果糯米飯，而因為豆丁只偏愛黑糯米，所以問一問職員可不可以轉為全黑糯米，幸好的職員幫我這樣轉！黑糯米飯煙煙韌韌，連同椰漿都是暖上，而椰漿調較得宜，稀濃度及甜味剛剛好。芒果同樣值得一讚，在芒果不當做的季節卻可以吃到十分甜的芒果，猜想餐廳在材料準備也花了不少功夫。雖然吃到期待已久的南瓜布丁，但卻因而品嚐到一個很有質素的芒果糯米飯，很驚喜！.以往想吃泰國菜都會走到九龍城去吃，但原來近近地在港島也有高質素的泰國菜，而且環境很好坐得很舒服，下次心月來潮突然想要吃泰國菜就不用走到那麼遠！…查看更多