阿來泰式地道風味

喺旺角鬧市都搵到間價錢親民嘅泰國菜餐廳,環境光猛,裝修簡潔,座位唔算好逼。📌泰皇咖喱火山軟殼蟹法包賣相非常吸睛,真係好有火山爆發嘅視角效果,軟殼蟹炸得好鬆脆,咖哩汁偏甜帶椰香,法包鬆軟,吸滿咖哩汁後味道更濃郁,整體口感層次豐富。📌串燒沙爹半打雞肉同豬肉各三串,沙爹花生醬味濃郁,肉燒得啱啱好,外脆內嫩。📌泰式肉碎生菜包肉碎炒得香辣惹味,配生菜一齊食好清新,唔會太膩。📌椰汁三色冰椰汁甜度啱啱好,三色條口感煙韌,飲每一啖都好足料,好正～#旺角 #泰國菜 #旺角美食 #香港 #香港美食 #香港泰國菜 #泰國餐廳 #旺角美食 #香港必食餐廳 #平民泰國菜…查看更多

竟然喺旺角街頭都可以搵到咁親民嘅泰國菜⁉️馬拉盞炒通菜⭐️⭐️⭐️⭐️⭐️馬拉盞炒通菜炒得好香，佢嘅醬汁微辣得嚟🌶️，又帶啲咸香🤩，通菜炒得好爽口嫩身，送飯一流，啱晒鍾意重口味嘅朋友🥬。 泰式肉碎生菜包⭐️⭐️⭐️⭐️⭐️一上枱俾個份量嚇親，啲肉碎成坐山咁高🤣，3-4個人食就啱啱好✨。肉碎炒到唔太濕身，加埋好多泰式香料一齊炒，好惹味🌶️。包埋脆口嘅生菜一齊食，可以冇咁油膩🥬。 泰式香芒蟹肉炒飯⭐️⭐️⭐️⭐️菠蘿炒飯就食得多喇，但芒果炒飯就第一次食🥭。呢個炒飯個份量都好多，一個人食都未必食得晒🍚。芒果好甜💕，炒飯都炒到好乾身，粒粒分明，入面仲有一絲絲蟹肉🦀，好滿足🤩。 椰汁三色冰⭐️⭐️⭐️⭐️椰汁三色冰色彩繽紛，好有夏日feel☀️，椰汁好香濃，又唔太甜，配埋啲三色啫喱一齊飲，好有口感🥥。 凍咖啡⭐️⭐️⭐️⭐️芒果糯米飯⭐️⭐️⭐️⭐️⭐️呢度嘅芒果糯米飯啲飯竟然係熱辣辣嘅🤣，糯米飯蒸到好煙韌🍚，芒果好甜🥭，椰奶醬好濃郁🥥，配埋芒果一齊食，好滿足❤️！…查看更多

是日與朋友去旺角阿來泰式地道風味吃晚餐。我們點了泰式炒金邊粉，泰式香辣魚伴青芒沙律，蒜蓉包，串燒沙嗲，泰式炸蝦餅，泰式肉碎生菜包，西米糕，泰象啤，泰式奶茶，椰青。泰式炒金邊粉-金邊粉炒得乾身，而酸甜味道更加令人吃過不停。泰式香辣魚伴青芒沙律-青芒沙律有著酸辣味道刺激了我的味覺。而魚加上醬汁更加惹口。蒜蓉包-香脆包配起燒香了蒜蓉更加好味道。串燒沙嗲-燒到肉夠晒香，肉質都好而醬汁令肉更加吸引。泰式炸蝦餅-蝦餅口感同味道俱佳，再炸到蝦餅中冇多餘油份令口感有所提昇。泰式肉碎生菜包-用新鮮蔬菜包著肉碎吃唔會有一份油膩感。西米糕-面層椰汁咪香，底層西米同芋頭粒有口感又夠香口。泰象啤-吃泰國菜必飲之一泰象啤。味道夠清，唔會太濃味。泰式奶茶-茶底香，奶味濃，拉出來夠晒滑口。椰青-清甜甜地椰水，又夠清涼。連椰肉也刮埋出來吃。…查看更多

再訪喺旺角通菜街嘅呢間泰國菜，上次試過佢嘅lunch，覺得食物幾正宗😋，今次再帶momo嚟試埋dinner, 喺Menu上面見到有幾款二人餐，最後揀咗B餐，因為食物基本上啱晒我哋平時會叫嘅口味😚勁豐富之餘，價錢亦都親民🫶🏻二人餐B($388)🥗金柚子鮮蝦沙律原粒金柚子，咬落超Juicy🥰鮮蝦爽口，配咗花生、炸洋蔥同泰式酸汁等等，清新開胃🤤🐽燒豬頸肉個人覺得豬頸肉係必點，（聽到隔籬枱都專登帶朋友嚟再食佢嘅豬頸肉🤣)切嘅厚度剛好，燒到個邊少少脆，但肉質唔柴亦唔乾，兼且彈牙👍🏻🐔海南雞（例牌)份量2個人食好足夠，肉質唔鞋，點埋嗰酸汁更惹味，配油飯一流☺️🥬泰式肉碎生菜包肉碎超大碟超足料🤣肉碎粒入邊mix咗少少肥肉，所以個口感層次更加豐富，帶有微辣，用生菜包住好refreshing🫶🏻🍞蒜蓉包 (+$10)加$10轉左1個白飯做蒜蓉包🤤有4大塊脆卜卜蒜蓉包，可以配埋泰式肉碎一齊食🤩套餐仲跟咗餐飲兩杯，分別叫咗青檸梳打同埋泰式奶茶🥤青檸梳打夠爽😝，泰奶甜度剛好🥰👍🏻…查看更多

正！ 一直bookmark左呢間平民泰菜餐廳，今晚終於嚟左。晚飯時間都真係幾多人，等位等左大約10分鐘，好彩唔算等左好耐。最近學整生菜包，但試左幾次都覺得唔似，今晚除左因為平民價錢嚟朝聖之外，就一心諗住嚟試真d肉碎，睇吓究竟爭左d咩。想自己整生菜包，因為好怕食d勁酸、勁辣、或勁重香料果d，所以就想自己整，可以落少d調味，但整極都唔似。今晚迷題終於解開，bookmark呢度就係因為見過人家食評話呢度味道較清，果然，呢度嘅生菜包正正係我喜歡嘅味道，微酸、微辣，剛好可以開胃，刺激味蕾。原來呢度嘅肉碎唔只肉粒，仲有不少肥肉，可能就係因為咁提升左肉嘅香味；另外仲見到有唔少嘅乾葱，當用新鮮生菜包住肉碎一齊食，味道確係更豐富、更惹味。除左生菜包之外，我地仲嗌左冬陰功、蒜蓉包、芒果糯米飯、椰汁三色冰。要左個細嘅冬陰功，我地兩個唔大食嘅人都好夠分，湯味香濃，湯料又多，最重要係唔會大酸大辣，呢間泰菜館真係好啱我呢d怕酸怕辣，不過又鍾意食泰菜嘅人。蒜蓉包脆卜卜，就算我地唔係即時食，沾上冬陰功湯一齊食都依然又咬口，蒜味濃郁。最最最最好味係芒果糯米飯，上枱時見到出晒煙，以為因為有熱椰漿舖面嘅緣故，食落先知原來除左椰漿係熱嘅之外，連糯米飯都係熱騰騰嘅，配上甜度極高、微凍嘅芒果同食，冰火、香甜、軟糯，真係好食到想自己食晒一整份。難怪舖頭有人排隊等位，此店值得一再回顧。…查看更多

🇹🇭呢間真係超抵食泰國菜，平日都全場滿座，咁抵食當然就算得兩個人都可以叫到成枱都係。以前成日都去長沙灣店，係回憶嘅味道😋🐔阿來海南雞飯 $58呢個真係阿來必點招牌菜！雞好滑嫩，充滿雞油香。油飯充滿雞油香，香而不會油膩。重點係佢個泰式酸辣醬汁，點雞同撈飯都一樣惹味，次次都會成碟醬點晒。🥄泰式肉碎生菜包 $88肉碎調味偏辣但好惹味，好夠鑊氣，用生菜包住肉碎食，一塊接一塊放入口，超滿足🐓青咖喱雞 $78有豬牛雞海鮮揀，雞件無皮份量好多，仲有好多豆角。青咖喱調味香甜，滿滿椰香🥖蒜茸包$38食咖喱點可以唔配蒜茸包，蒜茸包size 不算大但有四件，啱晒開心share。不過如果蒜茸味再香d就仲好🥥椰青 $38椰青水清甜解渴，不過呢個椰子肉有d老要花多d氣力先刮到出黎🧋泰式奶茶泰菜味道夠濃，唔會過甜…查看更多

泰國菜一直都係香港人喜歡嘅菜式旺角都有唔少嘅泰國舖頭🇹🇭今日就食呢一間阿來泰式地道風味啦！🍤泰式炒金邊粉 $68一上枱 香氣撲鼻 味道調味合宜惹味😋😋金邊粉配料豐富😍 有大蝦 蛋絲 豆乾條 伴碟仲有花生碎 辣椒碎 青檸 自由加搭🤤 🐷泰式肉碎生菜包 $88係我必點嘅菜式😝😝 味道充滿泰式風味 酸酸辣辣 非常開胃🤤生菜包住肉碎食 口感層次豐富😍 🥬豬頸肉炒通菜 $78 蒜蓉味道濃郁 配搭豬頸肉 簡單又美味😋 🍚油飯 $18 食澤金黃 味道香口 🥥椰青 $38 味道清甜解渴🤤椰青內嘅椰肉果肉鮮甜嫩口 👍🏻👍🏻🥛椰汁三色冰 $25 三色冰內嘅啫喱口感煙靭QQ 🍽️🍴總結 🍽️🍴餐廳一共兩層 裝潢簡潔 通光明亮食物款式多元化😍😍價錢親民合理 😝 想食泰國嘢都可以食呢間👍🏻…查看更多

上星期喺泰國返嚟，已經對泰菜念念不忘，香港終於搵到啲出色嘅泰國菜，今次介紹呢間喺旺角勁方便。2️⃣二人餐 (B) $378 包咗好多嘢，唔使諗食咩：生蝦刺身🦐質感生鮮彈牙，點泰式青辣醬好惹味。泰式肉碎生菜包🥬呢個係重口咩惹味之選，肥豬肉比例比較多，微辣所以食唔到辣嘅朋友都食到，加咗生菜可以中和當中嘅鹹味，yummy。海南雞半隻🐓雞肉都算嫩滑，特別係雞翼部分。醬汁方面就一啲都唔辣，小朋友都可以食。燒豬頸肉🐷豬頸肉醬汁味道特別，加咗好多泰國香料，小辣又惹味，豬頸肉點醬汁增加味道層次。龍眼冰🍸入面都有好多龍眼肉。推薦指數：⭐️⭐️⭐️⭐️⭐️呢間係重口味之選，而呢個價錢嚟講算係抵食嘅，我哋都食唔晒要外賣拎走，呢個餐都夠3人食。如果掛住泰國嘢可以嚟呢度解一解泰國菜癮。-…查看更多

同朋友經過見到呢間泰菜小店好多人食決定入去試下，今次我哋叫咗個二人餐，價錢唔貴，只係$378，仲有三個唔同set俾你揀，一定有個心水，就算係普通碟頭飯都好貼地，絕對係一人食堂之選！今次我哋就揀咗個set B，有4個菜，包埋飯(仲可以自行選擇白飯/油飯)，另外仲包兩杯飲品，如果想轉椰青，只要加$22就有。Set B:泰式海南雞(例牌)($88)：雞肉全部去骨，啖啖肉嘅感覺真係好爽，重點係完全冇雪藏味，肉質鮮嫩，配埋色澤金黃嘅油飯同埋泰式酸辣醬真係惹味，而且例牌嘅份量都好多，單嗌呢個價錢都好抵食！燒豬頸肉($78)：個人都好中意食呢個燒豬頸肉，燒得啱啱好，又唔會切得好厚，配上自家調製嘅醬料酸酸辣辣，非常開胃！生蝦刺生($88)：生蝦刺生都係冇得輸，total有6隻，肉質新鮮爽彈，蝦味濃郁！泰式肉碎生菜包($88)：個人認為呢個份量啱啱好，肉碎微辣，肥豬肉都唔會好多，啖啖肉汁，非常惹味，配埋生菜一齊食更加唔會滯，食完生菜仲可以加埋白飯食就好似食緊泰式肉碎飯咁，一餸兩食，好出色！椰汁三色冰($25)：椰汁味香濃，配埋三色珍多粉條夠曬咬口！椰青($38)🥥：椰青都好大個，清甜解渴，最後仲可以食埋入面啲椰青肉，非常嫩口，做甜品一流！另外我哋仲加左個馬拉盞炒通菜($68)：通菜清爽翠綠，一啲都唔老，配上馬拉盞嘅醬汁，唔會好辣，滿滿嘅泰國風味！餐廳環境乾淨企理，上菜速度都好快，份量大份夾抵食，大推！…查看更多

今晚同朋友係旺角行街食飯，經過通菜街阿來，大家都想食泰菜，見餐牌上有好多選擇，一於試下😁泰式SUKI炒粉絲（雞）| $68平時點開金邊粉，今次試下炒粉絲，好彈牙，唔係碎濕濕，加埋雞肉一齊炒，有肉香味，酸酸甜甜泰式肉碎生菜包 | $88每次食泰菜一定叫生菜包，肉碎份量多，基本上用晒所有生菜都未食得晒啲肉碎，入面有好多肥豬肉同埋香料，所以食落特別香泰式小食拼盤 | $158小食拼盤有炸春卷、泰式炸魚餅、雞翼和炸蝦餅，春卷薄脆，炸蝦餅酥軟，炸魚餅彈牙，不過雞翼有點乾青檸疏打 | $25青爽，有氣，叫了少甜，所以冇咁甜，夏天好啱飲…查看更多

🍴泰式鮮蝦炒金邊粉 $63💁🏽‍♂️咁快上碟嘅👩🏻有啲失望，炒金邊粉話曬係招牌菜，但應該係炒完放咗係度一排，見咁快上碟就知係一早炒好咗。其實如果為效率早少少炒定啲多人叫嘅餸係可以理解，但面頭已經攤凍晒，啲粉仲一餅餅結實咗🫣 蝦肉就鮮甜，略嫌份量少咗啲🥹🍴泰式肉碎生菜包 $88💁🏽‍♂️冇帶tissue要係碗入邊食👩🏻肉碎香辣惹味🥰 同生菜清爽口感配搭好好食😋 不過肥肉比例太多，食到一半覺得好油膩🥹🍴泰式炸蝦餅 $78💁🏽‍♂️熱辣辣👩🏻蝦餅新鮮炸起，熱辣辣。表皮香口酥脆，入面蝦餅彈牙多汁，配搭泰式甜酸辣醬，好食😋👩🏻加咗個椰青，好清甜好好飲🫶🏻…查看更多

最近呢間喺旺角通菜街嘅泰國地道餐廳好受好平 大家都話好平好抵食😎嗰日lunch time就去左試😋.📌阿來海南雞飯 $56除左有午市套餐 呢到仲有全日套餐 價錢經濟實惠🤑油雞飯嘅油香味好夠 食落唔會食到成嘴油 好乾身好正🤤海南雞肉好嫩滑 配埋側邊個醬 酸酸甜甜帶少少辣 啱哂夏天食 好開胃☀️而且份量夠大 好抵食‼️.📌泰式奶茶 +$6平時泰國嘢飲都偏甜 但呢杯都唔會話好甜 茶底好香 奶嘅比例都恰到好處 唔錯🥛☕️.📌蒜蓉炒通菜 $68蒜香味好香🧄加上而家通菜當造 炒得又夠獲氣 好惹味🥰不過略嫌佢唔夠熱🙈.📌泰式肉碎生菜包 $88肉碎調味唔會話太重口味 有少少辣🌶肥瘦適中 加埋生菜一齊食好fresh🥬肉碎嘅份量超多 包哂啲生菜仲淨番大半碟肉碎🤩…查看更多

好耐之前同男朋友食過一次呢間餐廳，突然又掛住佢個蠔仔蛋，又要嚟幫襯吓喇😆餐廳裝修都偏向簡單，座位唔算好迫～首先當然要講吓個泰式鐵板蠔仔蛋 ($78)先～一嚟到已經咋咋聲又勁香，好吸引！佢啲蠔仔都算係粒粒都好飽滿，唔腥，而啲蛋都非常之香呀😚佢下面亦會有啲芽菜墊一墊啲油，食落口都唔會好油膩，好好食😆而另一樣就係泰菜必叫泰式肉碎生菜包 ($78)😋調味好惹味，雖然我哋走咗青，但係都有好香嘅泰式香料味，份量亦都唔少😚👍咖哩類別都叫咗一個😆泰皇咖哩炒大蜆 ($108)～我覺得呢個都幾有驚喜，個汁甜甜地，而啲蜆真係好大隻架，咬開仲會爆汁🤣覺得佢哋嘅海鮮都幾有保證👍而點咖哩食嘅蒜蓉包 ($25)都好脆，配埋啲咖哩真係好正😋飲品就叫咗一個椰青 ($35)～真係透心涼😆仲刮埋入面啲椰肉食添🤣整體嚟講，真係樣樣嘢都好好食，價錢亦都好親民～推介😁…查看更多

呢間阿來泰國菜，平時經過旺角間唔中都會幫襯下，皆因佢價錢親民食物又好食👍🏻今次星期日晚市來到，又係坐滿曬人，要稍等一下位，不過好快都入到😌🦀火山軟殼蟹法包 $148落單時已經被菜單上的圖片吸引，上到嚟都不負所望。法包同咖喱都超大份，面頭有兩大件炸軟殼蟹，份量十足，對得住呢個價👍🏻炸軟殼蟹脆卜卜，咖喱唔辣，有少少蛋香味👍🏻法包比想像中鬆軟，點少少咖喱汁Perfect，我同朋友兩個成個法包食曬😋🐷泰式肉碎生菜包 $78呢個我哋次次嚟呀來都會叫，食過九龍區泰國菜來講呢間肉碎生菜包都係above average👍🏻 肉碎份量大，酸味同香料調得啱啱好。🌱豬頸肉炒通菜 正常水準，豬頸肉同通菜一齊炒得有啲濕咗少少，豬頸肉應該係烤過嚟，但因為太濕已經霖左，可惜。整體來講雖然呢間環境迫咗少少，但以呢個價錢同食物質素來講，已經係超值，會繼續幫襯😌👍🏻…查看更多

📋二人餐C $378 ⁣1.🦐鮮蝦冬蔭公湯 （8/10）⁣辣度：🌶🌶⁣冬蔭公一開始飲落酸酸微辣🌶，但落到喉嚨啲辣味就開始湧出黎😳😳😳，我同兩個朋友都飲完哇左聲🤣但個味係好鮮好味的～⁣⁣2.🐔泰式海南雞（7.5/10）⁣食落雞肉幾嫩的，冇咩雞味，整體嘅味都係黎自個醬汁，中規中矩😗⁣⁣3.🥢泰式炸蝦餅 （8/10）⁣蝦餅炸得超酥脆，食落彈牙🤪。點埋個甜酸醬岩岩好🤞🏻⁣⁣4.🐷豬肉青咖喱（7/10）⁣辣度：半隻🌶⁣依個咖喱超級水～好似一碗湯咁。⁣食落偏甜帶好微咖喱味，唔係好辣💁🏻‍♀️⁣豬肉係幾好食的～⁣⁣5.🧄蒜茸炒通菜（7.5/10）⁣呢碟同其他比，係超清的一碟🤖。⁣食落唔會好鹹帶少少香，比較溫和。⁣食完辣野可以塞幾條入口解解辣🤣🤣🤣⁣⁣6.🍚🍚白飯x2 ⁣7.飲品2杯 ⁣🥥轉椰青+$20⁣—————⁣📋散叫的：⁣🌟泰式肉碎生菜包🥬 $78（9/10）⁣辣度：🌶🌶🌶⁣對佢又愛又恨🤣！佢個肉碎真係勁好勁好食💖炒得超級香，香料配味所有都做得恰到好處🤪。⁣但就真係對於唔係好食得辣嘅我黎講，真係幾辣🤧🤧⁣但都阻唔到我一啖一啖放入口😆😆⁣⁣🥭芒果糯米飯 $58 （7.5/10）⁣好typical 的芒糯，糯米飯係暖暖地同超多！芒果都甜的🤞🏻⁣⁣Remark:好啱一大班人嗌一堆野share食👯‍♀️同埋之前仲食過炒金邊粉，都好好味🥰⁣…查看更多