新泰東南亞餐廳

約左一班朋友6個人，想食下泰國菜所以就book 左新泰，第一次幫襯，估唔到食物都好有質素👍🏻位置亦都幾方便，係灣仔，岩曬係港島番工既朋友翡翠螺都幾新鮮，夏日炎炎啱曬食d 涼浸浸既野，加上我地一枱6個人，岩曬我地一人一隻😋生蝦比起螺更吸引，同樣都好新鮮，加埋少少檸檬汁、蒜頭、辣椒，都好惹味👍🏻😋巴東牛展都好好食，如果餸白飯一流，由於本身巴東醬會有辣椒係入面會有少少辣，但係加左椰奶中和翻同埋會超級香😚呢個金邊粉賣相一流，用煎蛋整咗一個網咁包住啲粉，金邊粉都係有啲辣，但係唔會太辣，炒嘅時間剛剛好，食落仲有韌性，唔會太淋或者太硬👍🏻最尾唔可以錯過嘅係烤雞釀黃飯，本身烤雞都好香口，都仲幾juicy，入面既黃薑飯亦都吸收左啲雞味，味道好濃郁，如果怕太濃味可以夾埋左邊酸酸甜甜既泰式沙律👍🏻…查看更多

W square既新泰係我去過既第三間新泰分店，裝潢一樣充滿泰式氣息，吊燈盡顯奢華，空間感更大。作為一間泰式餐廳，新泰嘅酒類選擇相當多，可惜之後要做gym，唯有忍下口。- 泰式蝦炒金邊粉賣相非常吸引，金邊粉上面舖上一層蛋網，食落完全唔油膩，炒得乾身，味道酸中帶甜。另外蝦幾大隻，食得出係新鮮蝦。- 砵酒羊架羊架有驚喜，醬汁似燒汁，羊肉大大件，味道唔氈之外肉質好鬼軟稔，肉汁仲好豐富。- 麵包焗咖哩軟殻蟹咖哩口感香滑，猶如滑蛋一樣，軟殼蟹幾多肉，炸得幾香脆之外唔算太膩，麵包索晒啲咖哩汁，即使已經唔脆但都好惹味。- 泰式生蝦生蝦肉質結實彈牙，少量蒜粒同辣椒更突出蝦肉的鮮味，酸辣既醬汁非常醒胃，作為第一道菜非常適合。- 飛天通菜通菜夠晒穫氣，味道濃香，真係食極唔厭。- 泰式奶茶因為煉奶嘅關係，自己預咗會幾甜，但估唔到咁多冰，飲幾啖就冇晒。新泰仍然係我最愛既泰式餐廳，沒有之一。…查看更多

自從公司搬離灣仔區後，就好少再踏足呢區覓食，今晚適逢約咗個朋友食飯，就去下久違嘅灣仔搵食啦！好耐無食泰國野啦，今次就係openrice search 到呢間無論係好評同埋評分都頗高嘅泰國餐廳門面裝修非常泰式，好似置身於泰國一樣！另外呢度啲位置都比較闊落，非常舒服，適合一班朋友聚餐生蝦非常新鮮，醬汁酸酸辣辣，好開胃😋另外，餐廳用冰袋而唔係直接用冰嚟冰鎮生蝦，唔會令到生蝦味道變淡👍🏻呢道馬拉盞炒通菜夠曬鑊氣，味道又唔會太濃或太鹹，可惜嘅係份量有啲少，3個人食唔夠分呀😭呢個燒牛扒有啲位置燒得比較熟，差不多全熟，有啲位置就比較生，大約三成左右，邊位就些少脆身。平時就係西餐廳食牛扒就食得多，今次係泰國餐廳食，配上泰式三味醬又係另一番風味☺️炒花甲嘅呢個醬貌似係黃咖喱/紅咖喱，醬汁較杰身，唔會太辣，有洋蔥、青椒等伴菜，再用鬆脆香口嘅酥餅蘸沾剩餘嘅醬汁，真係食到我地3個都lam lam脷呀😋平時係出面食串燒大多數都剩係得肉，今次呢道嗌嘅串燒係蔬果、肉類隔住咁串起，減低肉帶嚟嘅油膩感，另外，呢個醬汁略帶香矛味，好特別，而且唔辣，啱曬啲食唔到辣嘅朋友👍🏻甜品拼盤就啱晒我呢啲有選擇困難症嘅人啦😝我哋三個人，每款都分到一舊，分別有椰汁大菜糕、綠豆糕、斑蘭椰汁糕、椰汁西米糕同芒果糯米飯，我最鍾意食椰汁西米糕，西米又煙韌，粟米又爽口，一舊甜品就滿足曬兩個口感，不過如果加返一粒粟米喺面做點綴就perfect啦！☺️…查看更多

已經好耐冇食泰國菜啦今次去呢間真係幾正，好多菜式都好啱我口味，一定會再去多次！我地叫咗香芒牛油果軟殼蟹卷 $88，勁多食，好足料，芒果、牛油果、蟹肉、紅蘿蔔、肉鬆、蒜片，係甜同咸味之間取得平衡，鮮甜得黎又唔會似甜品，因為有啲蒜香味。第一碟上既就係泰式生蝦$98，有5隻，大大隻，非常推介，因為真係好新鮮，一路有冰鎮住，而且有保鮮紙隔住。點返個泰式生蝦汁，辣辣地，可以為鮮甜既蝦味加多點口感然後就係好期待既馬來西亞肉骨茶 $78、鹹魚炒芥蘭$72，同埋加咗一碗白飯$20，因為肉骨茶同菜都適合用白飯黎餸，先唔會太咸。依個馬來西亞肉骨茶同新加坡肉骨茶好唔同，雖然我比較中意新加坡果種，以前係新加坡食過一間好好食就返唔到轉頭，但係依個馬拉肉骨茶都好有佢既獨特之處同味道。依隻係以藥材為湯汁，加豬肉、冬菇一齊煲，岩哂中意藥材湯底既人餸白飯一流！我個人中意食肉骨茶湯飯。…查看更多

港島區有幾間正宗泰國菜？我腦海立即閃過這間，幾個月前食過，一直念念不忘，今晚和朋友約飯局，再次光臨泰國人主廚，食物水準保持得非常好，而且環境服務氣氛都是冇得輸的，很推薦給大家，無論一大班朋友，還是情侶浪漫，都值得來試一下泰式餐廳的佈置，地方闊落，燈光幾有情調先來試一下這個泰式生蝦刺身，泰菜最基本的一道菜，蝦夠新鮮，鮮甜，配以泰式醬汁，開胃。軟殼蟹米紙卷，薄薄的米紙包了軟殼蟹和配菜，一口咬落去，非常豐富的口感，清爽的配菜油炸的軟殼蟹混在一起，口感清爽泰式拼盤，四款小食都做得非常到位，炸蝦餅很彈牙肉碎生菜包味道非常正宗咖喱蝦，份量也算多，香濃的咖喱汁配以外脆內軟的鮮蝦，食完會想繼續食，停不了口印度薄餅也非常脆口，點咖喱汁食，一流侍應服務態度很好，不斷加水，有笑容，我們一行三人食了＄783 ,人均都只是＄262 ,朋友都說很抵食，下次聚會又多了一個選擇。…查看更多

半年前跟朋友到新泰聚餐，覺得水準好好，而且環境很舒適又多分店。今次就帶女朋友試試，她對於充滿泰國渡假風情的裝修表示滿意！泰式生蝦一如以往的新鮮，每隻蝦都很碩大。生蝦上面放了少些辣椒，配上酸辣的醬汁，作為開胃菜一流。拍下了密密食的女朋友，哈哈！生菜包可以選雞肉或者豬肉碎，女朋友揸主意選了豬肉。生菜新鮮爽脆，肉碎微辣可口，很好吃。肉碎份量很多，包完生菜還有剩。串燒一份有半打，雞牛豬每種兩串，可以跟女朋友 share。串燒燒得火喉不錯。燒鱔燒得很香，鱔肉仍然嫩滑，非常美味！順帶一提，上次食了燒牛扒亦是好有質素！想試有別於 pad thai 的粉麵，就點了越式蟹肉炒粉絲。蟹肉頗豐富，不會炒得油膩，不錯。甜品也比一般泰國餐廳選擇多的。…查看更多

最近發現有間樓上泰國菜"新泰"好似置身於泰國之中，一開開笠門就有位好親切嘅店員帶位，座位非常寬敞環境格調優雅， 因為枱同枱之間都有足夠嘅距離所以傾吓計開心笑吓都唔怕嘈到隔離除咗環境好之外，餐廳都好多泰菜選擇!食泰國嘢點可以唔叫生蝦呀～個泰式辣汁好特別唔似出面成日食到，呢間嘅辣汁蒜味濃香口多啲嘩~呢個拼盤真係好唔簡單所有海鮮都係珍寶size， 淨係嗰隻蝦都已經長過對筷子，仲有隻帶子成隻手掌咁大!可以講得上超份量~…查看更多

在潑水節剛過去, 懷念起兩年前在芭提雅玩潑水, 忽然想食d泰菜 , 但九龍城又有d遠, 行過灣仔想起之前和朋友來過這間商厦中的泰菜, 感覺不錯, 就上去開飯先.這裡的裝修充滿了泰國高級食店的風味,今日比較早所以店員安排了個靠窗的卡位给我, 看着電車食泰菜真有d crossover feel,先來兩杯飲料, 老婆叫了龍眼冰, ok 不太甜, 龍眼乾自然的清甜味.我就飲個特別嘢.....綠荳冰沙, 平時泰國嘢多數芒果冰沙, 這個綠荳非常驚喜, 好似用㷛到起哂沙的綠荳沙雪左再打成的, 非常清甜又充滿綠荳味, 正蒜香牛油雞亦:非常香口, 蒜味和牛油味沒有衝突, 香氣double up , 而且外脆内滑沒有過火,生蝦:記得上次好似沒有的, 太太的最愛, 用常靚料, 生蝦肉厚爽甜, 用料新鮮, 加上泰式魚露辣汁, 唔洗講嘢.炭燒豬脛肉: 恰到好處的烤功就唔講, 外焦香内爽滑, 最最出色係個汁, 咸酸甜香, 剛剛好, 非常開胃, 令我不断的沾完又沾, 如果有白飯相信可以"送"兩碗,濕炒海鮮河: 海鮮用料新鮮, 河粉用上非常粗身的, 正宗, (好多都用幼的, )個汁亦用上泰式豆醬 , 惹味咸香, good ,飯後甜品點少得芒果糯米飯, 為左迎合香港人口味, 椰汁減左甜, 比較自然椰奶的味, 暖暖的, 用上兩種糯米, 食落有兩種口感而且芒果亦夠甜, 為這晚餐劃下完美句點.…查看更多

收工過後同友人想搵d酸酸辣辣既泰國菜食，但又唔想入到九龍城咁遠，所以就去左唔太就腳(位旅銅鑼灣同灣仔中間嘛)既新泰食喇! 好彩時間尚早，店鋪都比較多位，一去到就有得入座喇! 事不宜遲，先講講點左既食物先! 首先既係泰式生蝦。一向鍾意食生食既我當然唔可以錯過泰式生蝦，生蝦都係基本泰國餐廳必有既菜式吧！一碟有五隻，每隻生蝦都好肥美，蝦肉好厚身，完全有juicy既感覺! 中間既醬汁酸酸辣辣，入口後要等一陣先感受果陣辣味，十分過癮！小妹絕對推薦! 跟住就係南瓜咖喱焗海鮮。咖喱汁好“杰”身，絕對唔係加咗好多水溝出黎。海鮮方面就有青口，尤魚，蝦等等。比較奇怪既係有炸魚柳? 感覺有點似粟米斑塊不過轉左做咖喱汁! 但個咖喱汁絕對係勝出。最後就係甜品，斑蘭糯米布甸。我一向都鍾意食斑蘭蛋糕，所以就試試個布甸。上面黃色既係斑蘭布甸，下面係有點椰汁味既糯米。布甸較甜，配上下面淡味既糯米都可以。不過略嫌糯米太大舊，建議把布甸切一半成條狀，再搭上少少糯米一口一口咁食吧，話晒布甸應該先係主角，而且賣相應該可以更好吧總結，泰式菜的確不錯，每款都達到基本要求之餘甚至做得更出色值得一食!…查看更多

好多時候食泰國菜第一時間都會諗去九龍城,因為好多都係泰國人開,所以夠正宗.....想唔到原來灣仔也有一間不論環境同食物都一樣咁有泰國風味既餐廳.呢個椰殼樹燈係泰國都見唔少 叫左杯番石榴沙冰,印象中無係其他地方見過有,即刻好想試,番石榴味唔太濃,飲完一啖帶有清新既感覺,值行推介 天氣咁熱,當然要食返的醒胃菜啦~泰國青芒果沙律,個汁甜甜酸酸,味道適中,不會有過酸的感覺~芒果夠熟所以唔係硬生生的,仲有紅洋蔥及香脆腰果,少辣......  泰式生蝦,去食泰國野必食,嘩~蝦身肥大肉厚,好少食到咁肥美 ,夾住生蒜片同辣椒再點埋個生蝦汁,簡直刺激過玩過山車~食完咁刺激既,又食返啲清清地,過一過冷河先,香芒軟殼蟹米紙巻~芒果好甜,軟殼蟹仲微熱同鬆脆,一點都不油膩,米紙包住一齊,不點酸甜汁反而更加好味,可能我覺得酸甜汁蓋過軟殼蟹的味道.最後食返過重口味既辣椒膏炒花蛤,份量亦不少同大隻,個汁唔算太辣,但會令人食唔停,非常惹味!!…查看更多

和朋友泰國癮又起，找到在灣仔一間坐得舒舒服服的泰國餐廳，地方很大環境清潔，員工大多數是泰國人，而且很nice!其實每次吃泰國菜，我都必定會點冬蔭功，我們三個人便點了一個小的冬蔭公（$78），冬天真的很愛喝熱騰騰的湯，酸度和辣度真的剛剛好，濃郁的香茅味，加上新鮮蝦和草菇，飲完湯食慾大增。而第二樣必點的泰國菜便是泰式生蝦（$98），真的非常非常新鮮，最喜愛蝦上的綠色辣醬，偏辣又帶點酸味，襯托鮮蝦最適合不過。主菜有泰式青咖哩雞（$75）和印度薄餅（$28），淡淡椰奶味的青咖哩真的很香滑，雞肉十分嫩，配上又熱又酥的薄餅，好味到不得了。而菜類點了個參峇炒羊角豆（$75），其實即是秋葵，最愛的菜，炒得很香，連朋友未吃過秋葵也大讚。絕對是圓滿的一餐！…查看更多

朋友生日飯訂了位， 平日訂了位多數都要等一陣，今日好好彩不用等位，仲安排sofa位置拼盤 （蝦餅，魚餅，春卷，生菜肉碎）全部都很好味，尤其是蝦餅，春卷， 炸得很香脆泰式生蝦喜歡泰式醬汁夠辣，生蝦新鮮BBQ燒豬骨十分大愛， 配香濃辣醬汁， 十分野味泰式炒辣蟹炒得好乾身， 蟹很新鮮，不太辣， 但嫌一隻蟹份量太少，唔夠喉芒果糯米飯跟圖不一樣， 份量十分少， 芒果不夠甜 食過幾次，每次都保持水準， 值得再光臨！…查看更多

約左中學同學小聚, 佢地選擇左食泰國野既呢間新泰東南亞餐廳 ...位置係灣仔近CWB既上海姥姥既上面...我地坐既位置係窗邊, 有布幕既booth入面, 好有泰國風情, 另外有好多cushion係sofa上面, 好舒服 ...我地叫左 豬肉碎生菜包, 泰式明爐魚, 麵包焗咖哩軟殼蟹, 馬拉盞炒通菜, 冬蔭公, 泰式生蝦, 泰國椰青, 龍眼冰, Singha Draught Beer, 白飯... Singha Draught Beer: 唔慣飲泰啤, 好苦 ... 龍眼冰: 有d似菜蜜, 幾甜, 有3粒龍眼 ...不過感覺唔太泰國... 泰國椰青: 幾大個, 無飲到... 泰式生蝦: 蝦好大隻, 厚肉, 彈牙...真係唔錯 ...而個汁係酸酸地, 可惜唔辣, 亦無蒜片跟 ... 馬拉盞炒通菜: 最鐘意食呢個, 個汁有d辣 ...馬拉盞有好濃蝦味, 仲算有幾多可見既大蝦米 ...好好食... 豬肉碎生菜包: 生菜大細相差太遠, 由1-2cm到8-10cm闊都有, 而特細生菜佔大多...都唔知點包 ...豬肉份量夠, 但比較瘦, 所以無咩咬口, 無咩汁, 咸咸地酸酸地但又係無辣味 ... 冬蔭公: 椰汁味特濃, 偏甜, 唔夠酸同唔辣 ...另外有草菇同5-6隻開半既蝦... 泰式明爐魚: 要左烏魚, 魚要浸耐d湯先有味...少少咸但就唔可以再滑d...無咩特別, but it's fine ... 麵包焗咖哩軟殼蟹:軟殼蟹唔夠熱 ...咖哩有青椒味, 算傑身, 有蛋花, 唔辣, 份量一般...個包唔好食, hard to chew and did not absorb euough curry . 白飯: 泰國好似係出口米既大國...但呢到d飯乾左d, 凍左d, 而且用碟上食得好唔方便...In average黎講呢間泰國野都差, 而且上菜都好快, 可以再去食...不過我會試其他咖哩同未必要條魚, 仲有就唔要龍眼冰要返3色冰個d...…查看更多

以往我好鍾意食長沙灣間泰城，個冬陰公河粉真係不得了，又濃又多料。可惜不幸摺左，自此就冇遇過質素好的泰國野。直至我遇上Sun Thai！！！><好開心，希望又返返黎啦。第一之試係在我家樓下，搬左去W Square 就冇試過lu。臨去韓國之前唔知點解好想食一次泰國野，咁就舉家去食了。搬左之後地方大好多又靚好多，連本menu都好有氣派呀!唔係講笑，我一直都覺得呢度個冬陰公好得！酸辣都適中，入面有大大隻蝦非常足料。隻蝦連湯一齊煮、居然都keep到蝦的鮮嫩，十分難得。於是當晚係唔夠飲，要叫多一碗。未搬之前，柚子魷魚沙律係on menu 的，亦係我每次必叫的item！但搬左之後得返柚子沙律，fine都照食。柚子非常新鮮唔會苦同太酸，份量亦好足，粒粒果肉咬落卜卜聲,very juicy and refreshing!但係始終好掛住有魷魚柚子沙律，因為真係整得好好，希望可以恢復返啦。牛油雞翼係一定一定要推薦俾你地，好好食。皮脆脆地上面啲配菜全部都好入味，尤其係個洋蔥，啲辛辣味都消失曬，正！牛油雞翼個味好濃好濃好濃但食左都冇覺得口渴，反而想一食再食。我三個人，一人2隻arm arm 好。生蝦咁跳生蝦咁跳><呢隻綠綠地既醬點生蝦又係幾鮮味bo! Sorry ar, 唔知隻醬用咩材料整添。蝦大大隻，去曬啲腸，肉與結實爽口。但係的都係鐘意日本甜蝦多啲，因為真係甜好多。所謂的青醬焗青口只不過係類似芝士加啲雜燈籠椒，味道唔吸引又唔突出，仲好似有少少浪費左個青口…但幸好青口唔老，勉強可用作送飯。 咖哩蟹唔係好夠辣，少許太甜。但蟹肉好多亦吸收曬啲醬，最重要係價錢相宜。青檸蒸石班個味好怪雞，我接受唔到><好似洗潔精。條魚亦都太大，唔夠滑。Overall來講有80分以上，但味道比搬前咸，請多多注意!…查看更多

嗜辣既我其實挺鐘意泰菜,今日來到位於灣仔的新泰東南亞餐廳~其實這間不是只有泰式菜, 還有其他星馬菜式~兩口子點了六樣菜式..XD泰式生蝦挺大隻蝦 , 蝦肉夠爽, 感覺新鮮~喜歡其蒜頭及辣椒分開放置 , 可隨自己喜歡而加上 , 又不怕在沾點醬汁時蒜頭及辣椒會掉進醬汁內~鮮味確不錯, 不過份量偏小, $98一碟只有5隻生蝦~幸好我早落單, 到晚上8時半聽到隔鄰桌點泰式生蝦已售罄~冰鎮翡翠螺同樣挺大隻!不止是殼大, 內裡的螺肉也大粒~很有螺味, 不帶雪藏味~配上特製醬汁, 醬汁偏帶青檸酸, 令味道更鮮~木瓜沙津確是很好的開胃菜~初時第一口不算辛辣, 之後越食越辣,辣得好過癮~鹽焗鱸魚以鹽焗方式煮調 , 魚皮被焗得夠乾 ,內裡魚肉滑滑的~廚師在魚肚位置特地放了蒜蔥辟鯹味, 味道挺鮮, 推介!泰式炒金邊粉利用蛋花將金邊粉裝飾得美美的, 挺有心思呢…外表吸引,味道都不錯~這碟份量挺足, 男生們可吃到飽…XD雖然已飽飽, 不過都要食甜品..XD芒果糯米飯 , 可說是我每次去食泰菜都必點XD一份已有齊黑糯米及白糯米,一款滿足晒兩種口感~…查看更多