泰嘟嘟

之前喺呢間餐廳食過午餐，覺得味道唔錯，所以今日我哋一行三人就嚟呢度試吓佢哋嘅晚餐，最驚喜係佢哋嘅火山排骨，應該係呢度嘅招牌，我見個個都叫，送上我哋枱面嘅時候仲係好多「火山煙」😂我哋叫咗以下菜式： ✨泰式生海蝦食泰國菜點海蝦刺身是常識吧。呢度嘅生蝦新鮮彈牙配咗兩個醬汁，一排就綠色醬汁，而另外一排就係橙色醬汁。蝦肉彈牙且無腥味，所以配咩汁都好食，但係唔食得辣嘅，就記得拎開啲辣椒，唔係就辣親自己。✨肉碎生菜包呢道菜以新鮮的生菜搭配香煎肉碎，口感清爽又不失濃郁。肉碎調味恰到好處，同平時啲肉碎唔同佢加咗青檸，所以感覺更加清新。✨火山排骨呢道菜以其霸氣的外觀吸引目光，排骨堆成「火山」形狀，而且佢放咗乾冰，真係好似火山咁行出嚟。除咗賣相之外，呢碟火山排骨都非常之惹味，湯汁的酸辣平衡得宜，配以香料如香茅、檸檬葉增添泰式風味。排骨軟嫩，肉質入味，帶有微微的辛辣，唔怪得台台都叫呢碟火山排骨啦。✨泰式明爐烏頭魚明爐烤製的烏頭魚，魚肉細嫩多汁，並帶有濃郁的魚香。配以泰式酸辣醬及檸檬，能有效去除油膩感並提升整體味道。入面嘅配菜：蘑菇同粉絲，都吸入魚肉同湯汁嘅鮮味，除咗食魚之外，記住食佢啲配菜啦。✨泰式鐵板蠔煎鐵板蠔煎以外酥內嫩的口感為主打，蠔的鮮味與雞蛋的香氣完美結合，配搭醬料更為呢度菜增添酸甜層次。✨椰汁冰同檸檬茶椰汁冰甜度適中非常解渴。而檸檬茶就正常發揮。呢間餐廳碟碟餸都各有特色，尤其最鍾意火山排骨，肉碎生菜包同泰式生海蝦。另外，餐廳環境同裝修都好特別，我哋真係坐喺嘟嘟車上面用餐。…查看更多

成日都聽好多人講呢間又抵食又好食，不過喺大角咀有啲偏一直都未嚟試，呢晚終於食到，由於我哋5個人所以等咗大半個鐘先有位，坐4人卡位，有少少逼。餐廳入面座位都係比較逼，而且晚飯時間滿座。套餐最抵食，我哋5個人食6人餐，$628，除番開每人都只係百幾蚊，可以揀8個菜式，除番開每個菜式都唔洗$100，超抵。差唔多平時必食嘅泰國嘢都有得揀，魚、蝦餅、生菜包、生蝦刺身、金邊粉、煲等等都有，而且每碟都份量夠，唔係細細碟。叫套餐仲可以$78加個冬蔭功湯，不過我哋冇加。1. 泰式肉碎生菜包肉碎睇落唔係好多咁，但絕對夠6人食，好多香料幾香，菜都好爽口。2. 招牌焗黃咖哩麵包軟殼蟹咖哩好香好好味，軟殼蟹仲有啲脆，麵包點咖哩汁食好正，不過咖哩汁唔夠多，唔夠點成個包。3. 泰式經典明爐烏頭估唔到都有咁大條，魚肉幾嫩滑，個汁酸酸地幾好食，入面仲有粉絲4. 炭燒豬頸肉好得意估唔到真係有個爐仔燒住，好香好好食，可惜少咗啲5. 泰式明爐花甲鍋下面幾多粉絲好食夠味，蜆都唔錯6. 月亮蝦餅月亮蝦餅同平時食開嘅蝦餅唔同，冇炸得咁勁，不過呢個都好脆，同埋入面嘅蝦肉都好香7. 鮮蝦炒金邊粉都好大碟，個味酸酸地幾好食，亦唔係太濕8. 泰式生海蝦有兩款汁，都係酸酸地，幾好味，蝦質感爽口唔錯，唔腥單點香蔥蒜蓉包6件一舊舊磚狀好大舊，都幾香蒜蓉味另外單點串燒一打都算幾大串，啲香料味好勁，幾惹味單點椰汁西米糕偏甜，質感類似大菜糕單點芒果椰汁糯米飯熱飯，飯好黏，芒果幾甜8個菜式每個只係大約$80，份量都唔迷你，夠食，而且味道好食，每人一百蚊，唔夠食再單點其他嘢，食到飽飽都係每人二百，好抵食。…查看更多

一開始係俾個餐廳設計吸引咗😆好似坐咗喺架篤篤上面食飯咁😂入到餐廳發現有四人餐可以嗌，可以嗌5樣餸😋非常吸引四人餐（$408）1️⃣炭燒豬頸肉最有誠意嘅一點係會成個爐熱住啲豬頸肉上🤣建議食嘅時候真係燒耐啲，因為會香好多同熱啲食就好味啲😬2️⃣泰式生海蝦海蝦都爽口而且辣椒加蒜頭係真係辣！唔食得辣嘅唔建議加晒蒜頭同辣椒🥵海蝦方面有兩隻汁浸住，就咁食都幾有味了～3️⃣招牌去骨豬手煲豬手真係好夠淋！配埋個泰式醬汁好惹味😋同埋好大煲，都幾抵食～4️⃣泰式小食拼盤最鍾意拼盤有月亮蝦餅🤩每人半舊可以試下味之餘又可以試埋其他春卷、串燒咁～正呀👍🏻5️⃣招牌焗黃咖喱麵包軟殼蟹呢個就無咩記憶點😬不過就係有麵包飽下肚咁～不過不失6️⃣芒果糯米飯最後嘅甜品就唔包括喺四人餐到～芒果🥭味道清甜，想食飯後甜品的話都唔錯㗎📍總結：-餐廳比較擠逼，好彩坐到喺tuk tuk 到就比較舒服，而環境佈置都幾有心思嘅-愈多人食就愈抵，可以試到更多菜式🤤…查看更多

平時食泰國菜通常都係去九龍城，貪佢成個小泰國咁夠晒集中，不過今日就去到大角咀尋找另一間富有特色嘅泰國餐廳，名叫泰嘟嘟。呢度店名叫泰嘟嘟，其實當你睇埋佢嘅英文名Thai Tuk Tuk之後，就知道原來佢其實係講緊我哋去泰國通街都見到嘅「篤篤」，所以店內嘅裝修都帶有好似泰國篤篤車咁嘅設計，玩味十足！食物方面其實都係一般泰國餐廳唔難食到嘅菜式，不過就加多咗點點心思，所以賣相就同一般嘅泰國菜有啲分別。女店員好友善又有禮貌，仲介紹咗幾款私心推介俾我哋，我哋就一於跟佢搵食！首先就係呢個泰式生海蝦刺身，佢嘅賣相真係攞滿分，每隻生蝦都獨立用shooter杯送上，分別用上紅色同綠色嘅泰式辣汁，成杯cocktail咁，食嘅時候可以將生蝦放進杯內滿滿嘅辣汁沐浴一番，因為係獨立嘅辣汁，所以再點汁都冇問題，絕對乾淨衛生。生蝦非常爽口彈牙，鮮味十足，真係會食上癮！小食拼盤有蝦餅、春卷、雞翼、串燒豬、雞各一串，我一向鍾情於蝦餅，所以都有啲要求，依度嘅蝦餅夠彈牙亦都大大件，另外串燒都唔錯，點埋沙嗲好好味，其餘嘅雞翼同春卷就不算好驚艷，但仍屬於正常水平。炭燒豬頸肉又係另一傑作，未試過食豬頸肉係用個小火爐㷫住咁上枱，可以keep住微暖溫度嘅豬頸肉特別可口，爽口嘅豬頸肉基本上唔使點醬汁都已經好好味。泰式蠔仔炒蛋嘅蠔仔其實都好大隻，而且份量亦好多，所以其實每一啖都可以食到一至兩隻蠔仔，真係抵食夾大件！另外呢個黃咖喱麵包軟殼蟹真係好受歡迎，我見現場好多枱食客都有點呢個，就知一定好食，而我覺得整份菜式入面最好食嘅其實係個麵包，因為佢真係外脆內軟，沾埋黃咖喱一齊食真係正到不得了，雖然食完超飽，但係我真係用麵包抹埋隻碟咁食！當然，其實主角軟殼蟹亦都好好味，上面亦有少量紅黃綠椒做配菜，可以平衡返油膩感。食泰國菜當然要配返支泰國啤酒，除咗香港人熟悉嘅泰象啤(右)之外，原來星霞啤酒(左)味道更加香，大家下次有機會一定要試試！估唔到原來喺大角咀都有一間咁高質嘅泰國菜，而且呢度環境夠晒舒服，配合埋平民大眾化嘅價錢，真係好值得再嚟幫襯！…查看更多

泰嘟嘟位於大角咀，交通方面要喺旺角站步行約十至十五分鐘到舖頭。餐廳門面唔大，最特別嘅係有一架仿嘟嘟嘅卡位，坐上去好似去咗泰國咁，啱晒打卡。餐廳有泰籍主廚打理，煮返泰國嘅原汁原味。😋月亮蝦餅 ($88) 蝦餅賣相吸引，好似一大粒星星咁。蝦餅有8大舊，上碟時熱辣辣，新鮮炸起，脆卜卜，唔係翻炸。蝦餅炸粉唔會過厚，入面有蝦同馬蹄，爽口。再配上酸甜醬，好快就食晒。🦐泰式生海蝦 ($88/6隻) 一上菜，“wow”😱，無諗過佢嘅賣相咁正，用試管咁樣上菜，一紅一綠相隔，同平時啲生蝦賣相好唔同。紅色汁係一般嘅酸甜汁，綠色汁係由羅拔葉磨成，再加上生蒜粒，好惹味。招牌焗黃咖喱麵包軟殼蟹 ($168) 餐廳掘空方包磚，上面淋上黃咖哩同炸脆咗嘅軟殼蟹，包磚入面沾上大量黃咖喱，十分濃郁。而且，方包磚外脆內軟，麪包唔會過硬又唔會浸到淋晒，啱啱好。另外，黃咖哩本身唔算太辣，有加上蛋花同香蒽，用嚟點麪包真係好match~ 小編最後食晒啲咖哩汁!😋去骨海南雞 ($98/半隻) 海南雞略為遜色，因為佢本身唔算濃味，要配上甜醬油，先可以突出雞味。不過佢去咗骨，啖啖肉。小編覺得呢間泰國餐廳好注重賣相，佢菜式嘅賣相比一般餐廳吸睛。而且，餸菜份量算多，唔會因為叫套餐而俾少啲客人，所以唔使擔心唔夠飽。小編會推介泰嘟嘟嘅咖喱，因為之前食過牛根腩咖喱，咖喱味道濃郁又唔會太辣，啱晒撈飯食。餐廳宜家做緊二人、四人、六人餐，分別可以叫三個、五個、八個餸，另外可以再以半價加飲品 (例如芒果沙冰)，好抵食。大家可以隨意mix and match!…查看更多