新記冰室 (已結業)

最推介：泰式甜酸汁雞扒飯 $52 雞扒煎到好香脆，加埋啲泰式甜酸汁，係會令到你胃口大開，係會想食到一滴不留！🤤同埋份量都幾多～👍🏻招牌豬頸肉煎蛋飯 $53 隻蛋係流心蛋，篤爆佢撈飯（飯本身會落咗甜鼓油），個飯底超正，不過豬頸肉就輸啲～比較乾身搞到食落有啲割喉😢常餐 $49 Errr正常水準～😙———————————————————————————價錢：🎖🎖🎖食物：🎖🎖🎖 *5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其旺角 #是但求其荃灣

雖然只係一個雞扒飯，但食得出佢嘅用心製作。食完仲會有一種下次要再黎幫襯嘅感覺。出面食炸雞配泰式甜酸醬就食得多，但係配雞扒仲要撈飯食就未試過。番左成日工，辛辛苦苦賺埋D錢想慳住黎洗，食個雞扒飯飽肚之餘，心寧上仲有一種安慰。

第一次黎，環境幾新正，六點幾黎竟然都冇乜人。有四人卡位亦有二人枱，每張枱都有隔板，對於我呢啲毒毒子放飯時間出嚟食嘢十分好。餐牌開心大發現，佢個下午茶去到七點，十分貼心，對於細食人士可以直接考慮食下午茶當晚餐。嗌左泰式甜酸汁雞扒飯 ($52) ，個汁都係嗰個汁，但塊雞扒唔錯，幾嫩口，煎得啱啱好，而且個份量都幾巨，男仔食都一定夠飽。正常凍奶茶一杯 (+$6)環境唔錯，而且佢特別有個推介小食係芝心牛肉餃等我下次黎試下先

今日又來到新記冰室食飯啦！雖然新記出名食芝士麵，但今日決定玩玩新意思，試吓食佢餐單入邊其他嘅飯泰式甜酸汁雞扒飯 $50平時都好鍾意食泰式甜酸汁，但撈飯又真係第一次，味道出奇地好食，未試過嘅一定要試吓，而新記冰室有唔吝嗇地俾你好多甜酸汁，正❗️❗️❗️依個雞扒有一貫地好食，皮脆肉厚，肉汁又多，肥死😨😨整體來講幾好食，雖然呢度最出名係芝士麵，但如果食到悶嘅話呢個泰式甜酸汁雞扒飯都可以一試❗️❗️❗️❗️❗️