新泰東南亞餐廳 (興旺閣)

營業中

休息中

收工同朋友一齊去食，本身我地約左6:45pm，點知早左半個鐘到，因為由地鐵站行過去比想像中快，唔使等即刻有得入。店員指示我地上1樓坐，環境好靚，依傢無得去旅行，黎呢度感覺下泰式風情都幾好，哈哈。【酥炸香茅草魚配青芒果沙律】$168本身有少少熱氣唔想叫，但好彩有試～真係原條魚起肉切條炸～啖啖肉～我就無食到有骨，但都自己小心啲啦～另外個沙律我都係食曬，雖然有少少辣，但配上酸酸甜甜嘅芒果好開胃～【蒜蓉炒貴妃苗】$75貴妃苗唔係度度都有得食～配上廚師嘅炸蒜真係好香口，一啖接一啖咁食！【泰式甜品小拼盤】$88落單既時候經理好貼心提我地小拼盤係無芒果糯米飯，但我地2個人驚食唔曬浪費就無叫大拼盤了~小拼盤有4款甜點：椰汁西米糕、千層糕等等，每人2件岩岩好~【珍多冰】$38呢個價錢嚟講，真係良心價！大大杯又有嘢咬吓，平時出面cafe普通果汁都收$6x杯～掋飲～我地果日因為平日既關係，所以坐左兩個鐘都無比人趕走，但星期五六日繁忙時段應該係限時坐1.5hrs的~大家留意番啦~

樓高三層，地方寬敞，裝潢極具泰國風情，環境不錯。..我們二人點了：《醃無骨鳳爪沙律》鳳爪有咬口，調味唔錯，清新中帶點酸辣，令人一口接一口。.《燒海鮮大拼盤》有五款燒物，一式兩件，分別是鮮菠蘿、鱔、蠔、大虎蝦、扇貝，每款都好大件，令人wow一聲😍 第一次試燒鱔，很可口。菠蘿已切粒，虎蝦都已開邊，好貼心👍🏻食一件海鮮，夾一口鮮甜的菠蘿，豐盛中一點light，剛剛好。虎蝦起半邊肉已經勁多。.《泰式甜品小拼盤》喜歡這兒的甜品是微熱上桌的，一口的大小剛好，而且總的來說都不會太甜。椰汁大菜糕分兩層，上層椰汁糕甜甜的，下層大菜糕則像啫哩；椰子班戟口感是煙韌的，帶點蛋香，頗特別；千層糕和西米糕也不錯，甜品胃表示滿足～千層糕好精緻。.飲品點了椰青。.P.s. 碟子很漂亮但忘了拍照😂.附數頁餐牌作參考。