浪谷 (AIRSIDE)

營業中

休息中

這個大型的室內滑浪點除了有得滑浪，傍邊的泰式餐廳絕對令人回味無窮！地方寬敞又坐得舒服。【泰式牛肉沙律】牛肉熟度恰到好處，嫩滑多汁，搭配青檸、香茅和薄荷葉的清新香氣，酸辣口感刺激味蕾，辣度爆登，一試難忘。 【青檸辣椒蒸盲鰽魚】魚肉鮮嫩，蒸製火候完美，愈加熱就愈惹味，青檸的酸和辣椒的辛辣融合在濃郁的泰式醬汁中，風味層次豐富，好滋味。【馬來蝦乾炸芥蘭】蝦乾香氣濃郁，與芥蘭的清脆口感形成對比，鹹香回味無窮。【泰式奶油蛋糕配椰子雪糕】外觀很像燒腩肉，吃下質地綿密，奶香濃郁，不過洋蔥碎有點格格不入，而搭配的椰子雪糕亦香甜清涼。【紅豆椰子奶昔】香甜濃郁，紅豆的甜與椰子的奶香完美結合，口感絲滑，是進化版的紅豆冰。【Durian Delight】榴槤濃郁芬芳，奶香柔和，對榴槤愛好者來說絕對是無法抗拒的享受。整體而言，這頓泰國菜色香味俱佳，每道菜都令人回味無窮，絕對值得再訪！

最近Airside新開咗個室內衝浪場，連住一間泰菜餐廳，即管一試。餐廳座位好近衝浪區，絕大部份位置都可以無遮擋睇晒人哋衝浪，頭幾分鐘好得意🤪，好快就覺得幾嘈下🤯，水聲大到唔係好聽到隔離位朋友講咩。食物方面，水準以上，有點驚喜。泰式牛肉沙律🥗（$158）份量不少，沙律菜新鮮，醬汁酸辣，牛肉約三成熟嘅粉嫩，入口軟綿綿、少少炭燒味。黃豆醬炒椰菜仔（$128）驚喜在唔係原個椰菜仔上（原個賣相可愛，但我啲牙唔係幾好，覺得少少硬）。佢係碎開一小嚿咁，混合蕃茄、類似蝦米仔嘅脆脆一齊炒，十分香口惹味。青檸辣椒蒸盲鰽魚（$258）條魚新鮮、夠大條厚肉，算對得住價錢。只係火略嫌太猛，好快就煮老了，有啲鞋。另外如果你食辣（ME譚x 2小辣），請大膽加辣🌶️🌶️🌶️，因為原味完全唔辣，調味偏酸。芒果🥭糯米飯（好似$78）唔知係唔係時令問題，芒果唔甜唔香、口感好淋，嚿飯同樣問題，好似一嚿痴笠笠嘅麵團咁，上面嘅椰汁都無味道，不建議叫依道甜品。整體環境舒服闊落，幾有東南亞渡假feel，但室內比較嘈，如果想靜靜哋傾下偈建議坐室外。服務不得不失，叫做合格。

浪谷，位於九龍城啟德協調道2號AIRSIDE 6樓L601號舖。 餐廳是一間滑浪餐廳，將衝浪的刺激帶到室內🥵， 環境新穎，但冷氣不足， 用餐全程都感覺很熱。 主打泰菜， 款式唔算多，晚餐 🍽️～ 泰式牛肉沙律$128、 菠蘿海鮮炒飯$118、 青檸辣椒蒸盲鰽魚$258、 印尼炸鴨腿$208、 泰式大蝦粉絲煲$168、 班蘭椰絲卷$88。 🔸泰式牛肉沙律 ～ 牛肉只有幾片，四個人的話每人只可以分到一口，沙律酸酸甜甜，幾開胃。  🔸菠蘿海鮮炒飯 ～ 味道好一般，賣相亦不算吸引。 🔸青檸辣椒蒸盲鰽魚 ～ 盲鰽魚肉質偏散， 湯底的味道唔夠香濃。 🔸印尼炸鴨腿 ～ 炸得有點乾身， 沒有肉汁的口感。 🔸泰式大蝦粉絲煲 ～ 有兩隻大蝦，但肉質不爽不鮮。 🔸班蘭椰絲卷 ～ 因為當日沒有芒果糯米飯，所以點了椰絲卷。班蘭椰絲卷是傳統的娘惹糕點， 裏面有滿滿的椰絲，味道偏甜。 個人感覺店內裝修環境幾好， 但食物質素有待改善。 🏷️溫馨提示～ 整個用餐體驗均屬個人分享意見， 只作參考😊。

室內裝修優雅 仲有真衝浪池🏄🌊户外位置高格調 員工對🐶好Nice🍗👅大力推介🌴泰式牛肉沙律🌴新加坡辣炒軟殼蟹(附炸饅頭👍🏻)🌴泰式大蝦粉絲煲🌟開胃沙律夠驚喜，份量好多，燒牛肉配雜錦沙律菜，加入辣香料汁，味道好特別，燒牛肉半熟充滿燒烤味，多款沙律菜混合，好好的Balance👍🏻幾期待嘅新加坡辣炒軟殼蟹，冇諗過份量有兩大隻炸軟殼蟹，辣醬偏辣但惹味，入邊有洋蔥、蛋等配料，不過最吸引小妹係炸饅頭，比平時紡間食到更香脆，沾辣醬汁食可以減辣之餘仲相當夾，大讚！！！食咗兩道菜已經好飽飽，最後泰式大蝦粉絲煲以迷理砂鍋上菜，煲仔細細好多粉絲，吸晒蝦嘅鮮味，底味仲充滿濃濃胡椒味，越辣越食上癮😋喺新大型商場入面有間高格調PET Friendly餐廳真係好surprise，而且價格唔算好貴，性價比好高，最緊要員工嘅態度真心友善，加分👍🏻👏🏻大力推介🐶友散完步去試下