小清邁 (柯士甸大廈)

今次嚟到小清邁搵食！ 屋企附近的餐廳食到悶悶哋今日特地由柯士甸買泰國菜返屋企食小清邁是一間外賣小店、門口站着2隻泰裝的木製娃娃之前經過幾次已經被櫥窗的泰式甜品吸引。雪櫃內的綠色飲品也非常令人注目。小店12點-9點都可以買套餐、價格十分抵。泰式炒金邊粉 （$58）泰菜必吃嘅金邊粉、份量放滿一整盒。味道酸甜適中、雞蛋、雞肉、豆腐份量多以外、花生碎也不少。比較可惜是配檸檬而非青檸、清新的感覺稍遜。椰香青咖喱雞飯 （$52）滿滿的雞肉和滿滿的咖喱汁！咖喱之中我最鍾意青咖喱、加上濃濃的椰汁微辣中帶甜、不會太刺激牛肉串燒　($54)牛肉有點乾、不過加上沙爹汁還不錯椰汁西米糕 （$24）椰汁西米這永遠討人歡心的甜品、喜歡它不是以葉包着、吃時比較方便龍眼水 （跟餐+$10）龍眼肉佔了半樽！！味道不會太甜、龍眼可以一解泰菜的熱氣為整餐劃上一個完美的句號…查看更多

小清邁 🇹🇭 尋日去左朋友屋企玩佢話屋企附近新開左一間泰國菜外賣好高質所以我就試左呢間小清邁性價比又真係幾高😳份量超多又足料 個味仲要好食添店面仲有好多泰式零食 任君選擇🍜 泰式炒金邊粉 $58超足料都好大盒炒到顏色均勻 又乾身 條條分明熱辣辣拎到番屋企都仲熱上面仲有一大堆花生碎撈埋黎食令個口感仲豐富好有泰國風味呀🐔 無骨海南雞飯 $48比一般食到既海南雞飯高質同大份雞既份量好多令我覺得性價比好高雞皮又薄又滑唔會有果啲肥膏雞肉嫩滑 配埋個惹味泰式酸辣醬真係不得了🤤Btw話無骨都有少少雞骨係到🍢 雞串燒(3串) $54都幾大串 肉質都幾嫩口每人一串可以過下泰式串燒癮配埋個泰式沙嗲醬真係一流呀🧋 泰式奶茶 $10唔同款式既飲品放曬係雪櫃見到無冰既泰茶都驚咗一下因為大家都知泰式奶茶出名好甜但係呢杯自家製泰茶飲落又唔會話好甜而且個茶味仲好出添😍…查看更多

阿媽偷懶冇煮飯，叫我放工買埋嘢食返屋企。我行咗去柯士甸路嗰邊睇吓，發現有間新開嘅泰式外賣店叫「小清邁」，門口仲有泰國神像👸，感覺幾正宗喎。收銀處女店員(老闆娘?)好有禮貌，又好客，佢係香港人，但廚房內好似真係有泰國人🇹🇭。我問佢有乜推介，佢好有耐性慢慢介紹，然後又盡量幫我揀盒深色啲同甜啲嘅芒果。餐廳定價相宜，特別係炒粉麵飯，每份平均五十幾蚊就有交易👍，而且份量好足。同時，佢嘅上菜速度亦好快，咁先至係做外賣㗎嘛。無骨海南雞飯($48)，海南雞飯有分正常版同迷你版，我驚後者太細，所以嗌返正常。🐔無論海南雞定油飯都處理得唔錯，雞肉肉質幾滑，雞皮爽彈唔肥膩；🍚油飯亦算係粒粒分明。雞嘅份量多，但飯都係一般，男仔可能爭少少先夠飽。搭配嘅泰式辣醬酸酸辣辣，好開胃🌶。泰式炒金邊粉($58)，炒金邊粉好大盒🥢，整體炒得夠清爽，帶少少鑊氣，無漿埋一餅或碎濕濕。調味方面，酸度恰到好處，並加咗唔少料一齊炒，例如豆腐乾、雞肉、芽菜同花生粒等。特色紅咖喱豬飯($52)，餐廳有幾款咖喱揀🥘，我直接問店家邊款最正，佢二話不說推介紅咖喱，咁就試吓啦。🍛紅咖喱相當惹味，辣辣哋但唔過火，撈飯食一流。豬肉片大大塊，唔係腩位，無乜肥膏；另外仲有大量蔬菜，非常掛汁。泰芒糯米飯($30/細)，店員介紹呢啲甜品係佢哋新鮮整好，所以未使放入雪櫃。🥭芒果糯米飯有兩個Size，細嘅啱啱好，唔怕滯，更吸引。糯米飯口感煙韌，本身已經好香椰味，再沾埋椰汁，雙重滋味🥥。而芒果亦都無太酸，好搭調。總括嚟講，小清邁呢間泰菜外賣店幾高質🇹🇭，味道不比九龍城嗰啲泰國舖遜色。佢款式多，多啲嚟幫襯都唔怕悶啊。我喺寫呢篇食評之前，已經嚟買過兩次午餐喇！…查看更多